मुंबई : धुळे आणि अहमदनगर महानगरपालिकेच्या सार्वत्रिक निवडणुकीसाठी धुळ्यात सरासरी 60 टक्के आणि अहमदनगरमध्ये सरासरी 67 टक्के मतदान झाल्याचा प्राथमिक अंदाज आहे, अशी माहिती राज्य निवडणूक आयुक्त ज. स. सहारिया यांनी दिली.
सहारिया यांनी दिलेल्या माहितीनुसार, धुळे महानगरपालिकेच्या 19 प्रभागातील एकूण 73 जागांसाठी हे मतदान झाले. एका जागेची निवडणूक बिनविरोध झाली असून एकूण 74 जागा आहेत. अनुसूचित जातीसाठी 6, अनुसूचित जमातीसाठी 5, तर नागरिकांच्या मागासप्रवर्गासाठी 20 जागा राखीव होत्या.
अहमदनगर महानगरपालिकेच्या 17 प्रभागातील एकूण 68 जागांसाठी मतदान झाले. अनुसूचित जातीसाठी 9, अनुसूचित जमातीसाठी 1, तर नागरिकांच्या मागासप्रवर्गासाठी 18 जागा राखीव आहेत. उद्या दोन्ही ठिकाणचा निकाल जाहीर होणार असून सकाळी 10 वाजता मतमोजणी सुरू होईल. निकाल जाहीर झाल्यानंतर आचारसंहिता संपुष्टात येईल, अशी माहिती सहारिया यांनी दिली.
संबंधित बातम्या
Dhule Election Update : 60 टक्के मतदान झाल्याचा अंदाज
Ahmadnagar Election Update : 5 वाजेपर्यंत 56 टक्के मतदान
महापालिका निवडणूक : श्रीपाद छिंदमच्या भावाने ईव्हीएम मशीनची पूजा केली
महापालिका निवडणूक : धुळ्यात आमदार गोटे यांच्या गाडीवर दगडफेक, मतदानाला सुरुवात