Nagpur News : पोलीस कस्टडीमध्ये सोन्याचे दागिने पोलिसांनी घेतल्याचा आरोपीकडून आरोप; न्यायालयाकडून चौकशीचे आदेश
Nagpur Crime News : नागपूर शहरातून एक खळबळजनक बातमी समोर आली आहे. यात बलात्काराच्या आरोपीचे सुवर्ण अलंकार चक्क पोलिसांनी घेतल्याचा आरोपीकडून आरोप करण्यात आला आहे.
Nagpur Crime News : नागपूर शहरातून एक खळबळजनक बातमी समोर आली आहे. यात बलात्काराच्या आरोपीचे सुवर्ण अलंकार चक्क पोलिसांनी घेतल्याचा आरोपीकडून आरोप करण्यात आला आहे. परिणामी या प्रकरणी न्यायालयाने संबंधित पोलीस स्टेशनच्या पोलीस निरीक्षकाला चौकशीचे आदेश दिले आहे. मिळालेल्या माहितीनुसार, गिटार प्रशिक्षण अकॅडमीमध्ये येणाऱ्या अल्पवयीन तरुणीसोबत बलात्कार केल्याचा आरोप आरोपीवर आहे. सागर सिंग उर्फ सॅमसन परोसिया असे या आरोचे नाव असून त्याने सोनेगाव पोलीस स्टेशनचे पोलीस उपनिरीक्षक दीपक कराडकर यांच्यावर सोन्याचे दागिने घेतल्याचा गंभीर आरोप लावलाय. त्यानंतर न्यायालयाने संबंधित पोलीस स्टेशनचे पोलीस निरीक्षकांना चौकशीचे आदेश दिले आहे.
पोलीस कस्टडीमध्ये मारहाण न करण्याचं आमिष दाखवत सोन्याचे दागिने घेतल्याचा आरोप
सागर सिंग परोसिया याची गिटार प्रशिक्षण अकॅडमी असून त्या ठिकाणी येणाऱ्या 17 वर्षीय तरुणीसोबत त्याने बलात्कार केल्याचा त्याच्यावर आरोप आहे. त्याच प्रकरणात पोलिसांनी त्याला अटक केल्यावर पोलीस कस्टडीमध्ये मारहाण न करण्याचा आमिष दाखवत अंगावरील सोन्याचे दागिने काढून घेतल्याचा आरोप परोसिया याने पोलिसांवर केला आहे. बलात्कार प्रकरणातील आरोपीने न्यायालयातच पोलिसांवर गंभीर आरोप केल्यानंतर न्यायालयाने या प्रकरणाचे गांभीर्य लक्षात घेत संबंधित पोलीस स्टेशनच्या पोलिस निरीक्षकांना चौकशीचे आदेश दिले आहेत. त्यामुळे पोलीस चौकशीत नेमकं काय सत्य बाहेर येतं हे पाहणे महत्वाचे ठरणार आहे. मात्र या प्रकाणामुळे पोलीस विश्वात खळबळ उडाली आहे.
भंडाऱ्यात बालविवाह; बालिका वधू सात महिन्यांची गर्भवती, पोलिसात गुन्हा दाखल
मुलगा आणि मुलगी 17 वर्षांचे अल्पवयीन असतानाही दोघांच्याही घरच्यांनी दोघांचा विवाह लावून दिला. मात्र, विवाहानंतर मुलीला दिवस गेल्यानं तिची आरोग्य तपासणीकरिता कुटुंबीयांनी मुलीला करडी येथील प्राथमिक आरोग्य केंद्रात गेलं असता ती सात महिन्यांची गर्भवती असल्याचा धक्कादायक प्रकार उघडकीस आला. याप्रकरणी भंडाऱ्याच्या करडी पोलीस ठाण्यात पीडित अल्पवयीन बालिका वधूच्या तक्रारीवरून पती, सासू - सासऱ्यांसह पीडितेच्या आई-वडील अशा पाच जणांवर विविध कलमांतर्गत गुन्हा दाखल केला आहे. तसेच पतीला देखील अटक करण्यात आली आहे.
हा संपूर्ण प्रकार गोंदिया जिल्ह्यातील तिरोडा तालुका अंतर्गत येणाऱ्या दवनीवाडा पोलीस स्टेशन हद्दीत घडला आहे. यातील पीडित अल्पवयीन बालिकेची सासुरवाडी असल्याने करडी पोलिसांनी कलम 64, (2)(एम), 3(5) बिएनएस सह कलम 2012 सह कलम 9,10,11 बालविवाह प्रतिबंधक कायदा 2006 अन्वये गुन्हा दाखल करत हा संपूर्ण तपास आता दोन्हीवाडा पोलिसांकडे वर्ग करण्यात आला आहे.
महत्वाच्या बातम्या:
महत्त्वाच्या बातम्या
