शिवसेनेसोबत बाकी गोष्टींची चर्चा करण्याची तयारी आहे मात्र मुख्यमंत्रीपदासाठी हायकमांडचा स्पष्ट नकार आहे. या घडामोडींमध्ये वेळ आली तर राष्ट्रपती राजवट लागू करण्याची तयारी आहे पण शिवसेनेला मुख्यमंत्रीपद दिले जाणार नाही. शिवाय सध्या महाराष्ट्रात नेतृत्व बदलाची जी चर्चा सुरु आहे त्याला ही पूर्णविराम मिळाल्याचे दिसत आहे. कारण महाराष्ट्रामध्ये सरकारचे नेतृत्व देवेंद्र फडणवीस हेच करणार, देवेंद्र यांच्याच पाठीशी हायकमांड ठाम असल्याचं सूत्रांनी सांगितलं.
भाजप एकट्याने सत्तास्थापनेचा दावाही करणार नाही. शिवसेनेशी सकारात्मक चर्चा झाल्यानंतरच हा सत्ता स्थापनेचा दावा केला जाईल, तोपर्यंत कुठलाही धोका पत्करला जाणार नाही असे देखील सूत्रांनी सांगितले. त्यामुळे मुख्यमंत्रीपदावर अडलेली शिवसेना भाजपच्या या भूमिकेवर आता नेमकी कशी रिअँक्ट होते हे पाहणे महत्त्वाचं असेल.