Aamir Khan Rejected Amazon Prime OTT Deal: 'सितारे जमीन पर'मार्फत आमिरला करायचं महत्त्वाचं काम; त्यासाठी धुडकावली प्राईम व्हिडीओची 120 कोटींची डील, कारण काय?
Aamir Khan Rejected Amazon Prime OTT Deal: आमिर खाननं 'सितारे जमीन पर' ओटीटीवर रिलीज न करता थिएटरमध्ये रिलीज करण्याच्या नादात तब्बल 120 कोटींची डील रिजेक्ट केल्याची माहिती मिळत आहे.
Aamir Khan Rejected Amazon Prime OTT Deal: बॉलिवूडचा 'मिस्टर परफेक्शनिस्ट' (Bollywood Mr. Perfectionist) म्हणून ओळखला जाणारा आमिर खान (Aamir Khan) लवकरच त्याचा 'सितारे जमीन पर' (Sitaare Zameen Par) सिनेमा प्रेक्षकांच्या भेटीला घेऊन येत आहे. आमिरच्या आगामी चित्रपटाची सगळीकडे चर्चा रंगली असून 20 जून रोजी सिनेमा थिएटरमध्ये प्रदर्शित होणार आहे. पण, त्यापूर्वी आमिर हा सिनेमा ओटीटीवर रिलीज (OTT Released) करणार असल्याच्या चर्चा रंगलेल्या. ज्यावेळी आमिरला याबाबत विचारलं गेलं, त्यावेळी सर्वांनी स्पष्ट नकार दिला. तसेच, सिनेमा थिएटरमध्येच रिलीज केला जाणार असल्याचं त्यानं वारंवार ठणकावून सांगितलं. पण, आता आमिर खाननं 'सितारे जमीन पर' ओटीटीवर रिलीज न करता थिएटरमध्ये रिलीज करण्याच्या नादात तब्बल 120 कोटींची डील रिजेक्ट केल्याची माहिती मिळत आहे.
ट्रेड एनालिस्ट कोमल नाहटा यांनी दिलेल्या माहितीनुसार, "आमिर खानला हे पाहायचंय की, जर एखादा चित्रपट थिएटरमध्ये रिलीज होत असेल आणि तो आठ आठवड्यांनीही ओटीटी प्लॅटफॉर्मवर येत नसेल, तर प्रेक्षकांना तो थिएटरमध्ये पाहण्यासाठी मजबूर होतील की, नाही. अभिनेता 'सितारे जमीन पर' हा चित्रपट थिएटरमध्ये प्रदर्शित झाल्यानंतर थेट यूट्यूबवर अपलोड करेल, पण काही काळानंतर. दरम्यान, हा सिनेमा फ्रीमध्ये उपलब्ध नसेल. यासाठी प्रेक्षकांना पैसे भरावे लागतील. त्यानंतरच ते पाहू शकतील."
Here are the certified VIPs for the premiere night! 🎬✨
— Aamir Khan Productions (@AKPPL_Official) June 17, 2025
Watch #SitaareZameenPar, 20th June Only In Theatres.@geneliad @r_s_prasanna @DivyNidhiSharma @aparna1502 @AroushDatta #GopiKrishnanVarma #VedantSharmaa #NamanMisra #RishiShahani #RishabhJain #AshishPendse #SamvitDesai… pic.twitter.com/40Tpkm6qu2
आमिरनं नाकारली प्राईम व्हिडीओची मोठी डील
आर.एस. प्रसन्ना दिग्दर्शित 'सितारे जमीन पर' सिनेमाचे हक्क खरेदी करण्यासाठी अमेझॉन प्राईम व्हिडीओनं आमिर खानला 120 कोटी रुपयांची ऑफर दिली होती. पण त्यानं ही ऑफर नाकारली. कारण चित्रपटगृहांमध्ये 8 आठवडे पूर्ण झाल्यानंतर लगेचच हा चित्रपट डिजिटल पद्धतीनं प्रदर्शित होणार होता. पण अभिनेता आता वेगळा विचार करत आहे. त्याला प्रेक्षकांना पुन्हा थिएटरशी जोडायचं आहे.
आमिर खानच्या चित्रपटात 10 नवख्या कलाकारांना संधी
'सितारे जमीन पर' हा 2007 मध्ये प्रदर्शित झालेल्या आमिर खानच्या 'तारे जमीन पर' चित्रपटाचं दुसरं रूप आहे. यात 10 नवे कलाकार आहेत आणि ते सर्व दिव्यांग आहेत. ऑडिशननंतर या चित्रपटासाठी अरुष दत्ता, गोपी कृष्ण वर्मा, संवित देसाई, वेदांत शर्मा, आयुष भन्साळी, आशिष पेंडसे, ऋषी शहानी, ऋषभ जैन, नमन मिश्रा आणि सिमरन मंगेशकर यांची निवड करण्यात आली आहे. या चित्रपटात जेनेलिया देशमुख देखील मुख्य भूमिकेत आहे. CBFC नं कोणत्याही कटशिवाय हा चित्रपट पास केला आहे.
महत्त्वाच्या इतर बातम्या :
महत्त्वाच्या बातम्या
