ऑपरेशन करण्यात मी आणि अर्जुन खोतकर MD - MS डॉक्टर पेक्षा कमी नाही, नाव न घेता सत्तारांनी दानवेंना डिवचलं

मी आणि अर्जुन खोतकर ऑपरेशन करण्यात MD - MS डॉक्टर पेक्षा कमी नसल्याचे वक्तव्य माजी मंत्री आणि शिसेना शिंदे गटाचे आमदार अब्दुल सत्तार यांनी केलं आहे.

Abdul Sattar

Source : Getty Images

Abdul Sattar : मी आणि अर्जुन खोतकर ऑपरेशन करण्यात MD - MS डॉक्टर पेक्षा कमी नसल्याचे वक्तव्य माजी मंत्री आणि शिसेना शिंदे गटाचे आमदार अब्दुल सत्तार यांनी केलं आहे. जालन्यात आयोजीत करण्यात आलेल्या सभेत अब्दुल सत्तारांनी नाव न घेता रावसाहेब दानवेंना डिवचलं. चकवेगिरी हमारे पास नहीं चलेगी, एक बार रिंगण मे घेर लिया तो खल्लास. दुश्मन सच्चा,अच्छा और खानदानी होना चाहीए असे सत्तार म्हणाले. 

चकवेगिरी आमच्यापाशी चालत नाही एखाद्याला रिंगणात घेतलं की खेळ खाल्लास

जालना महानगरपालिकेच्या प्रचारासाठी शिवसेना आमदार अब्दुल सत्तार यांनी जालन्यात सभा घेतली. या सभेत अब्दुल सत्तार यांनी  लोकसभा निवडणुकीतील रावसाहेब दानवे यांच्या पराभवाच्या जखमेवरील मिठ चोळण्याच काम केल्याचं वक्तव्य केलं आहे. मी आणि अर्जुन खोतकर ऑपरेशन करण्यात एमडी - एमएस डॉक्टर पेक्षा कमी नाहीत. चकवेगिरी आमच्यापाशी चालत नाही एखाद्याला रिंगणात घेतलं की खेळ खाल्लास म्हणत सत्तारांनी पुन्हा एकदा रावसाहेब दानवेंवर टीका केली आहे. 

जालना महापालिका निवडणुकीत दिग्गज नेत्यांची प्रतिष्ठा पणाला लागली आहे

नगरपालिकेचे महानगरपालिकेत रूपांतर होऊन दोन वर्षे लोटल्यानंतर जालन्यातील ही पहिलीच महापालिका निवडणूक आहे. जालना महापालिका निवडणुकीत भाजप नेते रावसाहेब दानवे, अर्जुन खोतकर, माजी आमदार कैलास गोरंट्याल आणि राष्ट्रवादी शरद पवार गटाचे नेते राजेश टोपे यांची प्रतिष्ठा पणाला लागली आहे. 2023 मध्ये जालना नगरपालिकेचे रूपांतर जालना महानगरपालिकेत करण्यात आल्यानंतर पहिल्यांदाच जालन्यात महापालिका निवडणूक होत आहे. त्यामुळे पहिल्याच महापालिका निवडणुकीत सत्ता मिळवण्यासाठी राजकीय पक्ष जोर लावतायत. महापालिकेच्या एकूण 65 जागांसाठी ही अस्तित्वाची लढत ठरणार आहे. नव्याने अस्तित्वात आलेल्या जालना महापालिका निवडणुकीकडे संपूर्ण महाराष्ट्राचे लक्ष लागले आहे. (Jalna Mahapalika 2026)

दरम्यान, जालना महानगर पालिका निवडणुकीत भाजप आणि शिवसेनेची युती  होणार असल्याची चर्चा होती, मात्र, या दोन्ही पक्षांची युती तुटली आहे. भाजपा आमदार बबनराव लोणीकर यांनी याबाबतची माहिती दिली होती. राज्याच्या धोरणांच्या सूत्रामध्ये ही युती न बसल्यामुळे तुटल्याचे बबनराव लोणीकर म्हणाले होते. जालना महानगर पालिकेत भाजप स्वबळावर निवडणूक लढवणार असल्याचे लोणीकर म्हणाले होते. यानंतर शिवसेनेने देखील स्वबळाचा नारा दिला होता.  

महत्वाच्या बातम्या: