Kolhapur Crime News : घरगुती वाद विकोपाला, पतीच्या जबर मारहाणीत पत्नीचा दुर्दैवी मृत्यू; कोल्हापुरातील धक्कादायक घटना
Kolhapur Crime News : कोल्हापुरात पतीच्या जबर मारहाणीत पत्नीचा मृत्यू (Crime News) झाल्याची खळबळजनक घटना घडली आहे. या प्रकरणी लक्ष्मीपुरी पोलीस ठाण्यात पतीवर खुणाचा गुन्हा दाखल करण्यात आला आहे.
Kolhapur Crime News : कोल्हापुरात पतीच्या जबर मारहाणीत पत्नीचा मृत्यू (Crime News) झाल्याची खळबळजनक घटना घडली आहे. या प्रकरणी लक्ष्मीपुरी पोलीस ठाण्यात पतीवर खुणाचा गुन्हा दाखल करण्यात आला आहे. स्वाती गणेश हुबाळे असं मृत्यू झालेल्या महिलेचे नाव आहे. तर गणेश शंकर हुबाळे असे मारेकरी पतीचे नाव आहे. सध्या या घटनेचा अधिक तपास पोलीस करत आहे. मात्र या घटनेने परिसरात एकच खळबळ उडाली आहे. (Kolhapur Crime News)
Kolhapur Crime News : पतीला अटक केल्याशिवाय मृतदेह ताब्यात घेणार नाही, पत्नीच्या नातेवाईकांची भूमिका
मिळेळलेल्या माहितीनुसार, पतीने मारहाण केल्यामुळे जखमी झालेल्या महिलेचा रुग्णालयात उपचार दरम्यान मृत्यू झालाय. स्वाती गणेश हुबाळे असं मृत्यू झालेल्या महिलेचे नाव असून मारहाणीचा प्रकार आठवड्यापूर्वी झाला होता. महिलेच्या नातेवाईकांनी पतीला अटक केल्याशिवाय मृतदेह ताब्यात घेणार नाही, अशी भूमिका घेतली. अखेर लक्ष्मीपुरी पोलिसांनी पतीवर खुणाचा गुन्हा दाखल केलाय. त्यानंतर नातेवाईकांनी मृतदेह ताब्यात घेतलाय. गणेश शंकर हुबाळे असे गुन्हा दाखल झालेल्या पतीचे नाव असून त्याला अटक करण्यात आलीये.
Yavatmal : यवतमाळच्या शिबला येथे सत्तूरचा वार करून युवकाची हत्या, आरोपीला अटक
यवतमाळच्या झरीझामनी तालुक्यातील शिबला येथे सतत होणाऱ्या किरकोळ वादातून नारळ फोडण्यासाठी वापरल्या जाणाऱ्या सत्तूरसारख्या धारदार शस्त्राने युवकावर वार करून निर्घृण हत्या करण्यात आल्याची घटना घडलीय. संतोष मानकु टेकाम (40) असे मृतकाचे नाव आहे. तर या प्रकरणी आरोपी शालिक सिताराम आत्राम (35) याला पोलिसांनी अटक केली आहे. दोघेही शेजारी राहत होते. किरकोळ कारणावरून झालेला वाद चिघळत गेल्याने शालिक आत्राम याने संतोषवर सत्तूरने जीवघेणा हल्ला चढविल्याचे प्राथमिक तपासातून समोर आले.
Beed News : सोशल मीडियावर स्टोरी स्टेटस ठेवण्यावरून मित्रांच्या दोन गटात वाद; 20 वर्षीय तरुणाचा दुर्दैवी मृत्यू
बीडच्या आष्टी येथे दोन गटात झालेल्या हाणामारीत एका तरुणाचा मृत्यू झालाय. सोशल मीडियावर एकमेकांविरोधात स्टेटस आणि स्टोरी ठेवण्याच्या किरकोळ वादातून आष्टी तालुक्यातील रुई नालकोल येथे मित्रांच्या दोन गटात हाणामारी झाली. या वादाचे रूपांतर रक्तरंजित संघर्षात झाले. यात दीपक शिवाजी नालकोल या 20 वर्षीय तरुणाचा दुर्दैवी मृत्यू झाला. तर त्याचे दोन मित्र गंभीर जखमी असून त्यांच्यावर अहिल्यानगर येथील खाजगी रुग्णालयात उपचार सुरू आहेत. या प्रकरणी आष्टी पोलीस ठाण्यात गुन्हा दाखल झाला असून पोलिसाने एका आरोपीला अटक केली. तर दुसऱ्या आरोपीला अटक करण्यासाठी पोलिसांचे विशेष पथक रवाना झाले आहे.
महत्त्वाच्या बातम्या
