Accident: दोन कारच्या भीषण धडकेत कॉन्स्टेबलच्या कुटुंबाचा भयावह अंत; लग्नाहून परत येताना पत्नी, जावई, बहीण आणि भाच्यासह 6 जण मृत्यूमुखी
या धडकेत दोन्ही कारचे मोठे नुकसान झाले. दुसऱ्या गाडीतील दोन तरुण जखमी झाले. मिळालेल्या माहितीनुसार, कार भरधाव वेगात होती आणि ट्रक ओव्हरटेक करत असताना समोरून येणाऱ्या स्विफ्ट डिझायरला धडकली.
Accident: छत्तीसगडच्या कांकेर जिल्ह्यात झालेल्या एका भीषण रस्ते अपघातात कॉन्स्टेबल मुनेंद्र नेताम यांच्या कुटुंबातील चार सदस्यांचा मृत्यू झाला आणि इतर तीन जण गंभीर जखमी झाले. कोतवाली पोलीस ठाण्याच्या हद्दीत राष्ट्रीय महामार्ग 30 वर दोन कारची समोरासमोर धडक होऊन हा अपघात घडला.मिळालेल्या माहितीनुसार, उडाकुडा येथील रहिवासी असलेले नेताम कुटुंब गुरुवारी रात्री सुमारे 11 वाजता चिवरंज येथील एका लग्नाहून परत येत होते. नथिया नवगावजवळ त्यांच्या गाडीची दुसऱ्या गाडीला धडक बसली. धडकेचा परिणाम इतका भीषण होता की, सहा जणांचा जागीच मृत्यू झाला.
ट्रक ओव्हरटेक करत असताना भीषण धडक
मृतांमध्ये मुनेंद्र नेताम यांच्या पत्नी कुंती नेताम, जावई शगुंदास नेताम, बहीण मक्तुला नेताम आणि 7 वर्षांचा भाचा वंश नेताम यांच्यासह दोन नातेवाईकांचा समावेश आहे. अपघातात दोन्ही वाहनांमधील तीन जण गंभीर जखमी झाले. प्राथमिक उपचारानंतर सर्वांना रायपूर येथे दाखल करण्यात आले. या धडकेत दोन्ही कारचे मोठे नुकसान झाले. दुसऱ्या गाडीतील दोन तरुण जखमी झाले. मिळालेल्या माहितीनुसार, त्यांची कार भरधाव वेगात होती आणि ट्रक ओव्हरटेक करत असताना समोरून येणाऱ्या स्विफ्ट डिझायरला धडकली.
रायपूरमध्ये 3 जखमींवर उपचार सुरू
अपघाताची माहिती मिळताच, पोलीस प्रशासनाने जखमींना तातडीने रुग्णालयात दाखल केले, जिथे त्यांच्यावर सध्या उपचार सुरू आहेत. एसपी निखिल राखेचा यांनीही घटनास्थळाची पाहणी केली. दोन्ही वाहनांमधील तीन जखमींना रायपूरला पाठवण्यात आले आहे. एसपींनी सांगितले की, राष्ट्रीय महामार्ग 30 वर दोन कारच्या धडकेत सहा जणांचा मृत्यू झाला आणि तीन जण जखमी झाले. पोलीस या घटनेचा तपास करत आहेत. मृतदेहांची तपासणी करून शवविच्छेदनासाठी शवागारात ठेवण्यात आले आहेत. शवविच्छेदनानंतर मृतदेह कुटुंबीयांच्या ताब्यात दिले जातील.
पार्किंग केलेल्या ट्रकला कारच्या धडकेत 7 जणांचा मृत्यू
दरम्यान, दोन महिन्यांपूर्वी, छत्तीसगडमध्ये वेगवेगळ्या रस्ते अपघातांमध्ये तीन सीआरपीएफ जवानांसह सात जणांचा मृत्यू झाला होता. पहिली घटना धमतरी जिल्ह्यात घडली, जिथे बस्तरमध्ये तैनात असलेले सैनिक सुट्टीवर घरी परतत होते. 14 फेब्रुवारीच्या सकाळी, ते रायपूर विमानतळाकडे जात असताना धमतरी बायपासवर रस्त्याच्या कडेला उभ्या असलेल्या एका ट्रकला त्यांच्या भरधाव वेगातील कारने धडक दिली. या अपघातात तीन सैनिक आणि एका चालकाचा मृत्यू झाला.
इतर महत्वाच्या बातम्या
महत्त्वाच्या बातम्या
