aamir khan in coolie movie : साऊथ स्टार रजनिकांत यांच्या ‘कुली’ चित्रपटाच्या रिलीजची आतुरतेने वाट पाहत होते. चित्रपट रिलीज होताच चाहत्यांनी कुली सिनेमाला तुफान प्रतिसाद दिलाय. सध्या हा सिनेमा बॉक्स ऑफिसवर तगडी कमाई करताना पाहायला मिळतोय. या चित्रपटात स्टार-कास्ट आहे आणि त्यातील एक ठळक आकर्षण म्हणजे बॉलीवूड सुपरस्टार आमिर खान...आमिर खानने सिनेमात केवळ 15 मिनिटांची भूमिका साकारली आहे. त्याच्या सिनेमातील लूकची देखील प्रचंड चर्चा झालेली पाहायला मिळाली होती. काही बातम्यांनुसार, अभिनेता आमिर खान याने या सिनेमातील छोट्या भूमिकेसाठी ₹20 कोटी आकारले आहेत. मात्र, काही रिपोर्ट वेगळी माहिती देताना देखील पाहायला मिळाले आहेत.
‘कुली’साठी आमिर खानने फी नाकारली?
लोकॅश कनागराजच्या चित्रपटात आमिरची 15 मिनिटांची भूमिका आहे. सूत्रांच्या माहितीनुसार, अभिनेता आमिरने या चित्रपटासाठी काहीही फी घेतलेली नाही. "आमिर खानला रजनीकांत आणि ‘कुली’ टीमबद्दल खूप प्रेम आणि आदर आहे. संपूर्ण कथानक ऐकण्यापूर्वीच त्यांनी लगेच प्रोजेक्टला होकार दिला. हा कॅमिओ त्यांच्या प्रेम दाखवण्याचा मार्ग आहे, आणि त्यांच्या भूमिकेसाठी त्यांनी काहीही फी घेतलेली नाही,"अशी माहिती देखील आणखी एका रिपोर्टमधून समोर आली आहे.
पूर्वी, हैदराबादमध्ये चित्रपटाच्या ऑडिओ आणि ट्रेलर लाँच इव्हेंटदरम्यान आमिरने सांगितले की त्यांनी चित्रपटाला होकार का दिला, “लोकॅश माझ्या भेटीस आले. मला ठाऊक नव्हते की ते भेटायला का आले आहेत. ते म्हणाले, ‘मी कुलीसाठी आलो आहे. तुम्ही चित्रपटात भूमिका साकारावी, अशी माझी इच्छा आहे.’ जेव्हा मला कळाले की हा कुली आणि रजनी सरांचा चित्रपट आहे… खूप वर्षांनंतर, कदाचित पहिल्यांदाच, मी स्क्रिप्ट ऐकल्या किंवा काहीही ऐकल्या शिवाय चित्रपटाला होकार दिला.”
कुलीबद्दल जाणून घेऊयात...
लोकॅश कनागराज दिग्दर्शित या अॅक्शन थ्रिलरमध्ये राजिनीकांत, नागार्जुन, श्रुति हासन, उपेंद्र, सौबिन शाहीर आणि सत्यराज प्रमुख भूमिकांमध्ये आहेत, तर रचिता राम, रेबा मोनिका जॉन, ज्युनियर एमजीआर, कन्ना रवी, मोनिषा ब्लेसी, काळी वेंकट आणि चार्ले सहायक भूमिकांमध्ये आहेत. सन पिक्चर्सच्या पाठबळाखाली तयार झालेल्या या चित्रपटात राजनीकांत 171 वा लीड अभिनेता म्हणून दिसणार आहेत आणि हा 14 ऑगस्ट रोजी थिएटरमध्ये प्रदर्शित झालाय. हा चित्रपट युएरएफच्या ‘वॉर 2’सोबत क्लॅश करणार आहे, ज्याचे दिग्दर्शन अयान मुखर्जी करत आहेत आणि प्रमुख भूमिकेत हृतिक रोशन आणि ज्युनियर एनटीआर आहेत.
इतर महत्त्वाच्या बातम्या