Nanded Crime: लग्नासाठी तगादा, नकार देताच मोबाईलमधील फोटो व्हायरल करण्याची धमकी; भीतीपोटी दहावीतील विद्यार्थिनीच टोकाचं पाऊल; नांदेड हादरलं!
Nanded Crime: दहावी वर्गात शिकत असलेल्या एका 16 वर्षीय मुलीने गळफास घेऊन आत्महत्या केल्याची धक्कादायक घटना नांदेड शहरात घडलीय. तिच्या या आत्महत्येचं कारण देखील तितकचं धक्कादायक असल्याचे समोर आलं आहे.
Nanded Crime News : दहावी वर्गात शिकत असलेल्या एका 16 वर्षीय मुलीने गळफास घेऊन आत्महत्या केल्याची धक्कादायक घटना नांदेड (Nanded Crime) शहरात घडलीय. तिच्या या आत्महत्येचं कारण देखील तितकचं धक्कादायक असल्याचे समोर आलं आहे. बोलण्यासाठी आणि लग्नास भाग पाडण्यासाठी तरुणांनी तगादा लावला आणि मोबाईलमधील जोडीने काढलेला फोटो व्हायरल करण्याची धमकी दिली जातं असल्याने, बदनामीच्या भीतीपोटी मुलीने आत्महत्या केलीय. या प्रकरणी भाग्यनगर पोलीस ठाण्यात तरुणासह पाच जणाविरोधात आत्महत्येस प्रवृत्त केल्याचा गुन्हा दाखल केला आहे. Nanded Crime News
Nanded Crime News : मोबाईलमधील फोटो व्हायरल करण्याची धमकी; भीतीपोटी टोकाचं पाऊल
किनवट तालुक्यातील अंधबोरी येथील दोन बहिणी शिक्षणासाठी नांदेड शहरातील पंढरपूर नगर येथे भाड्याने राहत होत्या. मयत मुलगी ही दहावी वर्गात शिकत होती. किनवट तालुक्यातील गोकुंदा येथील दिपक सोळंके सोबत ओळख झाली. या दरम्यान दोघानी मोबाइमध्ये एकत्र फोटो काढले. फोन वर बोलत होते. पण काही कारणास्तव त्या मुलीने तरुणास बोलणे बंद केले. त्यानंतर दिपक हा लग्नास आणि बोलण्यास भाग लावल्यासाठी मोबाईलमध्ये एकत्र असलेले फोटो व्हायरल करतो अशी धमकी देत होता, असा आरोप मयत मुलीच्या पित्याने तक्रारीत केले आहे. आपली बदनामी होणार या भीतीपोटी अल्पवयीन मुलीने 23 फेब्रुवारी रोजी रात्री साडे नऊ वाजेच्या सुमारास खोलीतील स्लॅबच्या हुकास ओढणी बांधून गळफास घेऊन आत्महत्या केली.
Nanded Crime : चुलत भावाकडूनही धमकी, आत्महत्येस प्रवृत्त केल्याचा गुन्हा
दरम्यान, घटनेची माहिती मिळताच घरमालकाने बेशुद्ध अवस्थेत असलेल्या मुलीला रुग्णालयात दाखल केले, मात्र डॉक्टरांनी तिला मृत घोषित केले. या प्रकरणी साईनाथ धोंडिबा पवार यांच्या तक्रारीवरून भाग्यनगर पोलिसांनी दिपक विष्णू सोळंके, पवन शंकर साळुंके, करण शंकर साळुंके, विष्णू उत्तम साळुंके, शंकर उत्तम साळुंके यांच्या विरोधात आत्महत्येस प्रवृत्त केल्याचा गुन्हा दाखल केला आहे. धक्कादायक म्हणजे आरोपी दिपकचा चुलत भाऊ पवन साळुंके हा देखील मयत मुलीच्या बहिणीला फोटो व्हायरल करण्याची धमकी देत होता, असा आरोप पीडित कुटुंबानी केला आहे. या घटनेने मात्र शहरात एकच खळबळ उडाली आहे.
इतर महत्वाच्या बातम्या
महत्त्वाच्या बातम्या
