'जेव्हा मी मुंबई महाराष्ट्र, मुंबई वाचवत होतो, त्यावेळी भाजप शासित उत्तर प्रदेशात गंगेत प्रेत वाहत होती, गुजरातमध्ये मैदानात चिता जळत होत्या' उद्धव ठाकरे ठाण्यात काय काय म्हणाले?
आम्ही कोरोना काळामध्ये जी कामं केलीत, याच्यामध्ये सर्व मुसलमान सुद्धा होते, ख्रिश्चन सुद्धा होते, गुजराती, उत्तर भारतीय, जैन सगळेच होते, त्यांना उपचार करून आपण बरं करून घरी पाठवलं असे ते म्हणाले.
Uddhav Thackeray on BJP: जेव्हा मी महाराष्ट्र वाचवत होतो, मुंबई वाचवत होतो, त्याच वेळेला उत्तर प्रदेशमध्ये गंगेत भाजप शासित राज्यामध्ये गंगेत प्रेत वाहत होती. गंगेत वाहणारी प्रेत कोणाची होती? हिंदूंची होती का मुसलमानांची होती? गुजरातमध्ये मैदानामध्ये चिता जळत होत्या, कोणाच्या होत्या त्या? अशा शब्दात शिवसेना पक्षप्रमुख उद्धव ठाकरे यांनी भाजपवर ठाण्यात हल्ला चढवला. ठाकरे यांनी कोरोना महामारीत महाराष्ट्रावर अभूतपूर्व संकट असतानाही भाजप नेत्यांनी मुख्यमंत्री सहाय्यता निधीला मदत न करता पीएम केअरला मदत केली होती, याची आठवण करून दिली. ज्याप्रमाणे एखादी रिकामी झालेली तिजोरी पुन्हा भरण्यासाठी खूप कष्ट घ्यावे लागतात, त्याचप्रमाणे ठाण्यातील आणि मुंबईतील जनतेने आता आपल्या हक्कासाठी आणि भविष्यासाठी सावध होऊन मतदान करावे, असा संदेश त्यांनी दिला.
कोरोना आणि 'मुंबई मॉडेल'
कोरोना काळातील कामाचा अभिमान व्यक्त करताना उद्धव ठाकरे म्हणाले, चीनने पंधरा दिवसांमध्ये फिल्ड हॉस्पिटल बांधलेलं, आपण मुंबईमध्ये 18 दिवसांमध्ये त्याच तोडीच किंवा त्याहून जास्त उजव हे फिल्ड हॉस्पिटल बांधून दाखवलं होतं. या कामाचे कौतुक जगात आणि सुप्रीम कोर्टानेही केले होते, असा उल्लेख त्यांनी केला. उपचारांमधील सर्वसमावेशकतेबद्दल बोलताना ते म्हणाले, आम्ही ही सगळी कोरोना काळामध्ये जी कामं केलीत, याच्यामध्ये सर्व मुसलमान सुद्धा होते, ख्रिश्चन सुद्धा होते, गुजराती, उत्तर भारतीय, जैन सगळेच होते, त्यांना उपचार करून आपण बरं करून घरी पाठवलं.
मुख्यमंत्री निधीला पैसे न देता ते पीएम केअर फंडला दिले
भ्रष्टाचाराच्या आरोपांना उत्तर देताना ठाकरेंनी थेट पीएम केअर फंडचा हिशोब मागितला. ते म्हणाले, "जो पीएम केअर फंड स्थापन केला गेला होता, त्याचा हिशोब पहिला द्या आणि मग आमच्यावरती भ्रष्टाचाराचे आरोप करा" [१६]. त्यांनी असाही मुद्दा मांडला की, महाराष्ट्रातील भाजप नेत्यांनी संकट काळात मुख्यमंत्री निधीला पैसे न देता ते पीएम केअर फंडला दिले होते. फडणवीस यांच्या मुंबईबद्दलच्या ज्ञानावर प्रश्नचिन्ह उपस्थित करत ठाकरे म्हणाले, फडणवीसांना मुंबईतलं काय कळतं का? भाजप आणि प्रशासन याचा काडी मात्र संबंध नाही. महापालिकेच्या मुदत ठेवींवर (FD) फडणवीसांनी केलेल्या विधानाला प्रत्युत्तर देताना ते म्हणाले, फडणवीस सांगतात ना, ठेवी काय चाटायचे असतात का? इकडे ठाण्यातल्या तुमच्या गद्दार साथीदाराने ठेवी तर सोडा, तिजोरी पण चाटून पुसून टाकली असेल. भ्रष्टाचाराच्या आरोपांवरून त्यांनी फडणवीस सरकारला 'कोडगे सरकार' म्हटले आणि ते सरसकट 'क्लीन चीट' देतात अशी टीका केली.
ठाकरे यांनी सध्याच्या भाजपवर टीका करताना 'पोपट मेला आहे' हे उदाहरण दिले. ते म्हणाले, "पूर्वीचा भाजप मेला आहे. कारण पूर्वीच्या भाजपामध्ये राष्ट्र प्रथम होता, आत्ताचा भाजप हा चोर प्रथम, भ्रष्टाचारी प्रथम, गुंड प्रथम असा झाला आहे. त्यांनी भाजपला 'भस्मासूर' आणि 'बकासूर' अशी उपमाही दिली.
इतर महत्वाच्या बातम्या
महत्त्वाच्या बातम्या
