Nagpur Accident News : एका अपघातातून बचावले, पण काही तासात पुन्हा काळानं झडप घातली; नागपुरात एकाच जागीच, तर एकाचा उपचारदरम्यान दुर्दैवी अंत!
Nagpur Accident News : ही घटना देवलापार पोलीस ठाण्याच्या हद्दीतील नागपूर-जबलपूर राष्ट्रीय महामार्गावरील (Nagpur-Jabalpur National Highway) कट्टा शिवारात घडलीय.
Nagpur Accident News : नागपूर जिल्ह्यातील मनसर येथे चालकाचा ताबा सुटल्याने वेगात असलेली मोटरसायकल स्लीप झाली आणि त्यात दोघे जखमी झाले. प्रथमोपचारानंतर दोघांनीही पुन्हा प्रवासाला सुरुवात केली, मात्र काळ जणू त्यांची वाटच पाहत होता. यात मोटरसायकल जोरात दुभाजकावर आदळल्याने दोघेही पुन्हा गंभीर जखमी (Nagpur Accident News) झालेय. यात एकाचा घटनास्थळीच तर दुसऱ्याचा उपचाराला नेताना वाटेत मृत्यू झालाय. ही घटना देवलापार पोलीस ठाण्याच्या हद्दीतील नागपूर-जबलपूर राष्ट्रीय महामार्गावरील (Nagpur-Jabalpur National Highway) कट्टा शिवारात घडलीय.
Nagpur Accident News : दोघेही खास मित्र, नातेवाइकाला मागितली होती मोटरसायकल
मिळालेल्या माहितीनुसार, 25 फेब्रुवारीच्या सायंकाळी 5 वाजताच्या सुमारास हा विचित्र अपघाताची घटना घडलीय. पुनित ऊर्फ ईमरतलाल कुडोपा व मोहित खोडकर अशी मृतांची नावे आहेत. हे दोघेही मित्र असून, ते नागपूर शहरातील मानेवाडा भागात किरायाने राहायचे. पुनित टाइल्स बसविण्याचे, तर मोहित वाहन चालक म्हणून काम करायचा. पुनितच्या नातेवाईकाकडे कार्यक्रम असल्याने दोघेही सिवनीकडे जात होते. यासाठी नातेवाइकाला मोटरसायकल मागितली होती.
Nagpur Accident : डॉक्टरांनी उपचारासाठी नागपूरला जाण्याचा सल्ला दिला, पण....
दरम्यान, या अपघातात पहिल्यांदा मोटरसायकल स्लीप झाल्याने दोघेही खाली कोसळले व जखमी झाले. त्यांच्यावर मनसर येथील प्राथमिक आरोग्य केंद्रात उपचार करण्यात आले. तेव्हा डॉक्टरांनी त्यांना उपचारासाठी नागपूरला जाण्याचा सल्ला दिला असताना दोघेही त्याच मोटरसायकलने नागपूरऐवजी सिवनीच्या दिशेने निघाले. अशातच कट्टा-रामनगर दरम्यान मोटरसायकल जोरात दुभाजकावर आढळली, यात दोघांना आपले प्राण गमवावे लागले.
Gondia News : ट्रकच्या चाकाखाली दबून 25 वर्षीय युवकाचा जागीच मृत्यू; गोंदियाच्या साखरीटोला येथील घटना
गोंदिया जिल्ह्यातील सालेकसा तालुक्यातील साखरिटोला येथील कवडी चौकात रात्रीच्या सुमारास भीषण अपघातात एका 25 वर्षीय युवकाचा जागीच मृत्यू झाला. रुपेश खुरसुंगे असे मृतकाचे नाव आहे.. मृतक रुपेश हा रस्त्याच्या कडेला दुचाकी थांबवून उभा असताना भरधाव ट्रकच्या मागील चाकाखाली दबला. दरम्यान अपघात इतका भीषण होता की त्याचा जागीच मृत्यू झाला. घटनेची नोंद सालेकसा पोलिसांनी घेतली आहे.
इतर महत्वाच्या बातम्या
महत्त्वाच्या बातम्या
