Ashok Kharat : 2022 साली साई संस्थानच्या कर्मचाऱ्याने जीवन संपवलं, आधी चार्जशिटमधून नाव वगळलं, आता पुन्हा तपासाचे आदेश, खरातचे पाय आणखी खोलात
Ashok Kharat : पत्नीशी सुरू असलेल्या कौटुंबिक वादाच्या पार्श्वभूमीवर सासरे, मेहुणा आणि साडू यांच्याकडून त्यांना सातत्याने मानसिक छळ सहन करावा लागत होता.
Ashok Kharat : शिर्डी येथे कौटुंबिक वाद आणि सासरकडून होत असलेल्या छळाला कंटाळून ३७ वर्षीय तरुणाने २०२२ साली गळफास घेऊन आपलं जीवन संपवल्याची घटना घडली होती. या प्रकरणात आता महत्त्वाची घडामोड समोर आली असून, राहाता न्यायालयाने या गुन्ह्याचा पुन्हा नव्याने तपास करण्याचे आदेश दिले आहेत. त्यामुळे या प्रकरणात भोंदू अशोक खरात (Ashok Kharat) यांचा सहभाग होता का, याचा पुन्हा छडा लावला जाणार आहे.
Ashok Kharat : जिवे मारण्याच्या धमक्याही दिल्या
विकास रामदास दिवटे (वय ३७, रा. शिर्डी) असे आत्महत्या केलेल्या तरुणाचे नाव आहे. या प्रकरणी त्यांचा भाऊ राजेंद्र दिवटे यांनी शिर्डी पोलीस ठाण्यात तक्रार दाखल केली होती. तक्रारीनुसार, विकास हे साईसंस्थानमध्ये कार्यरत होते. पत्नीशी सुरू असलेल्या कौटुंबिक वादाच्या पार्श्वभूमीवर सासरे, मेहुणा आणि साडू यांच्याकडून त्यांना सातत्याने मानसिक छळ सहन करावा लागत होता. तसेच पत्नी व मुलाशी संपर्क साधण्यास अडथळे निर्माण केले जात होते आणि जिवे मारण्याच्या धमक्याही दिल्या जात असल्याचा आरोप करण्यात आला होता.(Ashok Kharat)
या प्रकरणात शिर्डी पोलिसांनी सासरे, मेहुणा आणि भोंदू अशोक खरात यांच्यासह चौघांविरुद्ध आत्महत्येस प्रवृत्त केल्याचा गुन्हा दाखल केला होता. आत्महत्येपूर्वी लिहिलेल्या सुसाईड नोटमध्येही खरात यांचा उल्लेख असल्याचे समोर आले होते. मात्र, तपासादरम्यान पुरावे अपुरे ठरल्याने पोलिसांनी दाखल केलेल्या दोषारोपपत्रातून अशोक खरात यांचे नाव वगळण्यात आले होते. दरम्यान, या निर्णयाविरोधात पुन्हा तपासाची मागणी करण्यात आली होती. त्यानंतर राहाता न्यायालयाने ही मागणी मान्य करत प्रकरणाचा पुनर्तपास करण्याचे आदेश दिले आहेत. न्यायालयाच्या या आदेशानंतर शिर्डी पोलीस आता २०२२ मधील या आत्महत्येच्या प्रकरणाचा नव्याने तपास करणार असून, भोंदू अशोक खरात यांचा नेमका सहभाग होता का, याचा सखोल तपास करण्यात येणार आहे.
Ashok Kharat : नेमकं प्रकरण काय?
कौटुंबिक वाद आणि सासरच्या मंडळींकडून होत असलेल्या छळाला कंटाळून शिर्डीतील ३७ वर्षीय तरुणाने चार वर्षांपूर्वी गळफास घेऊन आत्महत्या केल्याची घटना घडली होती. या प्रकरणी शिर्डी पोलिसांनी मृताच्या सासऱ्यांसह मेहुणा आणि भोंदू अशोक खरात यांच्यासह चौघांविरुद्ध आत्महत्येस प्रवृत्त केल्याचा गुन्हा दाखल केला होता. मात्र, तपासादरम्यान पुरावे अपुरे ठरल्याने खरातचे नाव दोषारोपपत्रातून वगळण्यात आल्याची माहिती समोर आली होती.
विकास रामदास दिवटे (वय ३७, रा. शिर्डी) असे आत्महत्या केलेल्या तरुणाचे नाव आहे. याप्रकरणी त्याचा भाऊ राजेंद्र दिवटे यांनी शिर्डी पोलिस ठाण्यात तक्रार नोंदवली होती. तक्रारीनुसार, विकास दिवटे साईसंस्थानमध्ये कार्यरत होते आणि पत्नीशी घरगुती कारणांवरून त्यांचे वाद सुरू होते. या पार्श्वभूमीवर सासरे, मेहुणा आणि साडू यांच्याकडून त्यांना सातत्याने मानसिक छळ सहन करावा लागत होता. पत्नी व मुलाशी संपर्क साधण्यासही अडथळे निर्माण केले जात होते, तसेच जिवे मारण्याच्या धमक्याही दिल्या जात असल्याचे समोर आले होते.(Ashok Kharat)
या वादात मीरगाव (ता. सिन्नर) येथील भोंदूबाबा अशोक खरात याचाही सहभाग असल्याचा उल्लेख फिर्यादीत करण्यात आला होता. विकास यांना या बाबाकडे नेण्यात आल्याचे सांगण्यात आले होते, त्यानेही त्यांना धमक्या देत त्रास दिल्याचा आरोप होता. या सततच्या मानसिक छळाला कंटाळून आणि बदनामीच्या भीतीने विकास दिवटे यांनी ९ जून २०२२ रोजी राहत्या घरी गळफास घेऊन आत्महत्या केली होती. घटनास्थळी पंचनामा करताना पोलिसांना सुसाइड नोटही सापडली होती. या प्रकरणात इतर तिघांविरुद्ध दोषारोपपत्र दाखल करण्यात आले असून, खरातचे नाव पुराव्याअभावी वगळण्यात आले असल्याचे पोलिस सूत्रांनी स्पष्ट केले.(Ashok Kharat)
महत्त्वाच्या बातम्या
