Nagpur Crime News: मुलाला जादूटोण्याने मारल्याचा संशय; सासऱ्याने सूनेला डोक्यात कुऱ्हाड टाकून संपवलं, नंतर स्वत: विहिरीत... नागपूरमधील धक्कादायक घटना
Nagpur Crime News: सुनेवर जादूटोणा केल्याचा संशय हत्येमागील कारण असल्याचे सांगितले जात असून, पोलिस अधिक तपास करीत आहेत.
नागपूर : नागपूरच्या यशोधरानगर पोलिस ठाण्याच्या हद्दीतील पाहुणे लेआउट, पिवळी नदी परिसरात अंधश्रद्धेतून सुनेची कुऱ्हाडीने हत्या केल्याची धक्कादायक घटना (Nagpur Crime News) घडली. लक्ष्मी रविशंकर पाली (४०-४५) असे मृत महिलेचे नाव असून, नाथूलाल पाली (७०) असे आरोपी सासऱ्याचे नाव आहे.पोलिसांकडून मिळालेल्या माहितीनुसार, लक्ष्मी यांची मुलगी नोकरीवर तर मुलगा घराबाहेर गेला होता. लक्ष्मी घराच्या मागील बाजूस कपडे धुत असताना नाथूलाल यांनी संधी साधून त्यांच्यावर कुऱ्हाडीने (Nagpur Crime News) हल्ला केला. गंभीर जखमी झाल्याने लक्ष्मी यांचा घटनास्थळीच मृत्यू झाला. हत्येनंतर नाथूलाल यांनी घरामागील विहिरीत उडी घेऊन आत्महत्येचा प्रयत्न केला. नागरिकांनी पोलिसांना माहिती दिल्यानंतर यशोधरानगर पोलिस आणि फॉरेन्सिक पथक घटनास्थळी दाखल झाले. मृतदेह शवविच्छेदनासाठी पाठविण्यात आला असून, आरोपीला उपचारासाठी मेडिकल रुग्णालयात दाखल करण्यात आले आहे. सुनेवर जादूटोणा केल्याचा संशय हत्येमागील कारण असल्याचे सांगितले जात असून, पोलिस अधिक तपास करीत आहेत.(Nagpur Crime News)
मुलाला जादूटोण्याने मारल्याचा संशय; सासऱ्याने केली सुनेची कुऱ्हाडीने हत्या
आपल्या मुलाला जादूटोणा करून मारल्याचा संशय घेऊन ७० वर्षीय सासऱ्याने सुनेवर कुऱ्हाडीने वार करून तिची निर्घृण हत्या केल्याची खळबळजनक घटना शनिवारी दुपारी १२.१५ वाजताच्या सुमारास पिली नदी परिसरातील पाहुणे ले-आउटमध्ये घडली. सुनेची हत्या केल्यानंतर आरोपी सासऱ्याने घरापासून काही अंतरावर असलेल्या विहिरीत उडी घेऊन आत्महत्येचा प्रयत्न केला. मात्र, स्थानिक नागरिक आणि पोलिसांनी त्याला विहिरीतून बाहेर काढून रुग्णालयात दाखल केले. तर आरोपी नत्थूलालच्या पत्नीची मानसिक स्थितीही ठीक नसल्याची माहिती आहे. अंधश्रद्धा आणि संशयातून घडलेल्या या रक्तरंजित घटनेमुळे पाहुणे ले-आउट परिसरात हळहळ व्यक्त होत आहे.(Nagpur Crime News)
सूनेला संपवलं अन् विहिरीत घेतली उडी
लक्ष्मीची हत्या केल्यानंतर नत्थूलाल घराबाहेर पडला. घरापासून सुमारे १०० मीटर अंतरावर असलेल्या मंदिराजवळील विहिरीत त्याने उडी घेतली. हा प्रकार लक्षात येताच स्थानिक नगरसेवक आणि नागरिकांनी पोलिस नियंत्रण कक्षाला माहिती दिली. माहिती मिळताच यशोधरानगर पोलिसांचे पथक घटनास्थळी पोहोचले. स्थानिक नागरिकांच्या मदतीने पोलिसांनी नत्थूलालला विहिरीतून बाहेर काढून रुग्णालयात दाखल केले. शरीरात पाणी गेल्याने त्याच्या फुफ्फुसांवर परिणाम झाला असून, त्याची प्रकृती गंभीर असल्याचे पोलिसांनी सांगितले.
यशोधरानगर पोलिसांनी दिलेल्या माहितीनुसार, नत्थूलालच्या मुलाचा २०१९ मध्ये मृत्यू झाला होता. मुलाच्या मृत्यूनंतर नत्थूलालच्या मनात सुनेबद्दल संशय निर्माण झाला. लक्ष्मीने जादूटोणा करून आपल्या मुलाचा जीव घेतल्याचा त्याचा समज होता. याच संशयातून दोघांमध्ये वारंवार वाद होत होते. नत्थूलाल हा लक्ष्मीला 'तुलाही मारून टाकीन आणि त्यानंतर स्वतःही जीव देईन', अशी धमकी देत असल्याची माहिती पोलिसांना मिळाली आहे.
शुक्रवारी सायंकाळपासून नत्थूलाल आणि लक्ष्मी यांच्यात वाद सुरू होता. शनिवारी दुपारी हा वाद विकोपाला गेला. दुपारी १२.१५ वाजताच्या सुमारास दोघांमध्ये पुन्हा खडाजंगी झाली. संतापलेल्या नत्थूलालने कुऱ्हाड हातात घेत लक्ष्मीवर हल्ला केला. कुऱ्हाडीचे वार गंभीर लागल्याने लक्ष्मीचा घटनास्थळीच मृत्यू झाला. घटनेची माहिती मिळताच यशोधरानगर पोलिसांचे पथक घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी पाठविला. या प्रकरणी नत्थूलालविरुद्ध हत्येचा गुन्हा दाखल करण्यात आला आहे.
महत्त्वाच्या बातम्या
