Mumbai Goregaon News : मुंबईतील गोरेगावमध्ये पुन्हा तोडक कारवाई; दिंडोशीतील आरोपींच्या अनधिकृत बांधकामावर बुलडोझर फिरवला, आतापर्यंत अकरा जणांना बेड्या
Mumbai Goregaon News : मुंबईच्या गोरेगाव (Goregaon News) पूर्व मधील दिंडोशी संतोष नगर (Dindoshi Santosh Nagar)परिसरामध्ये दोन गटात झालेल्या राड्याप्रकरणी नवी माहिती समोर आली आहे.
Mumbai Goregaon News : मुंबईच्या गोरेगाव (Goregaon News) पूर्व मधील दिंडोशी संतोष नगर (Dindoshi Santosh Nagar)परिसरामध्ये दोन गटात झालेल्या राड्याप्रकरणी नवी माहिती समोर आली आहे. शोभायात्रेवर हल्ला करणाऱ्या 11 आरोपींना पोलिसांनी अटक केली आहे. तर आता या घटनेतील दंगेखोरांवर कारवाईचा बडगा उगारण्यात आला आहे. मुंबई महानगर पालिकेच्या (BMC) वतीने दिंडोशी संतोष नगर परिसरातील दंगेखोरांच्या (Rioters) अनधिकृत घरांवर पुन्हा एकदा जेसीबीच्या (JCB) माध्यमातून तोडक कारवाई करण्यात येत आहे.
Goregaon News : मुख्य आरोपी घरात ड्रग्ज विकत असल्याचा आरोप; शोभायात्रेवर हल्ला, 11 आरोपींना अटक
दंगलीतील एका आरोपीच्या घरावर हि बुलडोझरची कारवाई करण्यात येत आहे. अटक करण्यात आलेला मुख्य आरोपी घरात ड्रग्ज विकत असल्याचा आरोप स्थानिक नागरिकांनी केला होता. तसेच या परिसरात एका घरातील झडतीमध्ये यापूर्वी ड्रग्स देखील सापडलं होतं. त्यानंतर या आरोपींच्या घरावर कारवाई करण्यात यावी अशी मागणी काही संघटनांनी केली होती. त्यानंतर महापालिकेने परिसरातील अनधिकृत घरावर बुलडोझरची कारवाई सुरु केली आहे. यातील मुख्य आरोपी शबानानं ड्रग्सच्या विक्रीतून अनधिकृत मोठं साम्राज्य उभं केलं होतं. या संदर्भात काही संघटनांनी तक्रार दाखल करत कारवाईची मागणी केली होती. त्यानंतर महापालिका प्रशासनाने हि मागणी मान्य करत आता पुन्हा कारवाईला सुरुवात केली आहे.
Goregaon Rioters: दंगेखोरांच्या अनधिकृत घरांवर जेसीबी फिरवला, आतापर्यंत अकरा जणांना बेड्या
या घटनेतील दंगेखोरांवर कारवाईचा बडगा उगारण्यात आला आहे. मुंबई महानगर पालिकेच्या (BMC) वतीने दिंडोशी संतोष नगर परिसरातील दंगेखोरांच्या (Rioters) अनधिकृत घरांवर जेसीबीच्या (JCB) माध्यमातून तोडक कारवाई करण्यात येत आहे. हि घरं अनधिकृत असल्याची तक्रार पालिका प्रशासनाला प्राप्त झाल्यानंतर हि कारवाई करण्यात येत असल्याचे बोललं जात आहे. यावेळी महापालिकेचे अधिकारी, कर्मचारी आणि पोलिसांचा मोठा बंदोबस्त या ठिकाणी तैनात करण्यात आला आहे. सध्या परिसरात तणावपूर्ण शांतता आहे.
Sunil Prabhu : कारवाई योग्यच, आमदार सुनिल प्रभू यांची प्रतिक्रिया
दरम्यान याच मुद्यावरुन शिवसेना ठाकरे गटाचे स्थानिक आमदार सुनिल प्रभू (Sunil Prabhu) यांनी प्रतिक्रिया देत हि कारवाई योग्य असल्याचे सांगितलंय. दोषींवर कारवाई केली जाईल असेही ते म्हणाले. तर दिंडोशी संतोष नगर परिसरामध्ये काल पोलिसांनी दंगल घडवली, असा आरोप बजरंग दलाचे कार्यकर्त्यांनी केला आहे. शोभायात्रेमध्ये हल्ला करण्यात आला. यामध्ये बजरंग दलाचे तीन कार्यकर्ता गंभीर जखमी झाले आहे. सर्वांवर जोगेश्वरी ट्रामा केअर रुग्णालयमध्ये उपचार सुरू आहेत. अशी माहिती बजरंग दल कोकण प्रांतचे सहसंयोजक गौतम रावारीया यांनी दिलीय. तर हि फक्त दाखवण्यासाठी कारवाई होत असेल तर पुन्हा आंदोलनावर बसणार असल्याचा इशारा बजरंग दलाचा कार्यकर्त्यांनी यांनी दिली आहे.
इतर महत्वाच्या बातम्या
महत्त्वाच्या बातम्या
