Jalgaon Crime: लाचखोरीत अडकलेल्या मुद्रांक जिल्हाधिकाऱ्यानेच मेव्हण्याच्या मदतीने स्वतःच्याच घरात घरफोडीचा कट रचला! जळगाव पोलिसांनी बेड्या ठोकल्याने एकच खळबळ
Jalgaon Crime: मध्यरात्रीच्या सुमारास दोन तरुणांनी त्यांच्या घरात चोरी करण्याच्या उद्देशाने प्रवेश केलेल्या दोघा तरुणांना पोलिसांनी रंगेहाथ पकडून अटक केली होती.
Jalgaon Crime: लाचखोरी प्रकरणात अडकलेल्या अकोला येथील मुद्रांक जिल्हाधिकारी किरण चौधरीला आता जळगावात स्वतःच्या घरात घरफोडी करण्याचा कट रचल्याचा प्रकरणात जळगाव पोलिसांनी अटक केल्याने खळबळ उडाली आहे. स्वतःच्या घरात चोरी करण्याचे किरण चौधरी हेच प्रमुख सूत्रधार असल्याचं पोलिस तपासात समोर आलं आहे.दहा हजार रुपयांची लाच घेतल्या प्रकरणी अकोला येथील जिल्हा उपनिबंधक तथा मुद्रांक जिल्हाधिकारी किरण चौधरी यांना अकोला येथील लाच लुचपत प्रतिबंधक विभागाने अटक केली होती. या कारवाईत लाचलुचपत प्रतिबंधक विभागाने त्यांचे जळगाव शहरातील घर सील केले होते. या घटनेत किरण चौधरी यांना न्यायालयात हजर केले असता, एक दिवसाची पोलिस कोठडी देण्यात आली.
किरण चौधरी यांचे जळगावमधील घर सील असतानाही मध्यरात्रीच्या सुमारास दोन तरुणांनी त्यांच्या घरात चोरी करण्याच्या उद्देशाने प्रवेश केलेल्या दोघा तरुणांना पोलिसांनी रंगेहाथ पकडून अटक केली होती. किरण चौधरी यांच्या जळगावमधील सील बंद घरात असलेल्या रोकड आणि दागिने लंपास करण्याच्या उदेशानेच, किरण चौधरी यांनी कट रचून स्वतःच्या घरात घरफोडी करून आपल्याच घरातील सोने आणि रोकड लंपास करण्यासाठी दोघा तरुणांना पाठविल्याचे पोलिस तपासात समोर आले होते. त्या अनुषंगाने जळगावमधील जिल्हापेठ पोलिस ठाण्यामध्ये अकोला मुद्रांक जिल्हाधिकारी किरण चौधरी आणि शालक्क मनोज झोपे यांच्या विरोधात पोलिसांनी गुन्हा दाखल केला आहे. या गुन्ह्यात किरण चौधरी यांना अटक केली असून मनोज चौधरी अद्यापही फरार असून त्याचा पोलिस शोध घेत आहेत.
झाडाझडतीत पोलिसांना काय काय सापडलं?
1) 1,53,84,630/- रोख रक्कम ( त्यात 500,200,100, 50, 20 रुपयांच्या नोटा )
2) 60,57,135/- रुपये किमतीचे 422.100 ग्रॅम वजनाचे सोन्याचे दागिने. ( त्यात 160 ग्रॅम वजनाचे सोन्याचे दोन बिस्किट्स व इतर दागिने)
3) 11,52,745/- रुपये सोने खरेदी केल्याच्या पावत्या
4) 31,416/- रू किंमतीचे एकूण 154.100 ग्रॅम वजनाचे चांदीचे दागिने
5) 62,13,376 /- रुपये किं. चे वेगवेगळ्या ठिकाणी त्यांचे व कुटुंबातील सदस्यांचे नावे प्रोपर्टी असल्याचे खरेदीखत, बक्षिसपत्रे इ कागदपत्रे
6) 06,25,545/- घर झडती घेतलेल्या घरातील वस्तूंची किमंत
एकूण 2,94,64,847 रुपये किमतीचे सोन्याचे मौल्यवान दागिने व रोख रक्कम व प्रॉपर्टी चे कागदपत्रे मिळून आले असून सदरचे मौल्यवान दागिने व रोख रक्कम जप्त करण्यात आले आहेत.
इतर महत्वाच्या बातम्या
महत्त्वाच्या बातम्या
