आई आणि भावाच्या डोळ्यात चटणी टाकून मुलीचं अपहरण, धक्कादायक घटनेनं इंदापूर हादरलं
Indapur Crime News : इंदापूर तालुक्यातील भिगवण इथं धक्कदायक घटना घडली आहे. गाडीवरुन जात असताना दोन तरुणांनी मुलीचे अपहरण केले आहे.
Indapur Crime News : इंदापूर तालुक्यातील भिगवण इथं धक्कदायक घटना घडली आहे. गाडीवरुन जात असताना दोन तरुणांनी मुलीचे अपहरण केले आहे. आईच्या आणि भावाच्या डोळ्यात चटणी टाकत मुलीचे अपहरण केले होते. याप्रकरणी भिगवण पोलीस ठाण्यात अपहरणाचा गुन्हा दाखल करण्यात आला आहे.
शोधासाठी पोलीस पथके रवाना झाली आहेत.
या घटनेच्या निषेधार्थ उद्या भिगवन शहर बंद
दरम्यान, मुलगी, आई आणि भाऊ गाडीवरुन जात असताना दोन तरुणांनी आई आणि भावाच्या डोळ्यात चटणी टाकत मुलीचं अपहरण केले होते, भिगवण पोलीस ठाण्यात अपहरणाचा गुन्हा दाखल करण्यात आला आहे. शोधासाठी पोलीस पथके रवाना झाली आहेत. अपहरण करणाऱ्या नराधमास त्वरीत अटक करावे अशी मागणी करण्यात आली आहे. या घटनेच्या निषेधार्थ उद्या भिगवन शहर बंद ठेवण्यात आलं आहे.
चंद्रपूर जिल्ह्यात 14 वर्षीय अल्पवयीन मुलीवर अत्याचार, माजी शिक्षकासह तीन जणांना अटक
चंद्रपूर जिल्ह्यातील राजुरा पोलीस स्टेशन अंतर्गत असलेल्या एका कॉन्व्हेंट मध्ये माजी शिक्षकाकडून अल्पवयीन मुलीवर अत्याचार झाल्याची धक्कादायक घटना समोर आली आहे. या प्रकरणी तीन आरोपींना अटक करण्यात आली असून राजुरा पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार डिसेंबर 2025 मधील ख्रिसमस सुट्टीदरम्यान एका अल्पवयीन मुलीने अभ्यासासंदर्भात शंका विचारण्यासाठी शिक्षकाला फोन केला होता. काही वेळानंतर आरोपी आपल्या दोन मित्रांच्या मदतीने तेथे आला आणि मुलीला राजुरा येथील एका लॉजवर नेल्याचा आरोप आहे. पोलिसांनी या प्रकरणी पोक्सो अंतर्गत गुन्हा दाखल करून तीन आरोपींना अटक केली आहे.
जळगावात जिल्हा पोलीस दलाच्या मालकीच्या दक्षता पेट्रोल पंपावर कोट्यावधींचा अपहार
जळगावात जिल्हा पोलीस दलाच्या मालकीच्या दक्षता पेट्रोल पंपावर 1 कोटी 33 लाख 752 रुपयांचा आर्थिक अपहार व्यवस्थापक पोलिस उपनिरीक्षणे केल्याचा प्रकार समोर आल्याने खळबळ उडाली आहे. याप्रकरणी अपहार करणाऱ्या पेट्रोल पंपाचे व्यवस्थापक असलेल्या पोलिस उपनिरीक्षक वाल्मीक मधुकर वाघ यांच्यावर जिल्हापेठ पोलीस ठाण्यात गुन्हा दाखल झाला आहे. व्यवस्थापक असलेल्या पोलीस उपनिरीक्षकाने पेट्रोल पंपाच्या व्यवहारात अपहार केलेली रक्कम स्वतःच्या फायद्यासाठी वापरून पंपाची आणि जिल्हा पोलिस दलाची मोठी फसवणूक केल्याचे तपासात समोर आले आहे. आर्थिक गुन्हे शाखेचे पोलीस उपअधिक्षक संदीप उत्तमराव पाटील यांच्या फिर्यादीवरून अपहाराचा गुन्हा दाखल झाला आहे.
महत्वाच्या बातम्या:
हळदी-कुंकवाचा कार्यक्रम झाला, मात्र घरी आल्याच नाहीत, लातूरमध्ये काँग्रेस उमेदवाराचे अपहरण? काँग्रेसचा संशय, पोलिसात तक्रार
महत्त्वाच्या बातम्या
