Eknath shinde: उद्धव ठाकरे 6 मतदारसंघात फिरुन आल्यानंतर सचिन अहिरांकडून 'वेलकम'; एकनाथ शिंदेंची पहिली प्रतिक्रिया, म्हणाले, सगळं फुलप्रूफ

Prashant Kishor Bihar Bankipur By-Election 2026 Results: भाजपच्या बालेकिल्ल्याला सुरुंग, बांकीपूरातून विजयी होताच प्रशांत किशोर यांची पहिली प्रतिक्रिया, महाराष्ट्राचंही नाव घेतलं!

मुकेश चव्हाण — Tue, 4 Aug 2026 06:56:49 +0530

Prashant Kishor Bihar Bankipur By-Election 2026 Results: भारतीय जनता पक्षाचे राष्ट्रीय अध्यक्ष नितीन नवीन राज्यसभेवर आल्यानंतर त्यांच्या होम पीचवर म्हणजेच त्यांच्या स्वतःच्या बांकीपूर विधानसभा (Bankipur By-election) मतदारसंघात प्रशांत किशोर (Prashant Kishor) यांच्या जनसुराज पक्षाने जोरदार लढत दिली. भाजप अध्यक्षांच्या हायप्रोफाईल मतदारसंघात जेन झी गेमचेंजर ठरला. बांकीपूरमध्ये जनसुराज्य पक्षाचे प्रशांत किशोर यांचा ऐतिहासिक विजय झाला. गेल्या वर्षी झालेल्या बिहार विधानसभेच्या निवडणुकीत प्रशांत किशोर यांच्या जनसुराज्य पक्षाला भोपळाही फोडता आला नव्हता. मात्र पोटनिवडणुकीत प्रशांत किशोर यांचा विजय म्हणजे भाजपच्या प्रतिष्ठेला धक्का मानला जात आहे.

भाजपच्या बालेकिल्ल्याला भगदाड पाडताच प्रशांत किशोर यांनी पहिली प्रतिक्रिया दिली आहे. प्रशांत किशोर यांनी हा विजय केवळ स्वतःचा नसून बिहारमधील बदलाची अपेक्षा बाळगणाऱ्या जनतेचा असल्याचे म्हटले. भाजपचा तब्बल तीन दशकांचा बालेकिल्ला मानल्या जाणाऱ्या बँकिपूर मतदारसंघात विजय मिळवत त्यांनी पहिल्यांदाच विधानसभेत प्रवेश केला. हा जन सुराज पक्षाचा पहिला विधानसभा विजय असून बिहारच्या राजकारणात तो महत्त्वाचा टप्पा मानला जात आहे. (Prashant Kishor Bihar Bankipur By-Election 2026 Results)

#WATCH | Bankipur Assembly Bypoll | Patna, Bihar: Jan Suraaj Party founder and victorious Bankipur Assembly candidate Prashant Kishor says, "I have no personal fight with Samrat Choudhary... It is not even about the individual, but rather about this: The BJP that we vote for-is… pic.twitter.com/DSGGevuHZm
— ANI (@ANI) August 3, 2026

विजयानंतर प्रशांत किशोर काय म्हणाले? (Prashant Kishor After Election Win)

बिहारला एका चांगल्या नेतृत्वाची गरज आहे. पुढील 3 महिन्यात तुम्हाला बांकीपुर विधानसभा मतदारसंघात बदल दिसेल. जेव्हा आमच्याकडे काहीच नव्हते, तेव्हासुध्दा आम्ही बिहारसाठी आवाज उठवत होतो. आज तर आमच्याकडे आमचा एक हक्काचा आमदार आहे, असं प्रशांत किशोर म्हणाले. जनतेने तुमचे 202 आमदार निवडून दिले आहेत. एखाद्या गुन्हेगाराला किंवा वाईट चारित्र्याच्या व्यक्तीला बिहारचे नेतृत्व करू देऊ नका. एका चांगल्या व्यक्तीला मुख्यमंत्री बनवा, जेणेकरून बिहारमध्ये शिक्षण आणि रोजगार उपलब्ध होईल, असंही प्रशांत किशोर यांनी स्पष्ट केलं.

बांकीपुर विधानसभा पोटनिवडणुकीचा अंतिम निकाल- (Bankipur By-election 2026 results)

प्रशांत किशोर (जनसुराज पार्टी)- 63,117
नीरज सिन्हा (भारतीय जनता पार्टी)- 44,794
रेखा गुप्ता (राष्ट्रीय जनता दल)- 14,263

कोण आहेत प्रशांत किशोर? (who is prashant kishor)

प्रशांत किशोर (PK) हे भारतातील प्रसिद्ध निवडणूक रणनीतीकार (Election Strategist) म्हणून ओळखले जातात. अनेक वर्षे विविध राजकीय पक्षांसाठी निवडणूक प्रचाराची रणनीती आखल्यानंतर त्यांनी स्वतः सक्रिय राजकारणात प्रवेश केला आणि 'जन सुराज' या पक्षाची स्थापना केली. बिहारच्या राजकारणात पर्यायी राजकीय नेतृत्व उभे करण्याचा त्यांचा प्रयत्न आहे.

शिक्षण आणि कारकीर्द- (Prashant Kishor Bihar Bankipur By-Election 2026)

प्रशांत किशोर यांनी सार्वजनिक आरोग्य (Public Health) क्षेत्रात काम केले असून संयुक्त राष्ट्रांच्या (UN) आरोग्यविषयक कार्यक्रमांमध्येही त्यांनी अनेक वर्षे काम केले. त्यानंतर त्यांनी भारतात येऊन निवडणूक व्यवस्थापन क्षेत्रात पाऊल ठेवले आणि डेटा-आधारित प्रचार मोहिमांमुळे त्यांना मोठी ओळख मिळाली.

राजकीय रणनीतीकार म्हणून योगदान- (Prashant Kishor Bihar Bankipur By-Election 2026)

प्रशांत किशोर यांनी विविध पक्षांच्या निवडणूक प्रचारात महत्त्वाची भूमिका बजावली.
2014 लोकसभा निवडणुकीत नरेंद्र मोदी यांच्या प्रचार मोहिमेत सहभाग
2015 बिहार विधानसभा निवडणुकीत नितीश कुमार यांच्यासाठी रणनीती
पश्चिम बंगालमध्ये ममता बॅनर्जी यांच्या प्रचार मोहिमेत योगदान
आंध्र प्रदेशमध्ये वाय. एस. जगन मोहन रेड्डी यांच्या प्रचारात सहभाग
तामिळनाडूमध्ये द्रमुक (DMK) आणि इतर पक्षांसाठीही रणनीती तयार केली.

सक्रिय राजकारणात प्रवेश- (Prashant Kishor Bihar Bankipur By-Election 2026)

2022 मध्ये प्रशांत किशोर यांनी 'जन सुराज' अभियान सुरू केले. त्यानंतर जन सुराज पक्षाची स्थापना करून बिहारमध्ये विकास, शिक्षण, रोजगार आणि सुशासनाच्या मुद्द्यांवर राजकारण करण्याचा दावा केला. अलीकडेच बँकिपूर विधानसभा पोटनिवडणुकीत विजय मिळवत त्यांनी प्रथमच विधानसभेत प्रवेश केला.

भाजपच्या बालेकिल्ल्याला सुरुंग, विजयानंतर प्रशांत किशोर काय म्हणाले?, VIDEO:

बिहारमध्ये भाजपचा राष्ट्रीय अध्यक्षांच्या मतदारसंघात दारुण पराभव; पृथ्वीराज चव्हाणांनी सांगितलं राज'कारण', पहिली प्रतिक्रिया

सोमेश कोलगे — Mon, 3 Aug 2026 20:22:12 +0530

नवी दिल्ली : देशाचं लक्ष लागलेल्या बिहारमधील (Bihar) बांकीपूर विधानसभा पोटनिवडणुकीत भाजपला पराभवाचा सामना करावा लागला. जनसुराज्य पक्षाचे प्रमुख प्रशांत किशोर यांनी येथील मतदारसंघातून तब्बल 18 हजार मतांनी विजय मिळवला. त्यामुळे, भाजपच्या (BJP) प्रतिष्ठेला हा मोठा धक्का मानला जातो, कारण याच मतदारसंघातून भाजपचे विद्यमान राष्ट्रीय अध्यक्ष नितीन नवीन विजयी झाले होते. तर, गेल्या 30 वर्षांपासून येथील मतदारसंघावर भाजपची पकड होती. त्याच अनुषंगाने काँग्रेस नेते तथा माजी मुख्यमंत्री पृथ्वीराज चव्हाण (Prithviraj chavan) यांनी या निकालावर भाष्य करताना भाजपला लक्ष्य केलं.

लोकशाहीच्या दृष्टीने अतिशय महत्त्वाचा निकाल आहे, हा निर्णायक निकाल आहे. कधीही भाजप पराभूत झालेला नव्हता, तिथे प्रशांत किशोर विजयी झालेले आहेत, त्याबद्दल त्यांचे अभिनंदन करतो. कोणता उमेदवार भाजपला पराभूत करू शकेल, त्याच्या पाठीशी मतदार उभे राहतात, असे म्हणत भाजपविरोधी लाट तयार होत असल्याचे पृथ्वीराज चव्हाण यांनी सूचवले आहे. जंतरमंतरवरील कॉक्रोच आंदोलन आणि राम मंदिर चोरी प्रकरणाचा या निवडणुकीत किती परिणाम झाला याचे विश्लेषण करावे लागेल, पण परिणाम झाला आहे. नरेंद्र मोदींनी नेमलेले ट्रस्टी तिथे होते, त्याला मोदी अमित शाह योगी जबाबदार नाहीत का? असा सवाल पृथ्वीराज चव्हाण यांनी केला. तसेच, याप्रकरणी कोणाला शिक्षा होईल असं मला वाटत नाही, SIT चे केवळ नाटक होईल. मात्र, देशात नक्कीच याचा प्रभाव पडणार आहे, मोदींनी हिंदू धर्मियांच्या आस्थेला टाच लावली आहे, असे म्हणत बिहारमधील पोटनिवडणुकीचा थेट राम मंदिर चोरी प्रकरणाशीही चव्हाण यांनी संबंध जोडला आहे.

विरोधी पक्षाची एकजूट कायम ठेवावी लागेल, आप-काँग्रेस दोघांनाही आम्हाला भाजपला सत्तेतून खाली खेचायचे आहे. युवकांचे आंदोलन होते, त्याचे क्रेडिट घेण्याचे प्रयत्न कोणी करू नये. काँग्रेस पक्ष त्यात 20 तारखेनंतर उतरला, कारण त्या आंदोलनात राजकारण आणायचे नव्हते, असे म्हणत जंतरमंतरवरील आंदोलनाचे क्रेडिट केवळ विद्यार्थ्यांचे असल्याचंही त्यांनी म्हटलं.

10 टक्के मतदार वाढवा असे सांगितलं - चव्हाण

सध्या देशभरात एसआयएर म्हणजेच मतदार यादी पुनर्निरीक्षण सुरू आहे, अनेक नावे जास्त वेळा यादीत आहेत, मी ही सर्व यादी दिली असून माझ्या मतदारसंघात 56 हजार नावे दुबार आहेत. मुख्यमंत्री देवेंद्र फडणवीस यांच्या मतदारसंघातही हेच झालं आहे, नेमका आकडा मी सांगू शकत नाही, पण 10 टक्के मतदार वाढवा असे शाह म्हणाल्याचा आरोपही पृथ्वीराज चव्हाण यांनी एसआरए प्रक्रियेवरुन केलाय.

मोदी-पवार भेटीवरही प्रतिक्रिया

शरद पवार पंतप्रधान मोदींना का भेटले मी सांगू शकत नाही, त्यांनी म्हटलं त्यानुसार शेतकऱ्यांच्या प्रश्नावर भेटले असतील किंवा ट्विट केलं की विद्यार्थ्यांच्या प्रश्नावर भेटले तसं असेल. मात्र, एका जेष्ठ नेत्याने पंतप्रधानाची भेट घेण्यात गैर काय? अशी प्रतिक्रिया चव्हाण यांनी या भेटीवर दिली.

दरम्यान, भिवंडीसह खड्ड्यांमुळे होणाऱ्या अपघाताबाबत बोलताना त्यांनी थेट भ्रष्टाचारावर बोट ठेवलं. 40 टक्के कमिशन घेऊन कामे होणार असतील तर काय होणार, इंजिनिअर दोषी नसतो, युवकांनीच यावर आंदोलन केलं पाहिजे, राजकीत पक्ष पूरक भूमिका घेतील, असेही त्यांनी म्हटले.

हेही वाचा

भाजपच्या प्रतिष्ठेला 'दे धक्का'; बिहार पोटनिवडणुकीत प्रशांत किशोरांचा मोठा विजय, 30 वर्षांपासूनच्या बालेकिल्ल्याला सुरुंग

दोन वर्षांपूर्वी लग्न, 2 जुळ्या मुली; ठाण्यातील मृत TDRF जवानाच्या कुटुंबीयांचा आक्रोश, ठाणे महापौरांकडून आश्वासन

Bankipur byelection Result : भाजपच्या प्रतिष्ठेला 'दे धक्का'; बिहार पोटनिवडणुकीत प्रशांत किशोरांचा मोठा विजय, 30 वर्षांपासूनच्या बालेकिल्ल्याला सुरुंग

सोमेश कोलगे — Mon, 3 Aug 2026 17:41:21 +0530

नवी दिल्ली : भारतीय जनता पक्षाचे (BJP) राष्ट्रीय अध्यक्ष नितीन नवीन (Nitin navin) राज्यसभेवर आल्यानंतर त्यांच्या होम पीचवर म्हणजेच त्यांच्या स्वतःच्या विधानसभा मतदारसंघात प्रशांत किशोर यांच्या जनसुराज पक्षाने जोरदार लढत दिली. राजकीय रणनीतीच्या कॉर्पोरेट उद्योगातून राजकारणात उडी घेतलेल्या प्रशांत किशोरांचा या निवडणूक निकालामुळे जोरदार लाँचिंग झालं आहे. या निवडणुकीच्या वेगवेगळ्या अर्थांचा मागोवा निकालानंतर घेतला जात असून काँग्रेसशिवाय भाजपला विरोध करणारा नवा चेहरा प्रशांत किशोर (Prashant kishor) यांच्यारुपाने उदयास आला आहे. येथील पोटनिवडणुकीत प्रशांत किशोर यांचा विजय म्हणजे भाजपच्या प्रतिष्ठेला धक्का मानला जात आहे. दरम्यान, प्रशांत किशोर यांनी 18,953 मतांनी दणदणीत विजय मिळवला.

बिहारमधील बांकीपूर विधानसभा भारतीय जनता पक्षाचा बालेकिल्ला आहे. नितीन नवीन यांनी सलग पाच वेळा विधानसभा जिंकली आहे. 2010 च्या परिसीमनानंतर तयार झालेल्या बांकीपूर 2010, 2015, 2020 आणि 2025 विधानसभा निवडणुकांत नितीन नवीन विजयी झाले होते. त्याआधी याच भागातून पटना पश्चिम या मतदारसंघात नितीन नवीन यांचे वडील नबीन किशोर सिन्हा हेही 1995 पासून सलग चार वेळा निवडून आले होते. त्यामुळे, बिहारमध्ये ही जागा भाजपचा दीर्घकाळचा शहरी बालेकिल्ला मानली जाते. त्यामुळे, 30 वर्षांपासूनच्या भाजपच्या बालेकिल्ल्या सुरूंग लागल्याचं बोललं जात आहे.

भाजपा राष्ट्रीय अध्यक्षांची प्रतिष्ठा पणाला

भाजपचे नवनियुक्त राष्ट्रीय अध्यक्ष नितीन नवीन यांचा वैयक्तिक प्रतिष्ठेची ही निवडणूक होती. नोव्हेंबर 2025 च्या विधानसभा निवडणुकीत नितीन नवीन विक्रमी मतांनी जिंकले, पण राज्यसभा सदस्य झाल्यानंतर त्यांनी आमदारकीचा राजीनामा दिला, आणि नंतर जानेवारी 2026 मध्ये त्यांची भाजपच्या राष्ट्रीय अध्यक्षपदी निवड झाली. नितीन नवीन भारतीय जनता पक्षाच्या इतिहासातील सर्वात तरुण, वयाच्या 45 व्या वर्षी आणि बिहारमधून राष्ट्रीय अध्यक्ष हे पद मिळवणारे पहिले नेते ठरले. त्यामुळे त्यांच्या स्वतःच्या घरच्या मतदारसंघातील निकाल हा त्यांच्या वैयक्तिक व राजकीय प्रतिष्ठेशी थेट जोडला गेला आहे

भाजपच्या पहिल्या उमेदवाराची माघार

राज्यसभेवर गेल्यानंतर नितीन नवीन यांनी जागा सोडल्यामुळे झालेल्या पोटनिवडणुकीत 30 जुलै रोजी मतदान झाले असून 3 ऑगस्ट रोजी मतमोजणी पार पडली. या निवडणुकीत भाजपला मोठा फटका बसला. पक्षाचे पहिले उमेदवार अभिषेक कुमार बंटी यांनी कौटुंबीक कारणांचा हवाला देत अर्ज मागे घेतला, त्यानंतर भाजपने बिहारच्या दतिया मतदारसंघातून आशुतोष तिवारी आणि बांकीपुरातून नीरज कुमार सिन्हा यांना उमेदवार केले. या पोटनिवडणुकीत जनसुराजचे प्रशांत किशोर, राजदच्या रेखा गुप्ता आणि एनडीए-समर्थित भाजप उमेदवार नीरज कुमार सिन्हा यांच्यात मुख्य लढाई झाली

भाजप राष्ट्रीय अध्यक्षांचा स्वतःचा मतदारसंघ, शहरी बालेकिल्ला असूनही उमेदवार बदलावा लागणे, आणि प्रशांत किशोरांसारख्या नव्या राजकीय खेळाडूचा पहिलेच निवडणुकीतील विजय या सर्व कारणांमुळे 3 ऑगस्टचा निकाल भाजपसाठी फटका मानला जातो आहे पण त्यातून प्रशांत किशोर नावाचा नवा नेता भाजपविरोधातील अवकाशात राष्ट्रीय राजकारणच्या पटलावर उदयास आला आहे, हे लक्षात घ्यावे लागेल

"Bihar people don't want a CM with criminal background": Prashant Kishor says Bankipur lead a message to BJP top brass

Read @ANI Story | https://t.co/R6Jd6GhvHV #BankipurBypoll #JanSuraajParty #PrashantKishor pic.twitter.com/RDhk8xn0Rh
— ANI Digital (@ani_digital) August 3, 2026

हेही वाचा

'फक्त आमदारकीची नाही, तर भाजपच्या केंद्रीय नेतृत्वाला संदेश देणारी निवडणूक..' थेट भाजप अध्यक्षांच्या बालेकिल्ल्याला भगदाड पाडताच बांकीपूरचे बाॅस प्रशांत किशोर काय काय म्हणाले?

Bankipur By Election Result: नितीन नवीन यांच्या बांकीपूरमध्ये भाजप पिछाडीवर, राजदच्या मित्रपक्षाकडून प्रशात किशोर यांना विजयापूर्वीच शुभेच्छा

युवराज जाधव — Mon, 3 Aug 2026 15:51:11 +0530

पाटणा : भाजपचे राष्ट्रीय अध्यक्ष नितीन नवीन(Nitin Nabin) यांच्या राजीनाम्यामुळं रिक्त झालेल्या बांकीपूर विधानसभा मतदारसंघाच्या पोटनिवडणुकीची (Bankipur By Election Result) मतमोजणी सुरु आहे. गेल्या साडे तीन दशकांपासून भाजपचा बालेकिल्ला असलेल्या बांकीपूरमध्ये जनसुराजचे (Jan Suraj) प्रशांत किशोर (Prashant Kishor) आघाडीवर आहेत. तर भाजपचे नीरज कुमार मतमोजणीच्या 21 व्या फेरीनंतर 11 हजार मतांनी पिछाडीवर आहेत. प्रशांत किशोर यांनी विजयाच्या दिशेनं वाटचाल सुरु ठेवल्यानं राजद काँग्रेसच्या महाआघाडीचा मित्रपक्ष असलेल्या मुकेश सहानी यांच्या व्हीआयपी पक्षानं त्यांना शुभेच्छा दिल्या आहेत.

मुकेश सहानी यांच्या व्हीआयपीकडून प्रशांत किशोर यांचं अभिनंदन केलं आहे. व्हीआयपीचे राष्ट्रीय मुख्य प्रवक्ते देव ज्योती यांनी प्रसिद्धीपत्रक जारी करत प्रशांत किशोर यांचं अभिनंदन केलं आणि शुभेच्चा दिल्या. व्हीआयपीकडून निकालापूर्वीच प्रशांत किशोर यांचं अभिनंदन करण्यात आलं आहे. देव ज्योती यांनी बांकीपूरचा निकाल हा लोकशाहीचा विजय आणि भाजपच्या अहंकाराचा पराभव असल्याची टीका केली. जनतेनं मताधिकाराचा वापर करत थेट संदेश दिला आहे, असं व्हीआयपीनं म्हटलं. तर, सत्तेचा गर्व आणि लोकविरोधी राजकारण फार काळ चालू शकत नाही, असंही व्हीआयपीनं म्हटलं.

देव ज्योती म्हणाले की विकासशील इन्सान पार्टी निषाद आरक्षणाच्या मागणीसाठी सातत्यानं संघर्ष करत आहे. समाजाचे अधिकार, सन्मान आणि भागीदारीच्या लढाईला यापुढे देखील मजबूत केलं जाईल. डॉ. बाबासाहेब आंबेडकर यांनी संविधानाच्या माध्यमातून प्रत्येक व्यक्तीला मताचा अधिकार दिला आहे. ही लोकशाहीची मोठी ताकद आहे. बांकीपूरच्या जनतेनं आपल्या निर्णयातून अंतिम निर्णय जनतेच्या हतात असतो हे स्पष्ट केल्याचं देव ज्योतींनी म्हटलं.

21 व्या फेरीअखेर प्रशांत किशोर आघाडीवर

निवडणूक आयोगाच्या वेबसाईटनुसार 21 व्या फेरी अखेर प्रशांत किशोर यांनी 11893 मतांची आघाडी घेतली आहे. प्रशांत किशोर यांना 42190 मतं मिळाली आहेत तर भाजपच्या नीरज कुमार यांना 30276 मतं मिळाली आहेत. राजदच्या रेखा कुमारी यांना 21 व्या फेरीअखेर 10309 मतं मिळालीत.

दरम्यान, भाजपचे राष्ट्रीय अध्यक्ष नितीन नवीन यांनी आमदारकीचा राजीनामा दिल्यानं ही जागा रिक्त झाली होती. नितीन नवीन यांना भाजपनं राष्ट्रीय अध्यक्षपद देत नवी दिल्लीत केंद्रीय राजकारणात सक्रीय केलं होतं. नितीन नवीन खासदार झाल्यानं त्यांची विधानसभेची जागा रिक्त झाली होती. बांकीपूरच्या पोटनिवडणुकीतील मतमोजणीतील कल भाजपसाठी धक्कादायक मानले जातं आहेत. राहिलेल्या फेऱ्यांमध्ये भाजप पिछाडी भरुन काढणार का याकडे सर्वांचं लक्ष लागलंय.

Zilla Parishad Election: राज्यातील रखडलेल्या झेडपीच्या निवडणुका डिसेंबरमध्ये होण्याची शक्यता; राज्य सरकारने सुप्रीम कोर्टात निवडणुका घेण्याची दर्शवली तयारी

तुषार कोहळे — Fri, 31 Jul 2026 08:42:28 +0530

Zilla Parishad Election: राज्यातील रखडलेल्या जिल्हा परिषद (Zilla Parishad) निवडणुकांचा मार्ग आता मोकळा होण्याची शक्यता निर्माण झाली आहे. राज्य सरकारने (State Government) सर्वोच्च न्यायालयात (Supreme Court) निवडणुका घेण्याची तयारी दर्शविल्याने डिसेंबर महिन्यात जिल्हा परिषद निवडणुका होण्याची शक्यता वर्तवली जात आहे. मात्र, या निवडणुका 50 टक्के आरक्षण मर्यादेत घेण्यात आल्यास अनेक जिल्ह्यांतील आरक्षणाच्या समीकरणात मोठे बदल होण्याची शक्यता आहे.

याचा सर्वाधिक परिणाम नागपूर (Nagpur) जिल्हा परिषदेत दिसून येऊ शकतो. सध्याच्या आरक्षणाच्या आराखड्यानुसार राज्य निवडणूक आयोगाने (State Election Commission) निश्चित केलेल्या निकषांनुसार एकूण 57 जागांपैकी 33 जागा विविध प्रवर्गांसाठी आरक्षित करण्यात आल्या आहेत. या 33 आरक्षित जागांमध्ये इतर मागास प्रवर्ग यांच्यासाठी 15 जागा, अनुसूचित जाती यांच्यासाठी 10 जागा आणि अनुसूचित जमाती यांच्यासाठी 8 जागा राखीव ठेवण्यात आल्या आहेत.

Zilla Parishad Election: ओबीसींकरिता 10 जागा आरक्षित राहण्याची शक्यता

मात्र, सर्वोच्च न्यायालयाच्या निर्देशांनुसार 50 टक्के आरक्षण मर्यादेचे पालन करून निवडणुका झाल्यास एकूण 57 जागांपैकी केवळ 27 जागाच आरक्षित ठेवता येणार आहेत. त्यामुळे सध्याच्या 33 आरक्षित जागांऐवजी 27 जागांवरच आरक्षण लागू राहण्याची शक्यता आहे. यामुळे सर्वाधिक परिणाम ओबीसी आरक्षणावर होण्याची शक्यता व्यक्त केली जात आहे. सध्या ओबीसींसाठी राखीव असलेल्या 15 जागांपैकी पाच जागा कमी होऊन केवळ 10 जागाच ओबीसींसाठी आरक्षित राहू शकतात. त्यामुळे नागपूर जिल्हा परिषदेत राजकीय समीकरणांमध्ये मोठा बदल होण्याची शक्यता आहे.

Supreme Court: सर्वोच्च न्यायालयाच्या निर्णयाकडे लक्ष

राज्य सरकारने सर्वोच्च न्यायालयात निवडणुका घेण्याबाबत सकारात्मक भूमिका मांडल्यामुळे गेल्या काही काळापासून प्रलंबित असलेल्या स्थानिक स्वराज्य संस्थांच्या निवडणुकांना अखेर गती मिळण्याची चिन्हे आहेत. आता सर्वोच्च न्यायालय नेमका काय अंतिम निर्णय घेणार? याकडे राज्यातील सर्व राजकीय पक्ष, इच्छुक उमेदवार आणि मतदारांचे लक्ष लागले आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

The Accidental Cockroach Party Film On CJP Protest: 'कॉकरोच जनता पार्टी'च्या आंदोलनावर सिनेमा, 20 कोटींचं बजेट अन् नावंही ठरलं; पण, अभिजीत दीपकेची भूमिका कोण साकारणार?

Shivsena Name And Symbol Hearing In Supreme Court: हे सर्व फक्त आमदार, राजकीय पक्ष नाही; शिंदे सरकार स्थापन झालेच नसते; कपील सिब्बल यांचा जोरदार युक्तिवाद, शिवसेना पक्ष आणि चिन्ह प्रकरणाच्या अंतिम सुनावणीत काय काय घडलं?

रामदास कदमांच्या मुलाने मुंबईतील लोकसभा मतदारसंघ हेरला, 2029 च्या निवडणुकीची तयारी, वडिलांच्या वाढदिवसाला बाईक अन् लॅपटॉप वाटले

एबीपी माझा वेब टीम — Mon, 27 Jul 2026 17:09:42 +0530

Siddhesh Kadam : शिवसेना शिंदे गटाचे नेते आणि महाराष्ट्र राज्य प्रदूषण नियंत्रण मंडळ अध्यक्ष सिद्धेश कदम यांनी मोठं वक्तव्य केलं आहे. त्यांनी उत्तर पश्चिम लोकसभा मतदारसंघाच्या खासदारकीबाबत हे मोठं वक्तव्य केलं आहे. सिद्धेश कदम यांनी खासदारकीबाबत इच्छा व्यक्त केली आहे. गोरेगाव नेस्को कार्यक्रमात माध्यमांसोबत संवाद साधताना कदम यांनी इच्छा व्यक्त केली आहे. भविष्यात डीलिमिटेशन झालं पक्षाने संधी दिल्ली तर दिल्लीत जायला आवडेल असंही सिद्धेश कदम म्हणाले. सिद्धेश कदम हे माजी मंत्री शिवसेना शिंदे गटाचे नेते रामदास कदम यांचे पुत्र आहेत.

सिद्धेश कदमांची उत्तर पश्चिम लोकसभा मतदारसंघातील सहाही विधानसभांमध्ये मोर्चेबांधणी सुरु

सध्या रविंद्र वायकर हे उत्तर पश्चिम लोकसभा मतदारसंघाचे खासदार आहेत. ते उत्तम काम करत आहेत. सध्या सिद्धेश कदम यांच्या माध्यमातून उत्तर पश्चिम लोकसभा मतदारसंघातील सहाही विधानसभांमध्ये मोर्चेबांधणी सुरु आहे. रामदास कदम यांच्या वाढदिवसानिमित्त गोरेगाव नेस्को मध्ये शासन आपल्या दारी या मोहिमेअंतर्गत 25 हजार लोकांना विविध शासकीय दाखल्यांचे वितरण करण्यात आले आहे. लोकसभा मतदारसंघातील दहावी बारावी उत्तीर्ण विद्यार्थ्यांचा गौरव करण्यात आला. तसेच दुचाकी आणि लॅपटॉपचे वाटप देखील करण् यात आले. सिद्धेश कदम यांची मतदार संघातील बांधणी आणि कामे पाहता भविष्यात खासदार रवींद्र वायकर यांची उमेदवारी कापून उत्तर पश्चिम मध्ये निवडणूक लढण्याची तयारी असल्याचं बोललं जात आहे. रवींद्र वायकर यांना डावलून सिद्धेश कदम यांना उमेदवारी मिळणार का? हे पाहणे देखील महत्त्वाचं ठरणार आहे.

मुंबई उत्तर पश्चिम लोकसभा मतदारसंघात 6 विधानसभा मतदारसंघ

मुंबई उत्तर पश्चिम लोकसभा मतदारसंघ हा महाराष्ट्र राज्यातील 48 मतदारसंघांपैकी एक महत्त्वाचा भाग आहे, ज्यामध्ये जोगेश्वरी पूर्व, दिंडोशी आणि गोरेगाव क्षेत्रांचा समावेश होतो. सध्या या मतदारसंघाचे प्रतिनिधित्व रवींद्र दत्ताराम वायकर हे करत आहेत. या जागेवर सिनेतारकांचे वर्चस्व राहिले आहे. या भागात गोरेगावमध्ये 520 एकरमध्ये पसरलेली फिल्म सिटी येते. या लोकसभा मतदारसंघात जोगेश्वरी पूर्व, दिंडोशी, गोरेगाव, वर्सोवा, अंधेरी पश्चिम आणि अंधेरी पूर्व असे एकूण 6 विधानसभा मतदारसंघ आहेत. मुंबईचे फुफ्फुस म्हणून ओळखले जाणारे 1800 एकरचे जंगलही याच लोकसभा जागेचा एक भाग आहे. येथील सुंदर समुद्रकिनारे पर्यटकांना खूप आकर्षित करतात, यामध्ये वर्सोवाचा समुद्रकिनारा देखील समाविष्ट आहे.

मुंबई उत्तर-पश्चिम लोकसभा मतदारसंघाचा इतिहास

1967 मध्ये झालेल्या सार्वत्रिक निवडणुकीत मोठ्या सीमा बदलानंतर काँग्रेसचे उमेदवार शांतीलाल शाह मुंबई उत्तर-पश्चिम लोकसभा मतदारसंघातून खासदार म्हणून निवडून आले. 1971 मध्येही ही जागा काँग्रेसकडेच राहिली आणि हरी रामचंद्र गोखले खासदार म्हणून निवडून आले. 1977 आणि 1980 च्या निवडणुकीत जनता दलाने ही जागा जिंकली होती. पक्षाचे उमेदवार आणि ज्येष्ठ वकील राम जेठमलानी दोनदा खासदार झाले. 1984 मध्ये चित्रपट अभिनेते सुनील दत्त यांनी काँग्रेस पक्षाकडून ही जागा लढवली होती. त्यांनी 1984, 1989 आणि 1991 मध्ये सलग तीन वेळा येथून निवडणूक जिंकली. 1996 च्या निवडणुकीत ही जागा शिवसेनेकडे गेली आणि पक्षाचे मधुकर सरपोतदार विजयी झाले. 1998 च्या निवडणुकीतही या जागेवर शिवसेनेचे मधुकर सरपोतदार निवडून आले होते.

सातारा जिल्हा बॅंकेच्या निवडणुकीवरुन राजकारण तापलं, सोसायटी ठरावावरुन कराडमध्ये दोन गटात जोरदार हाणामारी, 10 जणांवर गुन्हा दाखल

वैभव बोडके — Sun, 26 Jul 2026 16:50:40 +0530

Satara District Bank News : सातारा जिल्हा बॅंकेच्या निवडणुकीच्या पार्श्वभूमीवर राजकीय वातावरण चांगलच तापल्याचं चित्र पाहायला मिळत आहे. सोसायटी ठरावावरुन कराडमध्ये दोन गटात जोरदार मारामारी झाल्याची घटना घडली आहे. कोयता, खुरपे आणि काठीने मारहाण करण्यात आली आहे. या प्रकरणी 10 जणांवर गुन्हा दाखल करण्यात आला आहे.

सातारा जिल्हा बॅंकेच्या निवडणुकीसाठी 5 ऑगस्ट पर्यंत संस्थाच्या प्रतिनिधीचे ठराव देण्याची मुदत

सातारा जिल्हा बॅंकेच्या निवडणुकीसाठी 5 ऑगस्ट पर्यंत संस्थाच्या प्रतिनिधीचे ठराव देण्याची मुदत आहे. त्या पार्श्वभूमीवर जिल्ह्यातील राजकारण चांगलेच तापल्याचं चित्र पाहायला मिळत आहे. कराड तालुक्यातील मालखेड येथे सोसायटी ठरावावरून दोन गटात राडा झाला असून कराड तालुका पोलिस ठाण्यात परस्पर विरोधी 10 जणांवर गुन्हा नोंद करण्यात आला आहे. या राड्यात कोयता, खुरप्याने आणि काठीने मारहाण केल्याचे फिर्यादीत म्हटले आहे. या राड्यामुळं सातारा जिल्हा बॅंकेचे पडघम वाजले असून सातारा जिल्हा बॅंकेते महाविकास विरुध्द महायुती अशी लढत होणार की जिल्हा परिषदेचे उट्टे काढण्यासाठी महायुतीतच जिरवा जीरवीचे राजकारण पहायला मिळणार याकडे आता राज्याचे लक्ष लागलं आहे.

Budh Margi 2026 : जुलैच्या शेवटी बुधाची मार्गी चाल; या 4 राशींना सावधानतेचा इशारा, वेळोवेळी राहावं लागेल अलर्ट, अन्यथा..

एबीपी माझा वेब टीम — Thu, 23 Jul 2026 10:41:00 +0530

Budh Margi 2026 : वैदिक ज्योतिष शास्त्रानुसार, जुलै महिन्याला सुरुवात झाली आहे. त्यानुसार, येत्या 24 जुलै 2026 ची रात्र (म्हणजेच 25 जुलैच्या सकाळी) जवळपास 3 वाजून 54 मिनिटांनी बुद्धी, संवाद आणि व्यवसायाचा कारक बुध ग्रह आपल्या स्वराशी म्हणजेच मिथुन राशीत मार्गी होणार आहे. जेव्हा एखादा ग्रह मार्गी होतो तेव्हा तो आपल्या सरळ रेषेने चालतो. ज्यामुळे त्याच्या परिणामांना गती मिळते.

बुध ग्रह संचार, तर्कशक्ती आणि पैशांच्या देवाणघेवाणीला नियंत्रित करतो. त्यामुळे बुधाच्या मार्गी चालीचा सर्व राशींवर परिणाम होतो. काही राशींना या काळात सावध राहण्याचा सल्ला दिला जातो. या राशी कोणत्या आहेत ते जाणून घेऊयात.

वृषभ रास (Taurus Horoscope)

वृषभ राशीच्या लोकांसाठी बुध ग्रहाचं संक्रमण आव्हानात्मक ठरणार आहे. या काळात तुमच्या आर्थिक स्थितीवर याचा परिणाम होऊ शकतो. त्यामुळे तुमच्या वाणीवर तुम्हाला नियंत्रण ठेवावं लागेल. तसेच, गैरसमजही निर्माण होऊ शकतात. तुमच्या आरोग्यावर तसेच, मानसिक स्वास्थ्यावर याचा परिणाम होऊ शकतो. या दरम्यान कोणाशीही पैशांचे व्यवहार करु नका. कोणाला पैसे उधार म्हणून देऊ नका. ते तुम्हाला परत मिळतील की नाही सांगता येत नाही. सध्या गुंतवणूक करणे पूर्णपणे टाळा. बोलताना शब्दांची निवड अत्यंत काळजीपूर्वक करा.

कन्या रास (Virgo Horoscope)

कन्या राशीचा स्वामी ग्रह बुध आहे. त्यामुळे बुधाच्या संक्रमणाचा तुमच्या मानसिक स्थितीवर परिणाम होऊ शकतो. कामाच्या वातावरणावर थेट परिणाम होऊ शकतो. तसेच, नोकरी संदर्भात अचानक तणाव वाढू शकतो. सहकाऱ्यांशी मतभेद होण्याची शक्यता आहे. तणावामुळे निद्रानाश किंवा डोकेदुखी यांसारख्या समस्या त्रासदायक ठरू शकतात. कामाच्या जागी कोणत्याही प्रकारच्या गॉसिप आणि राजकारणापासून दूर रहा. आपल्या कामावर लक्ष केंद्रित करा. घाईगडबडीत कोणतेही निर्णय घेऊ नका.

वृश्चिक रास (Scorpio Horoscope)

वृश्चिक राशीच्या लोकांसाठी बुध ग्रहाची मार्गी चाल तुमच्या आरोग्यावर परिणाम करु शकते. तुमच्यासाठी हा काळ फार संवेदनशील असणार आहे. या काळात तुमच्या शत्रूंपासून दूर राहा. तसेच, तुमच्या आर्थिक स्थितीवर याचा परिणाम होऊ शकतो. वाहन चालवताना विशेष सावध राहा. कोणत्याही कागदपत्रावर न वाचता सही करू नका.

मीन रास (Pisces Horoscope)

मीन राशीच्या व्यक्तींसाठी, हा काळ कठीण असणार आहे. या काळात तुमच्या कौटुंबिक स्थितीवर याचा परिणाम होऊ शकतो. तसेच, कुटुंबियांच्या आरोग्यावरही याचा परिणाम होऊ शकतो. मालमत्ता किंवा वाहनांशी संबंधित बाबींमध्ये अडथळे येऊ शकतात. नोकरी-व्यवसायात असलेल्यांचे मन कामावरून विचलित होऊ शकते. या काळात नवीन गाडी खरेदीची योजना काही काळासाठी पुढे ढकलणे चांगले ठरेल.

इतर महत्त्वाच्या बातम्या :

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Shani Vakri 2026 : शनिच्या वक्री चालीचा 5 राशींवर सर्वात पॉवरफुल्ल परिणाम; 27 जुलैपासून उलटी गिनती सुरु, आर्थिक संकटांना सामोरं जाण्याची येणार वेळ

Chhatrapati Sambhajinagar DCC Bank Election: छत्रपती संभाजीनगर जिल्हा बँकेवर महायुतीचा झेंडा, महायुतीतून निवडणूक लढलेले अंबादास दानवेही जिंकले; मविआला मोठा धक्का, पाहा विजयी उमेदवारांची यादी

डॉ. कृष्णा केंडे — Sun, 5 Jul 2026 12:12:07 +0530

Chhatrapati Sambhajinagar DCC Bank Election: सहकार क्षेत्रातील अत्यंत महत्त्वाची आणि प्रतिष्ठेची मानली गेलेली 'छत्रपती संभाजीनगर जिल्हा मध्यवर्ती सहकारी बँक' (Chhatrapati Sambhajinagar District Central Co-operative Bank) निवडणुकीत महायुतीने (Mahayuti) विरोधकांना धूळ चारत ऐतिहासिक विजयाचा झेंडा फडकवला आहे. या निवडणुकीत महायुतीने आखलेली तगडी रणनीती (Strategy) पूर्णपणे यशस्वी ठरल्याचे पाहायला मिळत आहे. बँकेच्या एकूण जागांपैकी बहुतांश जागांवर महायुतीचे वर्चस्व प्रस्थापित झाले असून महाविकास आघाडीला (Mahavikas Aghadi) या निवडणुकीत मोठा धक्का बसला आहे.

या निवडणुकीत महायुतीने यापूर्वीच शिवसेना (शिंदे गट) आणि भाजपच्या 8 उमेदवारांना बिनविरोध (Unopposed) निवडून आणले होते. त्यानंतर उर्वरित 12 जागांसाठी मतदान (Voting) पार पडले. या 12 पैकी तब्बल 11 जागांवर महायुतीच्या उमेदवारांनी दणदणीत विजय मिळवला आहे. तर दुसरीकडे महाविकास आघाडीने रिंगणात उतरवलेल्या उमेदवारांपैकी केवळ काँग्रेसचे खासदार कल्याण काळे (MP Kalyan Kale) यांच्या व्यतिरिक्त एकाही उमेदवाराला विजय मिळवता आलेला नाही. मविआच्या सर्वच्या सर्व उमेदवारांना पराभवाचा सामना करावा लागला आहे.

Ambadas Danve: अंबादास दानवे आणि अतुल सावेंसह दिग्गजांची बाजी

या निवडणुकीत सर्वात जास्त लक्षवेधी ठरली ती म्हणजे मतदानाद्वारे झालेली 12 जागांची लढत. यामध्ये महायुतीच्या पॅनलमधून निवडणूक लढवणारे शिवसेना ठाकरे गटाचे आमदार आणि विधानपरिषदेचे माजी विरोधी पक्षनेते अंबादास दानवे (Ambadas Danve) यांनी विजय मिळवला आहे. त्यांच्यासह मंत्री अतुल सावे (Atul Save) आणि भाजप आमदार अनुराधा चव्हाण, शिवसेना आमदार संजना जाधव या बड्या नेत्यांनीही बाजी मारली आहे.

DCC Bank Election Winning Candidates: मतदानातून विजयी झालेले महायुतीचे 11 उमेदवार

1 अंबादास दानवे - ठाकरे गट आमदार (Ambadas Danve)

2 अतुल सावे - मंत्री, भाजप नेते (Atul Save)

3 अनुराधा चव्हाण - भाजप आमदार (Anuradha Chavan)

4 संजना जाधव - शिवसेना आमदार (Sanjana Jadhav)

5 रवींद्र काळे (Ravindra Kale)

6 अर्जुन पाटील (Arjun Patil)

7 रामराव शेळके (Ramrao Shelke)

8 मुक्ता तांगडे (Mukta Tangde)

9 जाधव सुवर्णा (Jadhav Suvarna)

10 प्रभाकर काळे (Prabhakar Kale)

11 शेषराव जाधव (Sheshrao Jadhav)

DCC Bank Election: 8 उमेदवार आधीच झाले होते बिनविरोध

महायुतीने निवडणुकीची घोषणा झाल्यापासूनच मोर्चेबांधणी मजबूत केली होती. यामुळे पहिल्या टप्प्यातच महायुतीचे 8 उमेदवार बिनविरोध निवडून आले होते. यामध्ये प्रामुख्याने शिंदे गटाचे दोन बडे मंत्री आणि आमदारांचा समावेश होता.

1 संजय शिरसाट, मंत्री, शिवसेना शिंदे गट (Sanjay Shirsat)

2 विलास भुमरे - शिवसेना आमदार (Vilas Bhumre)

3 रमेश बोरणारे - शिवसेना आमदार (Ramesh Bornare)

4 अर्जुन गाडे (Arjun Gade)

5 अनिल बोरसे (Anil Borse)

6 अब्दुल समीर (Abdul Samir)

7 दिनेश परदेशी (Dinesh Pardeshi)

8 संदीप निकम (Sandeep Nikam)

DCC Bank Election: महाविकास आघाडीची निराशा; केवळ एका जागेवर समाधान

या निवडणुकीत महाविकास आघाडीने महायुतीला तगडे आव्हान देण्याचा प्रयत्न केला होता. मात्र, मतदारांनी मविआच्या पॅनलला साफ नाकारल्याचे निकालावरून स्पष्ट होत आहे. मविआचे सर्व प्रमुख उमेदवार एकामागून एक पराभूत झाले. केवळ एकमेव अपवाद ठरले ते म्हणजे खासदार कल्याण काळे. खासदार कल्याण काळे यांनी आपली जागा राखत विजय मिळवला असून, ते मविआचे या निवडणुकीतील एकमेव विजयी उमेदवार ठरले आहेत. या ऐतिहासिक विजयानंतर छत्रपती संभाजीनगर जिल्हा बँकेवर आता पूर्णपणे महायुतीची सत्ता आली आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Uddhav Thackeray: सचिन अहिर फुटल्यानंतर उद्धव ठाकरे कमालीचे सावध, पक्षातील सर्व आमदारांना आदेश धाडला; मंगळवारी मातोश्रीवर तातडीची बैठक

Eknath shinde: उद्धव ठाकरे 6 मतदारसंघात फिरुन आल्यानंतर सचिन अहिरांकडून 'वेलकम'; एकनाथ शिंदेंची पहिली प्रतिक्रिया, म्हणाले, सगळं फुलप्रूफ

अक्षय भाटकर, एबीपी माझा — Tue, 30 Jun 2026 15:10:47 +0530

मुंबई : ठाकरेंच्या शिवसेनेतील आमदार आणि वरळी मतदारसंघातील नेते सचिन अहिर यांनी ठाकरेंची साथ सोडत एकनाथ शिंदेंसोबत (Eknath Shinde) जाण्याचा निर्णय घेतला. कारण, आज विधानपरिषद उपसभापतीपदासाठी सचिन अहिर यांनी उमेदवारी अर्ज दाखल केला. त्यानंतर, आयोजित पत्रकार परिषदेत बोलताना एकनाथ शिंदेंनी उद्धव ठाकरेंना टोला लगावला. आमच्या सहा खासदारांच्या मतदारसंघात जाऊन आले, त्यांना शिव्यांची लाखोली वाहून आल्यानंतर मुंबईत (mumbai) त्यांच्या स्वागतासाठी सचिन अहिर आले आहेत, असे म्हणत एकनाथ शिंदेंनी टीका केली. एकनाथ शिंदे जे करतो ते फुलप्रूफ करतो, त्यामुळे काही अडचण नाही, मी काही खुलासा करणार नाही पण जे काही केले ते फुलप्रूफ आहे, असे म्हणत कायदेशीर पश्न उद्भवणार नसल्याचेच एकनाथ शिंदेंनी सचिन अहिर (Sachin Ahir) यांच्या पक्षप्रवेशानंतर म्हटले.

ग्रासरुटचा कार्यकर्ता म्हणून सचिन अहिर यांच्याकडे पहिले जाते, त्यांनी आज महायुतीतून उपसभापतीपदाचा फॉर्म भरला आहे, उद्या त्यांची प्रस्तावाच्या माध्यमातून निवड होईल. फक्त मुंबईच नाही तर उपसभापती म्हणून ते महाराष्ट्राचे काम करतील, ते असल्याने शिवसेनेची ताकद मुंबई कामगार क्षेत्रात वाढेल, असे एकनाथ शिंदे यांनी म्हटलं. आपल्या नेत्याने आपल्या पाठीशी उभे राहिले पाहिजे ही प्रत्येक कार्यकर्त्याची माफक अपेक्षा असते, आज विधानपरिषद आमदार गोकुळ गीतेदेखील सहयोगी पक्ष म्हणून सोबत आहेत, आम्ही तोडायला नाही जोडला आलो आहोत. पॉझिटीव्ह आणि प्रॅक्टिकल रहाणे ही आमची भूमिका आहे, असे एकनाथ शिंदेंनी म्हटले. शिवसेना हा कार्यकर्त्यांचा पक्ष आहे, मी मुख्यमंत्री असताना देखील कार्यकर्ता म्हणून काम केले, एक टीम म्हणून काम करण्यात सचिन अहिर यांचा हातखंडा आहे, मी त्यांचे मनापासून स्वागत करतो, शुभेच्छा देतो, असे एकनाथ शिंदेंनी म्हटले.

30 तारखेलाचा माझा शपथविधी हा योगायोग

आम्ही 22 जून 2022 ला उठाव केला, आज 30 तारीख आहे तेव्हा देखील याच तारखेला माझा शपथविधी झाला होता, हा योगायोग आहे, मी देवेंद्रजी एकत्र होतो दोघांनी टीम म्हणून काम केले. महाविकास आघाडीच्यावेळी विकासकामात थोडा बॅकलॉग होता, पण महायुतीच्या काळात महाराष्ट्रात सर्व क्षेत्रात धावू लागला, असे म्हणत एकनाथ शिंदेंनी जुन्या आठवणी सांगितल्या.

सागर बंगल्यावर पोलीस पाठवले

मी एक सांगू का, देवेंद्रजींनी ते मुख्यमंत्री असताना 2019 ला 50 फोन केले, पण एकही उचलला नाही. एक तर तू राहशील, नाहीतर मी राहीन, अशी भाषा होती त्यांची. देवेंद्र फडणवीसांवर खोटे गुन्हे दाखल करणे, सागर बंगल्यावर पोलीस पाठवणे, हे करणारे, त्यांना अचानक पुतना मावशीचं प्रेम आलं आहे. देवेंद्रजी हुशार आहेत, त्यांना सगळं कळतं. मी यावर आणखी बोलण्याची आवश्यकता नाही, असे म्हणत देवेंद्र फडणवीसांच्या पंतप्रधानपदाबाबतच्या वक्तव्यावरुन एकनाथ शिंदेंनी पलटवार केला.

आपल्यासोबत असेपर्यंतच चांगले - अहिर

आपल्यासोबत असेपर्यंत चांगले आणि पक्ष सोडल्यावर नालायक ठरवण्याचा प्रयत्न हा दुर्देवी आहे. जेव्हा इतर पक्षातून आपल्याकडे लोक येतात तेव्हा ते स्वार्थाचा विचार करत नाहीत. हेच नेते जातात तेव्हा मात्र त्यांना स्वार्थी ठरवले जाते. काहींना वाटतं की, आपणच सर्वकाही आहोत. पण मतदारसंघातील लोकांना माझं योगदान माहिती आहे, अशा शब्दांत ठाकरे गटाचे फुटीर आमदार सचिन अहिर (Sachin Ahir) यांनी त्यांच्यावरील आरोपांना प्रत्युत्तर दिले. शिंदे गटात प्रवेश केल्यानंतर सचिन अहिर आणि एकनाथ शिंदे (Eknath Shinde) यांनी संयुक्त पत्रकार परिषद घेतली. यावेळी सचिन अहिर यांनी राजकीय आरोपांना थेट उत्तर देणे टाळले असले तरी त्यांनी मोजक्या शब्दांमध्ये आदित्य ठाकरे यांच्यावर अप्रत्यक्षपणे पलटवार केला.

एकनाथ शिंदेंचे आभार

मी एकनाथ शिंदे साहेबांचे मनापासून आभार मानतो. कोळशातून हिऱ्याची चमक दिसते आणि त्यावेळी तो हिरा जवळ करण्याची संधी येते, त्यातून विश्व घडवण्याचं काम आपण करत असतो. एकनाथ शिंदेंनी माझ्यासारख्या कार्यकर्त्याला उपसभापती पदावर बहुमान देऊन, तळागाळातील कार्यकर्ता या पदावर जाऊ शकतो हे त्यांनी दाखवून दिलं, असे म्हणत सचिन अहिर यांनी एकनाथ शिंदेंचे आभार मानले.

हेही वाचा

Eknath Shinde Sachin Ahir Join Shivsena Shinde Group: सचिन तेंडुलकर...एकनाथ शिंदेंचा पहिलाच पंच; सचिन अहिरांसह बाजूचे, मागचे, पुढचे सगळे हसत बसले, VIDEO

विजयानंतर प्रशांत किशोर काय म्हणाले? (Prashant Kishor After Election Win)

बांकीपुर विधानसभा पोटनिवडणुकीचा अंतिम निकाल- (Bankipur By-election 2026 results)

कोण आहेत प्रशांत किशोर? (who is prashant kishor)

शिक्षण आणि कारकीर्द- (Prashant Kishor Bihar Bankipur By-Election 2026)

राजकीय रणनीतीकार म्हणून योगदान- (Prashant Kishor Bihar Bankipur By-Election 2026)

सक्रिय राजकारणात प्रवेश- (Prashant Kishor Bihar Bankipur By-Election 2026)

भाजपच्या बालेकिल्ल्याला सुरुंग, विजयानंतर प्रशांत किशोर काय म्हणाले?, VIDEO:

संबंधित बातमी:

10 टक्के मतदार वाढवा असे सांगितलं - चव्हाण

मोदी-पवार भेटीवरही प्रतिक्रिया

हेही वाचा

भाजपा राष्ट्रीय अध्यक्षांची प्रतिष्ठा पणाला

भाजपच्या पहिल्या उमेदवाराची माघार

हेही वाचा

21 व्या फेरीअखेर प्रशांत किशोर आघाडीवर

Zilla Parishad Election: ओबीसींकरिता 10 जागा आरक्षित राहण्याची शक्यता

Supreme Court: सर्वोच्च न्यायालयाच्या निर्णयाकडे लक्ष

राज्य आणि देश-विदेशातील महत्त्वाच्या बातम्या; पाहा व्हिडीओ

सिद्धेश कदमांची उत्तर पश्चिम लोकसभा मतदारसंघातील सहाही विधानसभांमध्ये मोर्चेबांधणी सुरु

मुंबई उत्तर पश्चिम लोकसभा मतदारसंघात 6 विधानसभा मतदारसंघ

मुंबई उत्तर-पश्चिम लोकसभा मतदारसंघाचा इतिहास

सातारा जिल्हा बॅंकेच्या निवडणुकीसाठी 5 ऑगस्ट पर्यंत संस्थाच्या प्रतिनिधीचे ठराव देण्याची मुदत

Budh Margi 2026 : जुलैच्या शेवटी बुधाची मार्गी चाल; या 4 राशींना सावधानतेचा इशारा, वेळोवेळी राहावं लागेल अलर्ट, अन्यथा..

वृषभ रास (Taurus Horoscope)

कन्या रास (Virgo Horoscope)

वृश्चिक रास (Scorpio Horoscope)

मीन रास (Pisces Horoscope)

Ambadas Danve: अंबादास दानवे आणि अतुल सावेंसह दिग्गजांची बाजी

DCC Bank Election Winning Candidates: मतदानातून विजयी झालेले महायुतीचे 11 उमेदवार

DCC Bank Election: 8 उमेदवार आधीच झाले होते बिनविरोध

DCC Bank Election: महाविकास आघाडीची निराशा; केवळ एका जागेवर समाधान

राज्य आणि देश-विदेशातील महत्त्वाच्या बातम्या; पाहा व्हिडीओ

30 तारखेलाचा माझा शपथविधी हा योगायोग

सागर बंगल्यावर पोलीस पाठवले

आपल्यासोबत असेपर्यंतच चांगले - अहिर

एकनाथ शिंदेंचे आभार

हेही वाचा