Nandurbar Crime News : नंदुरबारच्या शासकीय आदिवासी आश्रम शाळेतून एक अतिशय धक्कादायक बातमी समोर आली आहे. यात आश्रम शाळेत शिकणाऱ्या आठवीच्या विद्यार्थिनीवर मुख्याध्यापकाकडून बलात्कार केल्याचा संतापजनक प्रकार समोर आलं आहे. विद्यार्थिनीवर लैंगिक अत्याचार करून जीवे मारण्याची धमकी दिल्याची माहिती आहे. तर विद्यार्थिनीने घडलेला प्रकार आई-वडिलांना सांगितल्यानंतर हा प्रकार उजेडात आला आहे. या प्रकरणी धडगाव पोलीस स्टेशनला गुन्हा दाखल करण्यात आला असून या प्रकरणी पोलीस अधिक तपास करत आहे. मात्र या घटनेने परिसरात एकच खळबळ उडाली आहे.
Nandurbar Crime News : मुख्याध्यापकसह वस्तीगृहाच्या व्यवस्थापिकेवर गुन्हा दाखल
दरम्यान, या प्रकरणी शासकीय आश्रम शाळा तलाईच्या मुख्याध्यापकसह वस्तीगृहाच्या व्यवस्थापिकेवर गुन्हा दाखल करण्यात आला आहे. तर नराधम मुख्याध्यापक रायसिंग वसावे आणि व्यवस्थापिका मालती पाडवी यांच्यावर हा गुन्हा दाखल करण्यात आलाय. दुसरीकडे हि घटना उघडल्यानंतर आदिवासी संघटनांमध्ये संतापाचे वातावरण निर्मण झालं असून आरोपींवर कठोर कारवाईची मागणी आता जोर धरू लागली आहे. तर या घटनेनं आदिवासी आश्रम शाळांमधील मुलींच्या सुरक्षिततेचा प्रश्न पुन्हा एकदा ऐरणीवर आला आहे.
मोहाडीतील स्पर्धा परीक्षा मार्गदर्शन केंद्रातील घाणीनं विद्यार्थ्यांचं आरोग्य धोक्यात; संतप्त विद्यार्थ्यांनी अधिकाऱ्यांना धरलं धारेवर
स्पर्धा परीक्षा मार्गदर्शन आणि अभ्यासिका केंद्राच्या परिसरात मोठ्या प्रमाणात दुर्गंधी आणि घाण पसरल्यानं अभ्यासिकेतील विद्यार्थ्यांचं आरोग्य धोक्यात आलं आहे. भंडाऱ्याच्या मोहाडी नगरपंचायत प्रशासनाच्या वतीनं हुतात्मा स्मारक इथं अभ्यासिका आणि मार्गदर्शन केंद्र उभारलं आहे. त्यामुळं स्पर्धा परीक्षा मार्गदर्शन केंद्राच्या परिसरात असलेली दुर्गंधी तात्काळ दूर करावी आणि अभ्यासिकेत येणाऱ्या विद्यार्थ्यांना चांगल्या आरोग्यासाठी परिसर स्वच्छ आणि सुंदर करून चांगल्या वातावरणाची निर्मिती करून द्यावी, या मागणीला घेऊन अभ्यासिकेच्या संतप्त विद्यार्थ्यांनी नगरपालिका प्रशासनाच्या अधिकाऱ्यांना चांगलेचं धारेवर धरलं. या अभ्यासिका केंद्राच्या परिसरातचं नगरपालिका प्रशासनाच्या कचऱ्याच्या गाड्या आणि इतरही वाहनं धुतल्या जात असल्यानं तिथं पाण्याचे डबके निर्माण होऊन आरोग्याच्या समस्या उद्भवत असल्याचा आरोप या संतप्त विद्यार्थ्यांनी केला आहे.
इतर महत्वाच्या बातम्या
- Kalyani Komkar: 'प्लिज असं नका करू, त्यांना तिकीट देऊ नका', आयुष कोमकरच्या आईचा 'तो' भावनिक VIDEO समोर, आंदेकर टोळीला पक्षाकडून तिकीट मिळणार की नाही?
- Sangli Crime : सायबर चोरट्यांची नवी शक्कल, म्युल अकाउंटमधून मोठी सायबर लूट, 34 डेबिट कार्ड, 27 सिमसह सांगलीत संशयित अटकेत