West Bengal Assembly Election Result 2026: संपूर्ण देशाचेलक्षलागूनराहिलेले पाच राज्यांतील बहुचर्चित विधानसभा निवडणुकीचा निकाल सोमवारी जाहीर झाला. या निवडणुकांमध्ये केरळ आणि तामिळनाडू वगळता भाजपला (BJP) प्रचंड मोठे यश मिळाले. आसाम आणि पश्चिम बंगालमध्ये भाजपची सत्ता आली आहे. तर तामिळनाडूत विजय थलपतिच्या टीव्हीके पक्षाने द्रमुक आणि अण्णाद्रमुकला मागे टाकून 100 पेक्षा अधिक जागा जिंकल्या आहेत. भाजपने ममता बॅनर्जी (Mamta Banerjee) यांच्या तृणमूल काँग्रेसची (TMC) सत्ता उलथवून पश्चिम बंगालमध्ये सत्ता स्थापन केली आहे. गेली 15 वर्षे पश्चिम बंगालमध्ये तृणमूल काँग्रेसची सत्ता होती. मात्र, ममता बॅनर्जी यांचा दारुण पराभव झाल्याने आता भारतामधील आणखी एक राज्य भाजपच्या ताब्यात आले आहे. पश्चिम बंगालच्या विजयानंतर (West Bengal Election Result 20260 आता देशातील 22 राज्यांमध्ये भाजप किंवा भाजप आघाडीचे सरकार असेल. हे भाजपसाठी खूप मोठे यश मानले जात आहे. (jhargram assembly election results 2026)
तर दुसरीकडे, निवडणूक प्रचारादरम्यान पंतप्रधान नरेंद्र मोदी यांनी झाडग्राम मतदारसंघात एका दुकानात झालमुरी भेळचा आस्वाद घेतला होता. त्या सर्व चार जागांवर (झाडग्राम, बिनपूर, गोपीबल्लभपूर आणि नयाग्राम) भाजप आपली पकड मजबूत करत आहे. खरे तर, यावेळी ममता बॅनर्जी यांचा पराभव करण्यासाठी भाजपने पाच प्रमुख घटकांचा वापर केला. इतकेच नाही, तर केंद्रीय गृहमंत्री अमित शाह यांनी बंगालमध्ये 15 दिवसांचा तळही ठोकला होता. यावेळी भाजपने बंगालच्या जमिनीवरील वास्तवाशी सुसंगत अशी एक अत्यंत सुनियोजित रणनीती अवलंबली.
West Bengal Election Result 2026 : भाजपने 'या' पाच घटकांनी मारलंपश्चिमबंगालचेमैदान
1) 'मासे आणि भात' यांचे राजकारण
निवडणूक प्रचारादरम्यान, ममता बॅनर्जी यांनी आरोप केला होता की, भाजप सत्तेत आल्यास ते 'मासे-भात खाणाऱ्या बंगालींची' ओळख नष्ट करतील आणि शाकाहारी संस्कृती लादतील. भाजपने या आरोपाला बंगालच्या 'शक्ती परंपरे'शी जोडून प्रत्युत्तर दिले, जिथे माशाला 'महाप्रसाद' मानले जाते. अनुराग ठाकूर यांच्यासारख्या भाजपच्या ज्येष्ठ नेत्यांनी जाहीरपणे मासे आणि भात खाऊन हा संदेश दिला की, भाजपचे हिंदुत्व बंगालच्या खाद्यसंस्कृती आणि संस्कृतीशी पूर्णपणे सुसंगत आहे आणि कोणत्याही पक्षाला मतदान केले तरी प्रत्येक बंगालीचा तो हक्क आहे.
2) 'काबा' विरुद्ध 'मा काली' अशी सांस्कृतिक कथा तयार करण्यात आली
टीएमसी खासदार सायनी घोष यांनी मुस्लिमबहुल भागात 'मेरे दिल में है काबा और मेरी आँखों में मदिना' हे गाणे गायल्याचा एक व्हिडिओ व्हायरल झाला. अमित शाह आणि योगी आदित्यनाथ यांच्यासारख्या नेत्यांनी याला 'काली विरुद्ध काबा' अशी थेट लढाई बनवले. भाजपने म्हटले की, टीएमसीचे हृदय काबा आणि मदिना येथे असले तरी, बंगालमध्ये केवळ माता काली आणि माता दुर्गाच वास करतात. बंगाली अस्मितेशी स्वतःला अधिक जोडण्यासाठी भाजपने जाणीवपूर्वक 'जय श्री राम' ही घोषणा बंगालमधील 'जय माँ काली'शी जोडली.
3) दुप्पट मदत आणि आरक्षणाच्या आश्वासनांमुळे महिला मतपेढीला धक्का
ममता बॅनर्जी यांनी 'लक्ष्मी भंडार' योजनेअंतर्गत महिलांसाठी असलेल्या ₹1,000 च्या लाभाचा विस्तार केला (तो वाढवून ₹1500 केला). याला प्रत्युत्तर म्हणून, भाजपने सत्तेत आल्यास ₹3,000चा मासिक लाभ जाहीर केला, जो ममता यांच्या योजनेच्या दुप्पट होता. इतकेच नाही तर, निवडणुकीच्या अगदी आधी, केंद्र सरकारने महिला आरक्षणाच्या अंमलबजावणीला गती देण्यासाठी एक विधेयक आणण्याचा प्रयत्न करण्याकरिता संसदेचे विशेष अधिवेशन बोलावले. यामुळे असा संदेश गेला की भाजप महिलांना सत्तेत 33% वाटा देत आहे, तर टीएमसीसह विरोधी पक्ष याला विरोध करत होते. पंतप्रधान मोदींनी वचन दिले होते की, भाजपचे सरकार सत्तेवर आल्यास महिला रात्री 2 वाजताही मुक्तपणे फिरू शकतील. रात्री बाहेर न पडण्याच्या ममता बॅनर्जींच्या सल्ल्याला भाजपने प्रत्युत्तर दिले.
4) 91 लाख मतदारांची नावे वगळण्याच्या एसआयआर प्रक्रियेचा 'शुद्धीकरण मोहीम' म्हणून गैरवापर
निवडणुकांपूर्वी राबविण्यात आलेल्या विशेष सघन पुनरावलोकन (एसआयआर) प्रक्रियेद्वारे बंगालच्या मतदार यादीतून अंदाजे 91 लाख नावे वगळण्यात आली. एकूण मतदारांची संख्या 11.8% ने कमी होऊन 7.66 कोटींवरून 6.75 कोटी झाली. मुर्शिदाबाद, मालदा आणि उत्तर 24 परगणा यांसारख्या मुस्लिमबहुल आणि टीएमसीचा बालेकिल्ला असलेल्या जिल्ह्यांमध्ये सर्वाधिक नावे वगळण्यात आली. याला केवळ एक प्रशासकीय प्रक्रिया म्हणून चित्रित करण्याऐवजी, भाजपने याला अवैध स्थलांतरित आणि 'काळी मते' यांच्या विरोधातली 'शुद्धीकरण मोहीम' म्हणून सादर केले. भाजपने असा युक्तिवाद केला की, टीएमसीने आपली मतपेढी तयार करण्यासाठी या घुसखोरांना आश्रय दिला होता.
5) 15 वर्षांची सत्ताविरोधी लाट आणि संघटनात्मक रणनीतीमध्ये मोठा बदल
2011 पासून सत्तेत असलेल्या 15 वर्षांमुळे निर्माण झालेली सत्ताविरोधी लाट आणि भ्रष्टाचाराच्या आरोपांना तोंड देण्यासाठी, भाजपने यावेळी थेट वैयक्तिक हल्ले करणे सोडून दिले. ममता बॅनर्जी यांना लक्ष्य करण्याऐवजी, त्यांनी संपूर्ण व्यवस्थेला आणि "सिंडिकेट राज"ला लक्ष्य केले. इतकेच नाही, तर 2011 च्या पराभवातून धडा घेऊन, पक्षाने सूक्ष्म-व्यवस्थापनावर (मायक्रो-मॅनेजमेंट) जोरदार भर दिला. अमित शाह यांनी 15 दिवस बंगालमध्ये तळ ठोकला, "3 एएम ब्लूप्रिंट" अंतर्गत सर्व 80,719 मतदान केंद्रांवरील माहितीचे विश्लेषण केले आणि "पन्ना प्रमुख" प्रणाली लागू केली. प्रत्येक कार्यकर्त्याला 30-60 मतदारांना मतदान केंद्रावर आणण्याचे काम सोपवण्यात आले होते. बाहेरचे नेते लादण्याच्या दीर्घकाळापासूनच्या आरोपांना प्रत्युत्तर देण्यासाठी, स्थानिक चेहऱ्यांना पुढे करण्यात आले आणि अशी घोषणा करण्यात आली की, "भाजपचे मुख्यमंत्री बंगालच्या मातीचे सुपुत्र असतील."
पाच राज्यांच्या निवडणुकांचा निकाल, VIDEO:
संबंधित बातमी: