Nashik Crime : बदलापूर स्त्री बीज विक्री प्रकरणात पोलिसांची मोठी कारवाई; नाशिकच्या मालती IVF सेंटरच्या संचालकाला अटक, आंतरराष्ट्रीय रॅकेटचा उलगडा होणार?
Badlapur Uterine Eggs Selling Racket : राज्याला हादरवून सोडणाऱ्या बदलापूर स्त्री बीज विक्री प्रकरणात (Badlapur Uterine Eggs Selling Racket) पोलिसांनी मोठी कारवाई केली आहे.
Badlapur Uterine Eggs Selling Racket नाशिक : राज्याला हादरवून सोडणाऱ्या बदलापूर स्त्री बीज विक्री प्रकरणात (Badlapur Uterine Eggs Selling Racket) पोलिसांनी मोठी कारवाई केली आहे. पोलीस तपासात बदलापूर स्त्री बीज प्रकरणाचे नाशिक (Nashik Crime) कनेक्शन उघडकीस आलं होतं. या प्रकरणी आता नाशिकमधील मालती आयव्हीएफ (IVF) सेंटरचा संचालक डॉ. अमोल पाटीलला बदलापूर पोलिसांनी काल (3 मार्च) रात्री उशिरा अटक केलीय. दरम्यान, आज डॉ. अमोल पाटीलला कल्याण सेशन कोर्टात हजर करण्यात येणार आहे. डॉ. अमोल पाटीलवर सरोगेट मदर एजंट म्हणून काम केल्याचा आरोप आहे. त्यामुळे आज न्यायालयात नेमकं काय निर्णय होतो हे पाहणं आता महत्वाचं ठरणार आहे.
Nashik Crime News : नाशिक महापालिकेने बजावली नोटीस; मालती IVF सेंटरच्या कागदपत्रची होणार तपासणी
दुसरीकडे, बदलापूर स्त्री बीज विक्री प्रकरणाची व्याप्ती वाढत असताना या प्रकरणात आंतरराष्ट्रीय स्त्रीबीज तस्करीचा रॅकेट असल्याचाही पोलिसांना संशय आहे. शिवाय हे रॅकेट बदलापूर येथून चालत असल्याची माहिती पोलिसांना प्राप्त झाल्याची चर्चा आहे. तर आयव्हीएफ सेंटरच्या नावाखाली हा व्यवसाय सुरू असल्याचा आरोप करण्यात आला आहे. त्यामुळे या प्रकरणी संशयित एजेंटचीही चौकशी सुरू आहे. त्यामुळे या प्रकरणाचे अजून काही सूत्रधार समोर येण्याची दाट शक्यता आहे. अशातच अमोल पाटीलला नाशिक महापालिकाने नोटीस बजावली आहे. त्यामुळे आता मालती आयव्हीएफ सेंटरच्या कागदपत्रची तपासणी होणार असल्याची माहिती आहे.
नेमकं प्रकरण काय? (Badlapur Uterine Eggs Selling Racket)
बदलापूरात स्त्री बीजाच्या अवैध विक्रीचं रॅकेट उघड झालं आहे. याप्रकारचं हे भीषण रॅकेट चक्क एका घरातून चालवलं जात होतं. सुलक्षणा गाडेकर या महिलेनं घरामध्ये स्त्री बीज वाढवणारी इंजेक्शन्स बेकायदेशीरपणे साठवून ठेवली होती, असा आरोप आहे. गरजू महिलांना पैशांचं आमिष दाखवून हे इंजेक्शन दिलं जात होतं. त्यानंतर गर्भाशयात स्त्री बीजांची वाढ झाल्यावर संबंधित महिलांना IVF सेंटरमध्ये पाठवलं जात होतं. तिथल्या डॉक्टरांकडून ऑपरेशन थिएटरमध्ये स्त्री बीज काढून त्यांची बेकायदेशीर विक्री केली जात होती, अशी धक्कादायक माहिती समोर आली आहे. बदलापूर उपजिल्हा रुग्णालयाच्या मुख्य वैद्यकीय अधिकारी डॉ. ज्योत्स्ना सावंत यांच्या पथकानं सुलक्षणा गाडेकर यांच्या घरी धाड टाकून हे रॅकेट उघडकीस आणलं. या प्रकरणी गाडेकर यांच्यासह अश्विनी चाबुकस्वार आणि मंजुषा वानखडे यांच्याविरुद्ध गुन्हा दाखल करण्यात आला आहे. हे एक मोठं इंटरनॅशनल रॅकेट असण्याची शक्यता आहे.
इतर महत्वाच्या बातम्या
महत्त्वाच्या बातम्या
