Crime Job: बेरोजगार तरुणांना चोरी करण्याचं पद्धतशीर ट्रेनिंग, कंपनीसारखा महिन्याला पगार, गुन्हेगारी टोळीचा कॉर्पोरेट अवतार
Crime News : रेल्वे सुरक्षा दलाने (RPF) एका चोरीच्या गुन्ह्याचा तपास करताना अशाच एका संघटित टोळीचा पर्दाफाश केला आहे.
Nagpur Crime News : शिक्षण घेऊनही वाट्याला येणारी बेरोजगारी, त्यातून आर्थिक अडचण आणि पुढं त्यातून येणारे नैराश्य यामुळे झटपट पैसे कमविण्याचा आणि परिणामी गुन्हेगारीकडे वळत असल्याचे पुन्हा एकदा समोर आले आहे. अशाच एका टोळीचा (Crime News) पर्दाफाश करण्यात पोलिसांना यश आले आहे. मात्र चोरट्यांचा हा नवा पॅर्टन ऐकून पोलिसांनाही काहीसा धक्का बसला आहे. रेल्वे सुरक्षा दलाने (RPF) एका चोरीच्या गुन्ह्याचा तपास करताना अशाच एका संघटित टोळीचा पर्दाफाश केला आहे. विशेष म्हणजे या टोळीचा सूत्रधार बेरोजगार तरुणांना चक्क कॉर्पोरेट क्षेत्राप्रमाणे पगारावर ठेवून चोऱ्या करवून घेत असल्याची धक्कादायक माहिती उघड झाली आहे.
Crime News : चोरी करण्याचं पद्धतशीर ट्रेनिंग, कंपनीसारखा महिन्याला पगार, गुन्हेगारी टोळीचा कॉर्पोरेट अवतार
मिळालेल्या माहितीनुसार, या चोरट्यांच्या टोळीचा मुख्य सूत्रधार वर्षभर बेरोजगार आणि आर्थिक अडचणीत असलेल्या तरुणांना हेरत असतो. त्यांनतर मजबुरीचा गैरफायदा घेत त्यांच्याशी ओळख वाढवून त्यांना 15 ते 25 हजार रुपयांपर्यंत मासिक पगार देण्याचे आमिष दाखवतो. मात्र कामाचे स्वरूप विचाले असता सुरुवातीला सोपे काम असल्याचे सांगून नंतर थेट चोरी करण्यास प्रवृत्त करतो. झटपट पैसे कमावणे आणि त्यासाठी गरज असलेलं पाठबळ कृतीची पूर्ण कल्पना असतांनाही अनेक बेरोजगार तरुण अशा जाळ्यात अडकत आहेत.
Crime News : सुरुवातीला छोट्या चोऱ्यांचे टार्गेट, त्यासाठी खास प्रशिक्षण, 'कामगिरी'नंतर पगार वाढही
या अजब चोरट्यांच्या टोळीचा बाबत अधिक माहिती देताना आरपीएफचे सुरक्षा आयुक्त दीपचंद्र आर्य यांनी सांगितले कि, या कारवाईतील टोळीत कैलाश दास (वय ४२, जि. खगड़िया, बिहार), मिथिलेश शाह (वय २९) आणि किशन निषाद (वय २२ छत्तीसगड) या तिघांच्या मुसक्या बांधल्या. टोळीचा सूत्रधार बिहारमधील खगडिया जिल्ह्यातील असून, सदस्य पेपर वाचण्याचा बहाणा करत चोरी करतात. या सोबतच बेरोजगार तरुणांना पगारावर गुन्हेगारी करण्यासाठी ट्रेनिंग देऊन प्रशिक्षित चोर बनवतात. तर टोळीत नव्याने सामील झालेल्यांना सुरुवातीला छोट्या चोऱ्यांचे टार्गेट दिले जाते. त्यासाठी त्यांना खास प्रशिक्षणही दिले जाते. त्यानंतर हळूहळू मोठ्या चोऱ्यांमध्ये सहभागी करून घेतले जाते. प्रत्येक 'कामगिरी'नंतर पगार वाढवून त्यांना गुन्हेगारीत ओढले जाते.
इतर महत्वाच्या बातम्या
महत्त्वाच्या बातम्या
