Washim Crime : संशयाचं भूत बसलं मानेवर! आधी पत्नीला विळ्यानं वार करून संपवलं, नंतर पतीनेही लावली गळ्याला दोरी; वाशिममध्ये खळबळ
Washim Crime : अनैतिक संबंधाच्या संशयावरून पतीने पत्नीची हत्या केली. यानंतर पतीनेही टोकाचे पाऊल उचलल्याची धक्कादायक घटना वाशिममध्ये घडली आहे.
Washim Crime : अनैतिक संबंधाच्या संशयावरून पतीने पत्नीची हत्या केली. पत्नीच्या हत्येनंतर पतीने गळफास लावून आत्महत्या केल्याची घटना वाशिमच्या पिंपरी बुद्रुक येथे घडली आहे. यामुळे वाशिममध्ये (Washim Crime News) एकच खळबळ उडाली आहे. घटनेची माहिती मिळताच पोलीस (Police) घटनास्थळी दाखल झाले आहेत.
याबाबत मिळालेल्या माहितीनुसार, वाशिमच्या मंगरुळपिर तालुक्यातील पिंप्री बु (खरबी) येथील वर कुटुंबात पती-पत्नीत अनैतिक सबंधातून वाद निर्माण होऊन जोरदार भांडण झाले होते. पती गौतम वर (50) याने पत्नी ज्योती गौतम वर (45) झोपेत असताना तिच्यावर महिलेवर लोखंडी हायड्रॉलीक आणि विळ्याने वार करत पत्नीची हत्या केली.
पत्नीच्या हत्येनंतर पतीची गळफास घेत आत्महत्या
यानंतर रक्ताने भरलेल्या अंगाने पती गौतमने गळफास घेत आत्महत्या केली आहे. या घटनेची माहिती मिळताच पोलीस घटनास्थळी दाखल झाले असून मंगरुळपिर पोलीस ठाण्याचे सुधाकर आडे हे या घटनेचा अधिक तपास करत आहेत. या घटनेमुळे वाशिममध्ये एकच खळबळ उडाली आहे.
पत्नीचा गळा आवळून खून करून सेवानिवृत्त मुख्याध्यापकाची आत्महत्या
दरम्यान, नाशिकच्या जेलरोड परिसरात निवृत्त मुख्याध्यापकाने आजारी पत्नीचा गळा दाबून खून केल्यानंतर स्वतः गळफास घेत आत्महत्या केल्याची घटना घडली आहे. विशेष म्हणजे या दाम्पत्याची दोन्ही मुले मुंबई येथे उच्च पदस्थ अधिकारी म्हणून कार्यरत आहेत. जेलरोड सावरकर नगर, एकदंत अपार्टमेंटमध्ये पहिल्या मजल्यावरील निवृत्त मुख्याध्यापक मुरलीधर रामचंद्र जोशी (78) हे आपल्या निवृत्त शिक्षिका असलेल्या लता जोशी यांच्यासोबत वास्तव्यास होते. त्यांची दोन मुले मुंबई येथे उच्चपदस्थ अधिकारी म्हणून काम करीत आहेत. निवृत्त मुख्याध्यापक मुरलीधर जोशी यांच्या पत्नी लता यांना 2017 सालापासून मेंदू विकाराचा त्रास होता. काही दिवस लता जोशी या व्हेंटिलेटरवर देखील होत्या. त्यातून त्या सावरल्यानंतर त्यांच्या आजारपणाला दोघे वृद्ध दाम्पत्य कंटाळले होते. बुधवारी संध्याकाळी सहाच्या सुमारास निवृत्त मुख्याध्यापक जोशी यांनी पत्नी लताचा गळा दाबून खून केल्यानंतर स्वतः गळफास घेऊन आत्महत्या केली. या प्रकरणी नाशिकच्या उपनगर पोलीस ठाण्यात रात्री उशिरापर्यंत गुन्हा नोंदविण्याचे काम सुरु होते. या प्रकरणी पोलीस पुढील तपास करत आहेत.
इतर महत्त्वाच्या बातम्या
महत्त्वाच्या बातम्या
