Pune Crime News पुणे : विद्येचं माहेरघर समजल्या जाणाऱ्या पुण्यात नेमकं चाललंय तरी काय? असा प्रश्न विचारण्याची पुन्हा एकदा वेळ आली आहे. कारण पुण्यातील एक धक्कादायक घटनेने (Pune Crime News) पोलीस विश्वात एक खळबळ उडाली आहे. पुण्यात चक्क पोलीस कर्मचाऱ्याला मारहाण झाल्याची घटना घडली आहे. पुणे पोलीस दलातील वाहतूक विभागाच्या कर्मचाऱ्याला हि मारहाण करण्यात आली आहे. पुण्यातील कोंढवा (Kondhwa) परिसरात 4 ते 5 जणांकडून पोलीस कर्मचाऱ्याला ही मारहाण झाली आहे. परिणामी आता गुन्हेगारांची चक्क पोलिसांवर हात उचण्यापर्यंत हिम्मत वाढली आहे का? गन्हेगारी विश्वात पोलिसांचे भय उरले नाहीये का? असे अनेक प्रश्न या निमित्याने आता विचारले जात आहे.

Pune Crime News : पोलिसाला दारुड्या टोळक्याची मारहाण, कान अन् नाकातून रक्ताची धार

मिळालेल्या माहितीनुसार, पवन डिंबळे असे वाहतूक मारहाण करण्यात आलेल्या पोलीस कर्मचाऱ्याचे नाव आहे. डिंबळे हे सध्या भारती विद्यापीठ विभागाच्या वाहतूक विभागात कार्यरत आहेत. मारहाणीच्या या घटनेत डिंबळे यांच्या कानातून आणि नाकातून रक्त आल्याची ही माहिती आहे. तर मिळालेल्या माहितीनुसार, हा सगळा प्रकार रविवारी रात्री 11 वाजण्याच्या सुमारास पुणे शहरातील कोंढवा परिसरात घडलाय. प्राथमिक माहितीनुसार, डिंबळे हे त्यांची ड्युटी संपवून घरी निघाले असताना कोंढवा भागातील एका ठिकाणी लघुशंकेसाठी थांबले होते. तिथे काही जणं दारू पित असल्याचं निदर्शनास आल्यानंतर डिंबळे यांनी त्यांना हटकलं. यातून त्या तरुणांमध्ये आणि पोलीस कर्मचाऱ्यामध्ये वाद झाला. काही वेळात तिथे सबंधित तरुणांचे मित्र आले आणि त्यांनी पोलीस कर्मचाऱ्याला मारहाण करायला सुरुवात केली.

Treatment in Sassoon Hospital : पोलीस कर्मचाऱ्याला तात्काळ ससून रुग्णालयात उपचारासाठी दाखल 

दरम्यान, पोलिस कर्मचाऱ्याने अंगात जॅकेट घातल्यामुळे संबंधित व्यक्ती कोण आहे, हे त्या तरुणांना कळले नाही. जखमी पोलीस कर्मचाऱ्याला तात्काळ ससून रुग्णालयात (Sassoon hospital) उपचारासाठी दाखल केले असून त्यांची प्रकृती स्थिर आहे. मात्र या घटनेने परिसरात एकच खळबळ उडाली असून पोलीस या प्रकरणाचा पुढील तपास करत आहे.

Harshvardhan Sapkal on Pune Crime : पुण्यातील वाढत्या गुन्हेगारीला बळ देणारा 'दादा' कोण?

पुण्यामधील वाढत्या गुन्हेगारीवरून काँग्रेसचे प्रदेशाध्यक्ष हर्षवर्धन सपकाळ (Harshwardhan Sapkal) यांनी उपमुख्यमंत्री अजित पवार आणि मंत्री चंद्रकांत पाटील यांच्यावर जोरदार प्रहार केलाय. पुण्यातील वाढत्या गुन्हेगारीला बळ देणारा 'दादा' कोण?, असा सवाल त्यांनी केलाय.

आणखी वाचा