Pune Crime News: नवजात चिमुकलीचा नदीत आढळला मृतदेह, जन्मानंतर फेकल्याचा संशय; पुण्यात माणुसकीला काळिमा फासणारी घटना
Pune Crime News: पुण्यातून एक हृदयद्रावक घटना समोर आली आहे. खराडीजवळील नदीपात्रात नवजात चिमुकलीचा मृतदेह आढळून आला.
Pune Crime News: पुण्यातून (Pune) एक हृदयद्रावक घटना समोर आली आहे. खराडीजवळील (Kharadi) नदीपात्रात नवजात चिमुकलीचा (Newborn Baby Girl) मृतदेह आढळून आला. शुक्रवारी दुपारी ही धक्कादायक घटना उघडकीस आली.
जन्मानंतर अज्ञात व्यक्तीने या नवजात अर्भकाला नदीत फेकून दिल्याचा संशय पोलिसांनी व्यक्त केला आहे. नदीपात्रात नवजात अर्भकाचा मृतदेह आढळल्याची माहिती मिळताच वाघोली पोलिसांनी (Wagholi Police) तातडीने घटनास्थळी धाव घेतली. पोलिसांनी परिसराची पाहणी करून घटनेची माहिती घेतली.
Pune Crime News: नदीपात्रात आढळला नवजात चिमुकलीचा मृतदेह
मृत अर्भक स्त्री जातीचे (Female Infant) असल्याचे प्राथमिक तपासात समोर आले आहे. या चिमुकलीचा जन्म नुकताच झाला असावा, असा प्राथमिक अंदाज व्यक्त करण्यात येत आहे. जन्मानंतर अज्ञात व्यक्तीने तिला नदीत फेकून दिले असावे, असा संशय पोलिसांकडून व्यक्त करण्यात आला आहे. घटनेची माहिती मिळाल्यानंतर पोलिसांनी नदीपात्रात मृतदेह असल्याची खात्री केली. त्यानंतर मृतदेह बाहेर काढण्यासाठी बचाव पथकाची मदत घेण्यात आली.
Pune Crime News: जीवरक्षकांनी बोटीच्या साहाय्याने मृतदेह बाहेर काढला
नदीपात्रात मृतदेह असल्याची खात्री झाल्यानंतर शहीद भगतसिंग जीवन रक्षक फाउंडेशनचे जीवरक्षक बच्चूसिंग टाक यांनी बोटीच्या साहाय्याने नदीत उतरून नवजात अर्भकाचा मृतदेह बाहेर काढला. मृतदेह बाहेर काढल्यानंतर पोलिसांनी घटनास्थळी पंचनामा केला. त्यानंतर नवजात चिमुकलीचा मृतदेह पुढील वैद्यकीय तपासणी आणि शवविच्छेदनासाठी शासकीय रुग्णालयात पाठवण्यात आला.
Pune Crime News: अज्ञात व्यक्तीचा शोध सुरू
या घटनेनंतर वाघोली पोलिसांकडून तपास सुरू करण्यात आला आहे. नवजात चिमुकलीला जन्म दिल्यानंतर नदीत कोणी आणि कोणत्या कारणातून फेकून दिले, याचा तपास पोलीस करत आहेत. घटनास्थळाच्या परिसरातील माहिती, उपलब्ध पुरावे आणि इतर बाबींच्या आधारे अज्ञात व्यक्तीचा शोध घेण्याचे काम सुरू आहे. या घटनेमागील नेमकं कारण तपास पूर्ण झाल्यानंतरच स्पष्ट होणार आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
इतर महत्त्वाच्या बातम्या
महत्त्वाच्या बातम्या
