Kanpur News: हृदयद्रावक! नवजात बाळाला वॉर्मर मशीनमध्ये ठेवून नर्सिंग स्टाफ विसरला; निष्काळजीपणामुळे निष्पाप बाळाचा तडफडून मृत्यू
Kanpur Baby Girl Accident : उत्तर प्रदेशातील कानपूर येथे एका खाजगी नर्सिंग होममध्ये झालेल्या निष्काळजीपणामुळे एका नवजात बाळाचा जळून मृत्यू झाल्याची एक दुःखद घटना घडली.
Kanpur Baby Girl Accident : उत्तर प्रदेशातील कानपूर येथे एका खाजगी नर्सिंग होममध्ये झालेल्या निष्काळजीपणामुळे एका नवजात बाळाचा जळून मृत्यू झाल्याची एक दुःखद घटना घडली. प्रसूतीनंतर बाळाला एनआयसीयू वॉर्मर मशीनमध्ये (NICU Warmer Machine) ठेवण्यात आले होते, जिथे वॉर्मर मशीन (Warmer Machine) जास्त गरम झाल्यामुळे बाळ अक्षरशः भाजून निघालंय. परिणामी बाळाचा दुर्दैवी मृत्यू झाला आहे. तर मृत्यूनंतर बाळाचे संपूर्ण शरीर काळे झाले असून या नर्सिंग होमच्या विरोधात सर्वत्र संतापाची लाट उसळली आहे.
ही हृदयद्रावक घटना बिथूर पोलीस स्टेशनच्या हद्दीत असलेल्या बिथूर शहरात असलेल्या राजा नर्सिंग होममध्ये घडलीय. या घटनेने कुटुंब शोकसागरातबुडालं असून, कुटुंबाने आरोप केलाय की दुपारी सिझेरियनद्वारे बाळाचा जन्म झाला, परंतु काही तासांनंतरही त्यांना बाळ दाखवण्यात आले नाही. कुटुंबाने आग्रह धरला तेव्हा कर्मचाऱ्यांनी संध्याकाळी उशिरा त्यांना घटनेची माहिती दिली, ज्यामुळे कुटुंब पूर्णतः हादरून गेलंय.
Baby Girl Accident : कर्मचाऱ्यांच्या निष्काळजीपणा, बाळाचा दुर्दैवी अंत!
मिळालेल्या माहितीनुसार, कानपूरमधील रामेलनगर येथील बकरगंज येथील अरुण निषाद यांचे लग्न दोन वर्षांपूर्वीच झाले होते. सिझेरियनद्वारे बाळाचा जन्म झाला होता, त्यानंतर तिला वॉर्मर मशीनमध्ये ठेवण्यात आले होते. मात्र, कर्मचाऱ्यांच्या निष्काळजीपणामुळे मशीन जास्त गरम झाली, ज्यामुळे बाळ जळून मृत्युमुखी पडले. त्यानंतर कुटुंबात गोंधळ उडाला.
Kanpur News : आजी म्हणाली, "ही माझ्या सुनेची पहिली मुलगी, मोठ्या उपचारानंतर जन्माला आली"
घटनेची माहिती मिळताच, बिथूर पोलीस ठाणे घटनास्थळी पोहोचले. त्यांनी नवजात बाळाचा मृतदेह ताब्यात घेतला आणि शवविच्छेदनासाठी पाठवला. पोलिस रुग्णालयातील कर्मचाऱ्यांशी बोलत आहेत. कुटुंब अजूनही नर्सिंग होमच्या बाहेर उपस्थित आहे. घडलेल्या प्रकाराबाबत बाळाची आजी म्हणाली कि, "ही माझ्या सुनेची पहिली मुलगी होती, जी मोठ्या उपचारानंतर जन्माला आली."
Kanpur Crime News : रुग्णालयाविरुद्ध गुन्हा दाखल, चौकशी करण्याचे आदेश
कुटुंबाच्या तक्रारीवरून नर्सिंग होमविरुद्ध गुन्हा दाखल करण्यात आला आहे. कानपूर राजा नर्सिंग होममधील डॉक्टरांच्या एका मित्राने सांगितले की, रुग्णालयाचा मालक गंभीर आजारी आहे आणि रुग्णालयात दाखल आहे. अग्निशमन अधिकारी दीपक शर्मा म्हणाले, "मुलीच्या भाजण्याबद्दल आम्हाला माध्यमांमधून कळले. आम्हाला कळले की बाळांना जन्मानंतर गरम मशीनमध्ये ठेवले जाते. मशीनमधील वाढत्या उष्णतेमुळे भाजल्याचे कारण आहे. आम्ही या प्रकरणाची चौकशी करण्याचे आदेश देऊ." त्यामुळे या प्रकारणी आता नेमकी काय कारवाई केली जाते हे पाहणे महत्वाचे ठरणार आहे.
इतर महत्वाच्या बातम्या
महत्त्वाच्या बातम्या
