Nashik Crime News: नाशिकच्या 'त्या' कंपनीत दिल्लीच्या टीमकडून झाडाझडती, 150 कर्मचाऱ्यांना 'वर्क फ्रॉम होम'चे आदेश, राष्ट्रीय महिला आयोगही पाहणी करणार
Nashik Crime News: नाशिकमधील धर्मांतर प्रकरणाचे गांभीर्य लक्षात घेऊन कंपनीच्या दिल्लीतील टीमने चौकशीची चक्रे फिरवली आहेत. वरिष्ठ अधिकाऱ्यांच्या पथकाकडून कंपनीची 'झाडाझडती' करण्यात आलीय.
Nashik Crime News: नाशिकमधील (Nashik) एका नामांकित कंपनीत महिला कर्मचाऱ्यांचे लैंगिक शोषण आणि धर्मांतरासाठी दबाव टाकल्याचा खळबळजनक प्रकार उघडकीस आला आहे. या प्रकरणामुळे संपूर्ण शहरात संतापाची लाट असून, आता दिल्लीतील (Delhi) वरिष्ठ पथकाने कंपनीत तळ ठोकला आहे. धक्कादायक बाब म्हणजे, या प्रकरणातील मुख्य सूत्रधार निदा खान (Nida Khan) गेल्या 20 दिवसांपासून फरार असून पोलीस (Police) तिचा कसून शोध घेत आहेत.
Nashik Crime News: 150 कर्मचाऱ्यांना 'वर्क फ्रॉम होम' करण्याचे आदेश
प्रकरणाचे गांभीर्य लक्षात घेऊन कंपनीच्या दिल्लीतील मुख्य कार्यालयाने चौकशीची चक्रे फिरवली आहेत. वरिष्ठ अधिकाऱ्यांच्या पथकाकडून कंपनीची 'झाडाझडती' सुरू आहे. तपासाच्या काळात कामकाजात अडथळा येऊ नये आणि कर्मचाऱ्यांच्या सुरक्षेसाठी १५० कर्मचाऱ्यांना सोमवारपासून 'वर्क फ्रॉम होम' कामकाज करण्याचे आदेश देण्यात आले आहेत.
Nashik Crime News: तपासादरम्यान कंपनीत शुकशुकाट
कामगार उपायुक्त कार्यालयाचे पथक जेव्हा चौकशीसाठी कंपनीत पोहोचले, तेव्हा त्यांना तेथे एकही कर्मचारी आढळला नाही. प्रशासनाने शॉप ॲक्ट लायसन्स आणि इतर महत्त्वाच्या कागदपत्रांची तपासणी करून काही कागदपत्रे जप्त केली आहेत. अंतर्गत चौकशीत कर्मचाऱ्यांचे जबाब नोंदवले जात असून, त्यात अनेक गंभीर तक्रारी समोर आल्याची माहिती सूत्रांनी दिली आहे.
Nashik Crime News: निदा खान धर्मांतर रॅकेटची 'मास्टरमाइंड'
पोलीस तपासात समोर आलेल्या माहितीनुसार, निदा खान ही ऑपरेशन डिपार्टमेंटमध्ये मॅनेजर आणि टीम लीडर म्हणून कार्यरत होती. दररोजच्या कामाच्या मीटिंगमध्ये हिंदू मुलींना लक्ष्य केले जात असे. कामाचे नियोजन देण्याच्या बहाण्याने मुलींवर धर्मांतरासाठी दबाव टाकला जात असे. ज्या महिलांनी विरोध केला, त्यांचा मानसिक आणि लैंगिक छळ करण्यासाठी निदा खान चिथावणी देत असल्याचे तपासात उघड झाले आहे. हे सर्व कृत्य एका विशिष्ट व्हॉट्सॲप ग्रुपच्या माध्यमातून हाताळले जात होते, ज्यामुळे यात आंतरराष्ट्रीय रॅकेट सक्रिय असल्याचा संशय बळावला आहे.
Nashik Crime News: निदा खानच्या शोधासाठी तीन पथके रवाना
मुंबई नाका आणि देवळाली पोलीस ठाण्यात याप्रकरणी आठ जणांविरोधात गुन्हे दाखल करण्यात आले आहेत. पोलिसांनी आतापर्यंत सात जणांना अटक केली आहे, ज्यात कंपनीची HR अश्विनी चैनानी हिचाही समावेश आहे. अश्विनीच्या चौकशीतूनच निदा खानच्या मुख्य भूमिकेचा खुलासा झाला आहे. निदा खानच्या शोधासाठी पोलिसांची तीन पथके रवाना करण्यात आली आहेत.
Nashik Crime News: राष्ट्रीय महिला आयोगाचा नाशिक दौरा
या प्रकरणाची दखल आता राष्ट्रीय पातळीवर घेतली गेली आहे. राष्ट्रीय महिला आयोगाची (NCW) टीम 18 एप्रिल रोजी नाशिकमध्ये दाखल होणार आहे. ही टीम पीडित महिलांशी संवाद साधून प्रकरणाची सविस्तर पाहणी करणार आहे.
आणखी वाचा
महत्त्वाच्या बातम्या
