Actress Jyoti Saxsena Chat Leaked Case: इंडस्ट्री जेवढी ग्लॅमरस आणि झगमगती दिसते, तेवढीच तिची काळी बाजूही आहे. एन्टरटेन्मेट इंडस्ट्री आणि त्यासभोवतालचे वाद-विवाद सध्या चर्चेचा विषय ठरतायत. नुकतीच एक प्रसिद्ध अभिनेत्री वादाच्या भोवऱ्यात अडकली आहे. अभिनेत्री ज्योती सक्सेना (Actress Jyoti Saxsena) हिच्या इन्स्टाग्राम चॅटनं सोशल मीडियावर खळबळ उडवून दिली आहे. अभिनेत्रीचे एका विद्यार्थ्यासोबतचे काही चॅट्स व्हायरल झाले आहेत, जे पाहून अनेकांच्या पायाखालची जमीन सरकली आहे. अभिनेत्री आणि एका विद्यार्थ्याच्या कथिच अश्लील चॅटचे काही स्क्रीनशॉट्स सध्या सोशल मीडियावर तुफान व्हायरल होत आहेत.
अभिनेत्री आणि विद्यार्थ्याच्या अश्लील चॅट्सचं प्रकरण नेमकं काय?
सोशल मीडियावर अभिनेत्री आणि विद्यार्थ्याचे कथित चॅट्स व्हायरल होत आहेत. मीडिया रिपोर्टनुसार, अभिनेत्री ज्योती सक्सेना आणि एका विद्यार्थ्यासोबत कथितरित्या अश्लील संवाद साधलेला. या स्क्रीनशॉर्ट्समध्ये हे दाखवण्यात आलंय की, न्यूड व्हिडीओ कॉलच्या बदल्यात पैशांची मागणी करण्यात आली होती. चॅट्समध्ये सुरुवातीला 20 हजार रुपयांची मागणी करण्यात आलेली, पण जेव्हा समोरच्या व्यक्तीनं स्वतः एक विद्यार्थी असल्याचं सांगितलं, त्यावेळी कथितरित्या ही रक्कम कमी करण्यात आली आणि 8 हजार रुपयांची मागणी करण्यात आली आहे. हे स्क्रीनशॉर्ट्स समोर येताच लोकांनी अभिनेत्रीला ट्रोल करायला सुरुवात केली.
अभिनेत्रीचं स्पष्टीकरण
कथित अश्लील स्क्रिनशॉर्ट्स व्हायरल झाल्यानंतर अभिनेत्री ज्योती सक्सेनानं मौन सोडलं आणि फेसबुकवर अधिकृत निवेदन जारी केलं आहे. त्यांनी हे सर्व चॅट्स पूर्णपणे खोटे असल्याचं सांगून तिच्यावर लावले जात असलेले आरोप फेटाळून लावले आहेत. गेल्या दोन महिन्यांपासून इन्स्टाग्राम अकाउंट हॅक झाल्याचंही तिनं सांगितलं. तसेच, कोणीतरी तिच्या फोटोंचा गैरवापर करुन तिची प्रतिमा मलिन करण्याचा प्रयत्न करतंय, असंही तिनं म्हटलंय. याप्रकरणी तक्रार दाखल करण्यात आली असून योग्य ती अॅक्शन घेण्यात येणार असून कारवाई केली जाईल, असा इशाराही ज्योती सक्सेनाने पोस्टमधून दिला आहे.
बॉलिवूडमध्ये हॅकिंगचा वाढता धोका
एखाद्या कलाकारावर अशा प्रकारचा प्रसंग ओढवण्याची ही काही पहिलीच वेळ नाही. सायबर गुन्हेगार अनेकदा प्रसिद्ध व्यक्तींचे अकाउंट्स हॅक करतात, असं करण्यामागे त्यांचा उद्देश त्या व्यक्तीच्या चाहत्यांची फसवणूक करणं किंवा तिची प्रतिष्ठा मलिन करणं हा असतो. 2018 मध्ये प्रदर्शित झालेल्या 'लाची' (Lachi) या सिनेमामधील भूमिकेमुळे ज्योती सक्सेना प्रकाशझोतात आली होती. आता ही अभिनेत्री सायबर फसवणुकीची बळी ठरली आहे. सध्या या प्रकरणाचा सखोल तपास सुरू आहे. हे कृत्य खरोखरच एखाद्या हॅकरनं केलं आहे, की यामागे एखादा मोठा कट रचलेला आहे, याचा तपास सध्या पोलीस करत आहेत.
महत्त्वाच्या इतर बातम्या :