Pune Crime Andekar Gang Firing: बंडू आंदेकरने जेलमध्ये बसून आणखी एक सूड उगवला, बालाजी नगरमध्ये फायरिंग, पुणे हादरलं

Pune Crime Andekar Gang Firing: बंडू आंदेकरने जेलमध्ये बसून मुलाला संपवणाऱ्या आणखी एका जणाला संपवले आहे. बालाजी नगर भागात फायरिंग, एकजण गंभीर झाल्याची माहिती.

Pune Crime Andekar Gang Firing

Source : ABP Live

Pune Crime Andekar Gang Firing: वनराज आंदेकर हत्याप्रकरणानंतर पुण्यात आंदेकर-कोमकर टोळीत सुरु झालेल्या गँगवॉरचा पुन्हा एकदा भडका उडाला आहे. वनराज आंदेकर (Vanraj Andekar) हत्याप्रकरणातील आणखी एका आरोपीच्या भावावर बुधवारी सकाळी बालाजीनगर परिसरात आंदेकर टोळीच्या शुटर्सकडून गोळीबार करण्यात आला. यामध्ये एकजण गंभीर जखमी झाल्याची माहिती आहे. आंदेकर-कोमकर टोळीतील गँगवॉरमधील हा चौथा हल्ला आहे. या घटनेमुळे पुण्यात खळबळ उडाली आहे. आंदेकर टोळी चालवणारा बंडू आंदेकर (Bandu Andekar), त्याची मुलगी आणि सून हे सगळेजण सध्या तुरुंगात आहेत. मात्र, बंडू आंदेकर तुरुंगात बसूनही आपल्या टोळीची सूत्रे हलवत असल्याचे यानिमित्ताने पुन्हा एकदा सिद्ध झाले आहे. आंदेकर टोळीने त्यांच्या नेहमीच्या कार्यपद्धतीप्रमाणे हत्या घडवून आणण्यासाठी अगदी तरुण मुलांचा वापर केला. यामुळे पुणे पोलिसांच्या कार्यक्षमतेवर पुन्हा एकदा प्रश्चचिन्ह उभे राहिले आहे. (Pune Crime news)

2025 साली पुण्यातील गणेशपेठ परिसरात बंडू आंदेकर याचा मुलगा आणि माजी नगरसेवक वनराज आंदेकर याची टोळक्याकडून हत्या करण्यात आली होती. गोळ्या झाडून आणि कोयत्याचे वार करुन वनराज आंदेकरची हत्या करण्यात आली होती. या हत्येमध्ये वनराज आंदेकर याची बहीण आणि मेहुण्याचा सहभाग होता. तेव्हापासून आंदेकर टोळीने वनराजच्या हत्येचा बदला घेण्यासाठी कोमकर टोळीतील एकेकाला संपवायला सुरुवात केली होती. काही महिन्यांपूर्वीच वनराज आंदेकरच्या बहिणीचा मुलगा आयुष कोमकर याची घराबाहेर गोळ्या झाडून हत्या करण्यात आली होती. त्यानंतर कात्रज घोलेवाडी भागात कोमकर टोळीतील शिंदे नावाच्या व्यक्तीची हत्या करण्यात आली होती. हादेखील वनराज आंदेकर हत्याप्रकरणातील आरोपीचा भाऊ होता. त्यानंतर आज पुन्हा एकदा बालाजी नगर परिसरात वनराज आंदेकर प्रकरणातील आरोपीच्या भावावर गोळ्या झाडण्यात आल्या.

वनराज आंदेकर याचे वडील बंडू आंदेकर, वनराज आंदेकरची पत्नी, उदयकांत आंदेकर यांची पत्नी लक्ष्मी आंदेकर हे तिघेजण तुरुंगात आहेत. मात्र, सोनाली आंदेकर आणि लक्ष्मी आंदेकर यांनी तुरुंगातून राष्ट्रवादी काँग्रेसच्या तिकीटावर निवडणूक लढवून विजय मिळवला होता. तर बंडू आंदेकर हा तुरुंगात बसूनही सक्रिय आहे. तो तुरुंगातून आपल्या टोळीची सूत्रे हलवत आहे. बंडू आंदेकरने तुरुंगात बसून बुधवारी बालाजी नगर परिसरात आपल्या हस्तकांच्या माध्यमातून आणखी एक हल्ला घडवून आणल्याचे बोलले जात आहे. 

आणखी वाचा