गणपती बाप्पा मोरया! अभिनेत्री राजेश्वरी खरातची खास पोस्ट, नेटकऱ्यांच्या कमेंट्सने लक्ष वेधलं
Actress Rajeshwari Kharat : गणपती बाप्पा मोरया! अभिनेत्री राजेश्वरी खरातची खास पोस्ट, नेटकऱ्यांच्या कमेंट्सने लक्ष वेधलं
Actress Rajeshwari Kharat : अभिनेत्री राजेश्वरी खरात (Actress Rajeshwari Kharat) सोशल मीडियावर सक्रिय असते. आपल्या चाहत्यांसाठी ती नेहमी काहीना काही शेअर करत असते. सध्या सगळीकडे गणेशोत्सव मोठ्या उत्साहात साजरा करण्यात येतोय. यातच राजेश्वरी खरातची (Actress Rajeshwari Kharat) इन्स्टाग्राम पोस्ट चर्चेचा विषय ठरली आहे. राजेश्वरी खरात (Actress Rajeshwari Kharat) हिने गणपती बाप्पासोबतचा फोटो सोशल मीडियावर शेअर केलाय. राजेश्वरी खरातच्या या पोस्टवर काही नेटकऱ्यांनी सकारात्मक प्रतिक्रिया दिल्या आहेत, तर काहींनी तिला पुन्हा ट्रोल केलं आहे.
View this post on Instagram
अभिनेत्री राजेश्वरी खरात हिने काही आठवड्यापूर्वी ख्रिश्चन धर्मातील 'बाप्तिस्मा' हा विधी पूर्ण केला होता. त्यानंतर नेटकऱ्यांनी तिचं धर्मावरुन प्रचंड ट्रोलिंग केलेलं पाहायला मिळालं. राजेश्वरी खरात हिने देखील ट्रोलिंग करणाऱ्यांना सडेतोड प्रत्युत्तर दिलं होतं. मात्र, अजूनही राजेश्वरी खरातचं धर्मावरुन करण्यात येणारं ट्रोलिंग थांबलेलं नाही. गणपत्ती बाप्पासोबत शेअर केलेल्या फोटोवरुन देखील तिला ट्रोलिंगचा सामना करावा लागतोय.
अभिनेत्री राजेश्वरी खरात सध्या तिच्या मखमली या गाण्यामुळे चर्चेत आहे. राजेश्वरी खरातचा कलवरी हा सिनेमा लवकरच प्रेक्षकांच्या भेटीला येणार आहे. त्यापूर्वी राजेश्वरीचं त्या सिनेमातील मखमली हे गाणं प्रेक्षकांच्या भेटीला आलंय. या गाण्याला प्रेक्षकांचा तुफान प्रतिसाद मिळतोय. राजेश्वरी खरात हिने या गाण्यामध्ये आत्तापर्यंतचे सर्वांत रोमँटिक सीन दिलेले पाहायला मिळाले आहेत.
'मखमली' या गाण्याचे बोल प्रदीप बी. टोंगे यांनी लिहिले असून, ओंकार स्वरूप यांनी हे गाणं गायलं आहे. या गाण्याचे दिग्दर्शन प्रदीप बी. टोंगे आणि मंगेश वैजिनाथ शेंडगे यांनी संयुक्तपणे केले आहे. गाण्याचा टीझर रिलीज होताच प्रेक्षकांनी सोशल मीडियावर उत्स्फूर्त प्रतिसाद दिला होता. या गाण्यात राजेश्वरीसोबत राहुल दराड यांचा खास डान्स देखील पाहायला मिळतो. ग्रामीण पार्श्वभूमी असलेल्या नदीकाठी या गाण्याचे शूटिंग करण्यात आले आहे.
इतर महत्त्वाच्या बातम्या
महत्त्वाच्या बातम्या
