Pune Teacher Constituency: पुणे शिक्षकच्या लढाईत कोल्हापूर रणभूमी होणार! दोन्ही उमेदवार कोल्हापुरातील फायनल झाल्याने चुरस वाढली, सीजेपी आंदोलनानंतर काँग्रेस महायुतीमध्ये थेट लढत
गेल्या दोन महिन्यांपासून सुरू असलेल्या सीजीपीच्या आंदोलनाच्या पार्श्वभूमीवर पहिल्यांदाच महायुती विरुद्ध काँग्रेस असा थेट मुकाबला पुणे शिक्षक मतदारसंघ निवडणुकीच्या निमित्ताने होणार आहे.
Pune Teacher Constituency: पुणे शिक्षक मतदारसंघासाठी महायुतीमध्ये उमेदवारी कोणाच्या गळ्यात पडणार यावरून काथ्याकूट सुरू असतानाच अखेर भाजपनेच बाजी मारली आहे. महायुतीच्या जागावाटपामध्ये पुणे शिक्षक मतदारसंघ भाजपच्या वाटणीला आला आहे. भाजपकडून कोल्हापूरमधील स्वामी विवेकानंद संस्थेचे संचालक कौस्तुभ गावडे यांच्या उमेदवारीवर शिक्कामोर्तब करण्यात आलं आहे. त्यामुळे आता पुणे शिक्षक लढाई आता कोल्हापूरमध्येच होणार आहे, कारण काँग्रेसकडून विद्यमान आमदार जयंत आसगावकर यांनाच पुन्हा संधी देण्यात आली आहे. त्यामुळे गेल्या दोन महिन्यांपासून सुरू असलेल्या सीजीपीच्या आंदोलनाच्या पार्श्वभूमीवर पहिल्यांदाच महायुती विरुद्ध काँग्रेस असा थेट मुकाबला पुणे शिक्षक मतदारसंघ निवडणुकीच्या निमित्ताने होणार आहे.
महायुतीत कोणाला कोणता मतदारसंघ
- पुणे शिक्षक : भारतीय जनता पक्ष (BJP)
- पुणे पदवीधर : भारतीय जनता पक्ष (BJP)
- नागपूर पदवीधर : भारतीय जनता पक्ष (BJP)
- अमरावती : शिवसेना (शिंदे गट)
- छत्रपती संभाजीनगर : राष्ट्रवादी काँग्रेस (अजित पवार गट)
या मतदारसंघातूनच गेल्या काही दिवसांपासून उमेदवारीचा तिढा चांगलाच रंगला आहे. शिवसेना शिंदे गटाकडून एकनाथ शिंदे यांचे अत्यंत निकटवर्तीय मंगेश चिवटे यांनी बऱ्याच दिवसांपासून तयारी सुरू केली होती आणि ते कोणत्याही परिस्थितीमध्ये निवडणूक लढवणार असंही त्यांच्या समर्थकांकडून बोललं जात होतं. दुसरीकडे शिंदे गटामधीलच उदय सामंत यांचे निकटवर्तीय माजी ओएसडी सचिन सानप हे सुद्धा पुणे शिक्षक मतदारसंघातून निवडणूक लढवण्यासाठी ठाम आहेत. त्यामुळे ही जागा नेमकी कोणाला सुटणार याकडे लक्ष होतं. मात्र स्वामी विवेकानंद संस्थेच्या कौस्तुभ गावडे यांनी बाजी मारली आहे. ते चंद्रकांतदादा पाटील यांचे निकटवर्तीय मानले जातात.
दुसरीकडे सचिन सानप यांनी कौस्तुभ गावडे यांच्या उमेदवारी निश्चितीनंतरही 'आपण निवडणूक लढवणार' असल्याचं म्हटलं आहे. 'पक्ष नसेल तर ठीक, अपक्ष म्हणून ही लढाई लढणार' असल्याचंही सानप यांनी म्हटलं आहे. त्यामुळे आता बंडखोरी होणार का, याकडे सुद्धा लक्ष असेल. सचिन सानप हे पुण्यातील वाडिया कॉलेजचे राज्यशास्त्राचे प्राध्यापक आहेत. त्यामुळे ही डोकेदुखी महायुतीसाठी सोडवावी लागणार आहे. दुसरीकडे, काँग्रेसकडून जयंत आसगावकर यांना उमेदवारी देण्यात आली आहे. त्यांच्याकडून प्रचार सुरू असल्याने आता या निवडणुकीमध्ये कोल्हापूर हीच पुण्यासाठी रणभूमी असणार आहे. दुसरीकडे, कोल्हापुरातूनच हसन मुश्रीफ यांचे अत्यंत निकटवर्तीय भय्या माने यांची पदवीधर मतदारसंघासाठी तयारी सुरू होती, मात्र त्यामुळे त्यांनी सुद्धा बंडाचा पवित्रा घेतला आहे. 'कोणत्याही स्थितीत निवडणूक लढवणारच' असं भय्या माने यांनी जाहीर केलं आहे.
इतर महत्वाच्या बातम्या
Before You Go
Congress Graduate Teachers Constituency Election : काँग्रेसने कोणाला कोणत्या मतदारसंघातून उमेदवारी
महत्त्वाच्या बातम्या
