Satish Bhosale : भाजपचा पदाधिकारी आणि आमदार सुरेश धस (Suresh Dhas) यांचा कार्यकर्ता असलेल्या सतीश भोसले (Satish Bhosale) उर्फ खोक्या भाईचे एका पाठोपाठ एक कारनामे पुढे येऊ लगले आहे. अशातच बीडच्या सतीश भोसलेचा (Satish Bhosale) आणखी एक व्हिडिओ समोर आला आहे. यात तो मोठ्या प्रमाणात नोटांचे बंडल पुढे ठेवत त्यातून पैसे फेकत असल्याचे या नवीन व्हिडिओतून समोर आलंय. खोक्या भोसलेचे या आधी गाडीत बसून समोर पैसे फेकत असल्याचा व्हिडिओ समोर आला होता. त्यानंतर हेलिकॉप्टर मधील व फाइव स्टार हॉटेलमधील व्हिडिओ देखील समोर आला होता. आशातच या नव्या व्हिडिओने साऱ्यांचाच भुवया उंचावल्या आहे.
सतीश भोसले उर्फ खोक्या भाईचे नवंनवीन कारनामे समोर
सामाजिक कार्यकर्त्या अंजली दमानिया यांनी हा व्हिडिओ शेयर करत एवढे पैसे याच्या कडे येतातच कुठून? असा सवाल त्यांनी केला आहे. गेल्या दोन दिवसांपासून खोक्याचे अनेक व्हिडिओ सोशल माध्यमात चांगलेच व्हायरल होत आहे. यात तो कधी गाडीतील पैसे फेकताना दिसतोय, तर कधी टेबलवर ठेवलेले पैसे फेकत असल्याचे या व्हिडिओत दिसून येत आहे. तर कधी प्राचार्य, शिक्षकांच्या उपस्थितीत तो बीडच्या शिरूरच्या कालिका देवी विद्यालयात जाहीर कार्यक्रमात विद्यार्थ्यांना धमकी देत असल्याचे दिसून येत आहे. त्यामुळे सतीश भोसले याला कायद्याचा धाक नाही का? त्यावर कुण्या राजकीय नेत्याचा वरदहस्त तर नाही ना? असे एकना अनेक प्रश्न उपस्थित केले जात आहे. त्यामुळे पोलीस प्रशासन या प्रकरणी नेमकी काय कारवाई करतात हे पाहणेही आता महत्वाचे ठरणार आहे.
सतीश भोसलेचं गुन्हेगारी कनेक्शन
बीड जिल्ह्यातील अमळनेर, शिरूर आणि अहिल्यानगर जिल्ह्यातील शेवगाव पोलीस स्टेशनमध्ये गंभीर स्वरूपाचे गुन्हे
1. कलम 307 (IPC 307) - 2021 प्रयत्नात्मक खून (Attempt to Murder)
2. कलम 498A (IPC 498A) - 2020 कौटुंबिक गुन्हा
3. कलम 304 (IPC 304) - 2020 गंभीर गुन्हा ठार मारण्याचा प्रयत्न नसताना घडलेला मृत्यु (Culpable Homicide Not Amounting to Murder)
4. आर्म ॲक्ट नुसार गुन्हा दाखल आहे.
5. शिरूर पोलिस स्टेशन मारहाणीचा गुन्हा..
1. BNS 115(2) - प्राणघातक हल्ला (गंभीर)
2. BNS 118(1) - जबरदस्तीने संपत्ती मिळवणे
3. BNS 189(2) - शासकीय कर्मचाऱ्यांना धमकी देणे
4. BNS 190 - फसवणूक आणि खोट्या कागदपत्रांचा गैरवापर
5. BNS 191(2) - खोटी साक्ष किंवा खोटे पुरावे सादर करणे
हे ही वाचा