Kalyan Crime News : कल्याणच्या मोहने गावात काल (23 ऑक्टोबर) रात्रीच्या सुमारास दोन गटात तुफान राडा (Crime News) झाल्याचे समोर आलं आहे. यात चक्क पोलिसांसमोरच गावगुंडांची दहशत बघायाला मिळाली असून पोलिसांसमोरच महिलांना मारहाण आणि दगडफेक केल्याचे बघायला मिळाले आहे. कल्याण जवळील मोहने परिसरात (Kalyan Crime News) रात्रीच्या सुमारास हि घटना घडली असून रात्री उशिरापर्यंत परिसर तणाव निर्माण झाल्याचे चित्र होतं.
मिळालेल्या माहितीनुसार, मोहनेगावातील पोलीस चौकी परिसरात फटाक्याचे स्टॉलवर लहुजी नगर येथील दोन तरुण फटाके घेण्यासाठी गेले होते. यावेळी फटाक्याच्या देण्याघेण्यावरून त्यांच्यात वाद सुरू झाला. हा वाद रात्री 9च्या सुमारास झाला आणि तो थोड्या वेळात आपापसात मिटला देखील. मात्र मोहने येथील स्थानीक गावगुंड तरुणांनी मध्यरात्री लहुजी नगरमध्ये जाऊन घराची तोडफोड केली. महिलांना मारहाण केली. सोबतच घरांवर दगडफेकही केली. या दगडफेकीत 9 ते 10 जण जखमी झाल्याची माहिती समोर आली आहे .
Kalyan Crime News : शेकडो गुंडांची पोलिसांसमोर दगडफेक करत घरांची तोडफोड
घटनेची माहिती मिळताच कल्याण खडकपाडा पोलिसांनी घटनास्थळी धाव घेतली परिस्थिती नियंत्रणात आणण्याचा प्रयत्न केला. मात्र शेकडो गुंडांनी पोलिसांसमोर दगडफेक करत घरांची तोडफोड करून महिलांना मारहाण केली. विशेष म्हणजे या सर्व गावगुंडांना संध्या साठे ही तरुणी वस्तीवर हल्ला करणाऱ्या गावगुंडांना अडवण्याचा प्रयत्न करत होती. या संदर्भात एक व्हिडीओहि समोर आला आहे. त्यात एकटी तरुणी या एवढा गुंडांना प्रतिकार करत असल्याचे दिसून येत आहे. पोलिसांनी लहुजीनगर मधील काही तरुणांना ताब्यात घेतले असून त्यांच्यावर गुन्हा दाखल करण्यात आल्याची माहिती मिळाली आहे. मात्र गावगुंडांवर गुन्हा दाखल केला नसल्याचा आरोप संध्या साठे यांनी केला आहे. दरम्यान या प्रकरणी आता नेमकी काय कारवाई केली जाते हे पाहणे महत्वाचे ठरणार आहे.
Bhandara News : कमळाची फुलं काढायला गेलेल्या तरुणाचा तलावात बुडून मृत्यू
दिवाळीत लक्ष्मीपूजनासाठी कमळाच्या फुलाला मोठं महत्त्व असल्यानं गावातील तलावात असलेल्या कमळाचे फुल काढण्यासाठी गेलेल्या एका तरुणाचा बुडून मृत्यू झाला. ही घटना भंडाऱ्याच्या साकोली तालुक्यातील निलज गावात घडली. प्रतीक शेंडे (19) असं तलावातील खोल पाण्यात बुडून मृत्यू झालेल्या तरुणाचं नाव आहे. दिवाळीच्या दिवशीचं शेंडे कुटुंबावर दुःखाचं डोंगर उसळल्यानं सर्वत्र हळहळ व्यक्त करण्यात येत आहे.
ही बातमी वाचा: