25 Celebs Were Cheated Energy Drink Brand: एनर्जी ड्रिंकची जाहीरात केली, पण पैसेच मिळाले नाहीत; अंकिता लोखंडे, तेजस्वी प्रकाशसह 25 सेलिब्रिंटींची कोट्यवधींची फसवणूक
25 Celebs Were Cheated Energy Drink Brand: अंकिता लोखंडे, तेजस्वी प्रकाश यांच्यासह 25 सेलिब्रिटींची एका एनर्जी ब्रँडनं फसवणूक केली आहे.
25 Celebs Cheated By Energy Drink Brand: सेलिब्रिटींसोबत (Celebrity) झालेल्या फसवणुकीशी संबंधित एक प्रकरण समोर आलं आहे. अंकिता लोखंडे (Ankita Lokhande), तेजस्वी प्रकाश (Tejasswi Prakash), करण कुंद्रा (Karan Kundrra), आयुष शर्मासह तब्बल 25 सेलिब्रिटींसोबत एका एनर्जी ब्रँड कंपनीनं फसवणूक केल्याची माहिती मिळत आहे. सेलिब्रिटी मॅनेजिंग कंपनीनं या एनर्जी ब्रँड कंपनीविरोधात तक्रार दाखल केली आहे. ज्यामध्ये असा आरोप करण्यात आला आहे की, कंपनीनं अनेक सेलिब्रिटींना एनर्जी ड्रिंकच्या जाहिराती करायला सांगितलं. पैसे ठरले, तसा करारही झाला. पण काम झाल्यानंतर मात्र सेलिब्रिटींना पैसे दिले नाहीत. मिळालेल्या माहितीनुसार, कंपनीकडून सर्व सेलिब्रिटींना 1.5 कोटी रुपयांचं देणं आहे.
पोलिसांत तक्रार दाखल
सेलिब्रिटी मॅनेजिंग कंपनी चालवणारे रोशन गॅरी यांनी मुंबईतील चेंबूर पोलीस स्टेशनमध्ये या प्रकरणी तक्रार दाखल केली आहे. गॅरीनं तनिश छेडजा, मनु श्रीवास्तव, फैसल रफिक, अब्दुल आणि ऋतिक पांचाळ नावांच्या लोकांविरुद्ध तक्रार दाखल केली आहे.
एनर्जी ड्रिंकच्या कंपनीचं म्हणणं काय?
आज तकच्या रिपोर्टनुसार, तक्रारदार महिलेनं पोलिसांना सांगितलं की, ती एक जाहीरात कंपनी चालवते आणि जुलै 2024 मध्ये तिला एका माणसाचा फोन आला, ज्यानं सांगितलं की, तो एका एनर्जी ड्रिंक ब्रँडसाठी 25 सेलिब्रिटींसोबत कोलेब करण्याची इच्छा आहे. त्यानंतर त्या व्यक्तीनं या करारासाठी 10 लाख रुपये आगाऊ देण्याचं सांगितलं आणि पैशांची पावती देखील पाठवली. पण, तक्रारदाराच्या खात्यात कोणतेही पैसे आले नाहीत.
त्यानंतर आरोपीनं तक्रारदाराला दादर येथील एका पार्टीत कलाकारांना आणण्यास सांगितलं. त्या पार्टीत अर्जुन बिजलानी, अभिषेक बजाज आणि हर्ष राजपूत यांच्यासह तब्बल 100 स्टार्सनी हजेरी लावली होती. जिथे एनर्जी ड्रिंक ब्रँडसाठी 25 सेलिब्रिटींची निवड करण्यात आली. त्यावेळी एकूण देयक 1.32 कोटी रुपये निश्चित करण्यात आले होते. आरोपीनं तक्रारदाराला 15 लाख रुपयांच्या धनादेशाचा फोटोही पाठवला आणि आश्वासन दिले की, लवकरच पैसे त्यांच्या खात्यात जमा होतील.
आरोपीनं आश्वासन दिल्यानंतर रोशननं जाहीरात
आरोपीनं आश्वासन दिल्यानंतर, रोशननं जाहिरात शूट करणं सुरू ठेवलं आणि कंटेन्ट सोशल मीडियावरही अपलोड केला. आरोपीनं तक्रारदाराला 35 दिवसांच्या आत सर्वच्या सर्व पैसे देण्याचं आश्वासन दिलं होतं. दरम्यान, एनर्जी ड्रिंकची जाहीरात सोशल मीडिया एन्फ्लुएन्सर आणि अभिनेत्यांद्वारे शूट करण्यात आली, त्याचं नाव 'स्काय 63' आहे. यानंतर एनर्जी ब्रँड कंपनीनं काही चेक्सही दिले. पण ते सर्वच्या सर्व चेक्स बाउन्स झाले.
महत्त्वाच्या इतर बातम्या :
OTT Releases This Week: ऑस्कर विनर 'अनोरा' ते 'खाकी'पर्यंत; 'या' आठवड्यात ओटीटीवर मनोरंजनाचा धमाका
महत्त्वाच्या बातम्या
