Raada Marathi movie : फुल्ल ऑफ अ‍ॅक्शन, कॉमेडी आणि सोबत रोमँटिक सीन्सचा भरणा असलेल्या 'राडा' (Raada) चित्रपटाच्या मोशन पोस्टरने सोशल मीडियावर चांगलीच हवा केलीय. प्रेक्षकांची उत्सुकता फार काळ न ताणता या चित्रपटाचा टीझर प्रेक्षकांच्या भेटीस आला आहे. थरारक दृश्ये, अ‍ॅक्शन सीन्स आणि लव्हस्टोरी असलेल्या या टीझरने चित्रपटाबाबतची उत्सुकता आणखीनच वाढवून ठेवली आहे. चित्रपटाचा टीझर पाहता साऊथ स्टाईलची कमतरता कुठेही भासत नाही. तर, कलाकारांच्याही यांत दमदार भूमिका असणार आहेत, हे टीझरमधून कळते आहे.


राम शेट्टी निर्मित 'राडा' या चित्रपटाचा अभिनेता ‘समा’ म्हणजेच अभिनेता आकाश शेट्टी तुप्तेवार 'राडा' (Raada) या चित्रपटातून सिनेविश्वात पदार्पण करत आहे. तर राम शेट्टी निर्मित, रमेश व्ही. पारसेवार आणि सुप्रिम गोल्ड प्रस्तुत, सूरज फिल्म अँड एंटरटेनमेंट बॅनरचा आणि सहनिर्माता वैशाली पेद्दावार व पॅड कॉर्प-पडगीलवार कॉर्पोरेशन यांच्या या चित्रपटात आकाश शेट्टीसह मिलिंद गुणाजी, संजय खापरे, गणेश यादव, अजय राठोड, गणेश आचार्य, निशिगंधा वाड, योगिता चव्हाण, सिया पाटील, हिना पांचाळ, शिल्पा ठाकरे या कलाकारांना पाहणे रंजक ठरणार आहे.


पाहा टीझर :



योगिता चव्हाण दिसणार मुख्य भूमिकेत


छोट्या पडद्यावरील 'जीव माझा गुंतला' या मालिकेत मुख्य भूमिका साकारून आपल्या उत्कृष्ट अभिनयाने प्रेक्षकांच्या मनात घर करणारी अभिनेत्री योगिता चव्हाण (Yogita Chavan) 'राडा' या चित्रपटात मुख्य भूमिका साकारून प्रेक्षकांच्या मनावर अधिराज्य गाजवायला सज्ज झाली आहे. राम शेट्टी निर्मित 'राडा' या चित्रपटात ‘अंतरा’ म्हणजेच अभिनेत्री योगिता मुख्य भूमिकेत दिसणार असून, तिचा रावडी आणि मितभाषी असे दोन्ही लूक या चित्रपटात पाहायला मिळणार आहेत. या चित्रपटात योगिताचा लव्हेबल अंदाजही प्रेक्षकांना विशेष भावणार आहे.


‘या’ दिवशी येणार प्रेक्षकांच्या भेटीला


दिग्दर्शक रितेश सोपानराव नरवाडे यांनी चित्रपटाचे दिग्दर्शन, संवाद आणि स्क्रीनप्ले अशा तीनही धुरा पेलवल्या आहेत. तर, चित्रपटाच्या संगीताची जबाबदारी दिनेश अर्जुना व एका गाण्याची धुरा मयुरेश केळकर यांनी सांभाळली असून गाण्याचे बोल, जाफर सागर लिखित असून त्यापैकी एक गाणे विष्णू थोरे यांनी लिहिले आहे. तर हा भव्य अ‍ॅक्शनपट के. प्रवीण याने त्याच्या कॅमेऱ्यात कैद केला आहे. टीझर पाहून प्रेक्षकांची चित्रपटातबाबतची  उत्सुकता आणखीनच ताणली गेली असेल यांत शंकाच नाही. येत्या 23 सप्टेंबरला 'राडा' हा चित्रपट संपूर्ण महाराष्ट्रात प्रदर्शित होणार आहे.


हेही वाचा :


Raada : मराठमोळ्या 'राडा'ला मिळालाय साऊथ स्टाईल टच, चित्रपटाच्या मोशन पोस्टरची सर्वत्र हवा!


Yogita Chavan : मल्हारची ‘अंतरा’ चित्रपटात झळकणार! ‘राडा’मध्ये दिसणार योगिता चव्हाणचा रावडी लूक