Akanksha Chamola Opens Up on reality show: बिग बॉस 19 चे विनर गौरव खन्नाची (Gaurav Khanna) पत्नी आकांक्षा चमोला (Akanksha Chamola) सध्या लॉक अप (Lock Up Season 2) सीझन 2 मुळे चर्चेत आहे. आकांक्षा चमोलाने अलिकडेच या शोमध्ये आपल्या वैयक्तिक आयुष्यातील धक्कादायक खुलासे केले. ज्यामुळे प्रेक्षक तसेच चाहत्यांना मोठा धक्का बसला. आकांक्षाने स्वत: Bisexual असल्याचं सांगितलं. तसेच काही दिवसांपूर्वी 'लॉक अप 2'च्या प्रीमिअर एपिसोडमध्ये तिनं आपल्या घटस्फोटाचाही खुलासा केला होता. त्यामुळेही आकांक्षा चर्चेत आली होती.
आकांक्षा चमोलाने 'लॉक अप 2' मध्ये वैयक्तिक आयुष्यातील बरेच खुलासे केले... (Akanksha Chamola on lock up 2)
'लॉक अप 2'च्या नुकतंच रिलीज झालेल्या एपिसोडमध्ये आकांक्षाने आपल्या लैंगिकतेबद्दल खुलासा केला होता. तिनं लग्नाआधी महिलांसोबत संबंध होते, असं सांगितलं. 'लॉक अप 2'मध्ये आकांक्षा म्हणाली, 'मी लग्नाआधी बायसेक्शुअल होते. माझे काही मुलींसोबत रिलेशनशिप होते. इंटिमेट रिलेशनशिप नव्हते. बस.. मला मुली आवडतात', असं आकांक्षा म्हणाली. 'मी मुलींकडे जास्त आकर्षित होते. मला असं वाटतं मी त्यांच्यासोबत जास्त सेफ फिल करते. जेव्हा मी मोठी होत गेले, तेव्हा मला आई आणि बहिणीसोबत जास्त कम्फर्ट वाटायचं. पण हळूहळू लक्षात आलं की हा समाज पुरुषप्रधान आहे', असंही आकांक्षा म्हणाली.
पण आकांक्षासाठी सर्वेच स्त्रिया सुंदर आहेत. भले समाज तिला बायसेक्शुअल हे टॅग जरी देत असले तरी, तिच्यासाठी प्रेम हे पवित्र आहे. हे ऐकून रितेशने आकांक्षाने दाखवलेल्या धैर्याचे कौतुक केलं. रितेश देशमुख म्हणाला, 'आपण या समाजात राहतो. जिथे जजमेंट पास होतात. लोक तुम्हाला जज करतात. पण तू इथे या प्लॅटफॉर्मवर येऊन व्यक्त होत आहेस, त्यामुळे तुला अजून हिंमत मिळो, एवढंच मी बोलू शकतो', असं रितेश म्हणाला.
रितेशचं हे बोलणं ऐकून आकांक्षाला रडू कोसळलं. आकांक्षा ढसा ढसा रडू लागली. त्यानंतर को - कंटेस्टेंट तिला मिठी मारुन धीर दिला. आकांक्षाने केलेल्या खुलाशानंतर तिचे चाहते तिच्या समर्थनार्थ पुढे आले आहेत. तसेच तिला प्रोत्साहन दिले आहे. सोशल मीडियावर आकांक्षाच्या हिंमतीची दाद दिली. आकांक्षा प्रामाणिक आणि प्रेमळ असल्याचं फॅन्सनी म्हटलं आहे.
महत्त्वाच्या इतर बातम्या: