Latur News : 'मी आता जगणार नाही, माझी वाट पाहू नका'; कुटुंबियांना शेवटचा कॉल अन् सुखी संसाराची राख रांगोळी, लातूरच्या तरुणाने लंडनमध्ये संपवलं आयुष्य
Latur: घरापासून शेकडो मैल लांब असलेल्या या तरुणाने आत्महत्या करण्यापूर्वी आपल्या कुटुंबीयांसोबत केलेल्या फोनवरील संवाद ऐकून कुटुंबाच्याही काळजाचा ठोका चुकलाय. तर गावात देखील हळहळ व्यक्त केली जात आहे
Latur News : उच्च शिक्षणाच्या जोरावर परदेशात उत्तम नोकरी, महिन्याला लाखो रुपयांचा पगार. डोळ्यात सुखी आणि संपन्न आयुष्य जगण्याची स्वप्न. सुखी संसाराचा हा गाडा हाकताना आणि सगळेच सुरळीत असताना एका तरुणाने लंडनमध्ये (London) टोकाचं पाऊल उचलत आपली जीवनयात्रा संपवल्याची हृदयद्रावक घटना समोर आली आहे. दरम्यान घरापासून शेकडो मैल लांब असलेल्या या तरुणाने आत्महत्या करण्यापूर्वी आपल्या कुटुंबीयांसोबत केलेल्या फोनवरील संवाद ऐकून कुटुंबाच्याही काळजाचा ठोका चुकलाय. तर गावात देखील या घटनेमुळे हळहळ व्यक्त केली जात आहे.
साहजिकच आता प्रश्न पडाल असेल कि हि हृदयद्रावक घटना घडण्यामागचं नेमकं कारण काय? तर घटनेतील मृत हनमंत पाटील (Hanumant Patil) हे मूळचे लातूर जिल्ह्यातील अहमदपूर तालुक्यातील बोडका येथील रहिवासी होते. उच्च शिक्षण घेतल्यानंतर ते लंडन येथे आयटी इंजिनिअर म्हणून कार्यरत होते. त्यांना महिन्याला तब्बल 8 लाख रुपये इतका मोठा पगारही मिळत होता. प्राथमिक माहितीनुसार, त्यांचा विवाह साधारण आठ वर्षांपूर्वी झाला होता. मात्र त्यांना अपत्य नव्हते. अशातच गेल्या वर्षभरापासून पती-पत्नीमध्ये खटके उडत होते. तर कधी वैयक्तिक मतभेद आणि शाब्दिक चकमक होत होती. मात्र यामुळे त्यांची पत्नी त्यांच्यापासून विभक्त होऊन वेगळी राहत होती.
Hanumant Patil Death : कुटुंबावर तब्बल 2 कोटी रुपयांचा दावा
दरम्यान, काही दिवसांपूर्वीच त्यांच्या पत्नीने हनमंत पाटील आणि त्यांच्या कुटुंबावर तब्बल 2 कोटी रुपयांचा दावा दाखल केला होता. या कायदेशीर दावा आणि सततच्या कौटुंबिक वादामुळे हनमंत हे प्रचंड मानसिक तणावाखाली होते. परिणामी त्यांनी याच नैराश्यातून टोकाचा निर्णय घेतला आणि लंडन येथील त्यांच्या राहत्या घरी गळफास घेऊन आपली जीवनयात्रा संपवली.
Hanumant Patil: "मी आता जगणार नाही. माझी वाट पाहू नका" आत्महत्येपूर्वीचा शेवटचा फोन
मिळालेल्या माहितीनुसार, आत्महत्या करण्यापूर्वी हनमंत पाटील यांनी जड अंतःकरणाने आणि अत्यंत भावनावश होऊन आपल्या नातेवाइकांशी फोनवरून अखेरचा संवाद साधला. फोनवर बोलताना त्यांचे शब्द ऐकून कुटुंबियांच्या पायाखालची जमीन सरकली. मात्र हजार मैलावर आपल्या लेकाला वाचवण्यासाठी समजावण्यासाठी कुठलाही पर्याय त्यांच्याकडे उरला नाही. यावेळी हनमंत पाटील म्हणाले, "मी आता जगणार नाही. माझी वाट पाहू नका. मी आत्महत्या करतोय, सर्वांची काळजी घ्या," असा शेवटचा निरोप त्यांनी दिला.
इतर महत्वाच्या बातम्या
महत्त्वाच्या बातम्या
