RTE Admission Maharashtra : पालक आणि विद्यार्थ्यांसाठी एक महत्त्वाची बातमी असून आरटीई अंतर्गत दुर्बल घटकातील 25 टक्के जागांसाठी ऑनलाईन अर्ज भरण्याची मुदत आता वाढवण्यात आली आहे. दुर्बल घटकातील 25 टक्के आरक्षित जागांसाठी आता 18 मार्च पर्यंत ऑनलाईन अर्ज भरता येणार आहे. पात्र पालकांनी student.maharashtra.gov.in या संकेतस्थळावर अर्ज करण्याचं आवाहन करण्यात आलं आहे.
बालकांचा मोफत आणि सक्तीच्या शिक्षणाचा अधिकार अधिनियम 2009 मधील कलम 12 (C) (1) नुसार दुर्बल आणि वंचित घटकांतील बालकांना स्वयंअर्थसहाय्यित आणि विनाअनुदानित शाळांमध्ये 25 टक्के राखीव जागांवर प्रवेश देण्याची प्रक्रिया शैक्षणिक वर्ष 2026-27 साठी ऑनलाईन पद्धतीनं राबवली जात आहे. या अंतर्गत पालकांकडून ऑनलाईन अर्ज भरण्याची प्रक्रिया 17 फेब्रुवारी 2026 ते 10 मार्च 2026 या कालावधीत सुरू होती. आता ती मुदत 18 मार्चपर्यंत वाढवण्यात आली आहे.
RTE Online Application : शासनाच्या पोर्टलवर अर्जाची सुविधा
पालकांना अर्ज सादर करण्यासाठी https://student.maharashtra.gov.in/adm_portal या शासनाच्या अधिकृत संकेतस्थळावर सुविधा उपलब्ध करून देण्यात आली आहे. यानुसार क्षेत्रीय स्तरावरील सर्व संबंधित कार्यालये तसेच पालकांनी शासनाच्या सूचनांची काटेकोरपणे अंमलबजावणी करावी, असं आवाहन करण्यात आलं आहे.
RTE Deadline Extended : अर्ज भरण्याची मुदत 18 मार्चपर्यंत
पालकांना अर्ज सादर करण्यासाठी अधिक वेळ मिळावा यासाठी आरटीई 25 टक्के प्रवेशासाठी ऑनलाईन अर्ज भरण्याची मुदत आता बुधवार, 18 मार्च 2026 पर्यंत वाढवण्यात आली आहे. त्यामुळं पात्र वंचित आणि दुर्बल घटकांतील बालकांच्या पालकांनी या मुदतवाढीचा लाभ घेऊन संकेतस्थळावर जाऊन ऑनलाईन अर्ज सादर करावेत, असं शिक्षण विभागानं सांगितलं आहे.
Education Department Appeal : जास्तीत जास्त पालकांपर्यंत माहिती पोहोचवण्याचे निर्देश
शिक्षण विभागानं क्षेत्रीय स्तरावरील अधिकारी, कर्मचारी आणि शाळांना ही माहिती जास्तीत जास्त पालकांपर्यंत पोहोचवण्यासाठी आवश्यक उपाययोजना करण्याचे निर्देश दिले आहेत.
आरटीई अंतर्गत 25 टक्के प्रवेश प्रक्रियेमुळं आर्थिकदृष्ट्या दुर्बल व वंचित घटकांतील बालकांना दर्जेदार शिक्षणाच्या मुख्य प्रवाहात येण्याची संधी मिळत आहे. तसंच पात्र बालकांच्या पालकांनी या योजनेचा लाभ घ्यावा, असं आवाहन ठाणे जिल्हा परिषद शिक्षण विभागामार्फत करण्यात आलं आहे.
ही बातमी वाचा:
Education Loan Information:
Calculate Education Loan EMI