Nashik TCS Crime: TCS कंपनीतील धर्मांतर प्रकरणाची सूत्रधार निदा खानला अखेर अटक; मोबाईलसह महत्त्वाचे तांत्रिक पुरावेही जप्त, विदेशी फंडिंगसह इंटरनॅशनल कनेक्शन?

Nashik TCS Crime : राज्यभरात खळबळ उडवणाऱ्या नाशिकमधील बहुचर्चित TCS कंपनीतील लैंगिक अत्याचार आणि बेकायदेशीर धर्मांतर प्रकरणातील मुख्यसूत्रधार असलेली संशयित आरोपी निदा खानला अटक करण्यात आली आहे.

Nashik TCS Crime

Source : ABP Majha

Nashik TCS Crime News : राज्यभरात खळबळ उडवणाऱ्या नाशिकमधील बहुचर्चित TCS कंपनीतील लैंगिक अत्याचार आणि बेकायदेशीर धर्मांतर प्रकरणी एक अतिशय महत्वाची अपडेट समोर आली आहे. या प्रकरणातील मुख्यसूत्रधार असलेली संशयित आरोपी निदा खानला (Nida Khan) अटक करण्यात आली आहे. निदा खानला छत्रपती संभाजीनगरमधून(Chhatrapati Sambhajinagar) अटक करण्यात आली आहे. गेल्या अनेक दिवसांपासून फरार असलेली आणि पोलिसांना गुंगारा देणाऱ्या निदा खान अखेर अटक करण्यात आली आहे. तिच्या शोधासाठी पोलिसांकडून अनेक पथकं तैनात करत तिचा राज्यभर शोध घेतला जात होता. अखेर तिला छत्रपती संभाजीनगर मधून अटक करण्यात आली आहे. 

Nashik TCS Crime News : मोबाईलसह काही महत्त्वाचे तांत्रिक पुरावे देखील जप्त

दुसरीकडे, निदा खानला अटक केल्यानंतर पोलिसांनी तिच्याकडून मोबाईलसह काही महत्त्वाचे तांत्रिक पुरावे देखील जप्त केले आहे. यात दोन स्मार्टफोन नाशिक पोलिसांनी जप्त केल्याची माहिती आहे. रात्री उशिरा निदा खानला संभाजीनगर येथून नाशिक शहरातील नाशिक रोड पोलीस ठाण्यात दाखल केल्यानंतर प्राथमिक चौकशी सुरू करण्यात आली. पोलिसांनी जप्त केलेल्या मोबाईल फोन्समधून काही महत्त्वाचे धागेदोरे मिळण्याची शक्यता आहे.

TCS प्रकरणातील संशयित महिला आरोपी निदा खान सध्या नाशिक पोलिसांच्या ताब्यात आहे. रात्री उशिरा छत्रपती संभाजी नगर गुन्हे शाखा आणि नाशिक पोलिसांच्या गुन्हे शाखेने निदा खानला नाशिकमध्ये आणले. TCS महिला लैंगिक अत्याचारासह मानसिक छळ आणि धार्मिक भावना दुखावणे याप्रकरणी निदा खानवर गुन्हा दाखल आहेत. दरम्यान, 25 मार्च पासून निदा खान फरार होती. निदा खानच्या शोधासाठी पोलिसांची दोन पथके मागावर होती. अखेर छत्रपती संभाजीनगर येथे पोलिसांनी तिला अटक केली आहे. तर ताब्यात घेतल्यानंतर नाशिक शहरातील नाशिक रोड पोलीस ठाण्यात तिला आणण्यात आलं. सध्या पोलीस कायदेशीर अटकेची कार्यवाही करत आहे.

Nashik TCS Crime : विदेशी फंडिंगसह , इंटरनॅशनल कनेक्शन असल्याचाही संशय

महिला लैंगिक अत्याचारातील आरोपींना मदतीसह धर्मांतरासाठी निदा खान महत्त्वाची भूमिका बजावत असल्याचा आरोप आहे. निदा खानला अटक केल्यानंतर TCS प्रकरणातील SIT तपासाला आता गती मिळणार आहे. सोबतच टीसीएस प्रकरणात विदेशी फंडिंगसह , इंटरनॅशनल कनेक्शन असल्याचाही संशय पोलिसांना आहे.

Nashik TCS Crime News : नाशिक पोलिसांनी छत्रपती संभाजी नगर येथून ठोकल्या बेड्या

नाशिक टीसीएस प्रकरणातील महिला आरोपी निदा खानला छत्रपती संभाजीनगर येथून नाशिक आणि संभाजीनगर पोलिसांनी नाशिकमध्ये आणत नाशिक रोड पोलीस ठाण्यात अटकेची कारवाई पूर्ण केली. निदा खानचा ताबा नाशिक पोलिसांना देऊन संभाजीनगर पोलीस संभाजीनगरच्या दिशेने रवाना झाले.नाशिक शहरातील नाशिक रोड पोलीस ठाण्यात रात्री उशिरापर्यंत ही संपूर्ण कारवाईची कायदेशीर प्रक्रिया सुरू होती.

इतर महत्वाच्या बातम्या