Solapur Crime: सोलापुरात दहशत माजवणाऱ्या सालार टोळीच्या पोलिसांनी आवळल्या मुसक्या; सराईत गुन्हेगारांविरोधात मकोका अंतर्गत कारवाई
Solapur Crime News : सोलापुरात दहशत माजवणाऱ्या सालार टोळी विरोधात सोलापूर शहर पोलिसांकडून (Police) मोठी कारवाई करण्यात आली आहे. यात सराईत गुन्हेगारांविरोधात मकोका अंतर्गत कारवाई करण्यात आली आहे.
Solapur Crime News : सोलापुरात दहशत माजवणाऱ्या सालार टोळी विरोधात सोलापूर शहर पोलिसांकडून (Solapur Police) मोठी कारवाई करण्यात आली आहे. यात सराईत गुन्हेगारांविरोधात मकोका अंतर्गत कारवाई (Solapur Crime) करण्यात आली आहे. सालार टोळीतील सहा जणाविरोधात 2015 ते 2025 या दहा वर्षाच्या कालावधीत खंडणी, अपहरण, जिवे मारण्याचा प्रयत्न, खुनाचा प्रयत्न करणे अशा गंभीर स्वरूपाचे गुन्हे दाखल आहेत. ज्यामध्ये फैसल सालार, जाफर शेटे, सईद उर्फ टिपू सालार, अनिस अहमद उर्फ पापड्या रंगरेज, अक्रम उर्फ पैलवान सातखेड, वसीम उर्फ मुकरी सालार असे मोक्का अंतर्गत कारवाई करण्यात आलेल्या आरोपींची नावे आहेत.
'मै इधर का भाई हू, कोई आयेगा तो खल्लास कर दुंगा'
पुढे आलेल्या माहितीनुसार, शहर पोलीस आयुक्त एम राजकुमार यांनी एकाच वर्षात तीन टोळीविरोधात मकोका अंतर्गत कारवाई केलीय. 2 जुलै रोजी हात उसने पैसे घेतलेल्या व्यक्तीस आरोपी जाफर शेटे याच्यासह पाच जणांनी मिळून 'मै इधर का भाई हू, कोई आयेगा तो खल्लास कर दुंगा' असे म्हणत चाकू दाखवत दहशत निर्माण केली होती. या प्रकरणात सालार टोळीतील गुंडाविरोधात एमआयडीसी पोलीस ठाण्यात गुन्हा नोंद करण्यात आला होता. या गुन्ह्याचा तपास करताना 6 आरोपींनी मागील 10 वर्षांत संघटीत गुन्हेगारी टोळीचा सदस्य या नात्याने परीसरात वर्चस्व कायम राखण्यासाठी खुनाचा प्रयत्न, खंडणी, अपहरण, गंभीर दुखापत करणे, जीवे ठार मारण्याची धमकी देणे यासारखे 7 दखलपात्र गुन्हे केले असल्याचे निष्पन्न झाले. हे सर्व 6 आरोपी एकाच टोळीचे असल्याचे निष्पन्न झाले, त्यामुळे या गुन्ह्यात महाराष्ट्र संघटित गुन्हेगारी नियंत्रण अधिनियम 1999 चे कलम 3(1) (2), 3(2),3(4) या कलमांची (मोक्का कायदयाची) वाढ करण्यात आलेली आहे.
लोणावळ्यात स्थानिक तरुणीवर अत्याचार, गाडीत बलात्कार झाल्याचं उघड
लोणावळा शहरात मानवतेला काळिमा फासणारी घटना उघडकीस आली आहे. लोणावळ्यातील एका स्थानिक तरुणीवर कारमध्ये बलात्कार झाल्याची धक्कादायक घटना समोर आली आहे. पीडित तरुणीला लोणावळा परिसरातून जबरदस्तीने कारमध्ये बसवून तिच्यावर गाडी थांबवत वेगवेगळ्या ठिकाणी अत्याचार करण्यात आले. नंतर आरोपीने तिला सामसूम असलेल्या रस्त्याच्या कडेला टाकून दिलं. याबाबत लोणावळा शहर पोलीस स्टेशनमध्ये गुन्हा दाखल झाला असून, आरोपीला अटक करण्यात आली असल्याची माहिती पोलीस निरीक्षक राजेश रामाघरे यांनी दिलीये. इतर दोन नराधमांचा शोध सुरुये.
आणखी वाचा
महत्त्वाच्या बातम्या
