Crime News : हॉटेल रूममध्ये सापडला ब्युटिशियनचा मृतदेह, ती आल्यानंतर एक व्यवसायिक आला अन्...., 40 मिनिटांमध्ये नेमकं काय घडलं?
Crime News : दुपारी २ वाजेच्या सुमारास या घटनेची माहिती पोलिसांना मिळाली. सोनिला शर्मा ही हॉटेल एलएक्समधील रूम नंबर १०१ मध्ये बेशुद्ध अवस्थेत सापडली होती.
Crime News : इंदूर येथील ‘एलएक्स हॉटेल’ (LX Hotel) मधील रूम नंबर १०१ मध्ये एका ब्युटिशियन तरुणीचा संशयास्पद परिस्थितीत मृत्यू झाल्याची धक्कादायक घटना समोर आली आहे. सोनिला शर्मा असे या मृत तरुणीचे नाव असून, ती हॉटेलच्या खोलीत बेशुद्ध अवस्थेत आढळली होती. या घटनेनंतर पोलिसांनी तपासाचा वेग वाढवला असून, घटनेच्या वेळी तिच्यासोबत हॉटेलच्या खोलीत हजर असलेल्या व्यापाऱ्याचा शोध घेतला जात आहे.(Crime News)
Crime News : नेमकी घटना काय?
पोलिसांनी दिलेल्या माहितीनुसार, दुपारी २ वाजेच्या सुमारास या घटनेची माहिती पोलिसांना मिळाली. सोनिला शर्मा ही हॉटेल एलएक्समधील रूम नंबर १०१ मध्ये बेशुद्ध अवस्थेत सापडली होती. तिला तातडीने रुग्णालयात नेण्यात आले, परंतु डॉक्टरांनी तिला तपासून मृत घोषित केले.(Crime News)
Crime News : तपासादरम्यान समोर आलेल्या माहितीनुसार...
सोनिला ही दीपक खंडेलवाल याच्याआधी हॉटेलमध्ये पोहोचली होती. तिच्यानंतर सुमारे एका तासाने दीपक हॉटेलच्या रूम नंबर १०१ मध्ये आला. दीपक खंडेलवाल हा पाईप व्यावसायिक आहे. दीपक या खोलीमध्ये सुमारे ४० मिनिटे थांबला आणि त्यानंतर बाहेर पडला.
बाहेर पडल्यानंतर दीपकनेच हॉटेल कर्मचाऱ्यांना सोनिला आत बेशुद्ध पडल्याची माहिती दिली. त्यानंतर हॉटेल कर्मचाऱ्यांनी तिला तातडीने रुग्णालयात नेण्याची व्यवस्था केली, मात्र उपचारापूर्वीच तिचा मृत्यू झाला होता.
Crime News : प्राथमिक पोस्टमॉर्टम रिपोर्ट आणि पोलिसांचा तपास
सोनिलाचा मृतदेह पोस्टमॉर्टमसाठी पाठवण्यात आला होता. प्राथमिक निष्कर्षानुसार तिचा मृत्यू गळफास लागल्यामुळे झाल्याचा अंदाज पोलिसांनी वर्तवला आहे. मृत्यूचे नेमके कारण आणि परिस्थिती स्पष्ट होण्यासाठी पोलीस आता 'शॉर्ट पोस्टमॉर्टम रिपोर्ट'ची वाट पाहत आहेत. पोलिसांनी अद्याप कोणत्याही अंतिम निष्कर्षावर पोहोचलेले नसून, सर्व अंगांनी तपास सुरू ठेवला आहे.
Crime News : सीसीटीव्ही फुटेज आणि कुटुंबीयांचे जबाब
या तपासात पोलिसांच्या हाती हॉटेलचे सीसीटीव्ही फुटेज लागले आहे. यामध्ये तरुणीला कारमध्ये घालून रुग्णालयात नेले जात असल्याचे दिसत आहे. पोलीस हॉटेलच्या आतील व बाहेरील हालचाली आणि घटनाक्रमाची सत्यता पडताळण्यासाठी या फुटेजची बारकाईने तपासणी करत आहेत. पोलीस सोनिलाच्या कुटुंबीयांचेही जबाब नोंदवत आहेत. पोस्टमॉर्टमची प्रक्रिया पूर्ण झाल्यानंतर तिच्या कुटुंबीयांनी अंतिम संस्कारासाठी मृतदेह राजगड येथे नेला आहे.
Crime News : संशयित दीपक खंडेलवालचा शोध सुरू
हॉटेलच्या रूम नंबर १०१ मध्ये बेशुद्ध पडण्यापूर्वी नक्की काय घडले, हे स्पष्ट होण्यासाठी दीपक खंडेलवालची चौकशी करणे अत्यंत महत्त्वाचे आहे. पोलीस त्याचा कसून शोध घेत आहेत. पोस्टमॉर्टम रिपोर्ट प्राप्त झाल्यानंतर आणि दीपकची चौकशी पूर्ण झाल्यानंतरच या संशयास्पद मृत्यूमागील खरे कारण समोर येईल, असे अधिकाऱ्यांनी सांगितले आहे.
महत्त्वाच्या बातम्या
