Mumbai Crime News: मुलींना अश्लील व्हिडीओ दाखवून नको नको ते करायला सांगायचा; सुनील पवारला अटक, मुंबईतील हादरवणारी घटना
Mumbai Crime News: मुंबईतील एक धक्कादायक घटना समोर आली आहे.
Mumbai Crime News मुंबई: मुंबईतील एक धक्कादायक घटना समोर आली आहे. अल्पवयीन विद्यार्थिनीला अश्लील व्हिडीओ दाखवून तिच्याशी अनैतिक संबंध ठेवण्याचा प्रयत्न केल्याचं समोर आलं आहे. घटनेची माहिती मिळताच पोलिसांनी आरोपीला अटक केली. अटक केलेल्या आरोपीचे नाव सुनील शंकर पवार आहे, तो 47 वर्षांचा आहे आणि कांदिवली पश्चिम येथील रहिवासी आहे. (Mumbai Crime News)
नेमकं काय घडलं? (Mumbai Crime News)
मालाड पोलिसांनी दिलेल्या माहितीनुसार, त्यांनी एका आरोपीला अटक केली आहे जो अल्पवयीन मुलींचा पाठलाग करायचा आणि नंतर त्यांना पॉर्न चित्रपट दाखवायचा आणि नंतर त्यांना शारीरिक संबंध ठेवण्यास सांगायचा. आरोपीने मालाडमध्ये राहणाऱ्या एका अल्पवयीन मुलीसोबत असेच काहीसे केले, परंतु मुलीने संपूर्ण घटना तिच्या वडिलांना सांगितली. घटनेची माहिती मिळताच पोलिसांनी आरोपीला अटक केली. पोलिसांनी प्रथम गुन्हा दाखल केला आणि त्यानंतर सीसीटीव्हीच्या आधारे आरोपीला अटक केली. अटक करण्यात आलेल्या आरोपीने यापूर्वी सुद्धा कुठल्या मुलीसोबत अशी घटना केली आहे का? या संदर्भात मालाड पोलीस पुढील तपास करत आहे.
मुंबईतील आणखी एक धक्कादायक घटना समोर- (Mumbai Local Train Crime News)
लोकल ट्रेनमध्ये झालेल्या किरकोळ वादाचा फटका थेट एका निरपराध प्रवाशाला बसल्याची धक्कादायक घटना वांद्रे रेल्वे स्थानकात (Bandra railway station) घडली आहे. दोन प्रवाशांमधील भांडण इतके टोकाला गेले की, त्यातील एकाने रेल्वे ट्रॅकवर उतरून धावत्या ट्रेनच्या दिशेने दगड भिरकावला. मात्र हा दगड भांडणात नसलेल्या तिसऱ्याच प्रवाशाच्या डोळ्याला लागल्याने त्याला गंभीर इजा झाली आहे. या घटनेत अकाउंटंट असलेल्या निशांत खत्री यांना डोळ्याला जबर दुखापत झाली असून, डॉक्टरांनी संबंधित डोळा यापुढे काम करणार नसल्याचे स्पष्ट केले आहे. एका क्षणाच्या रागातून झालेल्या या कृतीमुळे एका निष्पाप व्यक्तीचे आयुष्य कायमचे बदलले आहे. ही घटना वांद्रे रेल्वे स्थानक परिसरात घडली असून, घटनेची माहिती मिळताच रेल्वे पोलिसांनी तातडीने घटनास्थळी धाव घेतली. याप्रकरणी संबंधित आरोपीविरोधात गुन्हा दाखल करण्यात आला असून, पुढील तपास सुरू आहे.
राज्यासह देश-विदेशातील महत्वाच्या घडामोडी, Video:
संबंधित बातमी:
महत्त्वाच्या बातम्या
