Maharashtra Live Blog Updates: भोंदू अशोक खरात SIT चौकशीची मोठी अपडेट; मोबाईल मधला डेटा रिकव्हर करण्याचे काम सुरू
Maharashtra Live Blog Updates: राज्यासह देश-विदेशातील महत्वाच्या घडामोडींचे सर्व अपडेट्स...
पार्श्वभूमी
Maharashtra Live Blog Updates: नाशिकमधील भोंदू अशोक खरातला 1 एप्रिलपर्यंत पोलीस कोठडी सुनावण्यात आली आहे. काल खरातची पोलीस कोठडी संपल्यानंतर त्याला कोर्टात हजर करण्यात आलं. त्यानंतर त्याच्या पोलीस कोठडीत वाढ...More
सायन रुग्णालयाच्या इमारतीच्या भूमिपूजन कार्यक्रमावरून महापालिका वर्तुळात नव्या वादाला तोंड फुटले आहे. भारतीय जनता पक्षाचे आरोग्य समिती अध्यक्ष हरीश भांदिर्गे यांना कार्यक्रमात प्रवेश नाकारण्यात आल्याची माहिती समोर येत आहे. विशेष म्हणजे सायन रुग्णालय हे महानगरपालिकेच्या अखत्यारित येत असताना, आरोग्य समिती अध्यक्षांनाच डावलण्यात आल्याने नाराजी व्यक्त केली जात आहे.
याचबरोबर स्थायी समिती अध्यक्ष आणि सभागृह नेते हे देखील भाजपचे असताना त्यांनाही दुय्यम वागणूक मिळाल्याची चर्चा आहे. त्यामुळे प्रशासनाच्या भूमिकेवर प्रश्नचिन्ह उपस्थित केले जात आहे.
सूत्रांची माहिती अशी की, या प्रकारामुळे भाजपच्या वरिष्ठ नेत्यांमध्ये तीव्र नाराजी असून, हा मुद्दा लवकरच उच्च पातळीवर उपस्थित केला जाण्याची शक्यता आहे. महापालिकेतील सत्ताधारी आणि प्रशासन यांच्यातील समन्वयाचा अभाव पुन्हा एकदा समोर आल्याची चर्चा सुरू आहे.
विरार : चारित्र्याच्या संशयातून पत्नीची हत्या करणाऱ्या पतीला अखेर पोलिसांनी अटक केली असून या प्रकरणात त्याच्या साथीदारालाही बेड्या ठोकण्यात आल्या आहेत. वज्रेश्वरी परिसरात सापडलेल्या अनोळखी महिलेच्या कुजलेल्या मृतदेहाचा तपास करत गुन्हे शाखा कक्ष-३ विरारने हा धक्कादायक गुन्हा उघडकीस आणला.
२१ मार्च रोजी शिरवली गावाजवळ एका शेतात २५ ते ३० वयोगटातील महिलेचा मृतदेह आढळून आला होता. तपासादरम्यान पोलिसांनी शेकडो सीसीटीव्ही फुटेज तपासत आरोपींपर्यंत धागा पोहोचवला. रोशन यादव (२६) आणि भानुप्रताप यादव (३०) अशी आरोपींची ओळख पटली.
मृत महिलेची ओळख मधुबाला उर्फ प्रियाकुमारी यादव (२२) अशी असून ती मुख्य आरोपीची पत्नी होती. १९ मार्च रोजी पतीने मित्राच्या मदतीने पत्नीला दुर्गम ठिकाणी नेऊन धारदार शस्त्राने वार करत व दगडाने ठेचून तिची निर्घृण हत्या केली.
आखाती देशातील युद्धाच्या पार्श्वभूमीवर अमेरिकेचे राष्ट्राध्यक्ष Donald Trump यांच्या धोरणांविरोधात पुण्यातील आंबेगाव तालुक्यात तीव्र निषेध आंदोलन करण्यात आले. हुतात्मा बाबू गेनू चौकात झालेल्या या आंदोलनात नागरिक, युवक, शेतकरी व कामगार मोठ्या संख्येने सहभागी झाले होते.
“ट्रम्प मुर्दाबाद” व “युद्धबंदी झालीच पाहिजे” अशा घोषणांनी परिसर दणाणून गेला. आंदोलनकर्त्यांनी ट्रम्प यांच्या प्रतिमेला जोडे मारून संताप व्यक्त केला आणि पुतळ्याचे दहन केले. युद्धामुळे आंतरराष्ट्रीय बाजारपेठेत इंधनदर वाढून त्याचा परिणाम देशातील महागाईवर होत असल्याचा आरोप करण्यात आला. तसेच निर्यात अडथळ्यांमुळे शेतकऱ्यांचे नुकसान होत असल्याचेही आंदोलनकर्त्यांनी सांगितले. आंदोलन शांततेत पार पडले.
Pune News : पुण्याच्या तळेगावमध्ये सीआरपीएफच्या जवानाचा अपघाती मृत्यू झालाय. पण नेमकं कोणी ठोकरलं? याचा शोध घेण्यात तळेगाव पोलिसांकडून हलगर्जीपणा सुरु असल्याचं बोललं जातंय. सीआरपीएफ मध्ये गांधीनगर, गुजरात येथे काम करत असलेला तळेगाव दाभाडे येथील रहिवासी असलेला जवान प्रशांत कदम हा २५ मार्च रोजी घरातून ड्युटीवर जातो असे सांगून बाहेर पडला. त्यानंतर लोणावळा येथून पुन्हा तो तळेगाव च्या दिशेने कोणाला काही न सांगता आला. फोन देखील बंद ठेवला. २५ मार्च रोजी रात्री सोमाटणे फाटा जवळ हॉटेल अंगण समोर रस्ता क्रॉस करताना त्याला अनोळखी गाडीने उडवले आणि तो गंभीर जखमी झाला. गंभीर जखमी अवस्थेत त्याला वायसीएम रुग्णालयात रुग्णवाहिकेतून घेऊन जात असताना त्याचा उपचारापूर्वीच मृत्यू झाला. याबाबत तळेगाव पोलीस ठाण्यात अनोळखी व्यक्तीचा मृतदेह मिळाल्याची नोंद करण्यात आली. त्यानंतर संबंधित व्यक्तीच्या कुटुंबीयांचा शोध घेणे पोलिसांनी अपेक्षित होते. प्रशांत कदम हा बेपत्ता झाल्याची तक्रार त्याच्या कुटुंबीयांनी तळेगाव दाभाडे पोलीस ठाण्यात केली होती. मागील दोन ते तीन दिवस त्याचा कुटुंबीय आणि पोलिसांकडून शोध सुरू होतं मात्र, तळेगाव दाभाडे पोलीस ठाण्यातच संबंधित व्यक्ती हा बेपत्ता झाल्याची आणि अनोळखी मृतदेह मिळाल्याची नोंद असून देखील त्याचा तात्काळ तपास करण्यात आला नाही. आज संबंधित प्रशांत कदम यांचा मृतदेह वायसीएम रुग्णालयात असल्याचा मेसेज मित्रांनी ( पोलिसांनी नाही) शोध घेऊन त्यांच्या कुटुंबीयांना मिळाला आणि दुःखाचा डोंगर संबंधित कुटुंबावर कोसळला. एखाद्या गंभीर घटनेमध्ये पोलिसांनी तात्काळ दखल घेऊन तपास करणे आवश्यक आहे. मात्र, त्याकडे दुर्लक्ष झाल्याचे दिसून येत आहे..
जळगाव जिल्ह्यात भुसावळ तालुक्यात मानपूर परिसरात साखर कारखाना सुरू करण्याचे आमिष देत ,शेतकऱ्यांच्या महार वतनाच्या जमिनी खरेदी केल्या प्रकरणी एकनाथ खडसे यांच्या सह त्यांच्या कन्या शारदा एकनाथ खडसे यांच्यावर बोदवड पोलिस ठाण्यात गुन्हा दाखल करण्यात आल्याने खळबळ उडाली आहे. २००२ साली भुसावळ तालुक्यातील बोदवड जवळील मानपुर गावातील काही शेतकऱ्यांच्या महार वतनाच्या सहा एकर जमिनी एकनाथ खडसे आणि त्यांच्या कन्या शारदा खडसे यांनी साखर कारखाना सुरू करण्याचे सांगत आपल्या नावे खरेदी केल्याची फिर्याद शेतकरी चमेली बाई तायडे यांनी बोदवड पोलिस ठाण्यात दिल्या नंतर आज मध्य रात्रीच्या सुमारास एकनाथ खडसे आणि शारदा खडसे यांच्या विरोधात फसवणुकीचा गुन्हा दाखल केला आहे
आपल्या अशिक्षित पणाचा फायदा घेत खडसे यांनी आपल्या जमिनी वर कब्जा केला असून,खरेदी खतात खाडाखोड केल्याचं देखील फिर्यादीत म्हटले आहे
- भोंदू अशोक खरात चौकशी प्रकरण
- रुपाली चाकणकर आज SIT चौकशीसाठी हजर राहणार नसल्याची सूत्रांची माहिती
- , खरातच्या मोबाईल डेटावरून आज क्रॉस चौकशीवर भर
- कॉल रेकॉर्ड, चॅट्स आणि आर्थिक व्यवहारांची तपासणीवर भर
- मोबाईलमधील संपर्कांच्या आधारे नवीन धागेदोरे शोधण्याचा प्रयत्न
- SIT च्या तपासात महत्वाची हाती येण्याची शक्यता
- भोंदू अशोक खरात प्रकरणी नवा खुलासा
- महिला आयोगाच्या माजी अध्यक्ष रुपाली चाकणकर यांच्या अडचणी वाढण्याची शक्यता
- अशोक खरात सांगण्यावरून शिर्डी पोलिस ठाण्यात दाखल गुन्ह्यात महिला आयोगाने ठेवली होती सुनावणी
- पीडितेने नीरज जाधव विरोधात दाखल केलेल्या गुन्ह्यात महिला आयोगाकडून शिर्डी पोलिसांना देण्यात आली होती नोटीस
- १७ मार्चला आयोगाच्या कार्यालयात सुनावणीसाठी हजर राहण्यासाठी देण्यात आली होती नोटीस
- मात्र या प्रकरणाचा तपास आधीच SIT कडे वर्ग झाल्यानं पोलिसांनी तसा अहवाल महिला आयोगाला दिल्याचं समोर
- या प्रकरणी शिर्डी पोलीस ठाण्यात फेब्रुवारीमध्ये गुन्हा दाखल झाल्यानंतर ५ आणि ९ मार्चला महिला आयोगाकडून सखोल चौकशी आणि सुनावणीच पत्र
- अशोक खरात प्रकरणात आधीच अडचणीत आलेल्या रूपाली चाकणकर यांच्या अडचणी आणखी वाढण्याची शक्यता
- भोंदू अशोक खरात SIT चौकशीची मोठी अपडेट समोर...
भोंदू अशोक खरातच्या CA ची चौकशी सुरू असताना खरातच्या मोबाईल मधला डेटा रिकव्हर करण्याचे काम SIT कडून सुरू...
सायबर तज्ञ, फॉरेन्सिक टीम, एसआयटीच्या अधिकाऱ्यांसह मोबाईल मधील डाटा रिकव्हर करण्यासाठी करत आहे प्रयत्न...*
अशोक खरातच्या मोबाईलमध्ये असलेला डेटा रिकव्हर झाल्यानंतर अनेक धक्कादायक आर्थिक खुलासे होण्याची शक्यता...
अशोक खरातला वाढीव पोलीस कोठडी वाढवून मिळावी यासाठी काल एसआयटी अधिकाऱ्यांकडून पुराव्यांसह समक्ष चौकशी करायची असल्याची कोर्टासमोर दिली होती माहिती...
अशोक खरातच्या एसआयटी चौकशीत खरातचे कोणाकोणा सोबत आर्थिक संबंध होते याचा तपास सुरू...
नाशिक महानगरपालिकाची महासभा आज होणार
अंदाजपत्रकिय महासभा आज सादर होणार
स्थायी समिती सभापती मच्छिंद्र सानप अंदाज पत्रक सादर करणार
-
मनपा आयुक्तांनी 3100 कोटी रुपयांचे अंदाजपत्रक स्थायी समितीला सादर केले
त्यात स्थायी समिती सभापती यांनी 450 कोटी ची वाढ केली
आज हे अंदाजपत्रक महासभेत सादर केले जाणार
आगामी कुंभमेळा च्या पार्श्वभूमीवर स्थायी अंदाज पत्रकाला महत्व
गडचिरोली : गडचिरोली-चामोर्शी मार्गावरील तळोधी गावाजवळ रविवारी सायंकाळी सहा वाजताच्या सुमारास स्कार्पिओ आणि ट्रॅव्हल्स भीषण अपघात झाला. या अपघातात स्कार्पिओ मधील आरोही मोगरकर या सहा वर्षीय मुलीसह पाच जणांचा मृत्यू झाला. घटनेनंतर गावकऱ्यांनी रुग्णालयात एकच गर्दी केली असून सतत घडणाऱ्या अपघातांवर उपाययोजना करून मृतकांच्या कुटुंबीयांना आर्थिक मदत दिल्याशिवाय मृतदेह उचलणार नाही, असा पवित्र कुटुंबीय आणि गावकऱ्यांनी घेतल्याने रुग्णालयात तणाव निर्माण झाला आहे. लग्न सोहळा आटपून गावाकडे परत येत असताना विरुद्ध दिशेने येणाऱ्या ट्रॅव्हल्सने स्कार्पिओला धडक दिली. यात पाच जणांचा मृत्यू तर तब्बल 12 जण गंभीर जखमी झाले. यातील दोन जण अतिगंभीर असून त्यांना नागपूरच्या रुग्णालयात हलवण्यात आले आहे. सध्या दहा जखमींवर गडचिरोलीच्या रुग्णालयात तर दोन जखमींवर नागपूरच्या रुग्णालयात उपचार सुरू आहे. मात्र चामोर्शीच्या ग्रामीण रुग्णालयात मृतदेह नेण्यावरून तणाव निर्माण झाला आहे.
वीस गुंठे जमिनीसाठी भावासह वडिलांची केली हत्या
कोल्हापूरच्या हातकणंगले मधील हिंगणगाव येथील घटना
वडील आणि भावाची हत्या करून संभाजी कुंडले पोलीस ठाण्यात दाखल
भाऊ शितल कुंडले आणि वडील मारुती कुंडले यांची केली हत्या
संभाजी कुंडले याच्यावर पत्नीला पेटवून मारल्याचा देखील होता गुन्हा
तीन एकर जमिनीतील लहान भावाला दोन एकर आणि आपल्याला एक एकर दिल्याचा होता राग
- अशोक खरातचा शालार्थ आयडी घोटाळ्यात सहभाग असल्याचा संशय
- अशोक खरातने आपल्या भावाला 2022 साली दिपक केसरकर शिक्षणमंत्री असतांना शालार्थ आयडी मिळवून दिल्याची सूत्रांची माहिती
- अशोकचा भाऊ दिलीप खरात सिन्नर तालुक्यातील बारागांव पिंपरी गावातील न्यू इंग्लिश स्कूल अँड ज्युनिअर कॉलेजमध्ये शिक्षक म्हणून कार्यरत
- केसरकरांना मध्यस्थी टाकत हे आयडी मिळवून दिल्याची शिक्षण विभागात जोरदार चर्चा
- दिलीप खरातचा शालार्थ आयडी खरा की बोगस ? प्रश्न उपस्थित
- अशोक खरातने आपले राजकीय वजन वापरत शिक्षण विभागातील अनेक फाईल्स पास केल्याचीही दबक्या आवाजात चर्चा
खरातचे आर्थिक व्यवहार पाहणारा 'सीए' रडारवर
: भोंदू अशोक खरात प्रकरणात आर्थिक गैरव्यवहाराचा तपास केला जाणार
, खरातचे आर्थिक व्यवहार हाताळणाऱ्या एका चार्टर्ड अकाउंटंटसह (सीए) दोघांना चौकशी केली जात असल्याची सूत्रांची माहीती
. खरातच्या सर्व आर्थिक व्यवहारांची सूत्रे संबंधित सीएच्या हाती होती. त्यामुळे या प्रकरणातील महत्त्वाची माहिती मिळण्याची शक्यता
. तपास पथक (एसआयटी) लवकरच या सीएकडून संपूर्ण आर्थिक तपशील घेण्याच्या तयारीत आहे.
शिवनिका ट्रस्टच्या व्यवहारांवर विशेष लक्ष ठेवण्यात आले आहे.
२०१८ मध्ये अवघी चार लाखांची उलाढाल असलेल्या या ट्रस्टने
गरोदर महिलांसाठी लोकल ट्रेनमध्ये स्वतंत्र डब्याची मागणी
महानगर पालिका रेल्वे प्रशासनाला निवेदन देणार
उपनगरीय रेल्वेमध्ये गरोदर महिलांसाठी स्वतंत्र डबा आरक्षित ठेवण्याची मागणी
स्थायी समिती अध्यक्ष प्रभाकर शिंदे यांची ठरावाची सूचना
नोकरी, व्यवसायासाठी प्रवास करणाऱ्या महिलांच्या सुरक्षिततेचा मुद्दा
गर्दीत होणारा त्रास टाळण्यासाठी विशेष सोयीची गरज
९ तारखेला सभागृहात या विषयावर चर्चा होणार
चर्चेनंतर रेल्वे प्रशासनाला महापालिकेकडून निवेदन दिले जाणार
ठाकरेंच्या शिवसेनेचे पक्षप्रमुख उद्धव ठाकरे यांनी आज बोलवली जिल्हा संपर्कप्रमुख आणि जिल्हाप्रमुखांची बैठक
दुपारी बारा वाजता शिवसेना भवनात होणार महत्त्वाची बैठक
राज्यातील जिल्हा परिषद पंचायत समिती नगरपंचायतीच्या निवडणुकीनंतर उद्धव ठाकरे स्थानिक पातळीवरील राजकीय घडामोडींचा आढावा जिल्हाप्रमुख जिल्हा संपर्कप्रमुखांकडून घेणार असल्याची माहिती
स्थानिक स्वराज्य संस्थांच्या निवडणुकीनंतर उद्धव ठाकरेंची पहिलीच आढावा बैठक
वाहतूककोंडीवर ‘अलर्ट’ सिस्टीम; अपघात नोंद व नियंत्रण अधिक स्मार्ट
मुंबईत पालिकेकडून अत्याधुनिक एकात्मिक कमांड व कंट्रोल सेंटर सुरू
दोन भूमिगत मजल्यांसह प्रगत तंत्रज्ञानाची सुविधा., कोस्टलच्या रिक्लेमेशन केलेल्या जागेत इमारतीची उभारणी
वाहतूककोंडी, अपघात आणि आपत्कालीन परिस्थितीवर
रिअल-टाइम लक्ष
सीसीटीव्हीद्वारे २४x७ शहरावर नजर
स्वयंचलित प्रणालीमुळे वाहनांची संख्या व वाहतुकीचा वेग मोजता येणार
पर्यावरणीय बदल व हवेची गुणवत्ता यांचीही माहिती मिळणार
त्वरित निर्णय घेण्यासाठी डेटा संकलन व विश्लेषण व्यवस्था
वीज खंडित झाल्यासही बॅटरी व डिझेल जनरेटर बॅकअप
पोलीस, आपत्कालीन सेवा व इतर यंत्रणांमध्ये समन्वय वाढणार
कोस्टल रोडसह महत्त्वाच्या मार्गांवरील वाहतूक अधिक सुरक्षित व सुरळीत होणार
मुंबईतील १५ तलावांचे पुनरुज्जीवन; राज्याची ना-हरकत, पालिकेची तयारी
मुंबईतील १५ तलावांचे पुनरुज्जीवन करण्याचा निर्णय
राज्य सरकारकडून ना-हरकत प्रमाणपत्र प्राप्त
पालिकेकडून सल्लागार नियुक्ती प्रक्रिया सुरू
तलाव परिसरातील गाळ काढणे, स्वच्छता व सुशोभीकरण होणार
तलावांतील पाण्याची गुणवत्ता सुधारण्यावर भर
कचरा व अतिक्रमणामुळे तलावांची स्थिती बिघडली होती
पुनरुज्जीवनामुळे पर्यावरण व जैवविविधतेला फायदा
स्थानिक नागरिकांसाठी स्वच्छ व सुरक्षित जागा उपलब्ध होणार
पालिका शाळांमध्ये एअर फिल्टर बसवण्याची मागणी
मुंबईमध्ये वाढत्या वायू प्रदूषणामुळे विद्यार्थ्यांच्या आरोग्याचा प्रश्न गंभीर
त्यामुळे महापालिका शाळांतील वर्गांमध्ये एअर फिल्टर बसवावेत, अशी मागणी
दिल्लीमधील शाळांमध्ये एअर फिल्टर बसवण्याच्या धर्तीवर प्रस्ताव
ठाकरे गटाचे नगरसेवक अंकित प्रभू यांनी प्रशासनाला सूचना
विद्यार्थ्यांना स्वच्छ हवा मिळावी आणि प्रदूषणाचा परिणाम कमी व्हावा, हा या मागणीमागील उद्देश
आर्थिक वर्षाच्या शेवटी निधी खर्च करण्यासाठी सरकारची घाई
सुट्टीच्या दिवशी शनिवारी १०४ तर रविवारी १०३ असे दोन दिवसात तब्बल २०७ जीआर काढण्यात आले
रात्री उशिरापर्यंत काढण्यात आलेले जीआर हे निधीवितरणासंदर्भातले
मागील आठवड्यातील शुक्रवार पर्यंत २०२५-२६ च्या अर्थसंकल्पात तरतूद केल्याप्रमाणे केवळ ६० टक्के निधी खर्च करण्यात आला होता सुट्टीच्या दोन दिवसात हा आकडा ६३.८८ टक्क्यांपर्यंत गेला
राज्य सरकारकडे आता निधी खर्च करण्यासाठी केवळ सोमवार आणि मंगळवार बाकी
मुंबई महापालिकेला नवे आयुक्त आजच? ‘ज्येष्ठता vs पसंती’वरून प्रशासनात कुजबुज
मुंबई महानगरपालिकेचे आयुक्त भूषण गगराणी यांच्या ३१ मार्च रोजी होणाऱ्या निवृत्तीच्या पार्श्वभूमीवर आजच नव्या आयुक्तांची नियुक्ती होण्याची शक्यता आहे. मात्र या नियुक्तीभोवती ‘ज्येष्ठता की सरकारची पसंती?’ हा प्रश्न पुन्हा एकदा ऐरणीवर आला असून प्रशासनात कुजबुज सुरू झाली आहे.
गगराणी यांना मुदतवाढ मिळण्याची शक्यता कमी मानली जात असून नव्या आयुक्तपदासाठी अश्विनी भिडे, संजय मुखर्जी, असीम गुप्ता आणि मिलिंद म्हैसकर ही नावे आघाडीवर आहेत. अंतिम निर्णय मुख्यमंत्री घेणार असल्याची माहिती सूत्रांनी दिली आहे.
दरम्यान, गेल्या वर्षी मुंबई पोलीस आयुक्तपदी देवेन भारती यांची नियुक्ती करताना ज्येष्ठतेचा निकष डावलल्याची चर्चा रंगली होती. त्याच पार्श्वभूमीवर आता महापालिका आयुक्तपदासाठीही ज्येष्ठतेला प्राधान्य दिले जाणार की सरकारच्या पसंतीचा अधिकारी पुढे येणार, याकडे प्रशासनाचे लक्ष लागले आहे.
स्पर्धेत असलेल्या अधिकाऱ्यांचा अनुभव पाहता, अश्विनी भिडे यांनी मेट्रो-३ आणि कोस्टल रोडसारख्या प्रकल्पांमध्ये महत्त्वाची भूमिका बजावली आहे. संजय मुखर्जी हे सध्या एमएमआरडीएचे आयुक्त असून अटल सेतूसह अनेक पायाभूत प्रकल्पांचे नेतृत्व त्यांनी केले आहे. असीम गुप्ता हे उपमुख्यमंत्री एकनाथ शिंदे यांच्यासोबत अतिरिक्त मुख्य सचिव म्हणून कार्यरत आहेत, तर मिलिंद म्हैसकर यांना सार्वजनिक बांधकाम आणि वन विभागाचा अनुभव आहे.
विशेष म्हणजे, अश्विनी भिडे यांची नियुक्ती झाल्यास त्या मुंबई महापालिकेच्या पहिल्या महिला आयुक्त ठरतील आणि त्यांना पूर्ण तीन वर्षांचा कार्यकाळही मिळू शकतो.
मार्च २०२४ मध्ये गगराणी यांची आयुक्तपदी नियुक्ती झाली होती. आता त्यांच्या निवृत्तीनंतर महायुती सरकार कोणावर विश्वास दाखवते, आणि या प्रक्रियेत ‘ज्येष्ठता’ की ‘मर्जी’ कोणाला प्राधान्य दिले जाते, याकडे सर्वांचे लक्ष लागले आहे
- नागपूर शहरातील फुटपाथवर असलेले अतिक्रमण हटविण्याचे केंद्रीय मंत्री नितीन गडकरी यांचे निर्देश..
- नागपुरातील विविध विकासकामे आणि प्रकल्पाच्या आढावा बैठकीत दिले निर्देश..
- शहरात 24 तास पाणी देण्यासाठी काय अडचणी, नळगळती होत असताना उपाययोजना का केल्या नाहीत.. ओसीडब्ल्यूच्या अधिकाऱ्यांना खडसावले..
- शहरातील अतिक्रमण जागेचे सर्वेक्षण करून घ्या, मनपा आणि नागपूर सुधार प्रण्यासच्या सर्वेक्षणाची सत्यता पडताळण्यासाठी अभियांत्रिकी महाविद्यालयाच्या विद्यार्थ्यांच्या माध्यमातून स्वतंत्र सर्वेक्षण करून घेण्याचेही दिले निर्देश..
- या बैठकीला पालकमंत्री चंद्रशेखर बावनकुळे, महापौर नीता ठाकरे, राजसभा खासदार मायाताई इवनाते, जिल्हाधिकारी सह इतर नेते उपस्थित होते..
बीडच्या केज तालुक्यात उभारण्यात आलेल्या पवनचक्कीच्या टॉवरवर चढून तार चोरीचा प्रयत्न करताना टॉवरच कोसळल्याची घटना शनिवारी रात्री घडली. यामध्ये दोन चोरट्यांचा मृत्यू झाला. यानंतर या चोरट्यांच्या टोळीतील इतर सदस्यांनी रस्ते अपघाताचा बनाव करत त्या दोघांचे मृतदेह परभणी येथे नेले त्या ठिकाणी हा प्रकार समोर आला.
अविनाश पाटोळे व आकाश आडे अशी मृत्यू झालेल्या दोघांची नावे आहेत. हे दोघे त्यांचे साथीदार आकाश पेठे, दीपक भगत व वैभव आदत यांच्यासह पुणे येथून केज तालुक्यात आले होते.त्या ठिकाणी नांदूर घाट शिवारात असलेल्या पवनचक्कीच्या टॉवरवर चढून तार चोरी करत होते. यावेळी टॉवर कोसळल्याने या दोघांचा मृत्यू झाला त्यानंतर इतर साथीदारांनी त्या दोघांचे मृतदेह एका कार मध्ये टाकून परभणी कडे गेले.त्या ठिकाणी इतर साथीदारांनी हे मृतदेह गाडीतच सोडून पलायन केले यानंतर गाडीच्या चालकाने हे मृतदेह ॲम्बुलन्सच्या मदतीने रुग्णालयात दाखल करत असताना नातेवाईकांना ही बाब समजल्यानंतर हा सर्व प्रकार उघडकीस आला.दरम्यान यानंतर परभणी व केज पोलिसांनी घटनास्थळी भेट दिली असून अधिक तपास पोलीस करत आहेत.
भंडाऱ्या - गोंदियाचे खासदार डॉक्टर प्रशांत पडोळेंच्या वाहनाचा भीषण अपघात....खासदार थोडक्यात बचावले
दिल्लीला जाण्यासाठी नागपूर एअरपोर्टकडे निघालेल्या भंडारा - गोंदियाचे खासदार डॉक्टर प्रशांत पडोळे यांच्या वाहनाला ट्रकनं जबर धडक दिली.
या भीषण अपघातात खासदार प्रशांत पडोळे यांच्या वाहनाचा दर्शनीभाग चक्काचूर झाला.
नशीब बलवत्तर या अपघातातून खासदार थोडक्यात बचावले. मात्र, ते या अपघातात किरकोळ जखमी झाले.
दिल्लीला जाण्यासाठी खासदार प्रशांत पडोळे हे सुरक्षारक्षक आणि चालकासह पहाटे नागपूर एअरपोर्टकडे निघाले होते.
नागपूर जिल्ह्यातील हल्दीराम समोर ट्रकनं त्यांच्या वाहनाला जबर धडक दिली.
किरकोळ जखमी झाल्यानंतर खासदार प्रशांत पडोळे यांनी एका दुचाकीस्वराला लिफ्ट मागून नागपूर गाठलं आणि तिथं प्रथमोपचार घेतल्यानंतर नागपूर एअरपोर्टवर पोहोचून दिल्लीकडे रवाना…
- नागपुरात बालाघाट इतवारी मेमू गाडी रुळावरून घसरली, मात्र वेग कमी असल्याने मोठा अपघात टळला
- दक्षिण पूर्व मध्य रेल्वेतील घटना कामठी-कळमना दरम्यान अपघात
- ६८७१५ बालाघाट-इतवारी मेमू गाडीची घटना, रात्री ९:४५ वाजताच्या सुमारास घटना
- इंजिनला जोडलेल्या पहिल्या दोन डब्यांची चाके घसरली, संथ वेगामुळे मोठा अपघात टळला
- एकही प्रवासी जखमी नाही सुदैवाने जीवितहानी टळली,
- अपघाताआधी मोठा आवाज ऐकू आल्याची माहिती, काहीतरी धडक झाल्याचा प्रवाशांचा दावा
- रुळांच्या बाजूला उभारलेले खांब कारणीभूत? खांब रेल्वे मार्गाच्या खूप जवळ असल्याची चर्चा
- धडकेत एका डब्याचे चाक तुटले घटनेनंतर तत्काळ मदतकार्य सुरू
- रेल्वेचे वरिष्ठ अधिकारी घटनास्थळी दाखल दुरुस्तीचे काम रात्रीच वेगाने सुरू केले होते...
- रेल्वे वाहतुकीवर मोठा परिणाम नाही परिस्थिती नियंत्रणात असल्याची माहिती
सातारा जिल्हा परिषद राडा प्रकरणात सर्वात महत्त्वाची अपडेट...
जिल्हा परिषद राडा प्रकरण सातारा पोलीस अधीक्षक यांना भोवले
सातारा पोलीस अधीक्षक तुषार दोषी यांना या प्रकरणाची चौकशी होईपर्यंत सक्तीच्या रजेवर जाण्याचे आदेश
चौकशी होईपर्यंत अतिरिक्त पोलीस अधीक्षक वैशाली कडुकर यांच्याकडे सातारा पोलीस अधीक्षक पदाची जबाबदारी
अशोक खरातच्या एसआयटी चौकशीचा आज १२वा दिवस
अशोक खरात तपासात सहकार्य करत नसल्याचा एसआयटीचा दावा
आज पुन्हा अशोक खरातची चौकशी करणार
रुपाली चाकणकरांच्या आज चौकशीची शक्यता, खरातच्या शिवनिका संस्थेच्या आजी-माजी सदस्यांची चौकशी होणार, चाकणकरांनाही एसआयटीचं समन्स.
बारामती ॲग्रो लिमिटेडतर्फे दिवंगत उपमुख्यमंत्री अजितदादा पवार यांच्या स्मृतिप्रीत्यर्थ आमदार रोहित पवार यांच्याकडून मंदिर समितीस रुग्णवाहिका भेट देण्यात आली आहे. मंदिर समितीचे सहअध्यक्ष गहिनीनाथ महाराज औसेकर यांच्याकडे ही रुग्णवाहिका सुपूर्द करण्यात आली. अत्याधुनिक वैद्यकीय सुविधा युक्त असलेली ही रुग्णवाहिका विठ्ठल भक्तांसाठी फायदेशीर ठरणार आहे.
आमदार रोहित पवार, बारामती ॲग्रो लिमिटेड, बारामती यांच्या वतीने दिवंगत उपमुख्यमंत्री अजितदादा पवार यांच्या स्मृतिप्रीत्यर्थ देण्यात आलेल्या या रुग्णवाहिके मुळे पंढरपूर येथे श्री विठ्ठल रुक्मिणी मातेच्या दर्शनासाठी येणाऱ्या लाखो भाविकांना तात्काळ व दर्जेदार वैद्यकीय सेवा उपलब्ध होणार आहे.
- मुख्यपृष्ठ
- क्राईम
- Maharashtra Live Blog Updates: भोंदू अशोक खरात SIT चौकशीची मोठी अपडेट; मोबाईल मधला डेटा रिकव्हर करण्याचे काम सुरू