त्र्यंबकेश्वराचे दर्शन घेऊन परतताना एर्टीगा कारचा भीषण अपघात; एकाच कुटुंबातील 4 ठार, 6 जखमी

मिळालेल्या माहितीनुसार, संबंधित इर्टिगा कारमधील प्रवासी त्र्यंबकेश्वर येथे दर्शन घेऊन मुंबईच्या दिशेने निघाले होते.

Thane shahapur car accident 4 death

Source : Abp

ठाणे : जिल्ह्यातील मुंबई-नाशिक महामार्गावर शहापूर तालुक्यातील आटगाव येथे भीषण अपघाताची (Accident) घटना घडली आहे. रस्त्याच्या कडेला उभ्या असलेल्या ट्रकला इर्टिगा कारने जोरदार धडक दिल्याने झालेल्या अपघातात इर्टीगा कारमधील चार जणांचा मृत्यू झाला, तर सहा जण जखमी झाले आहेत. जखमींना तातडीने शहापूर (Thane) उपजिल्हा रुग्णालयात उपचारासाठी दाखल करण्यात आले आहे. अपघातानंतर स्थानिकांनी तात्काळ घटनास्थळी धाव घेत, पोलिसांनाही पाचारण केले होते. 

मिळालेल्या माहितीनुसार, संबंधित इर्टिगा कारमधील प्रवासी त्र्यंबकेश्वर येथे दर्शन घेऊन मुंबईच्या दिशेने निघाले होते. आटगाव परिसरात आल्यानंतर रस्त्याच्या कडेला उभ्या असलेल्या वाहनाला इर्टिगा कारने जोरदार धडक दिली. कारने दिलेली धडक इतकी भीषण होती की, या अपघातात चार जणांचा जागीच मृत्यू झाल्याची माहिती मिळत आहे, तर सहा जण जखमी झाले आहेत. श्रीराम जैस्वाल, आयुष जैस्वाल, लाडो जैस्वाल आणि सुरज जैस्वाल अशी मृतांची नावे आहेत. तर, सुभी जैस्वाल, शिवम जैस्वाल, हाशिक जैस्वाल, सुनीता जैस्वाल, राधिका जैस्वाल आणि सतीश जैस्वाल हे जखमी असून त्यांच्यावर रुग्णालयात उपचार सुरू आहेत. 

दरम्यान, अपघाताची माहिती मिळताच स्थानिक नागरिक आणि संबंधित यंत्रणांनी घटनास्थळी धाव घेतली. जखमींना तातडीने शहापूर उपजिल्हा रुग्णालयात उपचारासाठी दाखल करण्यात आले. संबंधित इर्टिगा कार जोगेश्वरी येथील असल्याची प्राथमिक माहिती समोर आली आहे. या संपूर्ण घटनेचा तपास सध्या पोलीस घेत आहेत. 

हेही वाचा