Pune Crime News: सारसबागेसमोर 3 दिवसांपासून उभ्या असलेल्या कारमधून दुर्गंधी, नागरिकांना संशय, पोलिसांनी दार उघडलं, कुजून फुगलेला मृतदेह बघून सगळेच हादरले

Walmik Karad Beed : महिलेच्या घरात घुसून जीवे मारण्याची धमकी, अल्पवयीन मुलीचा विनयभंग अन् इतर 14 कलमं; जुनं कांड बाहेर आलं अन्...., वाल्मिक कराडच्या मुलाचे पाय खोलात

आफताब शेख, एबीपी माझा — Sat, 31 Oct 2026 09:23:54 +0530

बीड: बीड जिल्ह्यातील मस्साजोग येथील सरपंच संतोष देशमुख हत्या प्रकरणातील मुख्य आरोपी वाल्मीक कराड याच्या अडचणीत आणखी वाढ झाली आहे. वाल्मीक कराडचा (Walmik Karad Beed) मुलगा सुशील कराड याच्यावर सोलापूर शहरातील एमआयडीसी पोलीस ठाण्यात गंभीर स्वरूपाचा गुन्हा दाखल करण्यात आला असून, या कारवाईमुळे परळीसह बीड जिल्ह्यात मोठी खळबळ उडाली आहे.(Beed Crime news)

मिळालेल्या माहितीनुसार, 2024 मध्ये घडलेल्या एका गंभीर घटनेप्रकरणी ही कारवाई करण्यात आली आहे. संशयित आरोपी सुशील कराड, अनिल मुंडे आणि गोपी गंजे या तिघांवर एका महिलेच्या घरात घुसून तिला, तिच्या पतीला व अल्पवयीन मुलीला मारहाण केल्याचा आरोप आहे. एवढेच नव्हे तर, आरोपींनी पिस्तूल/बंदुकीचा धाक दाखवून त्यांना जीवे मारण्याची धमकी दिली आणि अल्पवयीन मुलीचा विनयभंग केला.(Walmik Karad Beed)

Walmik Karad Beed : जबरदस्तीने संपत्ती आणि वाहने हडपल्याचा आरोप

फिर्यादीत नमूद केल्यानुसार, आरोपींनी पीडित कुटुंबियांच्या नावावर असलेला प्लॉट आणि सोने धमकी देऊन स्वतःच्या ताब्यात घेतले. याशिवाय पीडित कुटुंबाच्या मालकीची 6 वाहने देखील बळजबरीने बळकावली. 2024 मध्ये ही घटना घडल्यानंतर पीडित कुटुंबाला धमकावले जात असल्याने त्यांनी न्यायासाठी थेट उच्च न्यायालयात धाव घेतली होती.

Walmik Karad Beed : उच्च न्यायालयाच्या निर्देशानंतर कारवाई; तपास परळी पोलिसांकडे

उच्च न्यायालयाच्या हस्तक्षेपानंतर सोलापूर येथील एमआयडीसी पोलीस ठाण्यात पोक्सोसह (POCSO) एकूण 14 विविध कलमांन्वये हा गुन्हा दाखल करण्यात आला आहे. घटनास्थळ आणि प्रकरणाचे गांभीर्य लक्षात घेऊन सोलापूर पोलिसांनी हा गुन्हा पुढील तपासासाठी परळी पोलीस ठाण्यात वर्ग केला आहे.

वाल्मीक कराड आधीच सरपंच संतोष देशमुख हत्या प्रकरणात पोलिसांच्या कारवाईला सामोरे जात असताना, आता त्याच्या मुलावर आणि साथीदारांवर अशा प्रकारे गंभीर गुन्हे दाखल झाल्याने या प्रकरणाला वेगळे वळण मिळाले आहे. पोलीस आता या प्रकरणात पुढील मोर्चेबांधणी आणि आरोपींचा शोध घेत आहेत.

Chhatrapati Sambhajinagar FDA Raid : तुकाराम मुंढेंच्या FDAकडून कारवाईचा धडाका सुरूच; छत्रपती संभाजीनगरमध्ये मसाला उत्पादक कंपनीवर पुन्हा मोठी कारवाई; परवानाही तात्काळ निलंबित

डॉ. कृष्णा केंडे — Sat, 31 Oct 2026 08:14:15 +0530

Chhatrapati Sambhajinagar FDA Raid Action: ऐन दिवाळीच्या तोंडावर एकीकडे महागाईचा भडका उडाल्याचे चित्र आहे, तर दुसरीकडे मसाल्यांमध्ये मोठ्या प्रमाणावर भेसळखोरीचे प्रकार समोर येत आहे. अशातच आगामी सण आणि उत्सवाच्या पार्श्वभूमीवर तुकाराम मुंढेंच्या (Tukaram mundhe) अन्न व औषध प्रशासन विभाग(FDA)अलर्ट मोडवर आलं असून नियमित खाद्यपदार्थांसह आता अन्न व औषध प्रशासनाचा मोर्चा मसाला व्यावसायिकांकडे वळला आहे. छत्रपती संभाजीनगरमध्ये (Chhatrapati Sambhajinagar FDA Raid) अन्न आणि औषध प्रशासनाने मसाला उत्पादक कंपनीवर पुन्हा मोठी कारवाई केलीये. गाढे जळगाव परिसरातील मेसर्स 5 स्टार मसाले कंपनीवर छापा टाकत या कारवाईत तब्बल 2 हजार 802 किलो हळद, मिरची, धणे पावडर आणि मटण मसाल्याचा साठा जप्त करण्यात आलाय. (Chhatrapati Sambhajinagar FDA News)

Chhatrapati Sambhajinagar : कारवाईनंतर कंपनीचा अन्न उत्पादन परवानाही तात्काळ निलंबित

मिळालेल्या माहितीनुसार, जप्त केलेल्या या मालाची किंमत 16 लाख 40 हजार 900 रुपये आहे. विशेष म्हणजे, कारवाईनंतर कंपनीचा अन्न उत्पादन परवानाही तात्काळ निलंबित करण्यात आलाय. अन्न सुरक्षा मानक कायद्याचं उल्लंघन केल्याप्रकरणी ही कारवाई करण्यात आलीये. अन्न व औषध प्रशासनाच्या या कारवाईमुळे मसाल्यांच्या गुणवत्तेचा आणि ग्राहकांच्या आरोग्याचा प्रश्न पुन्हा एकदा ऐरणीवर आलाय.

FDA : अन्न व औषध प्रशासनाचा अधिकारी असल्याचे भासवून 5 हजार रुपयांची मागणी; सतर्कतेमुळे फसवणूक टळली

अन्न व औषध प्रशासनाचा अधिकारी असल्याचे भासवून चिपळूणमधील महालक्ष्मी चायनीज सेंटरचे चालक रणवीर सावंत यांच्याकडे पाच हजार रुपयांची मागणी केल्याचा प्रकार समोर आला आहे. कारवाईची भीती दाखवत हॉटेल 24 दिवसांसाठी सील करण्याची धमकी देण्यात आली. मात्र, संशय आल्याने सावंत यांनी अधिकृत विभागाकडे खातरजमा केली असता फोन करणारी व्यक्ती विभागात कार्यरत नसल्याचे स्पष्ट झाले. त्यामुळे संभाव्य आर्थिक फसवणूक टळली असून, व्यावसायिकांनी अनोळखी व्यक्तींच्या फोनवर विश्वास ठेवण्यापूर्वी खातरजमा करावी, असे आवाहन करण्यात आले आहे.

Maharashtra FDA Actions News: राज्यातील सहा विभागांत धडक मोहीम

एफडीएचे आयुक्त तुकाराम मुंढे यांच्या मार्गदर्शनाखाली मुंबई, कोकण, पुणे, नाशिक, छत्रपती संभाजीनगर आणि नागपूर या सहाही विभागांत ही मोहीम राबविण्यात आली. यामध्ये नष्ट करायचे अन्न पुन्हा बाजारात आणून ग्राहकांच्या ताटापर्यंत धोका पोहोचवणाऱ्यांवर कारवाईचा बडगा उगारण्यात आला. नवरात्रोत्सवानंतर दिवाळीच्या पार्श्वभूमीवर मिठाई, खवा, खाद्यतेल, सुकामेवा व फराळाच्या पदार्थांची मागणी वाढणार असल्याने एफडीएतर्फे धडक मोहीम राबवण्यात येणार आहे.

Gadchiroli Crime News: पैशांच्या वादानं संतापाचं टोक गाठलं, मुलाने जन्मदात्या पित्याला संपवलं; जेवणाच्या ताटावरच रक्तरंजित थरार, गडचिरोलीचं कुरखेडा हादरलं!

मंगेश भांडेकर — Sat, 31 Oct 2026 07:10:48 +0530

Gadchiroli Crime News : गडचिरोली जिल्ह्यात नात्याला काळिमा फासणारी आणि माणुसकी सुन्न करणारी धक्कादायक घटना समोर आली आहे. पैशांच्या कारणावरून झालेला वाद इतका विकोपाला गेला की, मद्यधुंद मुलाने चक्क आपल्या जन्मदात्या वडिलांचीच निर्घृण हत्या (Crime News) केलीय. घराच्या अंगणात शेकोटी पेटवून संपूर्ण कुटुंब जेवायला बसलेलं असतानाच हा रक्तरंजित प्रकार घडलाय. (Gadchiroli Crime News) शेकोटीतील जळतं लाकूड उचलून मुलाने थेट वडिलांच्या डोक्यावर प्रहार केला आणि यात वडिलांचा जागीच मृत्यू झाला. ही घटना कुरखेडा तालुक्यातील चारभट्टीच्या बिरसा नगरमध्ये घडली. (Gadchiroli Crime News)

मिळालेल्या माहितीनुसार, मनोहर गोटा (वय 51) असे मृत पित्याचे नाव असून नागेश गोटा (वय 29) असे आरोपी मुलाचे नाव आहे. पुराडा पोलिसांनी घटनास्थळी धाव घेत पंचनामा केला. आरोपी मुलगा नागेश गोटा याला पोलिसांनी अटक केली असून तपास सुरू आहे. मात्र या घटनेनं परिसरात मोठी खळबळ उडाली आहे.

Gadchiroli Crime News : दारू तस्करी करताना दोन चारचाकीसह 27 लाखांचा मुद्देमाल जप्त, सहा जणांना अटक

गडचिरोलीच्या एटापल्ली पोलिसांनी दारू तस्करांविरोधात मोठी कारवाई करत दारू तस्करीचं रॅकेट उघडकीस आणलं. दोन स्कॉर्पिओ वाहनांमधून देशी दारूची वाहतूक आणि विक्री करण्याचा डाव पोलिसांनी हाणून पाडत या कारवाईत तब्बल 27 लाख 70 हजार रुपयांचा मुद्देमाल जप्त करण्यात आला आहे. तर, सहा आरोपींना अटक करण्यात आली आहे. जीवनगट्टा ते बारसेवाडा मार्गावर पोलिसांनी सापळा रचून ही कारवाई केली. पोलिसांनी दोन्ही वाहनांना घेराव घातला असता, आरोपींनी वाहनांसह पळून जाण्याचा प्रयत्न केला, मात्र पोलिसांच्या सतर्कतेमुळे त्यांचा डाव फसला. या कारवाईत 40 पेट्या देशी दारू, दोन स्कॉर्पिओ वाहने आणि सात मोबाईल फोन असा मुद्देमाल जप्त करण्यात आला. या प्रकरणात एकूण नऊ जणांविरोधात गुन्हा दाखल करण्यात आला असून, सहा आरोपींना अटक करण्यात आली आहे.

Bhandara Crime: पत्रकाराला मारहाण प्रकरणी भाजयुमोच्या भंडारा तालुकाध्यक्षासह 7 जणांविरुद्ध गुन्हा दाखल

दुर्गोत्सव दरम्यान प्रकाशित केलेल्या वृत्तावरून मंडळाच्या पदाधिकाऱ्यांनी भंडाऱ्याच्या ठाणा पेट्रोलपंप इथं 21 ऑक्टोबरला साप्ताहिकाच्या संपादकाला जबर मारहाण करण्यात आली होती. या प्रकरणी आता जवाहरनगर पोलिसांनी 7 जणांविरुद्ध गुन्हा दाखल केला आहे. गुन्हा दाखल केलेल्यांमध्ये भारतीय जनता युवा मोर्चाचा भंडारा तालुकाध्यक्ष रुपेश दुरुगकर याचा या 7 जणांमध्ये समावेश आहे. अजयकुमार भारतीय असं मारहाण झालेल्या साप्ताहिकाच्या संपादकाचं नावं असून ते अधिस्वीकृतीधारक पत्रकार आहेत. त्यांनी मंडळाची बदनामीकारक वृत्त प्रकाशित केले असा आरोप करून ही मारहाण करण्यात आली होती. जवाहरनगर पोलिसांनी गुन्हा दाखल केला असून प्रकरणाचा पुढील तपास सुरू आहे.

Chandrapur Tiger Attack: वाघाच्या हल्ल्यांनी चंद्रपूर हादरले; एकाच दिवशी दोन शेतकऱ्यांचा बळी, एकाची रुग्णालयात मृत्यूशी झुंज, नागरिकांमध्ये प्रचंड भीती

सारंग पांडे, एबीपी माझा — Sat, 31 Oct 2026 06:41:55 +0530

Chandrapur Tiger Attack चंद्रपूर : चंद्रपूर जिल्ह्यातील पुन्हा एकदा वाघानं हल्ला (Chandrapur Tiger Attack) केल्याची बातमी समोर आली आहे. धक्कादायक बाब म्हणजे जिल्ह्यात एकाच दिवशी वाघाचे तीन हल्ले (Tiger Attack) केले असून या हल्ल्यात दोघांचा मृत्यू झाला आहे, तर एक जण गंभीर जखमी असल्याची माहिती आहे. चंद्रपूर (Chandrapur News) जिल्ह्यात गेल्या एका आठवड्यात तीन जणांचा वाघांच्या हल्ल्यात मृत्यू झाला असतानाच वाघाच्या हल्ल्यांच्या घटनांनी पुन्हा एकदा खळबळ उडवली आहे. काल (30 ऑक्टोबर) एकाच दिवशी चंद्रपूर जिल्ह्यात तीन वेगवेगळ्या ठिकाणी वाघाने हल्ले केले असून यामधे दोन जणांचा दुर्दैवी मृत्यू झालाय, तर एक जण गंभीर जखमी झाला आहे.

Chandrapur Tiger Attack: वाघाच्या हल्ल्यांनी चंद्रपूर हादरले; एकाच दिवशी दोन शेतकऱ्यांचा बळी

दरम्यान, पहिल्या घटनेत चिमूर तालुक्यातील गरडापार येथील 55 वर्षीय सदाशिव खडसंग यांच्यावर वाघाने हल्ला केला. या हल्ल्यात त्यांचा मृत्यू झाला. तर दुसऱ्या घटनेत सिंदेवाही तालुक्यातील धुमनखेडा येथे शेतात काम करत असताना 70 वर्षीय शेतकरी पत्रुजी मेश्राम यांच्यावर वाघाने हल्ला केला. या हल्ल्यात त्यांचाही दुर्दैवी मृत्यू झाला. तर पोंभुर्णा तालुक्यातील सातारा तुकूम परिसरात गायी चारण्यासाठी जंगलात गेलेल्या 60 वर्षीय राजेश्वर सिडाम यांच्यावर वाघाने हल्ला केला. या हल्ल्यात ते गंभीर जखमी झाले असून चंद्रपूर जिल्हा सामान्य रुग्णालयात त्यांच्यावर उपचार सुरू आहेत. या घटनांमुळे शेतकरी आणि नागरिकांमध्ये भीतीचे वातावरण निर्माण झाले असून वाघाचा तातडीने बंदोबस्त करण्याची मागणी जोर धरत आहे.

Gadchiroli : धानपिकाची पाहणी करायला गेलेला तरुण वाघाच्या हल्ल्यात ठार; धानोरा तालुक्यातील तुडमेल गावातील घटना

धानपिकाची पाहणी करण्यासाठी शेतात गेलेल्या 26 वर्षीय तरुण शेतकऱ्याचा वाघाच्या हल्ल्यात मृत्यू झाला. शांताराम मनू मडावी असे मृतक युवा शेतकऱ्याचे नाव आहे. गडचिरोलीच्या धानोरा तालुक्यातील तुडमेल येथे ही दुर्दैवी घटना घडली असून, गेल्या आठ-दहा दिवसांत वाघाच्या हल्ल्यात दोघांना जीव गमवावा लागला आहे. शांताराम हे धानपिकाची पाहणी करण्यासाठी शेतावर गेल्यानंतर बराच वेळ होऊनही ते घरी परतले नाहीत. त्यामुळे त्यांच्या पत्नीने शेताकडे धाव घेतली. त्यावेळी वनक्षेत्रात वाघाच्या हल्ल्यात शांताराम यांचा मृत्यू झाल्याचे समोर आले. आठ दिवसांपूर्वी एटापल्ली तालुक्यातील इरपनार येथे बिलाशी आनंद बाला या महिलेचाही वाघाच्या हल्ल्यात मृत्यू झाला होता. एकापाठोपाठ घडणाऱ्या या घटनांमुळे मानव-वन्यजीव संघर्षाचा प्रश्न पुन्हा ऐरणीवर आलाय.

Drought Action Plan : फडणवीस सरकारचा मोठा निर्णय! महाराष्ट्रातील चारा परराज्यात पाठवण्यास बंदी, वीजनिर्मितीसाठी चाऱ्याचा वापर बंद

Thane Honeytrap Case : मुंबईतील प्रसिद्ध मॉडेलविरोधात 1.39 कोटींच्या खंडणीचा गुन्हा! उद्योगपतीला ब्लॅकमेल करून उकळले कोट्यवधी रुपये

सचिन गाड — Fri, 30 Oct 2026 22:00:26 +0530

मुंबई : सोशल मीडियावर 10 लाखांपेक्षा जास्त फॉलोअर्स असलेल्या मुंबईतील एका प्रसिद्ध मॉडेलविरोधात ठाण्यातील कासारवडवाली पोलीस ठाण्यात 1 कोटी 39 लाख रुपयांच्या खंडणीचा गुन्हा दाखल करण्यात आला आहे. एका व्यावसायिकाला हनीट्रॅपमध्ये अडकवून, बदनामीची तसेच खोट्या गुन्ह्यात अडकवण्याची धमकी देऊन त्याच्याकडून कोट्यवधी रुपये उकळल्याचा आरोप करण्यात आला आहे. व्यावसायिकाने दिलेल्या तक्रारीनुसार, संबंधित मॉडेलने त्याला प्रेमाच्या जाळ्यात ओढून आणि खासगी फोटो आणि व्हिडीओचा वापर करून ब्लॅकमेल करण्यास सुरुवात केली होती.

Flats Cars And Foreign Trips : आलिशान कार, फ्लॅट आणि परदेश वारीचा खर्च

कासारवडवाली पोलिसांत दाखल झालेल्या तक्रारीनुसार आणि एफआयआरमधील दाव्यांनुसार, या मॉडेलने व्यावसायिकाकडून विविध महागड्या गरजांसाठी मोठी रक्कम उकळली आहे.

तक्रारदाराकडून खालील गोष्टींसाठी पैसे उकळल्याचा आरोप आहे:

आलिशान मालमत्ता: मुंबईतील आलिशान फ्लॅट, ऑफिससाठी जागा आणि बंगळुरूमधील मालमत्ता.

वाहने: आलिशान MG Hector कार.

परदेश दौरे: बँकॉक, व्हिएतनाम, जॉर्जिया आणि बाकू यांसारख्या देशांतील विविध अलिशान परदेश दौऱ्यांचा सर्व खर्च.

Counter Rape FIR : दबाव आणण्यासाठी अत्याचाराचा गुन्हा?

या प्रकरणाला आता एक वेगळे वळण मिळाले आहे. संबंधित मॉडेलने याआधी व्यावसायिकाविरोधात मुंबईतील वर्सोवा पोलीस ठाण्यात पाठलाग करणे, मारहाण आणि शारीरिक अत्याचारासारखे गंभीर गुन्हे दाखल केले आहेत. मात्र, हे सर्व गुन्हे केवळ आपल्या पक्षकारावर दबाव आणण्यासाठी आणि खंडणीची रक्कम वसूल करण्यासाठीच दाखल करण्यात आल्याचा दावा तक्रारदार व्यावसायिकाच्या वकिलांनी केला आहे.

Thane Model Extortion Case : कासारवडवाली पोलिसांकडून तपास सुरू

संबंधित मॉडेलचे सोशल मीडियावर 10 लाखांहून अधिक फॉलोअर्स असल्याने या हाय-प्रोफाइल प्रकरणामुळे सोशल मीडिया आणि मनोरंजन विश्वात मोठी खळबळ उडाली आहे. कासारवडवाली पोलीस या प्रकरणातील आर्थिक व्यवहार, बँक खाती आणि डिजिटल पुराव्यांची तपासणी करत असून पुढील सखोल तपास सुरू आहे.

ही बातमी वाचा:

Pimpri Chinchwad : लंडनमध्ये MBA साठी गेली, पण गुप्तपणे भारतात परतली, पिंपरीतील अलिशान फ्लॅटमध्ये 34 वर्षीय मुग्धाचा मृतदेह कुजला, झोमॅटो-ब्लिंकिटमुळे शोध

Pimpri Chinchwad : लंडनमध्ये MBA साठी गेली, पण गुप्तपणे भारतात परतली, पिंपरीतील अलिशान फ्लॅटमध्ये 34 वर्षीय मुग्धाचा मृतदेह कुजला, झोमॅटो-ब्लिंकिटमुळे शोध

नाजिम मुल्ला, एबीपी माझा — Fri, 30 Oct 2026 19:56:02 +0530

Pimpri Chinchwad Crime : लंडन येथे उच्चशिक्षणासाठी गेलेल्या छत्रपती संभाजीनगर येथील 34 वर्षीय मुग्धा अविनाश देशमुख या तरुणीचा मृतदेह पिंपरी-चिंचवडजवळील गहुंजे येथील 'लोढा बेलमोंडो' या आलिशान सोसायटीतील एका बंद फ्लॅटमध्ये कुजलेल्या अवस्थेत आढळून आल्याने प्रचंड खळबळ उडाली आहे.

मुग्धा या छत्रपती संभाजीनगर महापालिकेचे निवृत्त मुख्य अभियंता अविनाश देशमुख यांच्या कन्या आहेत. जुलै 2025 मध्ये त्या एमबीएच्या (MBA) शिक्षणासाठी लंडनला गेल्या होत्या. लंडनमध्ये असताना त्या दररोज घरच्यांशी संपर्कात होत्या. मात्र, 23 ऑक्टोबर 2026 रोजी आईशी शेवटचे बोलणे झाल्यानंतर त्यांचा अचानक संपर्क तुटला.

Mugdha Deshmukh Death Case : कुटुंबाला लंडनमध्ये असल्याचे वाटले, पण...

मुग्धा यांच्याशी संपर्क होत नसल्याने कुटुंबीयांनी लंडन येथील त्यांच्या मैत्रिणीमार्फत विचारपूस केली. त्यावेळी मुग्धा यांनी ऑगस्ट 2026 च्या शेवटीच लंडन सोडल्याची धक्कादायक माहिती समोर आली. लंडन सोडून भारतात परतल्यानंतरही त्यांनी कुटुंबीयांना याबाबत कोणतीही कल्पना दिली नव्हती. भारतीय उच्चायुक्तांकडून काही प्रतिसाद न मिळाल्याने चिंतेत असलेल्या पालकांनी उस्मानपुरा (छत्रपती संभाजीनगर) पोलीस ठाण्यात बेपत्ता झाल्याची तक्रार नोंदवली.

Swiggy Zomato Credit Card Track : ऑनलाइन फूड ऑर्डर आणि क्रेडिट कार्डने उलगडले गूढ

तपास दरम्यान पोलिसांनी मुग्धा यांच्या बँक खात्यांचे व्यवहार आणि डिजिटल फुटप्रिंट्स तपासले. त्यात भारतातील झोमॅटो (Zomato), ब्लिंकिट (Blinkit) आणि स्विगी (Swiggy) सारख्या ऑनलाइन फूड ॲप्सवर त्यांच्या क्रेडिट कार्डचा वापर सुरू असल्याचे पोलिसांच्या निदर्शनास आले.

त्यावरून त्या लंडनमध्ये नसून भारतातच असल्याचे निश्चित झाले. तांत्रिक तपासावरून पोलिसांचे पथक गहुंजे येथील लोढा बेलमोंडो सोसायटीत पोहोचले. तेथील फ्लॅटचा दरवाजा बंद असल्याने पोलिसांनी बनावट चावीने दरवाजा उघडून आत प्रवेश केला. त्यावेळी बेडरूममध्ये मुग्धा यांचा कुजलेल्या अवस्थेतील मृतदेह आढळून आला.

Pune Police Investigation Probe : शवविच्छेदन अहवालानंतर मृत्यूचे कारण स्पष्ट होणार

शिरगाव पोलीस ठाण्याचे वरिष्ठ पोलीस निरीक्षक देवेंद्र चव्हाण यांनी दिलेल्या माहितीनुसार, या प्रकरणाचा सर्व बाजूंनी सखोल तपास सुरू आहे. मुग्धा ऑगस्ट 2026 पासून गहुंजे येथील या फ्लॅटमध्ये एकट्याच राहत होत्या. त्यांनी 21 ऑक्टोबर रोजी आपल्या कामावर असलेल्या मोलकरणीलाही काम बंद करण्यास सांगितले होते.

मृतदेहाचे शवविच्छेदन (Post Mortem) करण्यात आले असून व्हिसेरा सुरक्षित ठेवण्यात आला आहे. वैद्यकीय अहवाल आणि मोबाईलच्या फॉरेन्सिक विश्लेषणानंतरच त्यांच्या मृत्यूचे नेमके कारण स्पष्ट होईल, असे पोलिसांनी सांगितले आहे.

ही बातमी वाचा:

Pune Crime News: मित्राची कार घेऊन घरातून बाहेर पडला अन्....; फोन बंद झाला, बेपत्ता झाल्याची तक्रार; सारसबागेसमोर बंद कारमध्ये आढलेल्या मृतदेहाचं गुढ उकललं

Pune Crime News: मित्राची कार घेऊन घरातून बाहेर पडला अन्....; फोन बंद झाला, बेपत्ता झाल्याची तक्रार; सारसबागेसमोर बंद कारमध्ये आढलेल्या मृतदेहाचं गुढ उकललं

शिवानी पांढरे — Fri, 30 Oct 2026 16:25:59 +0530

पुणे : पुण्यातील स्वारगेट परिसरातील जैन मंदिराच्या जवळ एका कारमध्ये 25 वर्षीय तरुणाचा मृतदेह आढळून आला. शुभम बनसोडे असे या मृत तरुणाचे नाव आहे. गेल्या दोन ते तीन दिवसांपासून ही गाडी रस्त्यावर उभी होती. कारला काळ्या(Pune Crime News) काचा (डार्क ग्लास) लावलेल्या होत्या. कारमधून तीव्र दुर्गंधी (Pune Crime News) येऊ लागल्याने नागरिकांनी पोलिसांना माहिती दिली, त्यानंतर पोलिसांनी गाडी उघडून पाहिले असता शुभम मृत अवस्थेत आढळून आला. पोलिसांनी मृतदेह विच्छेदनासाठी (पोस्टमार्टम) ससून रुग्णालयात पाठवला आहे. शवविच्छेदन अहवाल आल्यानंतरच त्याच्या मृत्यूचे नेमके कारण स्पष्ट होईल. तरुण काळेपडळ हद्दीतून बेपत्ता होता त्याची ओळख पटली आहे. त्याचं नाव शुभम बनसोडे असे आहे.(Pune Crime News)

Pune Crime News: कालपासून मिसिंग होता

शुभम बनसोडे हा सोमवारी आपल्या मित्राची कार घेऊन घरातून बाहेर पडला होता. त्यानंतर त्याचा फोन बंद येत होता. त्यामुळे कुटुंबीयांनी तो बेपत्ता झाल्याची (मिसिंग) तक्रार दाखल केली होती. मित्राच्या सांगण्यानुसार, शुभमने सोमवारी रात्री त्याच्याकडे कार मागितली होती. मात्र, तो कुठे जात आहे हे त्याने सांगितले नव्हते. त्यानंतर त्याचा संपर्क होऊ शकला नाही. आज सकाळी पोलिसांनी फोन करून या घटनेची माहिती दिली. ही कार गेल्या काही दिवसांपासून रस्त्यावर उभी होती. आज सकाळी गाडीतून अचानक दुर्गंधी येऊ लागल्याने स्थानिक नागरिकांनी पोलिसांना कळवले. गाडी आतून बंद होती आणि काचा काळ्या असल्यामुळे आतमध्ये कोण आहे हे कोणालाही कळू शकले नाही. सध्या पोलीस या प्रकरणाचा कसून तपास करत आहेत. ही आत्महत्या आहे की घातपात (हत्या), हे शवविच्छेदन अहवालानंतरच समोर येईल.(Pune Crime News)

पोलिसांनी दिलेल्या माहितीनुसार, "सारसबागच्या जवळ एका अज्ञात गाडीमध्ये मृतदेह आढळला आहे. एक मारुती कार MH12 SF 5471 त्यामध्ये डेड बॉडी मिळालेली आहे. डेडबॉडी पुरुषाची आहे. साधारण वय अंदाजे 25 ते 30 वय असावं आणि लोणी काळभोरचा राहणार आहे असं आता प्राथमिक माहिती मिळते आणि पुढचं इन्वेस्टीगेशन चालू आहे. सकाळी माहिती मिळाली की दादाची वाडी जैन मंदिरमधील एका व्यक्तीने त्यांनी कंट्रोलला कॉल केला होता. याचा बॉडीचा वास येत होता म्हणून, गाडीतून वास येत होता म्हणून, त्यानंतर आमच्या स्टाफ वगैरे सर्व या ठिकाणी आलेत, प्राथमिक सगळे इन्व्हेस्टिगेशन केल्यानंतर बॉडीचे पुढचे ससूनला नेऊन पोलीस कारवाई करत आहोत. साधारण ती बॉडी एक-दोन दिवसापूर्वीची असण्याची शक्यता आहे. त्याचे भाऊ येतात, बॉडी कन्फर्म त्यांनी बघितल्यानंतर आम्ही नाव कन्फर्म करू अशी सध्या तरी प्राथमिक माहिती एवढीच आहे."

Pune Crime News: मृत्यूचे कारण अस्पष्ट, पोलिसांकडून तपास सुरू

तरुणाचा मृत्यू नेमका कशामुळे आणि कसा झाला, हे शवविच्छेदन (Post-mortem) अहवाल आल्यानंतरच स्पष्ट होणार आहे. कार त्या ठिकाणी नक्की कोणी आणून उभी केली? या घटनेमागे घातपात आहे का? या सर्व बाजूंचा तपास करण्यासाठी खडक पोलीस परिसरातील सीसीटीव्ही (CCTV) फुटेजची पाहणी करत असून या प्रकरणाचा कसून शोध घेत आहेत.

Thane Crime news: पोलिसांनी सूर्यफूल तेल लावून लघवीच्या जागेवर मारलं,अंतर्वस्त्र डोक्यात घातली, राम पूर्णेकरांचा गंभीर आरोप, आदित्य ठाकरेंच्या आंदोलनातील तरुणांना ठरवून टार्गेट केल्याचा दावा

हितेश पांचाळ — Fri, 30 Oct 2026 15:12:35 +0530

Ram Purnekar Thane Police Crime news: ठाकरे गटाचे विभागप्रमुख प्रदीप पूर्णेकर यांच्या हत्याप्रकरणावरुन राजकीय वातावरण प्रचंड तापले असताना राम पूर्णेकर यांनी शुक्रवारी ठाणे पोलिसांवर गंभीर आरोप केले. आदित्य ठाकरे (Aaditya Thackeray) हे गुरुवारी ठाण्यात पूर्णेकर कुटुंबाच्या भेटीला गेले होते. यानंतर त्यांनी ठाणे पोलीस (Thane Police) आयुक्तांची भेट घेतली होती. यावेळी त्यांच्यासोबत असणाऱ्या दोन तरुणांना कापुरबावडी पोलिसांनी शोधून पोलीस ठाण्यात आणले आणि त्यांना बेदम मारहाण केल्याचा आरोप राम पूर्णेकर (Ram Purnekar) यांनी केला. या तरुणांना नग्न करण्यात आले. त्यांची अंतर्वस्त्रही काढण्यात आली होती, पोलिसांनी त्यांची अंतर्वस्त्र काढून एकमेकांच्या डोक्यावर घातल्याचा दावा पूर्णेकर यांनी केला. राम पूर्णेकर या तरुणांना घेऊन तक्रार दाखल करण्यासाठी कापुरबावडी पोलीस ठाण्यात गेले होते. (Thane Crime news)

काल दुपारी आदित्य ठाकरे आणि संजय राऊत यांनी पूर्णेकर कुटुंबीयांची भेट घेतली होती होती. या भेटीनंतर पूर्णेकर समर्थकांना पोलिसांनी ताब्यात घेतले होते. त्यांच्यावर पोलिसांनी कापुरबावडी पोलीस ठाण्यात अमानुष अत्याचार केल्याचा आरोप पूर्णेकर कुटुंबीयांकडून करण्यात आला. राम पूर्णेकर शुक्रवारी आपल्या वकिलासह या तरुणांना घेऊन कापुरबावडी पोलीस ठाण्यात आले होते. यावेळी राम पूर्णेकर यांनी प्रसारमाध्यमांशी संवाद साधताना म्हटले की, पोलिसांनी अर्जुन पुंदरे या तरुणाला काल ताब्यात घेतले होते. त्याच्यासोबत आणखी काही तरुण होते. कापुरबावडी पोलीस ठाण्यात नेल्यानंतर त्यांचे कपडे काढण्यात आली. त्यांच्या अंगावर अंतर्वस्त्रही ठेवण्यात आली नव्हती. पोलिसांनी या सगळ्यांची अंतर्वस्त्र काढून एकमेकांच्या डोक्यावर घातल्याचा आरोप अर्जुन पुंदरे याने केला. तसेच पोलिसांनी सूर्यफुल तेल लावून या तरुणांच्या शरीराच्या नाजूक भागावर, लघवीच्या ठिकाणी मारहाण केल्याचा खळबळजनक आरोप राम पूर्णेकर यांनी केला.

आम्हाला कापूरबावडी पोलीस ठाण्यात पकडून आणले. फक्त सांगण्यात आले होते, एका व्यक्तीचा फोटो दाखवला जाईल, त्याला ओळखता का याची तपासणी करायची आहे. त्यानंतर कापूरबावडी पोलीस ठाण्यात आम्हाला आणले. अश्लील प्रकारे आम्हाला टॉर्चर केले कपडे काढून साध्या कपड्यांवरील व्यक्ती आम्हाला यायचे आणि मारहाण करायचे बेदम मारहाण केली पट्ट्यांनी मारहाण केली, असा आरोप तरुणांनी केला. राम पूर्णेकर यांनी सांगितले की, एका तरुणाच्या शरीराच्या चुकीच्या जागी पोलिसांनी बोट घातले. लघवीच्या जागेवर सूर्यफुल तेल लावण्यात आले. एका पोलिसाच्या पार्श्वभागात पोलिसांनी बोट घातले. आमच्या वकिलांनी पोलिसांना पत्र दिले आहे. संबंधितांवर कठोर कारवाई करण्याचे आश्वासन वरिष्ठ पोलीस अधिकाऱ्यांनी दिले आहे.

राम पूर्णेकर या तरुणांना घेऊन पोलीस ठाण्यात आले तेव्हा तिथे वरिष्ठ अधिकारी उपस्थित होते. कथित पोलीस अत्याचाराच्या आरोपांमुळे पूर्णेकर समर्थक आक्रमक झाले आहेत. या प्रकरणाची चौकशी करुन संबंधित पोलिसांवर कारवाई करण्याची मागणी पूर्णेकर यांच्याकडून करण्यात आली आहे. या सगळ्यावर आता ठाणे पोलिसांकडून स्पष्टीकरण देण्यात येणार का, हे बघावे लागेल.

आणखी वाचा

Meenakshi Shinde and Pradeep Purnekar: मिनाक्षी शिंदेंना दुहेरी धक्का, आधी राजीनामा द्यावा लागला, नंतर शिवसेनेच्या नगरसेवकांनी साथही सोडली, टेंभी नाक्यावर कोणीच फिरकलं नाही

Meenakshi Shinde and Pradeep Purnekar: मिनाक्षी शिंदेंना दुहेरी धक्का, आधी राजीनामा द्यावा लागला, नंतर शिवसेनेच्या नगरसेवकांनी साथही सोडली, टेंभी नाक्यावर कोणीच फिरकलं नाही

सुरज सावंत — Fri, 30 Oct 2026 13:56:48 +0530

Meenakshi Shinde and Pradeep Purnekar: ठाण्यातील ठाकरे गटाचे विभागप्रमुख प्रदीप पूर्णेकर यांच्या हत्याप्रकरणामुळे वादाच्या भोवऱ्यात सापडलेल्या शिंदे सेनेच्या नेत्या मिनाक्षी शिंदे (Meenakshi Shinde) या सध्या प्रचंड संकटात सापडल्या आहेत. एकीकडे त्यांना पक्षांतर्गत दबाव वाढल्यामुळे शिवसेनेतील ठाणे जिल्हा महिला आघाडीच्या प्रमुखपदाचा राजीनामा द्यावा लागला होता. एवढेच नव्हे तर मिनाक्षी शिंदे यांच्याविरोधात ठाण्यातील पक्षसंघटनेतच प्रचंड नाराजी असल्याची माहितीही समोर आली आहे. (Thane Crime news)

गुरुवारी आदित्य ठाकरे आणि संजय राऊत (Sanjay Raut) हे दोन्ही नेते प्रदीप पूर्णेकरांच्या कुटुंबीयांना भेटण्यासाठी त्यांच्या घरी गेले होते. त्याच्या आदल्याच दिवशी पूर्णेकर समर्थकांनी नौपाडा पोलीस ठाणे आणि घोडबंदर रस्त्यावर मोठे आंदोलन केले होते. त्यावेळी पूर्णेकर कुटुंबीयांनी थेट एकनाथ शिंदे यांच्यावर गंभीर आरोप केले होते. यानंतर ठाण्यातील राजकीय वातावरण प्रचंड तापले होते. आदित्य ठाकरे आणि संजय राऊत ठाण्यात येणार असल्याने शिंदे सेनेने सर्व नगरसेवकांना टेंभी नाका येथे जमायला सांगितले होते. मात्र, मोजके नगरसेवक वगळता कोणीही टेंभी नाक्याला गेले नाहीत. यानंतर मिनाक्षी शिंदे यांच्याविरोधात पक्षांतर्गत प्रचंड खदखद असल्याची माहिती समोर आली आहे.

ठाकरेंच्या विरोधात काल शिंदे सेनेकडून ठाण्यात टेंभी नाका येथे जमण्याच्या सूचना असताना अनेक नगरसेवकांनी याठिकाणी येणे टाळले. टेंभी नाक्यावर काल कल्याण, डोंबिवली आणि मुंबईतील काही नगरसेवक होते. मात्र, अनेक नगरसेवकांनी याठिकाणी येणे टाळले होते. 'आम्ही एकनाथ शिंदे यांच्यासाठी येऊ, मिनाक्षी शिंदेंसाठी येणार नाही', असे या नगरसेवकांचे म्हणणे आहे. मिनाक्षी शिंदे यांच्या गंभीर आरोप होत असताना स्वतःहून तिने राजीनामा आधीच द्यायला हवा होता. पक्षाची बदनामी झाल्यानंतर राजीनामा देण्यात काय अर्थ आहे, असे मत खासगीत काही नगरसेवकांनी बोलून दाखवले. एका व्यक्तीमुळे पक्षाची नाहक बदनामी ही राज्यभरात झाली, त्या नाराजीतूनच अनेक नगरसेवक कालच्या ठाणे टेंभी नाका येथील गर्दीत नव्हते, अशी सूत्रांची माहिती आहे.दरम्यान, मिनाक्षी शिंदे त्यांच्या महिला आघाडी पदाचा राजीनामा दिल्यानंतर लवकरच माध्यमांसमोर सविस्तर बोलणार आहेत.

Thane News: आदित्य ठाकरेंसोबत ठाण्यात आलेल्यांना नग्न करुन मारहाण, राम पूर्णेकरांचा गंभीर आरोप

प्रदीप पूर्णेकर यांच्या कुटुंबीयांना भेटायला गुरुवारी आदित्य ठाकरे ठाण्यात आले होते. ते ठाण्यात आले असताना जे-जे शिवसैनिक तिकडे आले होते, त्यांना शोधून मारहाण करण्यात आल्याचा आरोप पूर्णेकर कुटुंबाने केला. पूर्णेकर कुटुंब शुक्रवारी कापुरबावडी पोलीस ठाण्यात पोहोचले. आदित्य ठाकरे काल ठाण्यात आले होते तेव्हा जे जे तिथे उपस्थित होते त्यांना शोधून शोधून मारहाण केली. आंदोलन करणाऱ्या मुलांना नग्न करुन मारण्यात, असा आरोप राम पूर्णेकर यांनी केला आहे. मारहाण झालेल्या मुलांना घेऊन राम पूर्णेकर हे कापुरबावडी पोलीस ठाण्यात दाखल झाले आहेत.

आणखी वाचा

Meenakshi Shinde on Pradeep Purnekar death Case: तुम्ही प्रदीप पूर्णेकरांच्या मृत्यूनंतर कुटुंबीयांच्या सांत्वनासाठी का गेला नाहीत? मिनाक्षी शिंदे म्हणाल्या जायची इच्छा असली तरी....

Pune Crime News: सारसबागेसमोर 3 दिवसांपासून उभ्या असलेल्या कारमधून दुर्गंधी, नागरिकांना संशय, पोलिसांनी दार उघडलं, कुजून फुगलेला मृतदेह बघून सगळेच हादरले

शिवानी पांढरे — Fri, 30 Oct 2026 13:30:33 +0530

पुणे : पुण्यातील सारसबाग परिसरात एका कारमध्ये तरुणाचा मृतदेह आढळून आल्याने खळबळ उडाली आहे. घटनास्थळी पोलिस दाखल झाले असून तपास सुरू केला आहे. अल्टो गाडीत मृतदेह (Pune News) आढळला आहे. सदर व्यक्तीचा खून झाल्याचा पोलिसांना संशय आहे. तीन दिवसापूर्वी मृत्यू झाला असून, आज गाडी असलेल्या परिसरात दुर्गंधी (Pune News) येऊ लागल्याने घटना उघड झाली आहे. मृत्यू झालेल्या व्यक्तीच्या अंगावर मारहाणी खूणा आहेत. गेल्या दोन-तीन दिवसांपासून नेहरू स्टेडियमसमोरील रस्त्यावर एक चारचाकी वाहन उभे होते. संबंधित कारमधून अचानक तीव्र दुर्गंधी येऊ लागल्याने परिसरातील नागरिकांना संशय आला. (Pune News)

पुण्यातील अत्यंत गजबजलेल्या सारसबाग परिसरातील नेहरू स्टेडियमसमोर ही घटना उघडकीस आली आहे. एका बंद कारमध्ये ३० ते ३५ वयोगटातील तरुणाचा मृतदेह आढळल्याने परिसरात मोठी खळबळ उडाली आहे. तो काळेपडळ पोलीस ठाण्याच्या हद्दीतून बेपत्ता असल्याची माहिती समोर आली आहे. (Pune News)

पोलिसांनी दिलेल्या माहितीनुसार, "सरसबागच्या जवळ एका अज्ञात गाडीमध्ये मृतदेह आढळला आहे. एक मारुती कार MH12 SF 5471 त्यामध्ये डेड बॉडी मिळालेली आहे. डेडबॉडी पुरुषाची आहे. साधारण वय अंदाजे २५ ते ३० वय असावं आणि लोणी काळभोरचा राहणार आहे असं आता प्राथमिक माहिती मिळते आणि पुढचं इन्वेस्टीगेशन चालू आहे. सकाळी माहिती मिळाली की दादाची वाडी जैन मंदिरमधील एका व्यक्तीने त्यांनी कंट्रोलला कॉल केला होता. याचा बॉडीचा वास येत होता म्हणून, गाडीतून वास येत होता म्हणून, त्यानंतर आमच्या स्टाफ वगैरे सर्व या ठिकाणी आलेत, प्राथमिक सगळे इन्व्हेस्टिगेशन केल्यानंतर बॉडीचे पुढचे ससूनला नेऊन पोलीस कारवाई करत आहोत. साधारण ती बॉडी एक-दोन दिवसापूर्वीची असण्याची शक्यता आहे. त्याचे भाऊ येतात, बॉडी कन्फर्म त्यांनी बघितल्यानंतर आम्ही नाव कन्फर्म करू अशी सध्या तरी प्राथमिक माहिती एवढीच आहे."

Pune Crime News: नक्की काय घडलं?

स्थानिकांनी दिलेल्या माहितीनुसार, नेहरू स्टेडियमसमोरील रस्त्यावर गेल्या २ ते ३ दिवसांपासून एक चारचाकी बेवारस अवस्थेत उभी होती. बुधवारी या कारमधून अचानक तीव्र दुर्गंधी येऊ लागल्याने परिसरातील नागरिकांना संशय आला. त्यांनी लागलीच याची माहिती खडक पोलीस ठाण्याला दिली. घटनेची माहिती मिळताच पोलिसांनी तातडीने घटनास्थळी धाव घेतली. कारचा दरवाजा उघडून पाहिला असता, आतील सीटवर तरुणाचा मृतदेह फुगलेल्या अवस्थेत आढळून आला. २ दिवसांपासून बंद कारमध्ये पडलेला असल्यामुळे मृतदेहाचा तीव्र वास सुटला होता. (Pune News)