Municipal Corporation Election Reservation 2022 : 14 महापालिकांच्या आरक्षणाची आज सोडत; कोणत्या प्रभागांत? कोणतं आरक्षण असेल?
Municipal Corporation Election Reservation 2022 : मुंबई, ठाणे, पुणे, नाशिक, नागपूर, कोल्हापूरसह 14 महापालिकांसाठी आज आरक्षण सोडत जाहीर होणार आहे. ही सोडत ओबीसी आरक्षणाशिवाय जाहीर होणार आहे.
LIVE
Background
Municipal Corporation Election Reservation 2022 : स्थानिक स्वराज्य संस्थांच्या निवडणुका आता ओबीसी आरक्षणाशिवायच पार पडणार असल्याचं स्पष्ट झालं आहे. त्यामुळे राज्यात महापालिका निवडणुकांचं (Municipal Corporation Election 2022) बिगुल वाजलं आहे. अशातच आज राज्यातील 14 महापालिकांची (Municipal Corporation) आरक्षण सोडत जाहीर होणार आहे. या 14 महापालिकांपैरी मुंबई (Mumbai), ठाणे (Thane), कल्याण डोंबिवली, पुणे (Pune), नागपूर (Nagpur) आणि कोल्हापूरच्या (Kolhapur) सोडतीकडे विशेष लक्ष असणार आहे. अशातच इच्छुक उमेदवारांचं भवितव्य टांगणीला लागलं आहे.
मुंबईसह 14 महापालिकांच्या प्रभागांची आरक्षण सोडत आज ओबीसी आरक्षणाशिवाय (OBC Reservation) होणार आहे. नगरसेवक होण्याचं स्वप्न बघणाऱ्या कार्यकर्त्यांसाठी आज महत्त्वाचा दिवस आहे. मुंबई, नवी मुंबई, ठाणे, पुणे, नाशिक, नागपूर, कल्याण डोंबिवलीसह 14 महापालिकांची आरक्षण सोडत आज मुंबईत वांद्रे येथील रंगशारदा सभागृहात पार पडणार आहे. या सोडतीवर सर्व पक्षांतील इच्छुक, संभाव्य उमेदवारांचं भवितव्य अवलंबून आहे. त्यामुळे आरक्षण सोडतीत कोणत्या प्रभागांत? कोणतं आरक्षण असेल? याबाबत उत्सुकता ताणली गेली आहे. सर्वच पक्षांतील नेते, संभाव्य-इच्छुक उमेदवारांसह कार्यकर्त्यांची धाकधूक वाढली आहे.
आज कोणकोणत्या महापालिकांची आरक्षण सोडत काढली जाणार?
मुंबई, नवी मुंबई, वसई विरार, उल्हासनगर, कोल्हापूर, अकोला, अमरावती, नागपूर, सोलापूर, नाशिक, पुणे, पिंपरी चिंचवड, कल्याण डोंबिवली आणि ठाणे या महापालिकांची आरक्षण सोडत आज जाहीर केली जाणार आहे. त्यामुळे नगरसेवक होण्याचं स्वप्न बघणाऱ्या कार्यकर्त्यांसाठी आज महत्त्वाचा दिवस आहे.
राज्यातील 14 महापालिकांचा पाच वर्षांचा कालावधी पूर्ण झाला आहे. मुंबईसह राज्यातील नवी मुंबई, वसई विरार, उल्हासनगर, कोल्हापूर, अकोला, अमरावती, नागपूर, सोलापूर, नाशिक, पुणे, पिंपरी चिंचवड, कल्याण डोंबिवली आणि ठाणे या महापालिकांची मुदत संपली आहे. या महापालिकांची आरक्षण सोडत आज म्हणजेच, 31 मे रोजी जाहीर होणार आहे. त्यापूर्वी 27 मे रोजी यासंदर्भातील नोटीस प्रसिद्ध करण्यात येईल. आरक्षण सोडतीवरील आक्षेप आणि हरकतींवर विचार करुन अंतिम आरक्षण सोडत 13 जून रोजी शासनाच्या राजपत्रात प्रसिद्ध करण्यात येईल.
स्थानिक स्वराज्य संस्थांच्या आगामी निवडणुका ओबीसीं आरक्षणाशिवाय
राज्य निवडणुक आयोगानं आरक्षणाचा कार्यक्रम जाहीर केल्यानंतर आगामी महापालिका निवडणुकांचं रणशिंग फुंकल्यात जमा झालं आहे. राज्यातील ओबीसी आरक्षणाचा मुद्दा सध्या सर्वोच्च न्यायालयात प्रलंबित असून जोपर्यंत राज्य सरकार ओबीसी जनगणनेची त्रिस्तरीय चाचणी पूर्ण करत नाही तोपर्यंत स्थानिक स्वराज्य संस्थांच्या निवडणुकांमध्ये नागरिकांच्या मागास वर्ग (OBC) प्रवर्गासाठी प्रभाग राखीव ठेवता येत नाही. त्यामुळे स्थानिक स्वराज्य संस्थांच्या आगामी निवडणुका ओबीसींच्या आरक्षणाशिवाय होणार आहेत, हे स्पष्ट झाले आहे.
Aurangabad Election Reservation 2022 : औरंगाबाद महानगरपालिका प्रभाग रचनाच नाही, त्यामुळे आजच्या आरक्षण सोडतमध्ये औरंगाबादचा समावेश नाही
Aurangabad Election Reservation 2022 : औरंगाबाद महानगरपालिका प्रभाग रचनाच अजून झाल्या नसल्याने आजच्या आरक्षण सोडतमध्ये औरंगाबाद नाही
Pune Election Reservation 2022 : पुणे महापालिका अनुसुचीत जाती महिला आरक्षित प्रभाग
पुणे महापालिका अनुसुचीत जाती महिला आरक्षित प्रभाग
- प्रभाग 9 यरवडा
- प्रभाग 3 - लोहगाव विमाननगर
- प्रभाग 42 रामटेकडी सय्यदनगर
- प्रभाग 47-कोंढवा बुद्रुक
- प्रभाग 49 - मार्केटयार्ड महर्षीनगर
- प्रभाग 46- महम्मदवाडी उरळी देवाची
- प्रभाग 20 पुणे स्टेशन आंबेडकर रोड
- प्रभाग 26 - वानवडी वैदुवाडी
- प्रभाग - 21 कोरेगाव पार्क मुंढवा
- प्रभाग 48 - अप्पर इंदिरानगर
प्रभाग- 10 शिवाजीनगर गावठाण - संगमवाडी - प्रभाग - 4 खराडी वाघाली
अनुसूचित जमाती
- प्रभाग 1 क्र. 1 ब महिला
- प्रभाग 14 अ - एसटी खुला
Nagpur NMC Elections 2022 : सर्वसाधारण गटातील महिलांसाठी आरक्षित प्रभाग
Nagpur NMC Elections 2022 : सर्वसाधारण गटातील महिलांसाठी आरक्षित प्रभाग
इश्वर चिठ्ठीद्वारे सोडविण्यात आलेल्या महिला प्रभागांमध्ये प्रभाग 31मधून जागा क्र. ब, प्रभाग 22 मधून जागा क्र. ब, प्रभाग 23 मधून जागा क्र. ब, प्रभाग 40 मधून जागा क्र. ब, प्रभाग 32 मधून जागा क्र. ब, प्रभाग 49 मधून जागा क्र. ब, प्रभाग 29 मधून जाग क्र. ब, प्रभाग 35 मधून जागा क्र. ब, प्रभाग 17 मधून जागा क्र. ब, प्रभाग 17 मधून जागा क्र. ब, प्रभाग 48 मधून जाग क्र. ब, प्रभाग 6 मधून जागा क्र. ब, प्रभाग 2 मधून जागा क्र. ब या जागांचा समावेश आहे.
Nagpur NMC Elections 2022 : अनुसूचित जमाती महिला आरक्षणाच्या 6 जागा
Nagpur NMC Elections 2022 : अनुसूचित जमाती महिला आरक्षणाच्या 6 जागा
अनुसूचित जामाती महिलांकरिता प्रभाग क्र 24 मधील जागा क्र. अ, प्रभाग क्र. 11 मधील जागा क्र. अ, प्रभाग क्र. 37 मधील जागा क्र. ब, प्रभाग क्र. 12 मधील जागा क्र. ब, प्रभाग क्र. 4 मधील जागा क्र. ब आणि प्रभाग क्र. 51मधील जाग क्र. ब या जागांचा समावेश आहे.
Nagpur NMC Elections 2022 : महिलांकरिता आरक्षित प्रभाग जाहीर
Nagpur NMC Elections 2022 : अनुसूचित जाती महिलांकरिता जागा
6 जागांसाठी असलेल्या सोडतीत प्रभाग क्र 2 मधील जागा क्र अ, प्रभाग क्र. 10 मधील जागा क्र. क, प्रभाग क्र. 43 मधील जागा क्र. अ, प्रभाग क्र. 13 मधील जागा क्र. अ, प्रभाग क्र, 20 मधील जागा क्र. अ, प्रभाग क्र. 30 मधील जागा क्र. अ, प्रभाग क्र 27 मधील जागा क्र. अ, प्रभाग क्र 39 मधील जागा क्र. 16, प्रभाग क्र. 16 मधील जागा क्र. अ, प्रभाग क्र. 37 मधील जागा क्र. अ, प्रभाग क्र. 45 मधील जाग क्र. अ, प्रभाग क्र. 1 मधील जागा क्र. अ, प्रभाग क्र. 14 मधील जागा क्र. अ, प्रभाग क्र. 38 मधील जागा क्र. अ, प्रभाग क्र. 15 मधील जागा क्र. अ, प्रभाग क्र. 52 मधील जाग क्र. अ या 16 जागांचा समावेश आहे.
महत्त्वाच्या बातम्या
ट्रेंडिंग न्यूज
