कोर्टाच्या तारखेला वेळेवर हजर न राहणे भोवले, 2020 चं प्रकरण; मुंबईतील भाजप नगरसेवकास अटक

Nagpur Crime: वेळेत डिलिव्हरी करणं पडलं महाग! सहकाऱ्यानंच डिलिव्हरी बॉयचा काटा काढला; ऑनलाइन कंपनीतील कामगिरीच्या स्पर्धेतून जीवघेणा हल्ला, दोघांना अटक

रजत वशिष्ठ, एबीपी माझा — Fri, 7 Aug 2026 07:51:07 +0530

Nagpur Crime News: ऑनलाइन डिलिव्हरी कंपनीतील कामगिरीच्या स्पर्धेतून ब्लिंकिटच्या दोन डिलिव्हरी बॉयनी आपल्या सहकाऱ्यावर चाकूने जीवघेणा हल्ला (Nagpur Crime News) केल्याची धक्कादायक घटना नागपूरच्या गणेशपेठ पोलीस (Nagpur Police) ठाण्याच्या हद्दीत घडली. या प्रकरणी पोलिसांनी खुनाच्या (Nagpur Crime News) प्रयत्नाचा गुन्हा दाखल करून दोन्ही आरोपींना अटक केली आहे. मिळालेल्या माहितीनुसार, जखमीचे नाव आमीन मुस्तफा पठाण (वय 34) असून तो उंटखाना परिसरातील रहिवासी आहे. आरोपी केतन उरकुडे (वय 20) आणि श्रवण बारई (वय 20) हे दोघेही त्याच ब्लिंकिट कंपनीत डिलिव्हरी बॉय म्हणून काम करतात.

Nagpur Crime News: वेळेत डिलिव्हरी करतो, चांगला इन्सेंटिव्ह मिळवतो म्हणून सहकाऱ्यानंच काटा काढला

पोलिसांच्या माहितीनुसार, आमीन वेळेत डिलिव्हरी पूर्ण करत असल्याने कंपनीत त्याची चांगली प्रतिमा होती. त्याला इन्सेंटिव्ह ही मिळत होते. याच कारणावरून आरोपी त्याच्यावर नाराज होते. रविवारी सकाळी दोघांनी आमीनशी वाद घालून जीवे मारण्याची धमकी दिली होती. अशातच रात्री मॉडेल मिल चौकात डिलिव्हरी करून परतत असताना एसटी महामंडळाच्या क्वार्टर्ससमोर आरोपींनी त्याची दुचाकी अडवून चाकूने सपासप वार केले. गंभीर जखमी झालेल्या आमीनला स्थानिकांनी मेडिकल रुग्णालयात दाखल केले. माहिती मिळताच गणेशपेठ पोलिसांनी घटनास्थळी धाव घेत खुनाच्या प्रयत्नासह विविध कलमांखाली गुन्हा दाखल करून दोन्ही आरोपींना अटक केली.

Nagpur Crime News: अल्पवयीन मुलीचे अपहरण, जीवे मारण्याचा प्रयत्न आणि लैंगिक छळ प्रकरणी नवी माहिती समोर

नागपुरातील अल्पवयीन मुलीचे अपहरण, जीवे मारण्याचा प्रयत्न आणि लैंगिक छळ प्रकरणातील आरोपी निर्मय पाखरे प्रकृती अस्वास्थ्याचा कारण देऊन रुग्णालयात दाखल झाला आहे. पोलिसांनी त्याला शासकीय वैद्यकीय रुग्णालयात उपचारासाठी दाखल केले असून तिथेही तो डॉक्टरांच्या उपचाराला सहकार्य करत नसल्याची माहिती आहे. 3 ऑगस्टच्या रात्री पोलिसांनी त्याला पीडित मुलीला दिघोरी परिसरातील एका भाड्याच्या घरात डांबून ठेवलेल्या अवस्थेत रंगेहाथ पकडले होते. सुरुवातीला आरोपीला दोन दिवसांची पोलीस कोठडी मिळाली होती. मात्र त्याने पोलीस तपासात कुठलेही सहकार्य केले नव्हते. या दरम्यान त्याने प्रकृती अस्वास्थ्याचा कारण पुढे केलं होतं. त्यामुळे त्याला शासकीय वैद्यकीय रुग्णालयात दाखल करण्यात आले आहे.

दरम्यान, काल (6 ऑगस्ट) न्यायालयाने आरोपीला न्यायालयीन कोठडीत पाठवले आहे. दुसऱ्या बाजूला आरोपीच्या ठाण्यातील घराची झडती घेण्यासाठी नागपूर पोलिसांचे एक पथक ठाण्याला रवाना झाले आहे. तर आरोपीच्या दोन्ही मोबाईलचा पासवर्ड मिळवण्यासाठी सायबर तज्ज्ञांची मदत घेतली जात आहे. आरोपी निर्मय पीडित मुली सोबत दिघोरी येथील ज्या भाड्याच्या खोलीत सापडला होता, ती खोली पोलिसांनी तात्पुरती सील केली असून त्या ठिकाणी फॉरेन्सिक तपासणी केली जाणार आहे. पोलिसांना घटनेच्या दिवशी तिथून तीन धारदार चाकू, बेल्ट, गुंगी आणण्याच्या गोळ्या, लैंगिक क्षमता वाढवणाऱ्या औषध, चिटकवणारी टेप , हातमोजे आणि इतर काही धारदार वस्तू सापडल्या होत्या.

इतर महत्वाच्या बातम्या

Mohan Bhagwat On LGBTQ Marriage : समलैंगिक विवाहाला संघाकडून संमती मिळेल का? Gen Z च्या प्रश्नावर मोहन भागवतांचं रोखठोक उत्तर

नाशिक TCS प्रकरण! MIM च्या नगरसेवकाला पोलिसांनी घेतलं ताब्यात, आरोपी निदा खानला मदत केल्याचा ठपका

शुभम बोडके — Thu, 6 Aug 2026 23:58:42 +0530

Nashik TCS Case : नाशिक टीसीएस प्रकरणी महत्वाची अपडेट समोर आली आहे. छत्रपती संभाजी नगर येथील MIM चे नगरसेवक मतीन पटेल याला नाशिक पोलिसांनी ताब्यात घेतलं आहे. न्यायालयाच्या आदेशानुसार अजामीनपात्र वॉरंट काढल्याने मतीन पटेलवर कारवाई करण्यात आली आहे. TCS प्रकरणातील आरोपी निदा खानला मदत केल्याचा ठपका मतीन पटेलवर ठेवण्यात आला आहे.

निदा खानला मदत केल्याचा ठपका

निदा खानला मदत केल्या प्रकरणी मतीन पटेलची SIT कडून तीन वेळा चौकशी करण्यात आली आहे. नाशिक रोड न्यायालयाने NBW वॉरंट काढल्याने मतीन पटेल याला नाशिक पोलिसांनी ताब्यात घेतले आहे. न्यायालयात सुनावणी दरम्यान हजर न राहिल्याने मतीन पटेल विरोधात अजामीनपात्र वॉरंट काढले आहे. नाशिक पोलिसांकडून उद्या दुपारी मतीन पटेल ला न्यायालयात हजर केले जाणार असल्याची माहिती मिळाली आहे. TCS प्रकरणातील निदा खानला आश्रय दिल्याचा मतीनवर आरोप असून त्यांच्या मोबाईल फोन मधील डेटा देखील SIT कडून चौकशी दरम्यान जप्त करण्यात आला आहे.

नाशिक TCS नेमकं काय आहे प्रकरण?

नाशिकमधील टाटा कन्सल्टन्सी सर्व्हिसेस (TCS) बीपीओ युनिटमधील महिला कर्मचाऱ्यांचा लैंगिक छळ, मानसिक व शारीरिक अत्याचार आणि जबरदस्तीने धर्मांतराचा प्रयत्न केल्याचा गंभीर प्रकार मार्च 2026 मध्ये समोर आला. या प्रकरणी गुन्हे दाखल होऊन एसआयटीमार्फत (SIT) तपास झाला असून काही आरोपींना अटक व नंतर जामीन मंजूर झाला आहे. महिला कर्मचाऱ्यांना कामाच्या ठिकाणी त्रास देणे, लैंगिक शोषण करणे आणि धार्मिक भावना दुखावल्याचे आरोप ठेवण्यात आले आहेत. काही संशयितांवर (मुख्य आरोपी निदा खानसह इतरांवर) कर्मचारांना धर्मांतरासाठी प्रवृत्त करण्याचा व दबाव आणल्याचा आरोप आहे. टीसीएसने दोषी कर्मचाऱ्यांना निलंबित केले असून राष्ट्रीय महिला आयोगाने (NCW) कार्यालयात अंतर्गत तक्रार निवारण (POSH) कायद्याची योग्य अंमलबजावणी न झाल्याचा अहवाल दिला आहे. पोलिसांनी गुन्हे नोंदवून तपास केला असून, मुख्य संशयित निदा खान व इतर काही जणांना न्यायालयाने अटी-शर्तींवर जामीन मंजूर केला आहे. कंपनीतील ज्या कर्मचाऱ्यांना अटक करण्यात आली आहे, त्यांचं कंपनीनं निलंबन केलं गेलंय. तसंच, एका निवेदनाद्वारे कंपनीनं स्पष्टीकरण देत तपासात सहकार्य करत असल्याचं सांगितलंय. या प्रकरणी सर्वात पहिला गुन्हा दाखल झाला, त्यावेळी एफआयआरमध्ये पीडित महिलेनं अनेक गंभीर आरोप केले आहेत.

दीड लाखांची लाच स्वीकारताना महाविद्यालयाच्या प्राचार्यांनाच पकडलं, जालन्यात खळबळ, पाच जण ACB च्या जाळ्यात

रवी मुंडे, एबीपी माझा — Thu, 6 Aug 2026 20:40:38 +0530

Jalna bribe Case News : जालना शहरात एक धक्कादायक घटना घडली आहे. जालना शहरात लाचलुचपत प्रतिबंधक विभागाने मोठी कारवाई केली आहे. महात्मा ज्योतिबा फुले समाजकार्य महाविद्यालयातील प्राचार्य, अधीक्षक , लिपीक , शिपाई आणि ग्रंथपाल यांना दीड लाखांची लाच स्वीकारताना रंगेहात पकडण्यात आलं आहे. सेवानिवृत्त प्रबंधकाला कालबद्ध पदोन्नतीचा लाभ आणि भविष्य निर्वाह निधी अर्थात जीपीएफची रक्कम मिळवून देण्यासाठी एक लाख पन्नास हजार रुपयांची लाच स्वीकारताना एसीबीने ही कारवाई केली आहे. दरम्यान, या घटनेमुळं जालना शहरात खळबळ उडाली आहे.

या कारवाईमुळे जालना शहरात एकच खळबळ उडाली

आज तक्रारीची पडताळणी केल्यानंतर एसीबीकडून सापळा रचण्यात आला आणि कॉलेज मध्येच लाचेची रक्कम स्वीकारताच महाविद्यालयाचे प्राचार्य राहुल हिवराळे, अधीक्षक बबन राठोड यांच्या सह पाचही जणांना ताब्यात घेण्यात आले. या कारवाईमुळे जालना शहरात एकच खळबळ उडाली आहे. या प्रकरणी तालुका पोलीस ठाण्यात गुन्हा दाखल करण्यात आला असून पुढील कायदेशीर कारवाई सुरू आहे.

गेल्या 10 दिवसांच्या जालन्यात लाच स्वीकारण्याच्या दोन घटना समोर

गेल्या 10 दिवसापूर्वीच जालना शहरात लाच स्वीकाराताना अधिकाऱ्याला अटक केल्याची घटना घडली होती. त्यानंतर आज पुन्हा एकदा महात्मा ज्योतिबा फुले समाजकार्य महाविद्यालयातील प्राचार्य, अधीक्षक , लिपीक , शिपाई आणि ग्रंथपाल यांना दीड लाखांची लाच स्वीकारताना रंगेहात पकडण्यात आलं आहे. गेल्या 10 दिवसापूर्वी जालना शहरात लाचलुचपत प्रतिबंधक विभागाने मोठी कारवाई केली होती. राज्य कर अर्थात जीएसटी विभागातील महिला अधिकारी आणि एका खासगी कर सल्लागाराला 60 हजार रुपयांची लाच स्वीकारताना रंगेहात पकडल्याची घटना घडली होती. एका इलेक्ट्रॉनिक वस्तू विक्रेता दुकानदाराचे इनपुट टॅक्स क्रेडिट अनब्लॉक करून देण्यासाठी राज्य कर अधिकारी सुवर्णा लोहिया यांनी खासगी कर सल्लागार अक्षय लोढा यांच्या मध्यस्थीने एक लाख रुपयांच्या लाचेची मागणी करण्यात आली होती. तडजोडीनंतर कार्यालयातच अखेर 60 हजार रुपयांची लाच स्वीकारताना जालना एसीबीच्या पथकाने राज्य कर अधिकारी सुवर्णा लोहिया यांनी खासगी कर सल्लागार अक्षय लोढा या दोघांनाही रंगेहात पकडले होते. या प्रकरणी दोन्ही आरोपींना अटक करण्यात आली असून कदीम जालना पोलीस ठाण्यात गुन्हा दाखल करण्यात आला आहे. दरम्यान, 10 दिवसांच्या फरकाने जालना शहरात लाच स्वीकारतानाच्या दोन घटना समोर आल्यानं मोठी खळबळ उडाली आहे.

Cockroach Janta Party: गुजरातवरुन आलेल्या दोन तरुणांचा अभिजीत दिपकेंच्या घराबाहेर थयथयाट, म्हणाले, 'आम्हाला दुसरा अरविंद केजरीवाल नकोय...'

डॉ. कृष्णा केंडे — Thu, 6 Aug 2026 14:07:27 +0530

Chhatrapati Sambhajinagar News : नीट पेपरफुटीच्या (NEET UG Paper Leak) मुद्दयांवरून विद्यार्थ्यांचा एक प्रमुख आवाज म्हणून उदयास आलेली आणि देशव्यापी आंदोलन उभं करणाऱ्या 'कॉकरोच जनता पार्टी'ची (Cockroach Janta Party) काल (बुधवारी 5 ऑगस्ट) छत्रपती संभाजीनगरमध्ये (Chhatrapati Sambhajinagar News) असलेल्या अभिजीत दिपकेंच्या (Abhijeet Dipke) घरी महत्वाची बैठक पार पाडली. दरम्यान 6 तास चाललेल्या या बैठकीत सीजेपीच्या (CJP) पुढील वाटचाली बाबत आणि विस्ताराच्या योजनांबाबत चर्चा झाली. अशातच या संदर्भात सीजेपी आज एक मोठी घोषणा करणार असल्याची माहिती CJP चे प्रवक्ते आशुतोष रंका (Ashutosh Ranka) यांनी दिली. असे असताना कॉकरोच जनता पार्टीचे सहकारी असल्याचा दावा करत गुजरातहुन आलेले 2 आंदोलकांनी अभिजित दिपकेंच्या घराबाहेर आंदोलन सुरु केलं आहे. (CJP Chhatrapati Sambhajinagar News)

CJP Protesters: अभिजित दिपके फक्त स्वतःच्या जवळच्या लोकांना, स्वतःच्या गर्लफ्रेंडला पक्षात मोठी पदं देतोय

मिळलेल्या माहितीनुसार राहुल पांड्या आणि मनीष ब्रह्मभट असे या दोन आंदोलकांचे नाव आहे. ते दिल्लीतील जंतरमंतरचा आंदोलनात सक्रिय असून त्यांनी पहिल्या दिवसापासून आंदोलनात सहभाग घातला. तर या विषयी अधिक बोलताना ते म्हणाले की, कॉकरोच जनता पार्टी या पक्षात लोकशाही नाही. अभिजित दिपके फक्त स्वतःच्या जवळच्या लोकांना, स्वतःच्या गर्लफ्रेंडला आपल्या नातेवाईकांना पक्षात मोठी मोठी पद देतोय. आंदोलनाला आम्ही सुरुवातीपासून होतो. मी सहा तारखेपासून जेव्हा दिपके आला तेव्हापासून आंदोलनात होतो. असं असल्यावर आम्हाला डावलण्यात येत असल्याचा आरोप या दोन आंदोलकांनी केला आहे.

CJP : आम्ही दिपकेचे विरोधक नाही, मात्र जे सध्या चाललं आहे त्याचा निश्चितपणे आम्ही विरोध करतो

दरम्यान पुढे बोलताना आंदोलक तरुण म्हणाला की, मी रात्री एक वाजेपर्यंत भेटण्याचा प्रयत्न केला. मात्र त्याही वेळेस मला भेटले नाही. जर पक्षात लोकशाही नसेल तर मग अर्थ काय? आम्ही धर्मेंद्र प्रधान यांना अकाउंटेबिलिटी विचारतो, आम्हालाही अकाउंटेबिलिटी असली पाहिजे, असं आमचं म्हणणं आहे. आम्ही दिपकेचे विरोधक नाही. मात्र जे सध्या चाललं आहे त्याचा निश्चितपणे आम्ही विरोध करतोय. असेही ते म्हणाले.

इतर महत्वाच्या बातम्या

Cockroach Janta Party : 'कॉकरोच जनता पार्टी' च्या बैठकीत सात तास मंथन, CJP कडून पुढचा मास्टरप्लॅन तयार, आज मोठी घोषणा केली जाणार; आशुतोष रांका यांची माहिती

Beed Jail Walmik Karad: बीड कारागृहात वाल्मिक कराडला आठवड्यातून तीनवेळा फोनकॉलची सुविधा, कँटिनमध्ये 10 हजाराच्या खर्चाची मुभा, कारागृह अधीक्षकांची स्पष्टोक्ती

स्वानंद पाटील — Thu, 6 Aug 2026 11:56:54 +0530

Beed Crime Walmik Karad: संतोष देशमुख हत्या प्रकरणातील (Sarpanch Santosh Deshmukh) आरोपी वाल्मीक कराडला (Walmik Karad) बीडच्या जिल्हा कारागृहात व्हीआयपी ट्रीटमेंट देण्यात येत आहे, असा आरोप करण्यात आला होता. दरम्यान या संदर्भात दिवंगत संतोष देशमुख यांचे बंधू धनंजय देशमुख (Dhananjay Deshmukh) यांनी पुणे कारागृह (Beed Crime) अधीक्षक यांना पत्र व्यवहार केलाय. आरोपी वाल्मीक कराडला व्हिडिओ कॉल, सिम कार्ड बदलणे, सीसीटीव्ही बंद असणे, अशा संदर्भातील प्रकरणावर तक्रारी करण्यात आल्या होत्या. अशातच या गंभीर प्रकरणावर बीड जिल्हा कारागृह अधीक्षकांनी प्रसिद्धी पत्रकार द्वारे खुलासा केला आहे.

Beed Jail Superintendent: धनंजय देशमुख यांचे आरोप; कारागृह अधीक्षकांची स्पष्टोक्ती

'कारागृहातील कुणालाही व्हीआयपी ट्रीटमेंट किंवा नियमांच्या बाहेर सुविधा दिल्या जात नाहीत. बंदींना नियमाप्रमाणे नातेवाईकांशी बोलण्यासाठी, वकिलांना बोलण्यासाठी आठवड्यातून तीन वेळा फोन कॉलची सुविधा आहे. तसेच जिल्हा कारागृहामध्ये कॅन्टीनचे सुविधा असून एका बंदीला 10 हजारापर्यंत खर्च करता येऊ शकतो, असे पत्र जिल्हा कारागृह अधीक्षक यांनी दिली आहे.

मस्साजोगचे सरपंच दिवंगत संतोष देशमुख (Santosh deshmukh) यांच्या हत्येप्रकरणी तुरुंगात असलेल्या आरोपी वाल्मिक कराडचा तुरुंगातही पाहुणचार सुरू असल्याची ओरड सातत्याने होत असते. बीड जिल्हा मध्यवर्ती कारागृहातील पोलिसांकडून त्याचा आणि आरोपींचा बडेजाव केला जातो, त्यांना आवश्यक ती सुविधा पुरवली जात असल्याचा आरोपही दिवंगत संतोष देशमुख यांचे बंधू धनंजय देशमुख यांनी केला आहे. आता, याच आरोपावरुन शरद पवारांच्या राष्ट्रवादीच्या नेत्या तथा खासदार सुप्रिया सुळेंनी (Supriya sule) ट्विट करुन मुख्यमंत्र्यांकडे मागणी केली आहे. त्यामध्ये, आरोपी वाल्मिक कराडची (Walmik Karad) नागपूर कारागृहात रवानगी करावी, असे त्यांनी म्हटलं आहे.

Supriya Sule : सुप्रिया सुळे नेमकं काय म्हणाल्या?

बीडमधील कारागृहात घडत असलेला हा प्रकार न्यायप्रक्रियेचा थेट अपमान असून माझी मुख्यमंत्र्यांना मागणी आहे की, कृपया सदर आरोपीची बीड कारागृहातून नागपूर मध्यवर्ती कारागृहात रवानगी करावी. बीड कारागृहातील सीसीटीव्ही फुटेज, कॉल लॉग आणि भेट नोंदवही जप्त करून वरिष्ठ स्तरावर चौकशी व्हावी. आरोपीला मदत करणाऱ्या संबंधित कारागृह अधिकारी व कर्मचाऱ्यांवर तात्काळ फौजदारी गुन्हे दाखल करावेत. पीडित देशमुख कुटुंबाला न्याय मिळणे याला आमचे प्राधान्य असून आम्ही यासाठी आग्रही आहोत, असेही सुप्रिया सुळे यांनी ट्विटरवरुन म्हटले आहे.

इतर महत्वाच्या बातम्या

Pune Crime: येरवडा जेलबाहेर फटाकेबाजी करत कैदी गुंडाचं बर्थ-डे सेलिब्रेशन; 'हॅपी बर्थडे सुलतान भाई' म्हणत सोशल मीडियावर व्हिडिओ; पोलिसांनी खाकीचा हिसका दाखवला अन्...

Mumbai Crime Vikhroli Parksite: रात्री दोनला अंजू विश्वकर्मा रक्तबंबाळ अवस्थेत थरथरत घराबाहेर आल्या, दहीहंडीचा सराव करणारी पोरं वाचवायला घरात शिरली, पण सूरजने अंधारात धारदार शस्त्र फिरवलं

अजय माने — Thu, 6 Aug 2026 10:55:12 +0530

Mumbai Crime Vikhroli Parksite: मुंबईच्या पूर्व उपनगरातील विक्रोळी पार्कसाईट परिसरात एक धक्कादायक घटना घडली आहे. याठिकाणी असणाऱ्या राहुल नगर (Rahul Nagar) येथे एकाच कुटुंबातील तीन भावांमध्ये वाद होऊन दोन भावांनी एका भावाच्या अख्ख्या कुटुंबावर धारदार शस्त्राने वार (Murder news) केले. यामध्ये दोघांचा मृत्यू झाला आहे. तर दोन जण गंभीर जखमी आहेत. बुधवारी रात्री दोन वाजण्याच्या सुमारास ही घटना घडली. घरात मोठ्या आवाजात गाणी लावण्यावरुन या वादाला सुरुवात झाली. त्यानंतर शा‍ब्दिक बाचाबाचीचे पर्यवसान मारामारीत झाले. राहुल नगरमध्ये घडलेल्या या थरारक घटनेबाबत स्थानिकांनी 'एबीपी माझा'ला अंगावर काटा आणणारी माहिती दिली. (Vikhroli Murder news)

राहुल नगरमध्ये वास्तव्याला असणाऱ्या विश्वकर्मा कुटुंबाच्या घरात ही घटना घडली. प्रत्यक्षदर्शींनी 'एबीपी माझा'ला दिलेल्या माहितीनुसार, रात्री दोन वाजण्याच्या सुमारास मोठा आवाज झाला. विश्वकर्मा यांच्या घरात भांडण सुरु होते. त्यावेळी मयत सुनील विश्वकर्मा (वय 40) यांची पत्नी अंजू विश्वकर्मा रक्ताने माखलेल्या अवस्थेत घराबाहेर आली. ती भीतीने थरथर कापत होती. तिच्या तोंडातूनही शब्द बाहेर फुटत नव्हता. हा सगळा प्रकार बघून राहुल नगरमध्ये दहीहंडीचा सराव करत असलेल्या मुलांना आणि इतर नागरिकांना परिस्थितीचा अंदाज आला. दहीहंडीचा सराव करुन घरी परतणारी काही मुलं सुनील विश्वकर्मा यांना वाचवायला घरात गेली. मात्र, सुरेंद्र विश्वकर्मा आणि सूरज विश्वकर्मा यांनी धारदार शस्त्रांनी या मुलांवरही हल्ला केला. त्यामध्ये महादेव मगर या मुलाच्या हाताला दुखापत झाल्याचे स्थानिकांनी सांगितले.

एका मुलाने दिलेल्या माहितीनुसार, सूरज विश्वकर्मा मर्डर करुन बाहेर आला होता. त्यांनी घरातील लाईट बंद केली होती. तो अंजू विश्वकर्मा यांना शोधायला घराबाहेर आला होता. मुलांनी तिला वाचवलं नसतं तर तिलाही सूरज आणि सुरेंद्र यांनी ठार मारले असते. या सगळ्यानंतरही आम्ही घरात गेलो तेव्हा तिथे अंधार होता. त्या अंधारात आमच्यावर हल्ला झाला. आम्हाला काहीच दिसत नव्हते त्यामुळे आम्ही पळून घराबाहेर आलो. त्यानंतर सूरज आणि सुरेंद्र दोघेही धारदार शस्त्र घेऊन घराबाहेर आले. आमच्यासमोर त्यांनी अंजू विश्वकर्मा यांना मारहाण सुरु केली. त्यांच्यावर चाकूने तीन-चारवेळा वार केले. त्यामुळे अंजू विश्वकर्मा जबर जखमी झाल्या. आम्ही नंतर घरात शिरलो तेव्हा सुनील विश्वकर्मा यांचा मुलगा मरुन पडला होता, असे प्रत्यक्षदर्शींपैकी एकाने सांगितले.

Crime news: राहुल नगरमध्ये नेमकं काय घडलं?

विश्वकर्मा कुटुंबातील चार सख्खे भाऊ एकाच घरात राहत होते. यापैकी दोघेजण घराच्या पोटमाळ्यावर राहत होते. यापैकी सुनील विश्वकर्मा (वय 40) यांनी घरात पहाटे मोठ्या आवाजात गाणी लावली होती. यावरुन त्यांचे दोन भाऊ सुरेंद्र विश्वकर्मा आणि सूरज विश्वकर्मा यांनी सुनील यांना जाब विचारला. यावरुन सुनील विश्वकर्मा आणि दोन भावांची शा‍ब्दिक बाचाबाची झाली. ही बाचाबाची इतकी टोकाला गेली की या सगळ्यांची हाणामारी सुरु झाली. त्यावेळी सुरेंद्र विश्वकर्मा आणि सूरज विश्वकर्मा यांनी सुनील विश्वकर्मा आणि त्यांच्या संपूर्ण कुटुंबावर धारदार शस्त्राने वार केले. यामध्ये सुनील विश्वकर्मा यांचा जागीच मृत्यू झाला. तर त्यांचा 14 वर्षांचा मुलगा श्लोक विश्वकर्मा याला रुग्णालयात नेत असताना वाटेतच त्याने जीव सोडला. सुनील विश्वकर्मा यांची पत्नी अंजू विश्वकर्मा आणि लहान मुलगा विवान विश्वकर्मा हे दोघे या हल्ल्यात गंभीर जखमी झाले असून त्यांच्यावर सध्या राजावाडी रुग्णालयात उपचार सुरु आहेत.

आणखी वाचा

Mumbai Crime Vikhroli Parksite: मुंबईच्या विक्रोळीत तीन भावांमध्ये घरात गाणी लावण्यावरुन वाद, कुटुंबावर धारदार शस्त्राने वार, दोघांचा मृत्यू

Pune Crime: येरवडा जेलबाहेर फटाकेबाजी करत कैदी गुंडाचं बर्थ-डे सेलिब्रेशन; 'हॅपी बर्थडे सुलतान भाई' म्हणत सोशल मीडियावर व्हिडिओ; पोलिसांनी खाकीचा हिसका दाखवला अन्...

शिवानी पांढरे — Thu, 6 Aug 2026 09:58:06 +0530

Pune Crime News : मैत्री हे एक पवित्र नातं आहे. आपण मैत्रीचे अनेक किस्से देखील ऐकत असतो. मात्र याचा मैत्रीचा एक अजब किस्सा पुण्यातून (Pune Crime) समोर आला आहे. यात एका जेलमध्ये कैद असलेल्या आरोपी गुंड मित्राच्या वाढदिवसानिमित्त चक्क जेलबाहेर फटाकेबाजी केल्याचा धक्कादायक प्रकार समोर आला आहे. इतकंच नव्हे तर फटाकेबाजी केल्यानंतर त्याची रिल देखील सोशल मीडियावर व्हायरल केलीय. मात्र ही बाब पोलिसांच्या (Pune Police) लक्षात येताच आरोपी गुंडाचा बर्थ-डे सेलिब्रेशन आणि सोशल मीडियावर हवा करणं या तरुणांना चांगलच महागात पडलं आहे. जेलबाहेर फटाकेबाजी करत त्याचा व्हिडिओ सोशल मीडियावर व्हायरल केल्या प्रकरणी शंकर भालके या तरुणाला पुणे पोलिसांनी अटक केली आहे. (Pune Crime News)

Pune Crime News: 'हॅपी बर्थडे सुलतान भाई' म्हणत येरवडा जेल बाहेर फटाकेबाजी

येरवडा जेलमध्ये कैद असलेला आरोपी सुलतान सय्यद याच्या वाढदिवसानिमित्य जेल परिसरातील संरक्षक भिंतीजवळ शंकर भालके नामक आरोपीने फटाकेबाजी केली. सोबतच या फटाकेबाजीचा व्हिडिओ करून तो सोशल मीडियावर व्हायरल केला. 'हॅपी बर्थडे सुलतान भाई' म्हणत येरवडा जेल बाहेर केलेली फटाकेबाजी पोलिसांच्या निदर्शनास आल्यावर पोलसांनी तात्काळ कारवाई करत शंकर भालके या तरुणाला अटक केली. येरवडा कारागृहात सुलतान सय्यद शिक्षा भोगत आहेत. त्याच्या वाढदिवसाच्या निमित्ताने त्याच्या मित्रांकडून हि फटाकेबाजी केल्याप्रकरणी लक्ष्मीनगर पोलिसांकडून कारवाईचा बडगा उगारण्यात आला आहे. त्यामुळे भाईगिरी करत समाजमाध्यमांवर हवा करणाऱ्यांची पोलसांनी आता चांगलीच हवा काढली आहे.

Pune Police: गुन्हेगारीला प्रोत्साहन, पोलीस विभागाकडून कायदेशीर कारवाई

दरम्यान, या विषयी बोलताना वरिष्ठ पोलीस निरीक्षक उमेश गित्ते म्हणाले की, आरोपीचं उद्दातीत्तकरण आणि समर्थन केलंय. आमच्या सोशल मीडिया टिमने सोशल मीडियावरील व्हायरल व्हिडिओची दखल घेऊन आरोपीचा शोध घेतला. गुन्हेगारीला प्रोत्साहन दिल्या प्रकरणी पोलीस विभागाकडून कायदेशीर कारवाई केली जाणार आहे. लक्ष्मीनगर पोलिसांकडून फटाकेबाजी करणाऱ्याला अटक करण्यात आली असून अधिक तपास सुरु असल्याचे ते म्हणाले.

इतर महत्वाच्या बातम्या

Mumbai Crime Vikhroli Parksite: मुंबईच्या विक्रोळीत तीन भावांमध्ये घरात गाणी लावण्यावरुन वाद, कुटुंबावर धारदार शस्त्राने वार, दोघांचा मृत्यू

प्रशांत बढे, एबीपी माझा — Thu, 6 Aug 2026 07:35:31 +0530

प्राथमिक माहितीनुसार, राहुल नगर येथे वास्तव्याला असणाऱ्या विश्वकर्मा कुटुंबाच्या घरात ही घटना घडली. विश्वकर्मा कुटुंबातील चार सख्खे भाऊ एकाच घरात राहत होते. यापैकी दोघेजण घराच्या पोटमाळ्यावर राहत होते. यापैकी सुनील विश्वकर्मा (वय 40) यांनी घरात पहाटे मोठ्या आवाजात गाणी लावली होती. यावरुन त्यांचे दोन भाऊ सुरेंद्र विश्वकर्मा आणि सूरज विश्वकर्मा यांनी सुनील यांना जाब विचारला. यावरुन सुनील विश्वकर्मा आणि दोन भावांची शा‍ब्दिक बाचाबाची झाली. ही बाचाबाची इतकी टोकाला गेली की या सगळ्यांची हाणामारी सुरु झाली. त्यावेळी सुरेंद्र विश्वकर्मा आणि सूरज विश्वकर्मा यांनी सुनील विश्वकर्मा आणि त्यांच्या संपूर्ण कुटुंबावर धारदार शस्त्राने वार केले. यामध्ये सुनील विश्वकर्मा यांचा जागीच मृत्यू झाला. तर त्यांचा 14 वर्षांचा मुलगा श्लोक विश्वकर्मा याला रुग्णालयात नेत असताना वाटेतच त्याने जीव सोडला. सुनील विश्वकर्मा यांची पत्नी अंजू विश्वकर्मा आणि लहान मुलगा विवान विश्वकर्मा हे दोघे या हल्ल्यात गंभीर जखमी झाले असून त्यांच्यावर सध्या राजावाडी रुग्णालयात उपचार सुरु आहेत. या घटनेमुळे विक्रोळी पार्कसाईट परिसरात एकच खळबळ उडाली आहे.

या प्रकरणी पार्कसाईट पोलिसांनी सुरेंद्र विश्वकर्मा आणि सूरज विश्वकर्मा या दोघांना ताब्यात घेतले असून त्यांची चौकशी सुरू आहे. पोलिसांनी घटनास्थळी सापडलेल्या वस्तू ताब्यात घेऊन फॉरेन्सिक पथकाकडून तपास सुरू केला आहे. या हल्ल्यामागे केवळ गाणी लावण्यावरुन झालेला तात्कालिक वाद कारणीभूत नसून आणखी काहीतरी मोठे कारण असावे, असा पोलिसांचा अंदाज आहे. त्यादृष्टीने पोलिसांकडून पुढील तपास सुरु आहे. ताब्यात घेण्यात आलेल्या सुरेंद्र विश्वकर्मा आणि सूरज विश्वकर्मा यांची कसून चौकशी सुरु आहे. हे दोघे आता पोलीस चौकशीत कोणती नवीन माहिती देणार का, याकडे सगळ्याचे लक्ष लागले आहे.

आणखी वाचा

Thane Crime News: ‘रिंकू कुठे आहे? त्याला आज संपवून टाकतो’; हातात चॉपर घेऊन हॉटेलमध्ये धुडगूस, ठाण्यातील धक्कादायक घटना

Pune Paraded Case : अल्पवयीन आरोपींची गाडीच्या बोनेटला बांधून भररस्त्यात धिंड; पोलीस निरीक्षकाची अखेर तडकाफडकी बदली

शिवानी पांढरे — Wed, 5 Aug 2026 23:16:01 +0530

पुणे : पुण्यातील भारती विद्यापीठ पोलीस ठाण्याच्या हद्दीत हत्या प्रकरणातील अल्पवयीन संशयित आरोपींना पोलीस गाडीच्या बोनेटला बांधून, भररस्त्यात त्यांची धिंड काढल्याप्रकरणी अखेर मोठी कारवाई झाली आहे. या अमानुष प्रकाराला जबाबदार धरत वरिष्ठ पोलीस निरीक्षक मानसिंग पवार (Mansing Pawar) यांची तडकाफडकी बदली करण्यात आली आहे. 'एबीपी माझा'ने 4 ऑगस्ट रोजी हे वृत्त दाखवल्यानंतर राज्य मानवाधिकार आयोगाने (SHRC) या घटनेची अत्यंत गंभीर दखल घेत पुणे पोलीस प्रशासनाला नोटीस बजावली होती.

बातमी आणि नोटिसीनंतर गुरुवारी राज्य मानवाधिकार आयोगाचे पथक थेट भारती विद्यापीठ पोलीस ठाण्यात दाखल झाले. या पथकाने पोलीस उपायुक्त (DCP) आणि इतर संबंधित पोलीस कर्मचाऱ्यांची कसून झाडाझडती घेत संपूर्ण प्रकरणाची चौकशी केली.

Pune Case Background : आरोपींची धिंड

भारती विद्यापीठ पोलीस स्टेशनच्या हद्दीत जुलै महिन्यात एका तरुणाची निर्घृण हत्या करण्यात आली होती. याप्रकरणी पोलिसांनी चार संशयितांना ताब्यात घेतले होते. मात्र, हत्येचा तपास करताना पोलिसांनी कायद्याची पायमल्ली करत तीन ते चार आरोपींना पोलिसांच्या शासकीय गाडीच्या बोनेटवर दोरीने बांधून त्यांची भररस्त्यातून धिंड काढली. एवढेच नाही तर आरोपींना गुडघ्यावर चालायला लावून मारहाण केल्याचे आणि त्यावेळी मृताच्या कुटुंबीयांनी आरोपींना चपलेने मारल्याचे व्हिडीओ समोर आले होते.

Human Rights Commission Notice : 'जंगल राज' असा उल्लेख

या अमानुष घटनेचा व्हिडीओ सोशल मीडियावर प्रचंड व्हायरल झाल्यानंतर तीव्र संताप व्यक्त केला जात होता. मानवाधिकार आयोगाने (State Human Rights Commission Action) पुणे पोलीस आयुक्त अमितेश कुमार (Amitesh Kumar), स्थानिक डीसीपी आणि संबंधित कर्मचाऱ्यांना नोटीस पाठवून खडसावले. 'न्यायालयात आरोप सिद्ध होण्यापूर्वीच संशयितांची अशी उघड्यावर धिंड काढणे हे पूर्णपणे चुकीचे असून, हा एक प्रकारे 'जंगल राज'चाच प्रकार आहे,' असा कडक ठपका मानवाधिकार आयोगाने ठेवला.

Mother Attacks Suspect : मृत तरुणाच्या आईचा आरोपीवर चपलेने हल्ला

या धिंडीदरम्यान पोलीस ठाण्याबाहेर एक वेगळाच नाट्यमय आणि अनपेक्षित प्रकार घडला होता. आरोपींना गाडीच्या बोनेटला बांधून आणले जात असताना, तिथे उपस्थित असलेल्या मृत तरुणाच्या संतप्त आईने आरोपींवर झेप घेत त्यांना चपलेने मारहाण करण्याचा प्रयत्न केला होता. यामुळे परिसरात मोठा गोंधळ उडाला होता, परंतु पोलिसांनी हस्तक्षेप करत परिस्थिती नियंत्रणात आणली होती.

Pune Inspector Transferred : पोलीस निरीक्षकाची बदली

एबीपी माझाच्या ग्राऊंड रिपोर्टिंग आणि मानवाधिकार आयोगाच्या कडक भूमिकेनंतर पुणे पोलीस दलात खळबळ उडाली. दिवसभर चाललेल्या चौकशी आणि झाडाझडतीनंतर पोलीस निरीक्षक मानसिंग पवार यांची तडकाफडकी बदली करण्यात आली असून, या प्रकरणातील इतर दोषी कर्मचाऱ्यांवरही कारवाईची टांगती तलवार आहे.

ही बातमी वाचा:

Pune Police : गाडीच्या बोनेटवर बसवून गुन्हेगारांची धिंड काढणाऱ्या पुणे पोलिसांना झटका, राज्य मानवधिकार आयोगाची नोटीस, आयुक्त अमितेश कुमारही गोत्यात

कोर्टाच्या तारखेला वेळेवर हजर न राहणे भोवले, 2020 चं प्रकरण; मुंबईतील भाजप नगरसेवकास अटक

सचिन गाड — Wed, 5 Aug 2026 21:23:20 +0530

मुंबई : भाजपचे मुंबई (Mumbai) महापालिकेतील नगरसेवक (Nagpursevak) आकाश पुरोहित यांची न्यायालयीन कोठडीत रवानगी करण्यात आलीय. कोर्टाच्या तारखेला वेळेवर हजर न राहिल्याने न्यायालयाने त्यांना दणका दिला आहे. कोर्टाच्या तारखेला न आल्याने सत्र न्यायालयाने त्यांना अजामीनपात्र वॉरंट बजावले होते. तसेच, आकाश पुरोहित यांचा वॉरंट रद्द करण्याचा अर्ज देखील सत्र न्यायालयाने फेटाळल्याने अखेर आज आकाश पुरोहित यांना अटक करण्यात आली. आता, उद्या 6 जुलै रोजी उच्च न्यायालयात (Court) जामीनासाठी ते अर्ज करणार असल्याची माहिती आहे. सन 2020 मध्ये वीजपुरवठ्याच्या मुद्द्यावरुन केलेल्या आंदोलन प्रकरणी ही अटक करण्यात आली आहे.

मुंबईत सन 2020 मध्ये वीजपुरवठ्याच्या मुद्द्यावरुन केलेल्या आंदोलन प्रकरणी नगरसेवक आकाश पुरोहित यांना आज अटक करण्यात आली आहे. आंदोलनादरम्यान बेस्टच्या महाव्यवस्थापकाला बेकायदेशीरपणे डांबून ठेवण्यात आल्याचा तसेच पोलिसांना मारहाण केल्याचा त्यांच्यावर आरोप असून विधानसभा अध्यक्ष राहुल नार्वेकर, मंगल प्रभात लोढा यांच्यासह 20 जणांवर आरोप आहेत. आज तपास अधिकाऱ्याची साक्ष नोंदवले जाणार होती आणि आरोपींची ओळख पटविण्यासाठी त्यांची उपस्थिती आवश्यक आहे. मात्र पुरोहित आणि इतर काही आरोपी हजर नसल्याने सुनावणी तहकूब करावी लागली. कोर्टाने अजामीनपात्र वॉरंट काढताच पुरोहित आणि इतरांनी कोर्टासमोर हजर होत अजामीनपात्र वॉरंट रद्द करण्याची मागणी केली होती. मात्र, न्यायालयाने पुरोहित यांचा अर्ज फेटाळल्याने त्यांना अटक करण्यात आली.

न्यायालयाने कडक शब्दात ताशेरे ओढले

वाहतूक कोंडीत अडकल्यामुळे आणि कोर्टाच्या खाली गर्दी असल्यामुळे वेळेत न पोहोचता आल्याचा युक्तिवाद आरोपीच्या वकिलांनी न्यायालयात केला. याआधी देखील पुरोहित विरोधात अजामीनपात्र वॉरंट बजावण्यात आले होते आणि रद्द करण्यासाठी दोन हजार रुपयांचा दंड देखील ठोठावण्यात आल्याची नोंद घेत न्यायालयाकडून सुनावण्यात आलं. तसेच, आरोपीकडून विलंब करण्याचे डावपेच जाणीवर्वक अवलंबल्याचे सांगत आरोपीची जामिनावर सुटका झाल्यास भविष्यात तो न्यायालयात हजर राहील, अशी कोणतीही शक्यता दिसून येत नसल्याचं निरीक्षण न्यायालयाने नोंदवलं. त्यानुसार, आज आरोपीला अटक करण्यात आली असून उद्या जामीन ठेवला जाणार असल्याची माहिती आहे.

हेही वाचा

मुख्यमंत्र्यांनी 3 वर्षांपूर्वी उद्घाटन केलेला पूल गेला वाहून; ठेकेदारावर गुन्ह्याची मागणी, रोहित पवारांची खोचक टीका