Gokul Election: गोकुळच्या निवडणुकीत हसन मुश्रीफांच्या नाराजीवर मुख्यमंत्र्यांनी कोणता शब्द दिला? महायुतीच्या पॅनेलचे नेतृत्व कोण करणार?? इनसाईड स्टोरी समोर!

Raju Shetti on Gokul Election: 'तुम्ही दोघं सांगताय म्हणून 24 मते देतो, पण एक मत कोणाला द्यायचं आमचं ठरलंय..' राजू शेट्टींनी गोकुळच्या लढाईत शिरोळच्या सभासदाची 'मन की बात' सांगितली

परशराम पाटील, एबीपी माझा, कोल्हापूर — Fri, 9 Oct 2026 12:27:27 +0530

Raju Shetti on Goku Election: रंगमंचावर आल्यावर आमची भूमिका बदलेल, दोन दिवसांनंतर आम्ही उसाचा दर मागणार आहे, त्यांना काय सोडणार नाही, पण आता गोकुळच्या बाबतीत बंटी पाटलांच्या पाठीमागे आम्ही खंबीरपणाने उभे आहोत, त्यात काही शंका असण्याचे कारण नाही, असा निर्धार स्वाभिमानी शेतकरी संघटनेचे अध्यक्ष माजी खासदार राजू शेट्टी यांनी बोलून दाखवला. कोल्हापुरात गोकुळसाठी राजर्षी शाहू शेतकरी समविचारी आघाडीकडून काल पॅनेल घोषित करण्यात आल्यानंतर राजू शेट्टी यांनी ऊस परिषदेवरून, शक्तिपीठ आणि गोकुळच्या निवडणुकीवरून भाष्य केले.

शिकांत पाटील चुयेकर हेच पहिले अध्यक्ष असतील

दरम्यान, पॅनेल घोषित करताना सतेज पाटील यांनी शशिकांत पाटील चुयेकर हेच पहिले चेअरमन असतील, अशी घोषणा केली. यावेळी बोलतान राजू शेट्टी यांनी शिरोळ तालुक्यातील गोकुळच्या सभासदाची मन की बात सांगितली. राजू शेट्टी म्हणाले की, आम्ही शिरोळमध्ये गणपतराव पाटलांसोबत भेटीगाठी करण्यसाठी फिरत होतो, तेव्हाच एक मतदार भेटला. तो सभासद म्हणाला की, तुम्ही सांगताय म्हणून आम्ही 24 मते देतो पण एक मत आम्ही शशिकांत पाटील यांना द्यायचं ठरवलंय, इतक्या तळागाळात हा संदेश पोहोचल्याचे राजू शेट्टी यांनी सांगितले.

तर दुधाच्या उत्पादनावर सुद्धा परिणाम होणार

राजू शेट्टी यांनी सांगितले की, जिथं दुधाचं उत्पादन जास्त होतंय, मग करवीर तालुका असेल, पन्हाळा तालुका असेल, भुदरगड, राधानगरी आणि आजरा या तालुक्यातूनच प्रामुख्याने शक्तीपीठ महामार्ग जातो, आणि त्यामुळे जी वर्षानुवर्ष बागायत जमीन होती, ती जमीनच जर रस्त्याखाली गेली आणि बाकी पुराखाली जमीन गेली, तर दुधाच्या उत्पादनावर सुद्धा परिणाम होणार आहे. शक्तीपीठ महामार्गाच्या माध्यमातून 2029 च्या निवडणुकीमध्ये 55 ते 60 हजार कोटी रुपये काळा पैसा वापरता यावा म्हणून लादायचा प्रयत्न केला जातोय, त्याचं उत्तर गोकुळचे ठरावधारक या निवडणुकीमध्ये निश्चितच देतील, असे ते म्हणाले. या शक्तीपीठ महामार्गामुळे सांगली-कोल्हापूर जिल्ह्यातून किमान 25 लाख टन उसाचं उत्पादन घटणार आहे, तसंच जवळपास 2 ते अडीच लाख लिटर दुधाचं उत्पादन सुद्धा घटणार आहे, हे आपल्याला परवडणारं नाही, असा इशारा राजू शेट्टी यांनी दिला.

पहिले चेअरमन शशिकांत पाटील चुयेकर असतील

दरम्यान, सतेज पाटील म्हणाले की, हे पॅनेल निवडून आल्यानंतर आमचे पहिले चेअरमन शशिकांत पाटील चुयेकर हे असतील. शशिकांत पाटील चुयेकर यांना शेवटच्या वर्षी चेअरमन करायचं ठरलं होतं, मांडव घातला होता, फटाकड्या गुलाल आणला होता, आता आणलेल्या या फटाकड्या, आणलेला गुलाल हा पुन्हा एकदा चुयेकर साहेबांच्या स्मृतीला अभिवादन देण्यासाठी या जिल्ह्यातल्या स्वाभिमानी लोकांनी आमच्यावर राहावं एवढी विनंती करतो, असे आवाहन सतेज पाटील यांनी केले दुसरीकडे, गोकुळच्या निवडणुकीत आता राजकीय रणधुमाळीला धार आली आहे. महायुतीने जागावाटपाचा तिढा सोडवत पॅनलची दिशा स्पष्ट केल्यानंतर राजर्षी शाहू शेतकरी समविचारी आघाडीनेही आपलं पॅनल जाहीर केलं. आमदार सतेज पाटील यांनी पत्रकार परिषद घेत 25 उमेदवारांची नावे जाहीर केली यामध्ये प्रामुख्याने 18 नवीन चेहऱ्यांना संधी देत महायुतीसमोर राजकीय आव्हान उभं केलं आहे. त्यामुळे गोकुळच्या निवडणुकीत दूध संघाच्या सत्तेसोबतच महायुती विरुद्ध राजर्षी शाहू शेतकरी समविचारी आघाडी अशी राजकीय प्रतिष्ठेची लढाई रंगण्याची चिन्हं आहेत.

इतर महत्वाच्या बातम्या

Satej Patil: 'शशिकांत पाटील चुयेकरांसाठी तेव्हा मांडव घातला, फटाकड्या, गुलाल आणला होता; त्याच गुलालासाठी पहिले चेअरमन त्यांनाच करणार..' सतेज पाटलांची भावनिक साद

Satej Patil: 'शशिकांत पाटील चुयेकरांसाठी तेव्हा मांडव घातला, फटाकड्या, गुलाल आणला होता; त्याच गुलालासाठी पहिले चेअरमन त्यांनाच करणार..' सतेज पाटलांची भावनिक साद

विजय केसरकर, एबीपी माझा — Fri, 9 Oct 2026 10:40:38 +0530

Satej Patil on Gokul Election: जनता ठरवेल कुणाचं मिटलं, कसं मिटलं, का मिटलं, तुम्हाला मिटवायचंच होतं आणि पॅनेल एकत्र करायचं होतं मग सहा महिने भांडणं का केली? सहा महिने 1400 संस्थांना त्रास तुम्ही तिघांनी मिळून का दिला? अदृश्य शक्तीचं नाव सुद्धा ते घेऊ शकत नाहीत, तेवढं धाडस त्यांच्यात नाही. दोषी सगळेजण आहेत, गोकुळवर प्रशासक आणला, सहा महिने गोकुळ बदनाम करायचा प्रयत्न केला. मग आजच तुमचं मिटवायचं होतं तर सहा महिन्यापूर्वीच तुम्ही मिटवून जागा वाटप करून शेवटी मुख्यमंत्रीच निर्णय घेणार होते, तिथेच बसून निर्णय घ्यायचा होता, अशा शब्दात राजर्षी शाहू शेतकरी समविचारी आघाडीचे नेते आमदार सतेज पाटील यांनी हल्लाबोल केला.

पहिले चेअरमन शशिकांत पाटील चुयेकर असतील

सतेज पाटील म्हणाले की, हे पॅनेल निवडून आल्यानंतर आमचे पहिले चेअरमन शशिकांत पाटील चुयेकर हे असतील. शशिकांत पाटील चुयेकर यांना शेवटच्या वर्षी चेअरमन करायचं ठरलं होतं, मांडव घातला होता, फटाकड्या गुलाल आणला होता, आता आणलेल्या या फटाकड्या, आणलेला गुलाल हा पुन्हा एकदा चुयेकर साहेबांच्या स्मृतीला अभिवादन देण्यासाठी या जिल्ह्यातल्या स्वाभिमानी लोकांनी आमच्यावर राहावं एवढी विनंती करतो, असे आवाहन सतेज पाटील यांनी केले दुसरीकडे, गोकुळच्या निवडणुकीत आता राजकीय रणधुमाळीला धार आली आहे. महायुतीने जागावाटपाचा तिढा सोडवत पॅनलची दिशा स्पष्ट केल्यानंतर राजर्षी शाहू शेतकरी समविचारी आघाडीनेही आपलं पॅनल जाहीर केलं. आमदार सतेज पाटील यांनी पत्रकार परिषद घेत 25 उमेदवारांची नावे जाहीर केली यामध्ये प्रामुख्याने १८ नवीन चेहऱ्यांना संधी देत महायुतीसमोर राजकीय आव्हान उभं केलं आहे. त्यामुळे गोकुळच्या निवडणुकीत दूध संघाच्या सत्तेसोबतच महायुती विरुद्ध राजर्षी शाहू शेतकरी समविचारी आघाडी अशी राजकीय प्रतिष्ठेची लढाई रंगण्याची चिन्हं आहेत.

राधानगरी तालुक्यातील समीकरणे बदलण्याची चिन्हे

दुसरीकडे, महायुतीचं पॅनेल घोषित झाल्यानंतर महायुतीला तगडा धक्का बसला आहे. अजित पवार गटातील गोकुळचे माजी संचालक किसन चौगले यांना उमेदवारी नाकारण्यात आल्यानंतर त्यांनी आमदार सतेज पाटील यांच्या नेतृत्वातील राजर्षी शाहू शेतकरी समविचारी आघाडीमध्ये जाहीर प्रवेश केला. त्यानंतर त्यांना उमेदवारी सुद्धा देण्यात आल्याने राधानगरी तालुक्यातील समीकरणे बदलण्याची चिन्हे आहेत. दुसरीकडे पी. एन. पाटील गटाला सुद्धा अवघी एका जागेवर बोळवण करण्यात आल्याने करवीर तालुक्यामध्ये मोठा असंतोष महायुतीमध्ये दिसून येण्याची शक्यता आहे.

सात विद्यमान संचालकांना संधी

कार्यकर्त्यांकडून याबाबतच्या भावना सोशल मीडियामध्ये व्यक्त केल्या जात आहेत. गॅरेजवर बसून पी. एन. पाटील यांना कोणतीही घासाघीस न करता 6 जागा मिळत होत्या, मात्र महायुतीमध्ये असून सुद्धा अवघी 1 जागा वाट्याला आल्याने पी. एन. पाटील गटाची घोर निराशा झाल्याची भावना समर्थकांकडून व्यक्त केली जात आहे. त्यामुळे आता येत्या काही दिवसांमध्ये पी. एन. पाटील गटाची नाराजी महायुतीला भोवणार का? याच्याकडे सुद्धा लक्ष असेल. दुसरीकडे, राजर्षी शाहू समविचारी आघाडीचे उमेदवार घोषित करताना सतेज पाटील यांनी 7 विद्यमान गोकुळ संचालकांना पुन्हा एकदा संधी दिली आहे, तर तब्बल 18 चेहरे नव्याने रिंगणामध्ये उतरले आहेत. त्यामुळे काटाजोड लढत अपेक्षित आहे.

इतर महत्वाच्या बातम्या

Maharashtra Legislative Council Election : विधान परिषदेच्या 5 जागांसाठी चढाओढ; कुठे थेट लढत, कुठे बंडखोरी, किती आले उमेदवारी अर्ज अन् किती ठरले वैध, जाणून घ्या सविस्तर

अंकिता खाणे — Fri, 9 Oct 2026 08:45:41 +0530

पुणे: विधानपरिषदेच्या पाच जागांसाठीच्या निवडणुकीचा बिगुल वाजला असून अर्ज भरण्याची मुदत संपली आहे. त्यामुळे पाचही मतदारसंघांतील (Maharashtra Legislative Council Election) लढतींचे प्राथमिक चित्र आता स्पष्ट झाले आहे. पुणे शिक्षक, पुणे पदवीधर, नागपूर पदवीधर, अमरावती शिक्षक आणि छत्रपती संभाजीनगर पदवीधर या मतदारसंघांमध्ये प्रमुख पक्षांच्या उमेदवारांसह बंडखोर आणि अपक्षांनीही शड्डू ठोकल्यामुळे निवडणूक अत्यंत रंजक व चुरशीची ठरणार आहे. तर आत्तापर्यंत किती आले उमेदवारी अर्ज अन् किती ठरले वैध, जाणून घ्या सविस्तर.(Maharashtra Legislative Council Election)

पुणे विभाग शिक्षक मतदारसंघासाठी ६७ उमेदवारी अर्ज दाखल झाले आहेत. तर पुणे पदवीधर मतदारसंघासाठी ८७ उमेदवारी अर्ज दाखल करण्यात आले होते. ६७ उमेदवारांचा आकडा हा पदवीधरचा नसून शिक्षक मतदारसंघाचा आहे.

पुणे पदवीधर मतदारसंघ - एकूण ८७ अर्जांपैकी छाननीनंतर ६७ उमेदवारांचे अर्ज वैध ठरले आहेत (काही ठिकाणी ६९ अर्ज वैध ठरल्याचे वृत्त आहे). या मतदारसंघासाठी भाजपकडून डॉ. स्मिता योगेश जाधव तर महाविकास आघाडीकडून राष्ट्रवादी काँग्रेसचे (शरद पवार गट) प्रदीप माने निवडणूक लढवत आहेत.

पुणे शिक्षक मतदारसंघ - एकूण ६७ अर्जांपैकी छाननीनंतर ४८ उमेदवारांचे अर्ज वैध ठरले आहेत. या मतदारसंघात महायुतीचे कौस्तुभ गावडे (भाजप) आणि महाविकास आघाडीचे जयंत आसगावकर (काँग्रेस) यांच्यात प्रमुख लढत आहे, तर शिवसेनेकडून (शिंदे गट) मंगेश चिवटे यांनीही बंडखोरी करत अर्ज भरला आहे.

नागपूर विभाग पदवीधर मतदारसंघ निवडणुकीसाठी छाननी प्रक्रियेदरम्यान ६५ उमेदवारांचे अर्ज समोर आले होते. या मतदारसंघासाठी ६ ऑक्टोबर २०२६ रोजी अर्ज भरण्याची अंतिम मुदत संपल्यानंतर ७ ऑक्टोबर रोजी अर्जांची छाननी करण्यात आली.

छत्रपती संभाजीनगर विभाग पदवीधर मतदारसंघ (पूर्वीचा औरंगाबाद विभाग) निवडणुकीसाठी एकूण ६२ उमेदवारांनी ९२ अर्ज दाखल केले आहेत। निवडणूक निर्णय अधिकाऱ्यांनी घेतलेल्या छाननी प्रक्रियेनंतर ही आकडेवारी समोर आली आहे..

अमरावती विभाग शिक्षक मतदारसंघ निवडणुकीच्या अर्जांच्या छाननी प्रक्रियेनंतर सध्या ३० उमेदवार निवडणूक रिंगणात कायम आहेत.

Maharashtra Vidhan Parishad Election: पदवीधर आणि शिक्षक मतदारसंघाच्या निवडणुकीची घोषणा, मतदान अन् निकाल कधी?

महाराष्ट्र विधानपरिषदेच्या (Maharashtra Vidhan Parishad) 3 पदवीधर आणि 2 शिक्षक मतदारसंघांच्या निवडणुकीची अधिकृत घोषणा झाली आहे. 23 ऑक्टोबर 2026 रोजी मतदान होणार असून 27 ऑक्टोबर रोजी मतमोजणी (Counting of Votes) होऊन निकाल जाहीर केला जाणार आहे.

Election Schedule: निवडणुकीचे संपूर्ण वेळापत्रक

अधिसूचना जारी (Notification Date): 29 सप्टेंबर 2026

उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026

अर्जांची छाननी (Scrutiny): 7 ऑक्टोबर 2026

अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026

मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)

मतमोजणी व निकाल (Counting Date): 27 ऑक्टोबर 2026

Graduate and Teachers constituency election maharashtra: कोणत्या पदवीधर आणि शिक्षक मतदारसंघांमध्ये निवडणूक होणार?

1. औरंगाबाद पदवीधर: सतीश भानुदास चव्हाण (राष्ट्रवादी काँग्रेस - शरद पवारांची राष्ट्रवादी / मविआ)- माजी आमदार

2. पुणे पदवीधर: अरुण गणपती लाड (राष्ट्रवादी काँग्रेस - शरद पवारांची राष्ट्रवादी / मविआ)- - माजी आमदार

3. नागपूर पदवीधर: अभिजीत गोविंदराव वंजारी (काँग्रेस)- माजी आमदार

4. अमरावती शिक्षक: किरण रामराव सरनाईक (शिवसेना - शिंदे गट)- माजी आमदार

5 पुणे शिक्षक: जयंत दिनकर आसगावकर (काँग्रेस)- माजी आमदार

गोकुळच्या रणांगणासाठी अखेर महायुती आणि समविचारी आघाडीकडून पॅनेल घोषित; पीएन पाटील गटासह मंत्री मुश्रीफांना सुद्धा तगडा धक्का; सतेज पाटलांकडून 7 विद्यमान संचालकांना संधी, 18 नवीन चेहरे मैदानात

परशराम पाटील, एबीपी माझा, कोल्हापूर — Thu, 8 Oct 2026 18:20:17 +0530

Gokul Election:कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीसाठी अखेर रणशिंग फुंकण्यात आलं आहे. गोकुळची निवडणूक बिनविरोध होणार अशा चर्चा रंगल्या असतानाच दोन्हीकडून आज पॅनेलची घोषणा करण्यात आल्याने एक प्रकारे गोकुळच्या निवडणुकीसाठी आता खऱ्या अर्थाने धुळा उडणार आहे. आज महायुतीकडून पहिल्यांदा गोकुळसाठी 25 जणांची उमेदवारांची यादी जाहीर करण्यात आली. राजर्षी शाहू शेतकरी समविचारी आघाडीकडून सुद्धा 25 जणांच्या उमेदवारीची घोषणा करण्यात आली.

राधानगरी तालुक्यातील समीकरणे बदलण्याची चिन्हे

दुसरीकडे महायुतीचं पॅनेल घोषित झाल्यानंतर महायुतीला तगडा धक्का बसला आहे. अजित पवार गटातील गोकुळचे माजी संचालक किसन चौगले यांना उमेदवारी नाकारण्यात आल्यानंतर त्यांनी आमदार सतेज पाटील यांच्या नेतृत्वातील राजर्षी शाहू शेतकरी समविचारी आघाडीमध्ये जाहीर प्रवेश केला. त्यानंतर त्यांना उमेदवारी सुद्धा देण्यात आल्याने राधानगरी तालुक्यातील समीकरणे बदलण्याची चिन्हे आहेत. दुसरीकडे पी. एन. पाटील गटाला सुद्धा अवघी एका जागेवर बोळवण करण्यात आल्याने करवीर तालुक्यामध्ये मोठा असंतोष महायुतीमध्ये दिसून येण्याची शक्यता आहे.

सात विद्यमान संचालकांना संधी

राजर्षी शाहू शेतकरी समविचारी आघाडी

सर्वसाधारण गट
अ.क्र.	नांव	गांव
1	पाटील चुयेकर शशिकांत आनंदराव	मु. पो. चुये, ता. करवीर
2	चौगले बाबासाहेब श्रीपती	मु. पो. केर्ली, ता. करवीर
3	पाटील उदय निवासराव	मु. पो. सडोली खालसा, ता. करवीर
4	देवकर बाबासाहेब विष्णू	मु. पो. गाडेगोंडवाडी, ता. करवीर
5	पाटील आबा उर्फ सत्यजित सुरेश	मु. पो. कसबा बीड, ता. करवीर
6	तायशोटे अभिजित प्रभाकर	मु. पो. राधानगरी, ता. राधानगरी
7	चौगले किसन बापूसो	मु. पो. चाफोडी, ता. राधानगरी
8	मोरे रणधीर विजयसिंह	मु. पो. सरवडे, ता. राधानगरी
9	घोरपडे सचिन दौलतराव	मु. पो. वाघापूर, ता. भुदरगड
10	जाधव विश्वजीत दिनकरराव	मु. पो. तिरवडे, ता. भुदरगड
11	देसाई राहुल बजरंग	मु. पो. गारगोटी, ता. भुदरगड
12	पाटील दादासाहेब वसंतराव	मु. पो. सातार्डे, ता. पन्हाळा
13	पाटील विकास पांडुरंग	मु. पो. गोगवे, ता. शाहुवाडी
14	बोरगांवे भिमगौंडा कल्लाप्पा	मु. पो. कोथळी, ता. शिरोळ
15	गुरबे विद्याधर बाबूराव	मु. पो. नेसरी, ता. गडहिंग्लज
16	डोंगरे सुभाष बळवंत	मु. पो. जरळी, ता. गडहिंग्लज
17	पाटील विशाल गोपाळराव	मु. पो. तांबुळवाडी, ता. चंदगड
18	पाटील विश्वजीत रणजितसिंह	मु. पो. मुरगूड, ता. कागल
19	पाटील शहाजी केशव	मु. पो. लिंगनूर दुमाला, ता. कागल
20	इंगवले विश्वासराव आनंदराव	मु. पो. हातकणंगले, ता. हातकणंगले

महिला राखीव गट
अ.क्र.	नांव	गांव
1	रेडेकर अंजना केदारी	मु. पो. पेढ्रेवाडी, ता. आजरा
2	डोंगळे भाग्यश्री धीरज	मु. पो. घोटवडे, ता. राधानगरी

इतर मागासवर्गीय गट
अ.क्र.	नांव	गांव
1	खोत शशिकांत शामराव	मु. पो. कणेरीवाडी, ता. करवीर

अनुसुचित जाती-जमाती गट
अ.क्र.	नांव	गांव
1	आवळे राजु जयवंतराव	मु. पो. भांडवडे, ता. हातकणंगले

भटक्या जाती / विमुक्त जमाती गट
अ.क्र.	नांव	गांव
1	शेळके बयाजी देवू	मु. पो. वेसरफ, ता. गगनबावडा


पंचवार्षिक निवडणूक - २०२६ \| छत्रपती शाहू शेतकरी विकास आघाडी

अ.क्र.	गट प्रवर्ग (Category)	अनु क्र.	नांव (Name)	तालुका (Taluka)
१	सर्वसाधारण गट	1	श्री. राजेश नृसिंगराव पाटील	चंदगड
		2	श्री. विश्वास नारायण पाटील—आबाजी	करवीर
		3	श्री. अरूण गणपतराव डोंगळे	राधानगरी
		4	श्री. राहुल पांडूरंग उर्फ पी एन पाटील	करवीर
		5	श्री. अजित शंतनू नर्के	पन्हाळा
		6	श्री. संभाजी रंगराव पाटील	करवीर
		7	श्री. अजित पांडूरंग पाटील	करवीर
		8	श्री. विरेंद्र संजय मंडलिक	कागल
		9	श्री. कर्णसिंह संजयसिंह गायकवाड	शाहूवाडी
		10	श्री. अमरसिंह यशवंत पाटील	पन्हाळा
		11	श्री. युवराज दत्ताजीराव पाटील	कागल
		12	श्री. मदन बाबुराव देसाई	भुदरगड
		13	श्री. अंबरीषसिंह संजय घाटगे	कागल
		14	श्री. चेतन अरूण नर्के	पन्हाळा
		15	श्री. अशोक काशिनाथ चराटी	आजरा
		16	श्री. रणजीत कृष्णाराव उर्फ के. पी. पाटील	भुदरगड
		17	श्री. सतीश भिमगोंडा पाटील	गडहिंग्लज
		18	श्री. रणजीत दिलीप पाटील	शिरोळ
		19	श्री. दिपक भरमू पाटील	चंदगड
		20	श्री. प्रतापसिंह शंकरराव पाटील	करवीर
२	अनुसूचित जाती—जमाती	1	डॉ. श्री सुजित वसंतराव मिणचेकर	हातकणंगले
३	विमुक्त जाती / भटक्या जमाती / वि.मा.प्रवर्ग	1	श्री विश्वास शंकर जाधव	पन्हाळा
४	इतर मागासवर्गीय	1	श्री नविद हसनसाहेब मुश्रीफ	कागल
५	महिला राखीव	1	सौ. शौमिका अमल महाडीक	करवीर
५	महिला राखीव	2	सौ. अर्चना आनंदराव उर्फ ए. वाय. पाटील	राधानगरी

इतर महत्वाच्या बातम्या

Satej Patil: महायुतीचा सगळा कारभार मुंबईतून, उद्या गोकुळचा कारभारही मुंबईतूनच चालेल, म्हशीची धार कधी काढायची हे मुंबईत ठरू नये एवढीच अपेक्षा; सतेज पाटलांचा हल्लाबोल

Jay Pawar on Yugendra Pawar : युगेंद्र पवारांनी सोमेश्वरसाठी आपण एकत्र यायचं का विचारलं होतं; पार्थदादांनी सांगितलं की, 'युगेंद्र, आमचे कार्यकर्ते...', जय पवारांनी सांगितली इनसाईड स्टोरी

जयदीप मेढे — Thu, 8 Oct 2026 12:10:34 +0530

बारामती : “शेवटच्या दिवसापर्यंत मला वाटत होतं की आपण सगळे एकत्र बसून काहीतरी मार्ग काढू. पण जगतापांच्या मनात काहीतरी वेगळंच होतं. दादांचं कुटुंब म्हणजे आपण सगळेच आहोत. मात्र, आम्हा सगळ्यांना जगतापांनी डावललं,” असा थेट हल्लाबोल राष्ट्रवादी काँग्रेस पक्षाचे युवा नेते जय पवार (Jay Pawar) यांनी केला. सोमेश्वर सहकारी साखर कारखाना निवडणुकीच्या पार्श्वभूमीवर बोलताना जय पवार (Jay Pawar) यांनी स्व. अजितदादांच्या आठवणींना उजाळा देत आपल्या राजकीय वाटचालीबाबतही भूमिका स्पष्ट केली. “दादांचा अपघात झाला, त्यावेळी त्यांच्याजवळ जनतेच्या कामांचीच कागदपत्रं होती. शेवटच्या क्षणापर्यंत ते जनतेसाठीच काम करत होते. दादा गेल्यानंतर मी खूप विचार केला. राजकारण सोडावं, आईला वेळ द्यावा, असंही मनात आलं होतं. पण त्या १३ दिवसांत दादांवर जनतेचं किती प्रेम आहे, हे आम्ही जवळून पाहिलं. त्यानंतर ठरवलं की शेवटच्या क्षणापर्यंत जनतेसाठीच काम करायचं,” असं जय पवार म्हणाले. “आपण दादांचे वारस आहोत. त्यांचं रक्त आपल्या शरीरात आहे. त्यामुळे जनतेसाठी जगायचं आणि दादांनी आयुष्यभर जपलेला जनसेवेचा विचार पुढे न्यायचा, हा आमचा निर्धार आहे,” असंही त्यांनी स्पष्ट केलं.(Jay Pawar)

Jay Pawar on Someshwar Karkhana Election : एकत्र येण्याची चर्चाही झाली होती

काही दिवसांपूर्वी सुप्रिया आत्यांच्या घरी बहिण रेवतीला भेटण्यासाठी गेलो असताना सोमेश्वर कारखाना निवडणुकीबाबत एकत्र येण्याची चर्चा झाली होती, अशी माहिती जय पवार यांनी दिली. “युगेंद्र पवार यांनीच सोमेश्वरसाठी आपण एकत्र यायचं का, अशी भूमिका मांडली होती. त्यावेळी पार्थदादांनी स्पष्ट सांगितलं की, ‘युगेंद्र, आमचे कार्यकर्ते आम्हाला असं करू नका, असं सांगत आहेत. हे कार्यकर्ते आमच्यासाठी झटतात, त्यामुळे आम्हाला त्यांचं ऐकावं लागतं.’ त्यानंतरही आम्ही शेवटपर्यंत काहीतरी मार्ग निघेल, अशी अपेक्षा ठेवली होती,” असं जय पवार यांनी सांगितलं.

Jay Pawar on Someshwar Karkhana Election : कारखाना ७० कोटींच्या तोट्यात असल्याचा दावा; जय पवारांचा पलटवार

माळेगाव कारखान्याच्या आर्थिक स्थितीवरून युगेंद्र पवार यांनी केलेल्या आरोपांवरही जय पवार यांनी जोरदार प्रत्युत्तर दिलं. “दादा गेल्यानंतर माळेगाव कारखान्याचं ७० कोटी रुपयांचं नुकसान झालं, असं युगेंद्र पवार यांनी म्हटलं. त्यानंतर मी या विषयाची माहिती घेतली. मात्र, कारखाना दोन कोटी रुपयांच्या नफ्यात असल्याची माहिती माझ्यासमोर आली,” असेही जय पवार यांनी स्पष्ट केले.

“निवडणूक लढवायची असेल तर जरूर लढवा; पण वस्तुस्थितीच्या आधारावर लढा. उगाच खोटे आरोप करून निवडणूक लढवण्याचा प्रयत्न करू नका. सभासद आणि शेतकरी सुज्ञ आहेत. त्यांना काय खरं आणि काय खोटं, हे चांगलं कळतं. त्यामुळे सत्य फार काळ लपवता येणार नाही,” असा इशारा जय पवार यांनी दिला.

Jay Pawar on Someshwar Karkhana Election :‘सभासदांचं हित हाच मुख्य मुद्दा’

सोमेश्वर कारखाना हा सभासद आणि शेतकऱ्यांच्या कष्टातून उभा राहिलेला कारखाना आहे. त्यामुळे निवडणुकीत वैयक्तिक आरोप-प्रत्यारोपांपेक्षा सभासदांचं हित, शेतकऱ्यांचा फायदा आणि कारखान्याचा विकास हेच महत्त्वाचे मुद्दे असायला हवेत, अशी भूमिका जय पवार यांनी मांडली. “ही निवडणूक कुणाच्या वैयक्तिक स्वार्थासाठी नाही. कारखाना आणि सभासदांचं भविष्य डोळ्यासमोर ठेवून निर्णय घ्यायचा आहे. शेवटी निर्णय सभासदच घेतील,” असं जय पवार यांनी नमूद केलं.

पुणे पदवीधरची राष्ट्रवादीची जागा भाजपकडे, शशिकांत शिंदे म्हणाले, भाजप अॅनाकोंडा, तो मित्र पक्षाला गिळतोय

निलेश बुधावले, एबीपी माझा — Wed, 7 Oct 2026 17:43:52 +0530

Shashikant Shinde on BJP : राज्यातील तीन पदवीधर आणि दोन शिक्षक मतदार संघासाठी निवडणुकीची रणधुमाळी सुरु झाली आहे. भाजप आणि काँग्रेसने आपापले उमेदवार जाहीर केलेले आहेत. महायुती आणि महाविकास आघाडीमध्ये देखील बंडखोरी झाल्याचं पाहायला मिळत आहे. या निवडणुकीसाठी 23 ऑक्टोबर (शुक्रवार) रोजी मतदान होणार असून, 27 ऑक्टोबर रोजी मतमोजणी पार पडणार आहे. दरम्यान, या निवडणुकीच्या मुद्यावरुन राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे (Shashikant Shinde) यांनी भाजपवर (BJP) जोरदार टीका केली आहे. भाजप हा अॅनाकोंडा आहे. भाजप मित्र पक्षाला गिळतो हे आम्ही सांगत होतो. हे आता दिसायला लागलं आहे. भाजपने राष्ट्रवादीची जागा घेतल्याचे शिंदे म्हणाले. पुणे पदवीधर मतदारसंघातून भाजपने स्मिता जाधव यांनी उमेदवारी दिली आहे. त्यामुळं राष्ट्रवादी काँग्रेस अजित पवार गटाची ही जागा गेली आहे.

Shashikant Shinde on BJP : भाजपच्या लोकांना पुणे एमपीएससी आंदोलन बदनाम करायचंय

गोकुळ दूध संघाच्या निवडणुकीवरही शशिकांत शिंदे यांनी प्रतिक्रिया दिली. भाजपला प्रत्येक संस्था ताब्यात घ्यायच्या आहेत. गोकुळबाबत देखील हेच होणार असल्याचे शिंदे म्हणाले. भाजपच्या लोकांना पुणे एमपीएससी आंदोलन बदनाम करायचं आहे, कारण लोकांचा आणि विद्यार्थ्यांचा रोष वाढत आहे. त्यातूनच त्यांनी वेगळं आंदोलन उभं देखील केलं आहे अशी टीका शशिकांत शिंदे यांनी केली.

Shashikant Shinde : आंदोलनात फूट पाडण्यासाठी दुसरं आंदोलन उभा केलं

सरकारला देखील कोर्टाने सूचना केल्या आहेत. माझी कोर्टाला विनंती आहे की जे काही चुकीचं घडत आहे, त्यावर देखील कारवाईचे निर्देश द्यावेत. सध्या भाजप प्रवक्ते या आंदोलनाबाबत राजकारण करत असल्याचे शशिकांत शिंदे म्हणाले. एमपीएसीच्या आंदोलनाबाबत रोहित पवार राजकारण करत असल्याची टीका विरोधकांकडून केली जात आहे. यावर बोलताना शिंदे म्हणाले की, तुम्ही देखील आंदोलनात फूट पाडण्यासाठी दुसरं आंदोलन उभा केलं आहे. तुमचे नेते येऊन त्या ठिकाणी भाषण करत होते, याकडे दुर्लक्ष करत येणार नाही असे शशिकांत शिंदे म्हणाले.

आंदोलनाला मागून देखील परवानगी देत नाहीत केवळ गुन्हे दाखल करतायेत

काँग्रेस खासदार राहुल गांधी आणि खासदार प्रियांका गांधी यांच्यावर गुन्हा दाखल करण्यात आला आहे. यावर बोलताना शशिकांत शिंदे म्हणाले की, आंदोलनाला मागून देखील परवानगी देत नाहीत केवळ गुन्हे दाखल करत आहेत. आंदोलन चिरडण्याचा प्रयत्न करत आहेत असे मत शिंदे यांनी व्यक्त केले.

सतेज पाटील काय आरोप करतात, याकडे लक्ष देण्याची गरज नाही, गोकुळमधील पराभवाच्या नैराश्यातूनच आरोप, 90 टक्के ठराव महायुतीकडेच; खासदार महाडिकांचा सतेज पाटलांना टोला

विजय केसरकर, एबीपी माझा — Wed, 7 Oct 2026 16:22:34 +0530

Dhananjay Mahadik on Gokul Election: गोकुळ दूध संघाच्या आगामी निवडणुकीत चारही घटक पक्ष सोबत असल्याने आणि 90 टक्के ठराव महायुतीकडेच असल्याने या निवडणुकीत महायुतीचा एकतर्फी विजय होईल, असा विश्वास भाजप खासदार धनंजय महाडिक यांनी व्यक्त केला. गोकुळच्या निवडणुकी संदर्भात मुंबईत महायुतीची महत्त्वाची बैठक पार पडत असून, यात पालकमंत्री चंद्रकांत पाटील, मंत्री हसन मुश्रीफ, आमदार प्रकाश आबिटकर यांच्यासह प्रमुख नेते उपस्थित राहणार आहेत. या बैठकीनंतर महायुतीच्या अधिकृत पॅनेलची घोषणा केली जाईल, अशी माहितीही त्यांनी दिली. कोल्हापुरात पत्रकारांशी बोलताना खासदार धनंजय महाडिक यांनी गोकुळ निवडणूक, काँग्रेस नेते राहुल गांधी यांचा मोर्चा आणि एमपीएससी (MPSC) विद्यार्थ्यांच्या आंदोलनावर भाजपची भूमिका स्पष्ट केली.

गोकुळमध्ये मुख्यमंत्र्यांचा हस्तक्षेप नाही

गोकुळ निवडणुकीत मुख्यमंत्र्यांच्या हस्तक्षेपाबाबत विरोधकांकडून होत असलेल्या आरोपांचा खासदार महाडिक यांनी जोरदार समाचार घेतला. "गोकुळ निवडणुकीत मुख्यमंत्र्यांचा कोणताही हस्तक्षेप नाही. गेल्या निवडणुकीच्या वेळी राज्यात महाविकास आघाडीचे सरकार असताना गोकुळच्या पॅनेलची घोषणा मुंबईतूनच झाली होती. तेव्हापासूनच हा पायंडा पडला आहे. आता महायुतीमध्ये चार प्रमुख पक्ष एकत्र असल्याने राज्याचे प्रमुख म्हणून मुख्यमंत्र्यांचा सल्ला घेणे अत्यंत महत्त्वाचे आहे. सतेज पाटील काय आरोप करतात याकडे लक्ष देण्याची गरज नाही; पराभवाच्या नैराश्यातूनच ते असे आरोप करत आहेत," असा टोला महाडिक यांनी लगावला.

पंतप्रधान मोदींच्या राजकीय प्रवासाची 25 वर्षे

पंतप्रधान नरेंद्र मोदी यांच्या राजकीय प्रवासाला 25 वर्षे पूर्ण होत असल्याच्या पार्श्वभूमीवर भाजपकडून 'सेवाज्योत यात्रे'चे आयोजन करण्यात येत असल्याचे खासदार महाडिक यांनी सांगितले. 7 ऑक्टोबर 2001 रोजी नरेंद्र मोदी यांनी गुजरातच्या मुख्यमंत्रीपदाची शपथ घेतली होती, तर 26 मे 2014 रोजी त्यांनी देशाचे पंतप्रधान म्हणून सूत्रे हाती घेतली. या 25 वर्षांच्या काळात पंतप्रधान मोदींनी देशातील 25 कोटी गरिबांना दारिद्र्यरेषेबाहेर आणले, 12 कोटी घरांमध्ये गॅस कनेक्शन दिले, 4 कोटी लाभार्थ्यांना 'आवास योजने'तून घरे दिली आणि 80 कोटी जनतेला मोफत रेशन देण्याचे ऐतिहासिक काम केले, असे ते म्हणाले.

काँग्रेसचे आंदोलन हे 'फेक नॅरेटिव्ह'

काँग्रेस नेते राहुल गांधी आणि काँग्रेस पक्षाकडून सुरू असलेल्या आंदोलनावर टीका करताना महाडिक म्हणाले, "राहुल गांधींचे वर्तन नैराश्यातून सुरू आहे. ईव्हीएमवर आक्षेप घेणाऱ्या काँग्रेसचा मुद्दा जनतेने आधीच खोडून काढला आहे. काँग्रेसने काल काढलेला मोर्चा हा 'फेक नॅरेटिव्ह' सेट करण्याचा प्रयत्न होता. ज्या 'एसआयआर' (SIR) प्रक्रियेला काँग्रेस विरोध करत आहे, ती प्रक्रिया देशात यापूर्वी 10 वेळा झाली आहे आणि काँग्रेसच्या काळातही ती झाली होती. काँग्रेस सत्तेत असताना या प्रक्रिया चांगल्या आणि भाजप सत्तेत आल्यावर निवडणुका खोट्या, असा दुटप्पीपणा काँग्रेस करत आहे. त्यामुळे देशातील नागरिक काँग्रेसच्या या स्टंटबाजीला थारा देणार नाहीत."

MPSC विद्यार्थ्यांच्या पाठीशी राज्य सरकार

एमपीएससी (MPSC) विद्यार्थ्यांच्या आंदोलनाबाबत बोलताना त्यांनी विद्यार्थ्यांवर झालेला अन्याय मान्य केला. "पेपरफुटीचे जाहीर प्रकटन झाले असून यामध्ये काहींना अटकही झाली आहे. विद्यार्थ्यांच्या 12 मागण्या सरकारने आधीच पूर्ण केल्या आहेत. या संपूर्ण प्रकरणाची चौकशी करण्यासाठी मुख्यमंत्र्यांनी उच्चस्तरीय समिती नेमली आहे. या समितीचा अहवाल आल्यानंतर दोषींवर निलंबनाची आणि कठोर कारवाई केली जाईल. राज्य सरकार पूर्णपणे विद्यार्थ्यांच्या बाजूने असून आंदोलनाला सहकार्य करत आहे," असे आश्वासन खासदार महाडिक यांनी दिले.

इतर महत्वाच्या बातम्या

Satej Patil: महायुतीचा सगळा कारभार मुंबईतून, उद्या गोकुळचा कारभारही मुंबईतूनच चालेल, म्हशीची धार कधी काढायची हे मुंबईत ठरू नये एवढीच अपेक्षा; सतेज पाटलांचा हल्लाबोल

नवनाथ बन उकीरडा बुद्धीचा माणूस, विवेकानंद पाटलांची बोचरी टीका, नवनाथ संप्रदायाचा उल्लेख करत दिलं चॅलेंज

मिकी घई, एबीपी माझा — Wed, 7 Oct 2026 14:02:39 +0530

पुणे : पेपरफुटीनंतर MPSC आयोगाच्या (MPSC) अध्यक्षांच्या राजीनाम्याची मागणी करत पुण्यात सुरू असलेल्या आंदोलनाचा चेहरा बनलेल्या विवेकानंद पाटील यांनी भाजप (BJP) प्रवक्त्यांकडून होत असलेल्या टीकेचा खरपूस समाचार घेतला. तसेच, उच्च न्यायालयाने विद्यार्थ्यांना आंदोलन मागे घेण्याची विनंती केली आहे. त्यावर, बोलताना जोपर्यंत आयोगाच्या अध्यक्षांचा राजीनामा होत नाही, तोपर्यंत आंदोलन सुरूच राहणार असल्याचेही विवेकानंद यांनी म्हटले. सरकारने आंदोलकांच्या मागण्यांकडे गांभीर्याने लक्ष द्यावं, लोकशाही आहे, संविधानाच्या माध्यमातून आम्हाला जे वाटतं ते करू. मात्र, राजीनामा होत नाही तोपर्यंत आम्ही आंदोलन करत राहू असे विवेकानंद पाटील यांनी म्हटले.

रोहित पवारांच्या आंदोलनात नाईट लाईफ सुरू असल्याचा आरोप भाजपने केला आहे. आंदोलनात मध्यरात्री केल्या जाणाऱ्या धांगडधिंग्याचा व्हिडीओ भाजपचे मुख्य प्रवक्ते नवनाथ बन यांनी दाखवला असून पत्रकार परिषद घेत त्यांनी काही सवाल उपस्थित केले आहेत. नवनाथ बन यांनी माध्यमांशी बोलताना म्हटलं की, पहिल्या दिवसापासून सांगत आहे की, रोहित पवार यांचे आंदोलन राजकीय आंदोलन आहे. रोहित पवार विद्यार्थ्यांचे आंदोलन आहे सांगत आहेत. नाईट लाईफला कोण धांगडधिंगा घालत आहेत. मद्यपान करण्याचा व्हिडिओ आमच्या हाती लागले आहेत. त्यावर बोलताना विवेकानंद पाटील यांनी बन यांच्या आरोपावर जोरदार प्रतिहल्ला केला.

उकीरडा बुद्धीचा माणूस

भाजपा प्रवक्ते नवनाथ बन यांच्याकडून राजकीय आंदोलन म्हणून होणाऱ्या टीकेचाही विवेकानंद यांनी समाचार घेतला. तो उकीरडा बुद्धीचा माणूस आहे, रोज आरोप करत सुटतात. नवनाथ संप्रदायातील नऊ नाथ कोणते आहेत आणि भागवत संप्रदायासोबत नवनाथ संप्रदाय काय आहे हे सांगितलं तर मी त्यांना उत्तर देतोय, असे म्हणत विवेकानंद यांनी नवनाथ बन यांच्या बौद्धीक कुवतीवर प्रश्न उपस्थित केले.

अध्यक्षांनी राजीनामा द्यावा

MPSC आयोगाचा प्रतिकात्मक अंत्यविधी आम्ही केला, आज राखेचं विसर्जन करतोय. थोडी राख आयोगाकडे जाणार आहे, थोडी नदीत जाणार आहे. त्यामुळे, आयोगाने ही राख पाहून तरी अध्यक्षांनी राजीनामा द्यावा, असेही पाटील यांनी म्हटले. दरम्यान, राजकीय टीकाकारांना मी उत्तर देणार नाही, काळच उत्तर देईल. MPSC च्या अध्यक्षांनी राजीनामा दिला नाही तर आम्हाला आंदोलन करावंच लागेलं, असेही त्यांनी म्हटले.

हायकोर्टाने सरकारला फटकारलं

पुण्यातील आंदोलनावर आज उच्च न्यायालयात सुनावणी पार पडली. त्यावेळी, विद्यार्थी काही अँटी सोशल अर्थात समाजविघातक नाहीत. आंदोलन करणे हा विद्यार्थ्यांचा हक्क आहे. पुण्याला शिक्षणासाठी येणाऱ्या विद्यार्थ्यांचा मुख्य उद्देश हा शिक्षण असतो ना की आंदोलन करण्याचा. तुम्ही विद्यार्थ्याचा विश्वास पुन्हा मिळवण्यासाठी प्रामाणिक प्रयत्न करा, असे म्हणत हायकोर्टाने राज्य सरकारला फटकारले.

मला फक्त पाठीवर हात ठेवा

विश्वजीत कदम यांनी माझ्या आई-वडिलांची मुलाखत पाहिली, त्यांना वाटलं की गरीब परिस्थिती आहे. मात्र, परिस्थितीचं जास्त भांडवल करू नये, पत्रकारांचे मी आभार मानतो. मी कदमसाहेबांच्या घराला नकार दिला आहे, मला फक्त पाठीवर हात ठेवा. मी 24 वर्षांचा आहे, लाथ मारेल तिथे पाणी काढण्याची तयारी आहे, असे म्हणत विश्वजीत कदम यांनी विवेकानंदला नवीन घर देण्याची घोषणा केल्यानंतर आपण नम्रपणे का नकार दिला हे त्यांनी सांगितले. तसेच, आपण कोल्हापूरची लोकसभा निवडणू लढवणार हे केलेले वक्तव्य उपरोधात्मक होते, असेही त्यांनी स्पष्ट केले.

हेही वाचा

हायकोर्टाचा आंदोलन मागे घेण्याचा सल्ला, पण रोहित पवार ठाम, म्हणाले, 'भीमनवारांच्या राजीनाम्याशिवाय माघार नाही!

Satej Patil: महायुतीचा सगळा कारभार मुंबईतून, उद्या गोकुळचा कारभारही मुंबईतूनच चालेल, म्हशीची धार कधी काढायची हे मुंबईत ठरू नये एवढीच अपेक्षा; सतेज पाटलांचा हल्लाबोल

विजय केसरकर, एबीपी माझा — Wed, 7 Oct 2026 13:15:19 +0530

Satej Patil on Gokul Election: महायुतीचा सगळा कारभार मुंबईतून चालत आहे उद्या गोकुळचा कारभार आहे मुंबईतूनच चालेल. प्रशासक येणार, नाही येणार हे सुद्धा मुंबईत ठरतं. अवसायानातील संस्थांना अधिकार मिळणार नाही मिळणार हे मुंबईत ठरतं. आता म्हशीची धार कधी काढायची हे मुंबई ठरू नये एवढी अपेक्षा असल्याचा खोचक टोला राजर्षी शाहू समविचार आघाडीचे नेते सतेज पाटील यांनी लगावला. महायुतीमध्ये जागावाटपावरून काहीच तोडगा न निघाल्याने मुख्यमंत्री देवेंद्र फडणवीस यांच्याकडे हा निर्णय गेला. यानंतर मुख्यमंत्र्यांनी 9-9-7 चा प्रस्ताव दिला होता. मात्र, या प्रस्तावावर हसन मुश्रीफ यांनी नाराजी व्यक्त केली होती. यानंतर त्यांना आता दोन स्वीकृतचा पर्याय दिल्याची चर्चा आहे.

उद्या संध्याकाळी चार वाजेपर्यंत पॅनलची घोषणा

दरम्यान, सतेज पाटील यांनी सांगितले की, आज गोकुळ संदर्भातली आमची प्राथमिक चर्चा आहे. उद्या माघारीपूर्वी आमचं पॅनेल त्या ठिकाणी घोषित होईल, त्यामध्ये कोणतीही अडचण नाही. उद्या संध्याकाळी चार वाजेपर्यंत पॅनलची घोषणा होईल, असे त्यांनी सांगितले. पत्रकार परिषद घेऊन पुढील पंधरा दिवसातील धोरण जाहीर करू, असेही त्यांनी सांगितले. गोकुळमधील बिनविरोध चर्चेवर त्यांनी सांगितले की, गोकुळमध्ये माघारीचा विषय नाही, आम्ही पूर्ण तयारी केली आहे. माघार हे महायुतीने सोडलेलं पिल्लू आहे.

स्वीकृतच्या दोन जागा राष्ट्रवादीला

दुसरीकडे, मुख्यमंत्री देवेंद्र फडणवीस यांनी राष्ट्रवादीला यड्रावकर गटासह नऊ जागा दिल्या होत्या, तर भाजपला जनसुराज्यसह नऊ जागा दिल्या आहेत, तर शिवसेना शिंदे गटाला सात जागा देण्यात आल्या आहेत. मात्र, या फॉर्मुल्यावरून हसन मुश्रीफ यांची नाराजी असल्याची माहिती समोर आली होती. आता स्वीकृतच्या दोन जागा राष्ट्रवादीला देण्यात येतील, असा शब्द मुख्यमंत्री देवेंद्र फडणवीस यांच्याकडून देण्यात आल्याची माहिती समोर येत आहे. त्यामुळे आता तरी महायुतीकडून अधिकृत जागांची घोषणा करण्यात येणार का? याची उत्सुकता आहे.

माघारीसाठी सुद्धा मोठा संघर्ष होण्याची चिन्हे

दरम्यान, गोकुळच्या निवडणुकीचा अर्ज माघार घेण्यासाठी दोन दिवस शिल्लक राहिले असतानाच जवळपास 207 अर्ज दाखल आहेत. त्यामुळे तब्बल 150 अर्जांची माघार घ्यावी लागणार आहे. त्यामुळे आता पॅनेलची रचना स्पष्ट होताना माघारीसाठी सुद्धा मोठा संघर्ष होण्याची चिन्हे दाखल आहेत. गोकुळच्या 25 जागांसाठी 360 जणांकडून उमेदवारी अर्ज दाखल करण्यात आले होते. मात्र 60 जण अवैध ठरल्यानंतर 240 उमेदवार शिल्लक राहिले होते. त्यामधील 33 जणांनी उमेदवारी अर्ज माघारी घेतला आहे. उद्या गुरुवार हा माघारीचा अंतिम दिवस असून शुक्रवारी चिन्हांचे वाटप होणार आहे, तर 18 ऑक्टोबर रोजी मतदान होणार असून 19 ऑक्टोबरला मतमोजणी होणार आहे.

इतर महत्वाच्या बातम्या

Gokul Election: गोकुळच्या निवडणुकीत हसन मुश्रीफांच्या नाराजीवर मुख्यमंत्र्यांनी कोणता शब्द दिला? महायुतीच्या पॅनेलचे नेतृत्व कोण करणार?? इनसाईड स्टोरी समोर!

Gokul Election: गोकुळच्या निवडणुकीत हसन मुश्रीफांच्या नाराजीवर मुख्यमंत्र्यांनी कोणता शब्द दिला? महायुतीच्या पॅनेलचे नेतृत्व कोण करणार?? इनसाईड स्टोरी समोर!

जयदीप मेढे — Wed, 7 Oct 2026 11:16:30 +0530

Gokul Election: कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीसाठी महायुतीमध्ये वैद्यकीय शिक्षण मंत्री हसन मुश्रीफ यांची नाराजी दूर झाल्याची माहिती समोर आली आहे. मुख्यमंत्री देवेंद्र फडणवीस यांनी राष्ट्रवादीला यड्रावकर गटासह नऊ जागा दिल्या होत्या, तर भाजपला जनसुराज्यसह नऊ जागा दिल्या आहेत, तर शिवसेना शिंदे गटाला सात जागा देण्यात आल्या आहेत. मात्र, या फॉर्मुल्यावरून हसन मुश्रीफ यांची नाराजी असल्याची माहिती समोर आली होती. आता स्वीकृतच्या दोन जागा राष्ट्रवादीला देण्यात येतील, असा शब्द मुख्यमंत्री देवेंद्र फडणवीस यांच्याकडून देण्यात आल्याची माहिती समोर येत आहे. त्यामुळे आता तरी महायुतीकडून अधिकृत जागांची घोषणा करण्यात येणार का? याची उत्सुकता आहे.

महायुतीच्या पॅनेलचे मुश्रीफ नेतृत्व करतील

दरम्यान, गेल्या काही दिवसांपासून महायुतीमधील धुसफूस समोर आली आहे. इतकेच नव्हे तर भाजपने गेल्या काही दिवसांपासून जी काही पत्रकबाजी केली होती, त्या पत्रकावरूनही मुख्यमंत्र्यांच्या बैठकीमध्ये हसन मुश्रीफ यांच्यासह शिंदे गटाकडून उघड नाराजी व्यक्त करण्यात आल्याची माहिती आहे. मुख्यमंत्र्यांनी संबंधितांना समज देऊ, असं सांगितल्याचं सुद्धा समोर येत आहे. दरम्यान, गोकुळच्या महायुतीच्या पॅनेलचे मुश्रीफ नेतृत्व करतील, असेही मुख्यमंत्र्यांनी मुंबईमध्ये बोलताना म्हटलं आहे.

तब्बल 150 अर्जांची माघार घ्यावी लागणार

दरम्यान, काल बिनविरोधची चर्चा रंगल्यानंतर आमदार सतेज पाटील यांनी बिनविरोधची हवा काढून घेतली होती. जर दुष्काळाच्या कारणाने जर गोकुळ बिनविरोध होणार असेल, तर जिल्हा बँकेची निवडणूक, विधानपरिषदेची निवडणूक का होत आहे? असा सवाल त्यांनी केला होता. त्याचबरोबर आज आपण आपल्या पॅनेलची घोषणा करणार असल्याचेही त्यांनी म्हटले होते. कोणत्याही स्थितीत गोकुळची निवडणूक बिनविरोध होणार नसल्याचेही त्यांनी स्पष्ट केले होते.

इतर महत्वाच्या बातम्या

Gokul Election: गोकूळ दूध संघाच्या निवडणुकीबाबत मोठी अफवा पसरताच सतेज पाटील सावध झाले, लगेच फोन फिरवून म्हणाले...