(Source: Poll of Polls)
Nashik Crime News: नाशकात नेमकं चाललंय तरी काय? पोटच्या लेकानं आईला संपवलं; एका दिवसात तीन खुनाच्या घटनेनं शहर हादरलं!
Nashik Crime News: नाशकात नेमकं चाललंय तरी काय? असा प्रश्न आता सऱ्यांना पडला आहे. त्यामागील कारण म्हणजे ऐरवी शांत समजल्या जाणाऱ्या नाशिकसारख्या शहरात गुन्हेगारीचे सत्र दिवसेंदिवस वाढताना दिसत आहे
Nashik Crime News: नाशकात नेमकं चाललंय तरी काय? असा प्रश्न आता सर्वसामान्य नाशिककरांसह सऱ्यांना पडला आहे. त्यामागील कारण म्हणजे ऐरवी शांत समजल्या जाणाऱ्या नाशिकसारख्या (Nashik) शहरात गुन्हेगारीचे सत्र दिवसेंदिवस वाढताना दिसत आहे. शहरात सतत खुनाचे (Nashik Crime News) सत्र सुरूच असून, काल (7 ऑक्टोबर) पहाटे उपनगर हद्दीत प्रॉपर्टीच्या वादातून एकाचा खून (Crime News) झाल्यानंतर सातपूरला नात्याला काळीमा फासणारी घटना घडलीय. यात नशेत मुलाने आईचा निर्घृण खून केला होता. मात्र या घटनेला बारा तास देखील उलटत नाही तोच काल (7 ऑक्टोबर) रात्री अकरा-बाराच्या सुमारास नाशिकरोड शिवाजी नगर येथे वृद्ध महिलेला तिच्याच मुलाने गळा आवळून मारून टाकलेय. इतकंच नव्हे तर हे कृत्य केल्यानंतर मारेकरी मुलाने पोलीस ठाण्यात स्वतः हजर होऊन आईच्या वृद्धापकाळाला कंटाळून आपण आईचा खून केल्याची कबुलीही दिलीय.
Nashik Crime News: नाशिकचं बिहार (Bihar) होतंय का?
दरम्यान, या प्रकरणी नाशिकरोड पोलिसांत गुन्हा दाखल करण्यात आला आहे. शहरात एकाच दिवशी तीन खून झाले. मात्र यातील दोन खून हे कौटुंबिक समस्येतून झाल्याचं समोर आलं आहे. या खुनाच्या घटनेमुळे शहरात चाललय तरी काय असा प्रश्न आता उपस्थित होत आहे. तर शहरातील गुन्हेगारीचं वाढतं प्रमाण पाहता नाशिकचं बिहार (Bihar) होतंय का? पोलिसांच्या वर्दीचा धाक संपला आहे का? असे सवाल देखील आता सर्व सामान्य नाशिककरांमधून उपस्थित होत आहेत.
Pune Crime News: आधी लाथा बुक्क्यांनी मारहाण नंतर "ताई" म्हणून तरुणाने मागितली माफी
नवरात्र उत्सव काळात पुण्यात भर रस्त्यात एका तरुणाने एका तरुणीवर लाथा बुक्क्यांनी मारहाण केल्याचा व्हिडिओ सोशल मीडियावर व्हायरल झाला होता. 1 ऑक्टोबर रोजी पुणे सातारा रस्त्यावर रात्री 8 वाजण्याच्या सुमारास एका किरकोळ कारणातून लाथा बुक्क्यांनी मारहाण केल्याचा व्हिडिओ समोर आल्यानंतर संतापाची लाट उसळली होती. अखेर सहकारनगर पोलिसांनी या तरुणाला शोधून काढले. मात्र त्याच्या विरोधात संबंधित तरुणीने तक्रार न दिल्याने त्यावर कारवाई झाली नाही. मात्र असे असतानाच या तरुणाने त्याची चूक कबूल केली आणि "माझ्याकडून चूक झाली, मी "ताई" आणि तिच्या घरच्यांची माफी मागतो" अशी दिलगिरी व्यक्त केलीय.
आणखी वाचा
महत्त्वाच्या बातम्या
