Belgaum Crime News : प्रेमी युगुलाने रिक्षात जीवन संपवलं, प्रेमविवाहाला विरोध केल्याने टोकाचं पाऊल
Belgaum Crime News : प्रेमाविवाह करण्यास घरच्यांनी परवानगी दिली नाही म्हणून प्रेमी युगुलाने टोकाचे पाऊल उचलत आपलं आयुष्य संपवलंय.
Belgaum Crime News : बेळगाव जिल्ह्यातील गोकाक तालुक्यातील हिरेंनंदी गावातून एक अतिशय धक्कादायक घटना उजेडात आली आहे. प्रेमाविवाह करण्यास घरच्यांनी परवानगी दिली नाही म्हणून प्रेमी युगुलाने टोकाचे पाऊल उचलत आपलं आयुष्य संपवलंय. यात रिक्षामध्ये या प्रेमी युगुलाने आत्महत्या केल्याची धक्कादायक घटना घडली आहे. ही घटना उजेडात येताच सर्वत्र मोठी खळबळ उडाली आहे. सध्या पोलीस या प्रकरणाचा अधिक तपास करत असून पूढील कारवाई सुरू करण्यात आली आहे. मात्र या घटनेने परिसरात एकच शोककळा पसरली आहे.
अल्पवयीन मुलाने मैत्रिणीला टेरेसवरून ढकलं
दुसरीकडे अशी एक घटना भांडुप पश्चिमच्या महेंद्र स्पेंलडर बिलिंगमध्ये घडली आहे. एकतर्फी प्रेमातून झालेल्या वादातून राग अनावर झाल्याने अल्पवयीन मुलाने मैत्रिणीला टेरेसवरून ढकलल्याची घटना समोर आली आहे. भांडुप पश्चिमच्या महेंद्र स्पेंलडर बिलिंगमधील हा धक्कादायक प्रकार आहे. अल्पवयीन मुलाला परीक्षेत कमी मार्क मिळाले होते. यातून त्याच्या मित्राने त्याला चिडवल्याने राग अनावर झाला होता. अशातच मैत्रिणाने त्याला भेटायला बिल्डिंगच्या टॅरेसवर बोलावले होतं. मुलीने मुलाला डेटिंगसाठी विचारले, मात्र मुलाने नकार दिल्याने दोघांमध्ये वाद झाला. त्यावेळी राग अनावर झालेल्या मुलाने आपल्या मैत्रिणीला इमारतीच्या टेरेसवरून ढकलून तिची हत्या केली. या प्रकरणी भांडुप पोलीस ठाण्यात अल्पवयीन मुला विरोधात कलम 103 (1), 238 बी एन एस 2023 कायद्याअंतर्गत गुन्हा नोंदवून त्याला ताब्यात घेतलं आहे. सध्या या प्रकरणी भांडुप पोलीस अधिक तपास करत आहेत. मात्र या घटनेने सर्वत्र एकच खळबळ उडाली आहे.
ATMमध्ये फ्रॉड करून पैसे काढणाऱ्याला भंडाऱ्यात अटक, डीबी पथकाची कारवाई
पोलीस स्टेशनसमोरचं असलेल्या गांधी चौकातील अर्बन बँकेच्या एटीएम मशीनची खेळछाड करुन एका टोळीनं हजारो रुपयांची रक्कम काढली होती. ही बाब बँक मॅनेजरच्या लक्षात येताचं तिथं लागलेल्या सीसीटीव्ही फुटेज तपासून टोळीतील एकाला भंडारा पोलिसांच्या डीबी पथकानं शहरातील एका लॉजवरून अटक केली. त्याचे अन्य सहकारी सध्या फरार असून पोलीस त्यांचा शोध घेत आहे. हरियाणा येथील मोहम्मद अर्शद (३२) असं अटक केलेल्या आरोपीचं नावं आहे. या टोळीनं भंडारा शहरासह आणखी कुठं कुठं असा एटीएम फ्रॉड केलाय याचा शोध आता भंडारा पोलीस घेत आहे.
इतर महत्वाच्या बातम्या
महत्त्वाच्या बातम्या
