Chhatrapati Sambhajinagar Election 2026: राज्यातील 29 महानगरपालिकांच्या निवडणुकांसाठी निवडणूक आयोगाने (Election Commission) तारीख जाहीर केल्यानंतर राज्यातील राजकीय वातावरण चांगलेच तापले आहे. मुंबई, ठाण्यासह राज्यातील सर्व 29 महापालिकांमध्ये 15 जानेवारी रोजी मतदान, तर 16 जानेवारीला निकाल जाहीर होणार आहेत. या पार्श्वभूमीवर सर्वच राजकीय पक्षांनी मोर्चेबांधणीला वेग दिला असून उमेदवारांच्या याद्या टप्प्याटप्प्याने जाहीर केल्या जात आहेत.
याच पार्श्वभूमीवर ऑल इंडिया मजलिस-ए-इत्तेहादुल मुस्लिमीन (AIMIM) या पक्षाने महाराष्ट्रातील काही महापालिकांसाठी आपली पहिली उमेदवार यादी जाहीर केली आहे. AIMIM चे महाराष्ट्र प्रदेशाध्यक्ष तथा खासदार इम्तियाज जलील (Imtiaz Jaleel) यांनी पत्रकाद्वारे ही यादी जाहीर केली आहे.
इम्तियाज जलील यांनी ‘एक्स’वरही पोस्ट करत सांगितले की, AIMIM चे राष्ट्रीय अध्यक्ष बॅरिस्टर असदुद्दीन ओवेसी यांच्या सूचनेनुसार 2026 च्या महानगरपालिका निवडणुकांसाठी उमेदवारांची नावे जाहीर करण्यात येत आहेत, याचा मला आनंद आहे.
Chhatrapati Shivajinagar : छत्रपती संभाजीनगर महापालिकेसाठी 8 उमेदवार
AIMIM कडून छत्रपती संभाजीनगर महापालिका निवडणुकीसाठी एकूण आठ उमेदवारांची घोषणा करण्यात आली आहे. त्यामध्ये –
1) प्रभाग 1 – अझहर अयुब खान
2) प्रभाग 3 – इम्रान पटेल
3) प्रभाग 9 – काकासाहेब काकडे
4) प्रभाग 9 – मतीन माजेद शेख
5) प्रभाग 12 – हाजी शेरखान अब्दुल रहमान खान
6) प्रभाग 28 – साबेर पाशु शेख
7) प्रभाग 28 – अब्दुल मतीन खान
8) प्रभाग 16 – सय्यद फरहान नेहरी
Jalna : जालना महापालिकेसाठी एक उमेदवार
1) जालना महापालिका निवडणुकीसाठी AIMIM कडून मोहम्मद माजेद यांना उमेदवारी देण्यात आली आहे.
Nashik : नाशिक महापालिकेसाठी तीन उमेदवार
नाशिक महापालिका निवडणुकीसाठी AIMIM ने तीन उमेदवारांची घोषणा केली आहे –
1) जबीन रमजान पठाण – प्रभाग 14
2) नगमा इरफान शेख – प्रभाग 30
3) इलियास नूर शेख कुरेशी – प्रभाग 15
आणखी वाचा