Abhinav Shukla Gets Death Threat: गेल्या काही दिवसांपासून शिखर धवनचा 'बॅटलग्राउंड' शो (Shikhar Dhawan Battleground Show) चर्चेत आहे. अलिकडेच, त्यांच्या शूटिंग दरम्यान, असीम रियाझ (Asim Riaz) आणि अभिषेक मल्हान (Abhishek Malhan) यांच्यात भांडण झालं. त्यानंतर भांडण सोडवण्यासाठी रुबिना दिलैक (Rubina Dilaik) मध्ये पडते आणि दोघांनाही अडवण्याचा प्रयत्न करते. मात्र, यावेळी असीम रियाझ रुबिनाचा अपमान करतो. तो एवढ्यावरच थांबत नाही, तर तो रुबिनाला शिविगाळ करतो. यावेळी अभिनेत्रीचा पती अभिनव शुक्ला (Abhinav Shukla) यानं एक पोस्ट केली आहे. पण, याच पोस्टमुळे अभिनवला बिष्णोई गँगकडून धमकीचा (Threat From Bishnoi Gang) मेसेज आला आहे.
अभिनव सुक्लानं त्याच्या व्लॉगमध्ये असीमला टोमणे मारले होते. तसेच, खडे बोल सुनावलेले. अभिनव म्हणाला की, "डोकंच नसणं आणि वाईट वर्तन हे खराब फिटनेसचं लक्षण नाही का? मेंदू योग्य ठिकाणी असणं आणि तुमचे वर्तन योग्य असणं, हाच फिटनेसचा खरा अर्थ आहे." आता हे प्रकरण खूपच तापलं आहे, कारण अभिनवला याच पोस्टमुळे जीवे मारण्याच्या धमक्या मिळाल्या आहेत. अभिनेत्यानं स्वतः सोशल मीडियावर ही माहिती शेअर केली आहे.
लॉरेन्स बिष्णोई गँगकडून मिळाली जीवे मारण्याची धमकी?
अभिनव शुक्लानं आपलं सोशल मीडिया हँडल इंस्टाग्रामवर एक पोस्ट शेअर केली आहे. ज्यामध्ये अंकुश गुप्ता नावाच्या युजरनं त्याला पाठवलेला मेसेज शेअर केला आहे. युजरनं अभिनवला केलेल्या मेसेजमध्ये दावा केला आहे की, तो लॉरेन्स बिश्नोई टोळीचा सदस्य आहे. या मेसेजमध्ये लिहिलं होतं की, "मी लॉरेन्स बिश्नोई टोळीचा सदस्य आहे. मला तुझ्या घराचा पत्ता माहीत आहे, येऊ का तुला गोळ्या घालायला? ज्याप्रमाणे मी सलमान खानच्या घरी येऊन तुम्हाला गोळ्या घातल्या होत्या, त्याचप्रमाणे मी तुझ्या घरी येऊन तुला एके 47 नं गोळ्या घालेन..."
युजरनं पुढे लिहिलंय की, "मला हेदेखील माहीत आहे की, तू शूटिंगला किती वाजता जातोस... तुला लास्ट वॉर्निंग देतोय... आसिमला काहीही बोलण्याआधी तुझंच नाव न्यूजवर झळकेल... लॉरेंस बिष्णोई जिंदाबाद, लॉरेंस बिष्णोई भाई आसिमसोबत आहे..."
महत्त्वाच्या इतर बातम्या :