Nanded Crime: 'मी मारणे गँगचा शार्प शूटर बोलतोय... नांदेड बसस्थानकात बॉम्बस्फोट होणार'; पोलीस कंट्रोल रुममधील फोनमुळे एकच खळबळ
Nanded Crime News : मी मारणे गँगचा शार्प शूटर आहे. नांदेड बस स्थानकाच्या (Nanded Bus Stand) तक्रार पेटीमध्ये चिट्ठी टाकलेली आहे.अशी माहिती नांदेडच्या पोलीस नियत्रंण कक्षाला एकाने फोन करून दिलीय.
Nanded Crime News : मी मारणे गँगचा शार्प शूटर आहे. नांदेड बस स्थानकाच्या (Nanded Bus Stand) तक्रार पेटीमध्ये चिट्ठी टाकलेली आहे. त्यात बॉम्ब स्फोट (Nanded Crime News) होणार आहे, अशी माहिती नांदेडच्या पोलीस नियत्रंण कक्षाला एकाने फोन (Threatening Call) करून दिलीय. 5 मार्च रोजी दुपारी अज्ञात व्यक्तीने पोलीस नियंत्रण कक्षाला फोन केला. त्यावरून पोलिसांनी तातडीने सूत्र हलवली. नांदेड शहरातील बस स्थानकात बंदोबस्तावर असलेल्या पोलिसांना तक्रारपेटी तपासण्यास सांगण्यात आले. त्यात बॉम्बस्फोट होणार असा मजकूर लिहिलेली चिट्टी आढळली. दरम्यान या घटनेनं एकच खळबळ उडाली होती. अशातच फोन नेमका कोणी केला याचा पोलिसांनी तपास सुरु केला असता वजीराबाद पोलिसांनी तपासाची सूत्र हलवली आणि अंबाजोगाई येथून फोन करणाऱ्या आरोपीला अटक करण्यात पोलिसांना यश आलं आहे.
Nanded Crime News : पाणीपुरी वाल्याच्या मोबाईलवरून 'तो' फोन, आंबेजोगाई येथून आरोपीला अटक
सायबर सेलच्या मदतीने तपास करण्यात आला तेव्हा बीड जिल्हयातील आंबेजोगाई येथून फोन आल्याचे निष्पन्न झाले. त्यांनतर वजीराबाद पोलीसांनी आंबेजोगाई गाठली आणि तपासाअंती एका पाणीपुरी वाल्याच्या मोबाईलवरून तो फोन करण्यात आल्याचे उघड झाले. पोलीसांनी पाणीपुरी वाल्याची चौकशी केली. त्यात एका अज्ञाताने महत्त्वाचा फोन करायचा म्हणून मोबाईल घेतला होता, असे त्याने सांगीतले. पाणीपुरीवाल्याकडून पोलिसांनी फोन करणाऱ्या व्यक्तीचे वर्णन प्राप्त केले. यावेळी स्थानिक पोलीसांची मदत घेण्यात आली. त्या माहितीच्या आधारे बेजोगाई येथील मनियार गल्ली रवीवार पेठ येथून 35 वर्षीय शेख सलीम शेख चांदपाशा याला नांदेड पोलिसांनी ताब्यात घेतले. आपणच फोन करून बस स्थानकात चिट्टी टाकून खोटी माहिती दिली, अफवा पसरवली, अशी कबुली आरोपी शेख सलीम याने पोलीसांना दिली. सद्या शेख सलीम याला वजीराबाद पोलिसांनी अटक केली असल्याची माहिती सहायक पोलिस निरीक्षक उमाकांत पूने यांनी दिली आहे.
Mumbai News : मुंबईतील नायर रुग्णालयाला धमकीचा ईमेल
दुसरीकडे मुंबईतील नायर रुग्णालयाला देखील धमकीचा ईमेल आल्याची घटना घडलीय. ईमेलमध्ये रुग्णालयात LED ब्लास्ट करणार असून 4 वाजता हा ब्लास्ट होणार आहे, अशी माहिती या मेलमध्ये नमूद करण्यात आली आहे. तरी रुग्णालयातील डाॅक्टर आणि नागरिकांनी सतर्क राहावे, असा मेसेज ईमेलमध्ये करण्यात आला होता. दुपारी 11 च्या सुमारास आलेल्या या ईमेलमुळे रुग्णालय परिसरात भितीच वातावरण होतं. मुंबई पोलिसांच्या बाॅम्बशोधक पथकाने रुग्णालयातील तपासणी केली असता, काहीही संशयास्पद आढळून आले नाही. मात्र धमकीचा ईमेल करणाऱ्या त्या व्यक्तीचा पोलिस आता शोध घेत आहेत.
इतर महत्वाच्या बातम्या
महत्त्वाच्या बातम्या
